مين الصح & ومين الغلط

[midoabdeen]

السلام عليكم ورحمة الله وبركاته

ليه بقت حياتنا كلها نفاق

ياعني الواحد اتربى اني لما ابقي مختلف مع واحد ابقي نثر على رائي باحترام دا حقي

ولما ابقي مش طايق حد اتكلم فى وشه او لو مقدرتش يبقى اسكت فى ضهره ومتكلمش عليه

اتربينا اننا ماينفعش علشان نظهر فى الصوره لازم نيجيي على الناس ونتمسخر بحد

ان لما نحب نظهر اننا كويسين نشتغل ونعمل اللى علينا علشان دا مش نوحش اللى حوالينا علشان نبين اننا كويسين

ان الكويس كويس بافعاله مش بكلامه ولا نفاقه للناس

ليه بقي المجتمع بقي كده

لازم تنافق علشان تعرف تعيش

تبقي لسه عمال تشتم فى حد واول لما يديك ظهره تسب وتلعن فيه

انما لو بقيت محترم الناس تفكر انك مالكش لازمه وهفيه


ليه مابقناش بنحب لبعض الخير

ليه كل واحد لازم يسوء من اللى حواليه علشان يبان انه كويس

ليه بنعمل اسافين فى بعض

ليه كل واحد يبص لمصلحته وبس ويولع الباقى

ليه وصلنا للمرحله دى


بصراحه انا عملت الموضوع دا لانى مبقتش فاهم حاجه

مين الصح ومين الغلط

وانا لما اجي اربي عيالي مستقبلا اعلمهم ايه

اربيهم على الصح اللى مش هيستفادوا بيه فى حاجه ومش هيعرفوا يعيشوا على اساسه

ولا اعلمهم الغلط اللى هيعرفوا يعيشوا بيه مع المجتمع اللى عايشين فيه

مانا هتحاسب عليهم باردوا

[lena jo]

الصح واضح و الخطأ واضح و مش معني انك عايش بين مجرمين انك تبقي زيهم. نفس الشئ مع المنافقين و الافاقين و اللي بيدوا اسافين(هي جت كده ،لم اقصد السجع). انت اعمل الصح بأخلاقك و تعاليم دينك ايا كان مسلم او مسيحي. مفيش دين بيختلف علي الاخلاق.و محدش هيعتبرك هفيه طول ما انت قوي و مصحصح لهم. يعني لا تنافق لكن افضح المنافق. و خليك حريص مع اللي زي ما بتقول بيدوا اسافين لكن لا تفعل مثلهم. و اوعي تفتكر انهم هيكسبوا ان كسبوا مرة فهم في النهاية خسرانين. انت نسيت ان الكون ليه رب بينظموا و لا ايه. اقرأ الاية اللي في توقيعي و فيه غيرها عن العقاب في الدنيا ان ربنا بيمهلهم لغاية ما ياخذهم بغتة. و انت مش هتخسر مادمت ماشي صح مع الله و استعن به و قول اللهم اني اعوذ بك من شرورهم و اجعلك في نحورهم. اللهم اضرب الظالمين بالظالمين و اخرجنا من بينهم سالمين. انت مش محتار في الصح و الغلط لكن ارفان و مستاء. حالك حال كل واحد اتربي صح عايش في مجتمع ماشي غلط. لما تبقي الراقصات هن سيدات المجتمع . الشباب يعرفهم اكثر من د. زويل. هل معني ذلك انك تقبل ترتبط بواحده فيهن مثلا ؟ !!!!! اكيد لا يبقي قيس كل حاجة كده. لو طلعوا قانون ان السرقه مش ممنوعة هتقدر تسرق؟ بلاش . لو امامك سيارة صاحبها بيشتري حاجة و ترك فيها المفتاح هتسرقها ؟ اكيد لا. لان عندك واعز ديني و ضمير.كمان خلي بالك كما تدين تدان. أولادك ان شاء الله تربيهم علي القيم و المبادئ لكن تعرفهم ان المجتمع ماشي غلط. يعني اول حيرة دائما في المدرسة. يضرب اللي يضربه و لا يقول للميس و يسيبه. هو لا يبدأ بالاعتداء علي احد لكن يتعلم كاراتيه و رياضه و يكون قوي و يبعد الاذي عن نفسه دون اذية من امامه بقدر المستطاع. اللهم انصر الحق علي الباطل. اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

[ramymechanics]

والله موضوعك دة بيلعب فى دماغى جدا ... انا دلوقتى بربى اولادى انهم يقولوا حضرتك و آسف و يحترموا الطريق دلوقتى اما يكبروا فى بلد فيها 3.5 مليون طفل شارع غير سواقين التكاتك والميكروباصات هيتعامل معاهم ازاى ؟؟ هقوله خليك وحش مع الوحش و حلو مع الحلو ؟؟ صعب جدا

الحل هو الهجرة صدقنى تهاجر ماليزيا او اى بلد تربى ولادك فيهم و دة اللى انا هعمله ان شاء الله لأن البلد مش بتاعتنا

نفسى تشوف المصريين بيعاملوا بعض ازاى فى دول الخليج وبياكلوا بعض ازاى والهنود اللى بيعبدوا البقر والفيران بيعاملوا بعض ازاى ... استغفر الله العظيم

[Bassem Youssef]

و الله احد الاسباب الرئيسيه للهجره من البلد دي بالنسبه لي هي النفاق اللي بقيت بسمعه ليل نهار

[أبو آسر]

الحل هو الهجرة صدقنى تهاجر ماليزيا او اى بلد تربى ولادك فيهم و دة اللى انا هعمله ان شاء الله لأن البلد مش بتاعتنا

احجزلي تذكرة معاك يا رامي الله يكرمك

[ramymechanics]

احجزلي تذكرة معاك يا رامي الله يكرمك

خش رابع جنب اخوك ورا

على فكرة ماليزيا بتتيح تأشيرة اقامة مقابل مبلغ معين وبتساعدك تدور على شغل وانا الحمد لله ظروف شغلى تساعد على كدة بس اللى حايشنى والدى ووالدتى ربنا يديهم الصحة وواجبى ناحيتهم كولد وحيد

[أبو آسر]

خش رابع جنب اخوك ورا

على فكرة ماليزيا بتتيح تأشيرة اقامة مقابل مبلغ معين وبتساعدك تدور على شغل وانا الحمد لله ظروف شغلى تساعد على كدة بس اللى حايشنى والدى ووالدتى ربنا يديهم الصحة وواجبى ناحيتهم كولد وحيد

ربنا يباركلك فيهم
أما أنا فوالدتي بتقولي امشي يابني من البلد دي :)
بس أنا عندي شوية أوراق لازم أستوفيها الأول وإن شاء الله بمجرد ما أخلصها هخلع وبفكر في ماليزيا جديا وكلامك طمني عن إمكانية الحصول على تأشيرة الإقامة مقابل مبلغ معين

[mohamed_hamdi]

ينفع كده يا ابو اسر تمشي من غير ما تحضر نكسة ٥ يونيو الجاي و تنصيب الكبير في يوم هزيمة عبد الناصر. و بعدين مش اتفقنا ان الامارات احسن و اقرب و اهو نرد جميل المساعدات و اللبس المستعمل بتاعهم.

[أبو آسر]

ينفع كده يا ابو اسر تمشي من غير ما تحضر نكسة ٥ يونيو الجاي و تنصيب الكبير في يوم هزيمة عبد الناصر. و بعدين مش اتفقنا ان الامارات احسن و اقرب و اهو نرد جميل المساعدات و اللبس المستعمل بتاعهم.

للأسف هحضر النكسة مش هقدر أسافر قبلها
بس الإمارات أقرب آه لكن أحسن بأمارة إيه ؟
بلاش نتكلم لحسن نقلب الموضوع سياسي ونبوظ الموضوع على أخونا :)
جااااااااااايلك يا ماااااااااليزيا

[ramymechanics]

دة بيقولك فى ماليزيا -استغفر الله العظيم- بيقفوا طابور يركبوا الاتوبيس والتاكسى .... ماذا نحن فاعلون ؟؟

بالنسبة لموضوع الاقامة دة هسألك واحد حبيبى هو اللى قالى التفاصيل بس مش فاكرها و أرد عليك ان شاء الله

[mohamed_hamdi]

ماليزيا بلد رائع و جميل و مثال حي اكثر احتراما عن تركيا بس لازم تكون رايح مربط مع شركة في مجال تصميمات الانترنت مسبقا . ربنا يدخر الخير للجميع ان شاء الله

[mohamed_hamdi]

ليه يا جماعة ماتفكروش في شركة جماعية في ماليزيا للانشطة الخدمية بين اكثر من شريك منكم و كل واحد يساهم بتخصصه في انجاح الكيان ده و تذكروا أنا ثالث الشريكين مالم يخونا.

[mahmoud_ali]

والنبى متنسوش اخوكم فى حوار ماليزيا ده انا راشق معاكوا

[drcobra]

شوف ياسيدى الفاضل
الحياه اختبارات وتجارب كتيرة جدا

انت اتربيت على حاجات فاخدت خبرة فى الحاجات دى
لما تطلع للحياه وتواجها لوحدك هتلاقى نفسك معندكش خبرة كفاية لاغلب المواقف اللى بتعدى عليك

علشان كدة لازم تعرف انك فى اختبارات وتجارب ولازم تحكم عقلك ودينك الاول طبعا ولازم تعرف اصول التعامل والمنطق والعادات والتقاليد لكل مكان

اعتبر نفسك دايما فى اختبار ومش عيب تسأل عن التعامل فى مواقف كتير
لاحظ ان انا متكلمتش فى نقطة النفاق اللى انت بتتكلم علية لان دة مجرد اختبار
ولسة هتقابل الكداب والحرامى والقاتل والبلطجى واللى متدين ظاهرى فقط واللى بيتاجر بالدين والبخيل وكل دى مواقف لازم تعرف تتعامل معاها

[midoabdeen]

طيب ما حد يعرفنا تفاصيل سفر ماليزيا دا
ايه المطلوب وكام المبلغ اللي هيدفع دا
وايه اكتر التخصصات اللي بيطلبوها