حياتي بعد وفاه امي

[AboELsoud]

السلام عليكم و رحمه الله و بركاته

الحقيقه انا اول مره اتكلم في الموضوع ده مع حد سواء على النت او مع صديق او قريب

الموضوع بكل بساطه انه امي توفت من 5 سنين و 4 شهور حتى كتابه هذا الموضوع

و الموضوع ده لسه مأثر فيا لحد دلوقتي زي ماتكون اتوفت امبارح مش من 5 سنين

و الصراحه امي بالنسبه لي مكنتش كل حاجه في حياتي / لا دي هيه كانت حياتي كلها

انا من و انا صغير كنت الطفل اللي بيقولوا عليه ( ابن امه ) و مبحبش اروح في مكان من غيرها

و وصلت لاني لما كنت اجي من المدرسه مطلعش البيت الا لما هيه تيجي من الشغل ( مع ان اخويا بيبقى فوق في البيت )

و الحمد لله لما كبرت عقلت و بقيت بخرج مع صحابي و كتير بس برضه بالنسبه لي كانت اهم حاجه في حياتي

اي حاجه كنت بفكر فيها او عايز اعملها كان لازم رأيها و رضاها عن الموضوع

و امي كانت من النوع الطيب جداا جداا و عمرها ما زعلت مني ابدا الا لما مكنتش بصلي لحد اما الحمد لله بقيت منتظم في الصلاه

و في يوم من الايام اكتشفنا ان عندها Breast Cancer و قعدت تتعالج منه لمده 4 سنين

و فاتوا الـ4 سنين بالعافيه و كانوا اصعب 4 سنين في حياتي و انا شايفها في المستشفى و تعبانه اغلب الوقت

و شاء الله انه بعد الـ4 سنين ( كنت في تانيه كليه ساعتها ) انها ترتاح من الدنيا و تطلع روحها الى بارئها و هيه ( سبحان الله ) مبتسمه

اقسم بالله اكتر شئ هون عليا رؤيتها اخر مره قبل الكفن رؤيه وجهها و هيه مبتسمه ( دلاله على حسن الخاتمه ) ( اللهم ارزقنا حسن الخاتمه )

بس من ساعتها و انا حاسس اني مش عايش الحياه اصلا

و حاسس ان الحياه ملهاش طعم ولا ليها لازمه

و الواحد مبقاش عنده هدف يسعى له و حتى لو عنده هاسعى له عشان مين

و لو جه موقف مفرح بفرح جدا ساعتها بس اول ما اقعد مع نفسي بفتكر انه كان هيبقى احلى لو هيه موجوده معايا

يمكن لما الوحد ينشغل في الحياه شويه ( في الدراسه من سنه - و دلوقتي في الشغل ) بينسى

بس بمجرد ما يقعد مع نفسه يفكر شويه ولا يشوف موقف وفاه لاي حد من المقربين يرجع يفتكر تاني و يتعب تاني و يحس ان الحياه ملهاش لازمه تاني

انا عارف انه الحل انك ترضى بقضاء الله و قدره و انا الحمد لله راضي لابعد حد و بحمد ربنا كمان انه الهمني الصبر بعد الوفاه و كنت متماسك الى درجه بعيده ( عائلتي كانوا خايفين عليا من الخبر اكتر ما كانوا خايفين على اختي الصغيره من شده تعلقي بامي )

بس انا الصراحه كنت حابب افضفض بحاجه يمكن عمر ماحد سمعها مني قبل كده

عشان بحس ان المنتدى ماهو الا اخواتي الكبار و الصغيرين

اللهم اغفر لامي و ارحمها و اعفو عنها و اجعل قبرها روضه من رياض الجنه

[أحمد عبدالله]

اسال الله ان يرحمها

[lemo147]

ربنا يرحمها يارب ويجازيها خير عنك
حاول تطلع عنها صدقة وادعيلها كتير
ربنا يرحم الجميع يارب

[canner]

اخى العزيز انا حاسس بيك جدا علشان انا فى نفس موقفك والدتى توفت من 10 شهور تقريبا و من ساعتها مش حاسس بطعم الدنيا و حاسس شعور اللى بيبقى صايم و بيضيع الوقت لحد ما المغرب ما يدن علشان يفطر انا حاسس انى عاوز اضيع اللى فاضل من عمرى و يجرى بسرعة علشان اشوفها تانى و انا برضه كنت لما بعمل حاجة حلوة كنت بعملها علشانها و لما بنجح كنت برضه علشالنها دلوقتى اللى مصبرنى ان افكر ان ربنا اللى حرمنى منها فى الدنيا ح يجمعنا ان شاء الله فى الاخرة و دايما بدعلها ليل نهار بالدعاء ده يارب اعفو عن امى و فرحها و ارحمها و سكنها فى الفردوس الاعلى

شعور صعب جدا ان فى الدنيا الصعبة دى اللى كان بيهون عليك الحياة و اللى عايش علشانه يروح منك و تواجه الدنيا لوحدك و المواقف اللى كانت تعدى عليك و تستنى لما تاخد رأيها اصبحت مرة واحدة انك مطالب انك تاخد القرار لوحدك

لكنى دايما لما تصعب عليا الدنيا اتذكر قول سيدنا سعيد بن عامر لزوجته
"لقد كان لي أصحاب سبقوني الى الله... وما أحب أن أنحرف عن طريقهم ولو كانت لي الدنيا بما فيها"

فى يوم من الايام ح نتقابل مع من نحب و لن نخشى موت او مرض او حزن

اخى العزيز اعرف ان الكلمات اللى فى الدنيا لن تهون عليك ما تحس به و لن يشعر بك احدا الا من ذاق نفس مرارة الكأس و انا كل يوم قبل ما انا اقول لربنا يا رب لقد استودعت عندك امى امانة

ما تخفشى فالدنيا دى ح تعدى بسرعة و مافيش اسرع من الايام و بعدها سنجتمع مع من نحب ان شاء الله بس المهم ح تعدى الايام ازاى؟ لازم نعمل اللى يرضى ربنا علشان يتحقق لنا اللى بنحلم بيه

[marsguy]

الله يرحمها ويحسن إليها ويلحقق بيها على خير في الفردوس الأعلى

[friendship7897]

موضوعك خلاني أعيط ودا بسبب التالي :-
أولاً : أندمجت جداً وتأثرت مع قصتك وإرتباطك بوالدتك
ثانياً : فكرتني بجدتي يرحمها الله كانت بمثابة الأم لي
ثالثاً : كلي أسف أن وصفك لنفسك ذكرني بطريقة إرتباط أبني بي وتعلقه بي ، ودائماً أخشى المرض والموت بسببه ، لأنه عاطفي جداً وكل كلماته وأفعاله تؤكد أنه ممكن يكون زيك لو فقد عزيز عليه .

ربنا يصبرك وعايزة أقول لك وأقول لكل من فقد أمه أنت قدامك كتير علشان تقدمه لوالدتك ( ربنا يرحمها ) قال رسول الله صلى الله عليه وسلم : "إذا مات العبد انقطع عمله إلا من ثلاث: صدقة جارية، أو علم ينتفع به، أو ولد صالح يدعو له"
سأل رجل النبي صلى الله عليه وسلم وقال : يا رسول الله هل بقي عليّ من بر أبوي شيء أبرهما به بعد موتهما ؟ قال : أجل ، خصال أربع ، الصلاة عليهما- يعني الدعاء لهما-، والاستغفار لهما ، وإنفاذ عهدهما ، وإكرام صديقهما ، فهذا الذي بقي عليك من برهما بعد موتهما
وأقول كمان لكل من له أم ما زالت حية ترزق ، فأذكرك أن تقبل قدميها وتكون محسناً " وبالوالدين إحساناً "
ولا تغفل لحظة عن إرضاءها قبل أن يأتي يوم تعجز فيه أن تقدم لها شئياً
ربنا يرحم والدتك وموتانا وموتى المسلمين يا رب العالمين

[friendship7897]

اخى العزيز انا حاسس بيك جدا علشان انا فى نفس موقفك والدتى توفت من 10 شهور تقريبا

أسأل الله العظيم ان يغفر لوالدتكم ويدخلهما الجنة بغير حساب فهو ولينا والقادر على كل شئ


أسأل الله ان يترقوا في الجنة الى منزلة الانبياء والشهداء


اللهم اجعل قبرهما روضة من رياض الجنة وجعل ذكر الله مؤنسا لهما


اللهم انك وعدت ووعدك حق نعم الجزاء للصابرين فأرزقهما اجر الصابرين


اللهم ابدلهما بدار خير من دارهما واهلا خير من اهلهما


اللهم احشرهما مع اصحاب اليمين وآنسهما في وحشتهما وآمنهما من الفزع يوم القيامة

اللهم ارحم جميع موتى المسلمين واغفر لميتنا وحينا وصغيرنا وكبيرنا

[rotanamasoud]

ربنا يرحمها
فكرتنى بمقوله من مقولات هتلر
يظل الرجل طفلا حتى تموت امه فيشيب فجئه

[gade2]

ربنا يرحمها
فكرتنى بمقوله من مقولات هتلر
يظل الرجل طفلا حتى تموت امه فيشيب فجئه

الله على المقوله دى

[rotanamasoud]

الله على المقوله دى

اتفضل يا باشا النص الاصلى

[AboELsoud]

اخى العزيز انا حاسس بيك جدا علشان انا فى نفس موقفك والدتى توفت من 10 شهور تقريبا و من ساعتها مش حاسس بطعم الدنيا و حاسس شعور اللى بيبقى صايم و بيضيع الوقت لحد ما المغرب ما يدن علشان يفطر انا حاسس انى عاوز اضيع اللى فاضل من عمرى و يجرى بسرعة علشان اشوفها تانى و انا برضه كنت لما بعمل حاجة حلوة كنت بعملها علشانها و لما بنجح كنت برضه علشالنها دلوقتى اللى مصبرنى ان افكر ان ربنا اللى حرمنى منها فى الدنيا ح يجمعنا ان شاء الله فى الاخرة و دايما بدعلها ليل نهار بالدعاء ده يارب اعفو عن امى و فرحها و ارحمها و سكنها فى الفردوس الاعلى

شعور صعب جدا ان فى الدنيا الصعبة دى اللى كان بيهون عليك الحياة و اللى عايش علشانه يروح منك و تواجه الدنيا لوحدك و المواقف اللى كانت تعدى عليك و تستنى لما تاخد رأيها اصبحت مرة واحدة انك مطالب انك تاخد القرار لوحدك

لكنى دايما لما تصعب عليا الدنيا اتذكر قول سيدنا سعيد بن عامر لزوجته
"لقد كان لي أصحاب سبقوني الى الله... وما أحب أن أنحرف عن طريقهم ولو كانت لي الدنيا بما فيها"

فى يوم من الايام ح نتقابل مع من نحب و لن نخشى موت او مرض او حزن

اخى العزيز اعرف ان الكلمات اللى فى الدنيا لن تهون عليك ما تحس به و لن يشعر بك احدا الا من ذاق نفس مرارة الكأس و انا كل يوم قبل ما انا اقول لربنا يا رب لقد استودعت عندك امى امانة

ما تخفشى فالدنيا دى ح تعدى بسرعة و مافيش اسرع من الايام و بعدها سنجتمع مع من نحب ان شاء الله بس المهم ح تعدى الايام ازاى؟ لازم نعمل اللى يرضى ربنا علشان يتحقق لنا اللى بنحلم بيه

الحمد لله على كل شئ

فعلا ده اللي بفكر فيه على طول انه هييجي يوم و هنتقابل تاني

فالواحد لازم يعمل حسابه كويس قوي لليوم ده

انا حابب اشكرك على الكلام الجميل ده بجد

اسأل الله العلي العظيم ان يغفر لاموات امهات المسلمين و يعفو عنهم و يرحمهم

[AboELsoud]

موضوعك خلاني أعيط ودا بسبب التالي :-
أولاً : أندمجت جداً وتأثرت مع قصتك وإرتباطك بوالدتك
ثانياً : فكرتني بجدتي يرحمها الله كانت بمثابة الأم لي
ثالثاً : كلي أسف أن وصفك لنفسك ذكرني بطريقة إرتباط أبني بي وتعلقه بي ، ودائماً أخشى المرض والموت بسببه ، لأنه عاطفي جداً وكل كلماته وأفعاله تؤكد أنه ممكن يكون زيك لو فقد عزيز عليه .

ربنا يصبرك وعايزة أقول لك وأقول لكل من فقد أمه أنت قدامك كتير علشان تقدمه لوالدتك ( ربنا يرحمها ) قال رسول الله صلى الله عليه وسلم : "إذا مات العبد انقطع عمله إلا من ثلاث: صدقة جارية، أو علم ينتفع به، أو ولد صالح يدعو له"
سأل رجل النبي صلى الله عليه وسلم وقال : يا رسول الله هل بقي عليّ من بر أبوي شيء أبرهما به بعد موتهما ؟ قال : أجل ، خصال أربع ، الصلاة عليهما- يعني الدعاء لهما-، والاستغفار لهما ، وإنفاذ عهدهما ، وإكرام صديقهما ، فهذا الذي بقي عليك من برهما بعد موتهما
وأقول كمان لكل من له أم ما زالت حية ترزق ، فأذكرك أن تقبل قدميها وتكون محسناً " وبالوالدين إحساناً "
ولا تغفل لحظة عن إرضاءها قبل أن يأتي يوم تعجز فيه أن تقدم لها شئياً
ربنا يرحم والدتك وموتانا وموتى المسلمين يا رب العالمين

اللهم امين

الحمد لله من ساعت ما توفت و انا بادعي لها في كل صلاه

و انا برضه عارف اني مش هوفي حقها مهما دعيت

و ان شاء الله بأذن الله ربنا يخليكي لابنك لحد اما تشوفي اولاد اولاده كمان

و نفسي فعلا اللي والدته عايشه و بيشوفها قدامه يعرف قد ايه انه في نعمه لا يتخيلها وجب الشكر عليها ليل نهار

و انا اسف لو خليتك تفتكري ذكريات صعبه ( بس احنا فاكرنهم على طول من غير اي حاجه )

و ربنا يغفر لجدتك و يعفو عنها و يرحمها برحمته الواسعه

[AboELsoud]

اسال الله ان يرحمها

ربنا يرحمها يارب ويجازيها خير عنك
حاول تطلع عنها صدقة وادعيلها كتير
ربنا يرحم الجميع يارب

الله يرحمها ويحسن إليها ويلحقق بيها على خير في الفردوس الأعلى

أسأل الله العظيم ان يغفر لوالدتكم ويدخلهما الجنة بغير حساب فهو ولينا والقادر على كل شئ


أسأل الله ان يترقوا في الجنة الى منزلة الانبياء والشهداء


اللهم اجعل قبرهما روضة من رياض الجنة وجعل ذكر الله مؤنسا لهما


اللهم انك وعدت ووعدك حق نعم الجزاء للصابرين فأرزقهما اجر الصابرين


اللهم ابدلهما بدار خير من دارهما واهلا خير من اهلهما


اللهم احشرهما مع اصحاب اليمين وآنسهما في وحشتهما وآمنهما من الفزع يوم القيامة

اللهم ارحم جميع موتى المسلمين واغفر لميتنا وحينا وصغيرنا وكبيرنا

ربنا يرحمها
فكرتنى بمقوله من مقولات هتلر
يظل الرجل طفلا حتى تموت امه فيشيب فجئه

اللهم امين

[ابوحبيبة2010]

امى ثم ابى

الحياة صعبة من غيرهم

ولا زوجة ولا ابن تعوض الام والأب

[KemozTanta]

ربنا يصبرك و أدعي لها دا اللي ينفعها دلوقتي و متستسلمش لإحزانك انت وراك رسالة وبيت اسرة لازم تبينهم لسه .. ربنا أولي بعباده و ارحم عليها منك رغم حبك الكبير لها..