ازاى بتتعامل مع جارك المشاكس؟

[drcobra]

لو جارك انت شايفة مشاكس ومبيعرفس الاصول والزوق العام لو حصل حوار بينكم ازاى بتعاملة؟؟؟
يعنى بتبدأ بالزعيق ولا سياسة لابعد مدى ولا شكوى رسمية ولا معاملة بالمثل؟؟

ولو فية تجارب يا ريت تفضفضوا معانا علشان نستفيد.

[rotanamasoud]

حق الجار ده موجود بره مصر قريبتى قاعده فى اوربا تتفرج على حق الجار زى ما الكتاب بيقول وبالقانون تخيل انك متقدرش تعلى الكاسيت لعلو معين والا بالقانون الشرطه تبقى فى البيت عندك شوف حق عدم الازعاج اللى من ابسط الحقوق
اما فى مصر فحسب المنطقه اللى انت فيها تتدرج المستويات من الحوار حتى البلطجه

[m07amed.]

. . . . . .

[dr/hamza]

حق الجار ..حقوق الجار...الكلمة دى انا سمعتها فين ..وسمعتها امتى ..مش فاكر...ربنا يقويك على ما ابتليت به.

[drcobra]

يعنى المعاملة ازاى ؟

[drcobra]

ياريت نتعلم من بعض
انا فى انتظار ارأكم وخبراتكم...

[ahmed salah90]

موش فاهم حضرتك مشاكس يعني ايه بيتلكك علشان يعمل مشكله و يعلي صوته ولا ايه عموما لو بتاع مشاكل خده براحه مره و اتنين و تلاته الرابعه لو عندك صحه اديله على دماغه و لو موش عندك صحه اشتكيه و اعمل محضر عدم تعرض

[HeMa_LanCeR]

المعاملة بالمثل
الناس مبقتش تعرف الاصول ولا حق الجار
اسأل مجررررررررررررررررررررررررررررب

[S O P H O S]

طبيعي ان المعاملة بالمثل
ولكن بحدود بردوا

[mody112]

ابتدى معاه بالحسنى وشهد عليه بقيت الجيران لو تمادى يبقى تعلى صوتك و تزعق وتعملو قعده وتبقو كلكو عليه لغاية ما يتهد ويحترم نفسه

[amr011111]

قولنا مشاكس فى ايه
ايه المواقف اللى بتحصل

[drcobra]

يعنى مثلا بيركن ميكروباص قدام باب العمارة فى وسط الطريق علشان يمنع حد يعدى وينزل زى النطع يحرك الميكروباص

[drcobra]

اكتشف انة مركب كهرباء شقتة على عدادى وبياخد منى كهرباء بقاله شهريين

[drcobra]

الراجل دة هو صاحب الارض وانا بنيت دوريين واشتريت منة 3 شقق
شقتين فى الارضى وشقة فى التانى وهو هيسكن فى الشقة اللى قدامى

لسة معملش عداد خدمات بالرغم من انة واخد فلوسة كاملة
حافر خزان مياه جنب العمارة ولسة مغطهوش والناس كل شوية ترمى زباله والخزان يتملى وفضيتة مرتيين قبل كدة وهو ولا فى دماغة وانا لو عايز اعمل مشكلة كبيرة هبلغ البيئة يعملوا محضر

[بحار]

هؤللك على حاجه حلوة قوى اكتشفتها الجار بيبقى حريص قوى من الجار اللى مواصفاته كالاتى : كلامه قليل - ميعرفش عنه حاجة ( وظيفته مثلا ) - لو تنك حبتين يبقى كويس قوى - احيانا كشر أو لابس وش خشب ..
اما الكارثة اللى تضيعك وأقوللك مع السلامة اشوف حقك بخير مع الجيران دول لو مواصفاتك كالتالى : على وشك ابتسامه دايما - متواضع - بترمى السلام على جار عدى جنبك قبل كده وطنشك - تتباسط مع الجميع فيسألوك عن شؤنك الخاصة وتجاوب .
أنا مش بقول ان ده الصح ولكن للأسف ده بيجيب نتيجه كويسة مع الناس اليومين دول !!!