اللى بيعرف فى شرم الشيخ والغردقة محتاج مساعدته

[محمد مجدى]

السلام عليكم لكل اعضاء منتدانا الكرام ؛ انا عندى استفسار وعارف ان محدش هاينفعنى غير ربنا ثم اعضاء المنتدى


ليا ناس معرفة فى شرم الشيخ مش مصريين ؛ عندهم شقة 3 اوض فى منتجع مراقيا فى خليج نبق فى شرم الشيخ ؛ طبعا معندهمش خدمات والجو حر نار عندهم والمية بتقطع كتير ففكروا انهم يمشوا من هناك ؛ فجالهم عرض انهم يبدلوا شقتهم دى بشقة فى منتجع بالما بين الجونة والغردقة بس هاتبقى شقة اوضة وحمام واحد فقط ؛ وده لينك المنتجع بتاع بالما Location

دلوقتى عندى استفسارين ؛ هل فعلا المقايضة دى تنفع وتستحق انهم يسيبوا شقتهم ال 3 اوض فى شرم الشيخ مقابل شقة اوضة واحدة فى المنتجع ده ؟

ثانيا هل حد يعرف منتجع بالما ده ؟ هل كويس والخدمات اللى فيه كويسة

ربنا يكرمك واشكركم على مساعدتى مقدما

[yuong313]

في البداية هل شغلهم متعلق في شرم ولا الغردقة اصلها مش سكن وخلاص المهم يكون شغلهم جنبهم
عايز اقولك ان شرم الشيخ مختلفة تماما عن الغردقة مهما كانت شرم الشيخ والمنطقة اللي فيها افضل كتير من الغردقة لان الغردقة فيها مناطق كتير شعبية ولا تقارن ب شرم علي فكرة المنطقة اللي حضرتك حطتها في الخريطة في الغردقة سيئة جدا وكمان البحر هناك مش كويس الرمل ممزوج بطين وهي خارج البلد مابين الغردقة والجدونة وانتا بتتكلم في 20 كيلو الموضوع مش سهل يعني الاختيار مش موفق

بخصوص الحل ممكن يشتروا مواتير مياه جيدة او يحلوا مشكلة الماية
والخدمات زي الاكل والشرب بتتجاب بالاسبوع من اي سوبر ماركت او سوق هناك وهي متوفرة بكثرة في خليج نعمة او السوق القديم او حتي في اسواق خليج نبق
اما بخصوص الجو النار فجو الغردقة نفس جو شرم الشيخ مش فارق كتير ماعدا الرطوبة في شرم اكتر شوية

[محمد مجدى]

في البداية هل شغلهم متعلق في شرم ولا الغردقة اصلها مش سكن وخلاص المهم يكون شغلهم جنبهم
عايز اقولك ان شرم الشيخ مختلفة تماما عن الغردقة مهما كانت شرم الشيخ والمنطقة اللي فيها افضل كتير من الغردقة لان الغردقة فيها مناطق كتير شعبية ولا تقارن ب شرم علي فكرة المنطقة اللي حضرتك حطتها في الخريطة في الغردقة سيئة جدا وكمان البحر هناك مش كويس الرمل ممزوج بطين وهي خارج البلد مابين الغردقة والجدونة وانتا بتتكلم في 20 كيلو الموضوع مش سهل يعني الاختيار مش موفق

بخصوص الحل ممكن يشتروا مواتير مياه جيدة او يحلوا مشكلة الماية
والخدمات زي الاكل والشرب بتتجاب بالاسبوع من اي سوبر ماركت او سوق هناك وهي متوفرة بكثرة في خليج نعمة او السوق القديم او حتي في اسواق خليج نبق
اما بخصوص الجو النار فجو الغردقة نفس جو شرم الشيخ مش فارق كتير ماعدا الرطوبة في شرم اكتر شوية

الف شكر لرد حضرتك ؛ هو شغلهم بره مصر ؛ هما مش مصريين اصلا ؛ هما عايشين فى شرم الشيخ وبيسافروا يعرضوا شغلهم بره وياخدوا فلوسهم ويرجعوا شرم الشيخ فعلشان كده بيدوروا على مكان افضل من شرم الشيخ لان هناك بيتم استغلالهم لمجرد انهم مش مصريين والخدمات مش حلوة هناك

يعنى حضرتك المكان اللى حطيته على الخريطة ده اللى بين الجونة والغردقة حضرتك عارفه ورحته شخصيا قبل كده وبتقولى انه مش حلو ؟

[drcobra]

فعلا شرم الشيخ حاجة تانية غير الغردقة خالص

[محمد مجدى]

فعلا شرم الشيخ حاجة تانية غير الغردقة خالص

يعنى النصيحة يادكتور انهم بلاش يفكروا يمشوا من شرم الشيخ ؟ هايطلعوا من مصيبة اللى هى شرم وهايروحوا لمصيبة اكبر اللى هى المكان اللى بين الغردقة والجونة ؟

[yuong313]

الف شكر لرد حضرتك ؛ هو شغلهم بره مصر ؛ هما مش مصريين اصلا ؛ هما عايشين فى شرم الشيخ وبيسافروا يعرضوا شغلهم بره وياخدوا فلوسهم ويرجعوا شرم الشيخ فعلشان كده بيدوروا على مكان افضل من شرم الشيخ لان هناك بيتم استغلالهم لمجرد انهم مش مصريين والخدمات مش حلوة هناك

يعنى حضرتك المكان اللى حطيته على الخريطة ده اللى بين الجونة والغردقة حضرتك عارفه ورحته شخصيا قبل كده وبتقولى انه مش حلو ؟

معلش سؤال هما لازم يكونوا في شرم الشيخ او الغردقة بس
طيب ماممكن يسكنوا في التجمع الخامس منطقة جميلة والافضل في مصر الان طالما شغلهم مش مرتبط بمكان داخل مصر
وليه مايشفوش سكن تاني داخل شرم الشيخ مثلا
بالنسبة للمكان في الغردقة المكان اللي بين الغردقة المدينة والجونة سيئة جدا ومفيهاش خدمات ومنطقة شعبية والماية هناك مش كويسة

[mohabelnegm]

مراقيا سمعتها وحشة فى الخدمات بألأضافه لأنها بعيدة..(فى أخر نبق )و ناس قليلة ساكنة فيها. بس مستقبليا ممكن تبقى كويسة لأن مش بعيد عنها بيتبنى الجولف و بورتو شرم و مشاريع تانيه كتير. لو قدروا يبيعوها ولو حتى بسعر أقل شوية من سعرها السوقى و ياخدوا حاجة تانية فى شرم برضه , شرم فيها كومبوندات تانيه كتير كويسة و كده هايكون أفضل كتير من موضوع الغردقة.

[محمد مجدى]

معلش سؤال هما لازم يكونوا في شرم الشيخ او الغردقة بس
طيب ماممكن يسكنوا في التجمع الخامس منطقة جميلة والافضل في مصر الان طالما شغلهم مش مرتبط بمكان داخل مصر
وليه مايشفوش سكن تاني داخل شرم الشيخ مثلا
بالنسبة للمكان في الغردقة المكان اللي بين الغردقة المدينة والجونة سيئة جدا ومفيهاش خدمات ومنطقة شعبية والماية هناك مش كويسة

المشكلة انهم علشان مش مصريين فلما جم اشتروا الشقة بتاعة شرم الشيخ اتضحك عليهم ودفعوا مبلغ مالى كبير واكبر من سعرها الحقيقى ؛ وبالتالى هما بيحاولوا يعملوا مقايضة ؛ ومالهمش ترف الاختيار للمكان اللى هاينقولوا له

[محمد مجدى]

مراقيا سمعتها وحشة فى الخدمات بألأضافه لأنها بعيدة..(فى أخر نبق )و ناس قليلة ساكنة فيها. بس مستقبليا ممكن تبقى كويسة لأن مش بعيد عنها بيتبنى الجولف و بورتو شرم و مشاريع تانيه كتير. لو قدروا يبيعوها ولو حتى بسعر أقل شوية من سعرها السوقى و ياخدوا حاجة تانية فى شرم برضه , شرم فيها كومبوندات تانيه كتير كويسة و كده هايكون أفضل كتير من موضوع الغردقة.

هما فعلا بيعانوا خصوصا من مشاكل زى المياه وعدم انتظامها وانهم بعيد عن المدينة بمدة طويلة

طيب عايز اسأل حضرتك ايه هى الكومبوندات التانية الافضل اللى حضرتك بتتكلم عنها ؟ ومكانها فين فى شرم الشيخ

[mohabelnegm]

هما فعلا بيعانوا خصوصا من مشاكل زى المياه وعدم انتظامها وانهم بعيد عن المدينة بمدة طويلة

طيب عايز اسأل حضرتك ايه هى الكومبوندات التانية الافضل اللى حضرتك بتتكلم عنها ؟ ومكانها فين فى شرم الشيخ

على سبيل المثال و ليس الحصر, صنى لاكس و ده على بعد 2 كم من خليج نعمة و مفضل للأجانب فى الشراء و ألأيجار ممكن بس عيبه أن فلوس الخدمات فيه عاليه شوية( بتصل ل 400جنيه شهريا) و بتتدفع بشكل سنوى. و برض ممكن يفكروا فى "سانتيرا" و ده من خليج نعمة حوالى 2 كم برضه بس فى اتجاه السوق القديم و على بوابة سانتيرا فتح كارفور مؤخرا من حوالى شهرين. بصفة عامة...فيه أختيارات كتير...ده لو حتى أشتروا شقة فى شارع البحر على الهضبة هايكون مش وحش لأن مفيش فلوس خدمات غير حوالى 100 جنية عن الشقة شهريا و كهرباء حكومة عادية و المنطقة دخلها غاز طبيعى و الهضبة فيها اهتمام كبير جدا و هيا المكان الوحيد فى شرم اللى بدأ ظهور العماويد اللى بتشتغل بالطاقة الشمسية...المهم بقى اللى ناوى يشترى مايروحش لمكاتب العقارات و الوسطاء لأن السعر بيكون الدوبل خصوصا لو فى حالة ألأجانب...ألأفضل لو ربنا يكرمهم بحد أجنبى بيبيع و ده بيتعرف عن طريق دايرة المعارف لأن البلد صغيرة و كل حاجة فيها بيكون سهل الوصول ليها عن طريق دوائر المعارف.

[محمد مجدى]

على سبيل المثال و ليس الحصر, صنى لاكس و ده على بعد 2 كم من خليج نعمة و مفضل للأجانب فى الشراء و ألأيجار ممكن بس عيبه أن فلوس الخدمات فيه عاليه شوية( بتصل ل 400جنيه شهريا) و بتتدفع بشكل سنوى. و برض ممكن يفكروا فى "سانتيرا" و ده من خليج نعمة حوالى 2 كم برضه بس فى اتجاه السوق القديم و على بوابة سانتيرا فتح كارفور مؤخرا من حوالى شهرين. بصفة عامة...فيه أختيارات كتير...ده لو حتى أشتروا شقة فى شارع البحر على الهضبة هايكون مش وحش لأن مفيش فلوس خدمات غير حوالى 100 جنية عن الشقة شهريا و كهرباء حكومة عادية و المنطقة دخلها غاز طبيعى و الهضبة فيها اهتمام كبير جدا و هيا المكان الوحيد فى شرم اللى بدأ ظهور العماويد اللى بتشتغل بالطاقة الشمسية...المهم بقى اللى ناوى يشترى مايروحش لمكاتب العقارات و الوسطاء لأن السعر بيكون الدوبل خصوصا لو فى حالة ألأجانب...ألأفضل لو ربنا يكرمهم بحد أجنبى بيبيع و ده بيتعرف عن طريق دايرة المعارف لأن البلد صغيرة و كل حاجة فيها بيكون سهل الوصول ليها عن طريق دوائر المعارف.

الف شكر لحضرتك ؛ تقريبا الحل الوحيد هو البيع عن طريق اعلان فى جريدة الوسيط اللى بتنزل فى الدول الخليجية وربنا يكرم ويوفق ان شاء الله

[misry]

تصدقوا أول مرة اعرف ان في ناس عايشة عادي في شرم الشيخ ..؟!

أنا كنت فاكرها سياحة بس :)

[محمد مجدى]

تصدقوا أول مرة اعرف ان في ناس عايشة عادي في شرم الشيخ ..؟!

أنا كنت فاكرها سياحة بس :)

فيه ياباشا ؛ ومش مصريين كمان ؛ امريكان وانجليز و من المجر ؛ وفيه منهم بيشتغل هناك وفيه بيعمل شغله بره مصر وبيرجع على شرم فى شقته

[drcobra]

يعنى النصيحة يادكتور انهم بلاش يفكروا يمشوا من شرم الشيخ ؟ هايطلعوا من مصيبة اللى هى شرم وهايروحوا لمصيبة اكبر اللى هى المكان اللى بين الغردقة والجونة ؟

شرم الشيخ 100 % سياحة
الغردقة بلد وفيها سياحة يعنى مش هتحب الغردقة كبلد ولا سياحة مقارنة بشرم الشيخ

[midnightman_74]

على سبيل المثال و ليس الحصر, صنى لاكس و ده على بعد 2 كم من خليج نعمة و مفضل للأجانب فى الشراء و ألأيجار ممكن بس عيبه أن فلوس الخدمات فيه عاليه شوية( بتصل ل 400جنيه شهريا) و بتتدفع بشكل سنوى. و برض ممكن يفكروا فى "سانتيرا" و ده من خليج نعمة حوالى 2 كم برضه بس فى اتجاه السوق القديم و على بوابة سانتيرا فتح كارفور مؤخرا من حوالى شهرين. بصفة عامة...فيه أختيارات كتير...ده لو حتى أشتروا شقة فى شارع البحر على الهضبة هايكون مش وحش لأن مفيش فلوس خدمات غير حوالى 100 جنية عن الشقة شهريا و كهرباء حكومة عادية و المنطقة دخلها غاز طبيعى و الهضبة فيها اهتمام كبير جدا و هيا المكان الوحيد فى شرم اللى بدأ ظهور العماويد اللى بتشتغل بالطاقة الشمسية...المهم بقى اللى ناوى يشترى مايروحش لمكاتب العقارات و الوسطاء لأن السعر بيكون الدوبل خصوصا لو فى حالة ألأجانب...ألأفضل لو ربنا يكرمهم بحد أجنبى بيبيع و ده بيتعرف عن طريق دايرة المعارف لأن البلد صغيرة و كل حاجة فيها بيكون سهل الوصول ليها عن طريق دوائر المعارف.

اسعار الحاجات دى اية ؟؟