ياريت رأيكم فى ماكينة حلاقة الذقن باناسونيك es-sl41

[bob_2005]

السلام عليكم

ياريت يا شباب رأيكم فى المكنة دى Panasonic ES-SL41 للى جربها

ودي صورتها



لآنى من فترة طويلة جداً وانا بعانى من التهابات و حساسية من الموس بتسببلي دايما حبوب و التهابات واحمرار فى منطقة الرقبة بالذات وجربت كتير اروح لدكاترة جلدية و جربت كريمات ومضادات حيوية كتير لآلتهاب جريبات الشعر بلا جدوي ومفيش كريم واحد قدر يحل المشكلة بنسبة 100% كلها كانت بنسبة 40-50% مش اكتر وانا مش هعيش طول عمري ادهن ف كريمات ومضادات حيوية بعد كل حلاقة :(

وانا اخترتها وفضلتها عن الفيلبس ونظام الأمواس الدوارة لآنى شايف ان دى اسهل كتير فى تحديد السوالف و عمل دوجلاس لو حبيت لآن تصميمها شبيه بالموس العادى .

وسؤالي هو للناس الى بتعانى من نفس الآلتهابات هى ماكينة زي دي هاتحللي مشكلة الآلتهابات ولا ممكن ترجع تانى بما انها مخصصة للتنعيم فقط وهاتنعم دقني زي الموس ؟ لآني مش عاوز ماكينة Trimmer انا عاوز Shaver بتحلق زي الموس وبتنعم .
وهل هاتنفع مع الدقن التقيلة الكثيفة زى حالاتي :) ؟؟
وامتى هحتاج اغير امواسها وهل ليها قطع غيار فى مصر ولا لا مع العلم انها جيالى من برا مصر لآنى ملقتهاش هنا .

[bob_2005]

شكلى هكون اول مشتري للمكنة دي :)

[محمد مجدى]

بص ياباشا انا عندى نفس مشكلتك وبقولك نصيحة شخصية بلاش تستخدم ماكينات حلاقة كهرباء لانك هاتضيع فلوسك

انا جيبت ماكينة حلاقة فيليبس اكوا تاتش اللى هى بتشتغل فى الميه وعلى الناشف زودت الالتهاب.
جربت ماكينة براون سيرياس 3 الالمانى وهى برضه بتشتغل على الناشف وعلى الميه زودت الالتهاب.
جربت ماكينات الحلاقة كلها من اغلى نوع فى جيليت لارخص نوع ؛ باور وعادى وبرضه عمل مشكلة

حل مشكلتك لو انت بتعانى من نمو الشعر تحت الجلد زى هو انك تشترى ماكينة حلاقة اسمها جيليت جارد ؛ هى بموس واحد فقط ؛ والماكينة الواحدة بتقعد 5 حلقات ؛ بس انا بحلق بيها 3 مرات بس (يعنى 3 ايام ) ؛ وتحلق كل يوم مع اتجاه نمو الشعر مش عكسه خالص ؛ الشفرة الواحدة بجنيه وربع فقط
دى صورة الماكينة

http://www.italianbarber.com/images/gilletteguardrazor5.jpg

الشق التانى بقى ده المهم جدا ؛ لو عندك حد فى امريكا خليه يجيبلك الجيل ده ؛
Anthony Logistics for Men Ingrown Hair Treatment

وده اللينك بتاعه



Amazon.com : Anthony Logistics for Men Ingrown Hair Treatment, 2.5 oz. : Facial Treatment Products : Beauty


ده بقى حاجة وهم وجميل جدا ؛ انا بستخدمه بقالى 12 يوم وعمل فرق معايا بنسبة 80 فى الميه ؛ تحطه بعد ماتحلق وتنشف وشك كويس براحة بحيث ان وشك يبقى جاف ؛ وتحطه على وشك ورقبتك وتستنى 5 دقايق وتحط بعدها الافتر شيف بتاعك ؛ انا بستخدم نوع انجليزى ومش غالى خالص اسمه enliven عامل 20 جنيه تقريبا والعلبة بتقعد معاك مش اقل من 6 شهور ؛ حاجة مهمة اوى قبل ماتنزل وتتعرض للشمس لازم تحط كريم ضد الشمس على وشك ورقبتك لان الشمس بتأثر على الالتهابات دى ؛ انا بستخدم كريم من نتروجينيا للرجال والسيدات اسمه نتروجينيا سبورت فيس

[bob_2005]

شكراً جزيلاً يا استاذ محمد على الآفادة .
ولو انى مستغرب ان ماكينات الكهربا بتسبب نفس الآلتهابات مع ان معظم الناس بتستخدمها كبديل للموس بسبب الآلتهابات الى بيسببها الموس .

[محمد مجدى]

انا عانيت زيك بالضبط لمدة سنين طويلة ؛ تقريبا معاناتى مع الموضوع ده بقالها 10 سنين او اقل ببسيط ؛ فاللى بقولهولك ده هو الخلاصة فعلا ؛ لو عندك مشكلة نمو الشعر تحت الجلد يبقى اعمل اللى قولتلك عليه ده وهاتبقى الدنيا جميله ؛ ساعات بقى يبقى فيه حباية رخمة كده ؛ هات كريم اسمه بتنوفيت هو فيه نسبة كورتيزون بس تكاد تكون منعدمة واللى قايلى عليه كان واحد من احسن دكاترة الجلدية فى اسكندرية اسمه حامى امبابى ؛ وحط نقطة فقط فوق الحباية ؛ ماتدهنش ؛ لا نقطة فقط تحطها قبل ماتنام فوق الحباية ؛ وعلى فكرة انا كنت فاكر زيك ان الحلاقة بالماكينة بتقلل الالتهاب وطلع بالعكس بتزوده خصوصا لو بشرتك حساسة ؛ انا دلوقتى بقيت بحلق كل يوم بعد ماكانت الحلاقة عذاب بالنسبة ليا ؛ وبريح دقنى يومين بس مش بحلق فيهم وهما يوم الخميس بليل ويوم الجمعه بليل ويوم السبت بليل ببدء احلق تانى ؛ بالمناسبة الاحسن انك تستخدم جيل حلاقة وانا انصحك بجيل حلاقة نيفيا اما الجيل بتاع البشرة الحساسة او جيل تانى رائع نيفيا منزلاه جديد اسمه extreme comfort وده شكله

http://www.ar.nivea-me.com/products/Mens-care/Extreme-comfort/extreme-comfort-shaving-gel

سعره تقريبا 25 جنيه (مش فاكر السعر لان جايبه من فتره لان العلبة بتقعد 4 شهور على الاقل لو بتحلق بنسبة 4 ايام فى الاسبوع ) ؛ ابعد خالص عن كريم حلاقة الذقن والفرشاة لانهم بيزودوا المشكلة

[bob_2005]

الف شكر يا استاذ محمد على الآفادة على فكرة انا سبق وجربت جيليت جارد من فترة طويلة شوية بس حسيت انها متعبة فى الدقن التقيلة الخشنة وحلاقتها باردة شوية ومحتاجة كذا وش عشان تتأكد انك حلقت دقنك تمام و نعمتها .
عموما الماكنة جيالي خلاص مش هاينفع اقولله رجعها اكيد ،، وهجربها لو ارتحت معاها كان بها مرتحتش يبقا هارجع لجيليت جارد ..
بس انا عن نفسي لما اكون عند الحلاق و يحلقلي دقني بالمكنة مع ان مكنة الدقن بتااعت الحلاقين تعبانة وصيني اصلا مش بتحصلى التهابات خالص وبتكون افضل مليون مرة من الموس ،، لو فكرت فى مرة اقوللو احلقلي بالموس ببقا عارف انى داخل على ايام سودا والتهابات بعد ما افرح بدقني الناعمة شوية :( وكنت بستخدم مضاد حيوي اسمو فيوسيكورت كان كويس وقلل الحبوب بنسبة كبيرة مع كريم كوادريديرم قلل الآلتهابات كتير بردو .
وفى مشكلة تانية بالنسبالى انى مش بعرف احلق مع اتجاة نمو الشعر ،، لان ببساطة دقني مالهاش اتجاة معين كل منطقة وليها اتجاه مختلف وهيبقي الموضوع صعب جدا لذلك بحلق دايما من فوق لتحت ودي بييجي على حساب الشعر الى تحت الفكين الى اتجاهه عندى من تحت لفوق . موضوع معقد شوية :(

[miceg]

متابع

[محمد مجدى]

الف شكر يا استاذ محمد على الآفادة على فكرة انا سبق وجربت جيليت جارد من فترة طويلة شوية بس حسيت انها متعبة فى الدقن التقيلة الخشنة وحلاقتها باردة شوية ومحتاجة كذا وش عشان تتأكد انك حلقت دقنك تمام و نعمتها .
عموما الماكنة جيالي خلاص مش هاينفع اقولله رجعها اكيد ،، وهجربها لو ارتحت معاها كان بها مرتحتش يبقا هارجع لجيليت جارد ..
بس انا عن نفسي لما اكون عند الحلاق و يحلقلي دقني بالمكنة مع ان مكنة الدقن بتااعت الحلاقين تعبانة وصيني اصلا مش بتحصلى التهابات خالص وبتكون افضل مليون مرة من الموس ،، لو فكرت فى مرة اقوللو احلقلي بالموس ببقا عارف انى داخل على ايام سودا والتهابات بعد ما افرح بدقني الناعمة شوية :( وكنت بستخدم مضاد حيوي اسمو فيوسيكورت كان كويس وقلل الحبوب بنسبة كبيرة مع كريم كوادريديرم قلل الآلتهابات كتير بردو .
وفى مشكلة تانية بالنسبالى انى مش بعرف احلق مع اتجاة نمو الشعر ،، لان ببساطة دقني مالهاش اتجاة معين كل منطقة وليها اتجاه مختلف وهيبقي الموضوع صعب جدا لذلك بحلق دايما من فوق لتحت ودي بييجي على حساب الشعر الى تحت الفكين الى اتجاهه عندى من تحت لفوق . موضوع معقد شوية :(

اوعى تحلق عند الحلاق ؛ انا نفس مشكلتك والله بالضبط وشعر ذقنى خشن برضه ؛ عندى الشعر فى الرقبة برضه اللى طالع من اليمين والشمال ؛ انت حلك لا تحلق عند حلاق ولا تنعم ذقنك على الاخر ؛ لا مفيش تنعيم ؛ احلق كل يوم وش واحد فقط لا غير . مع الجيل الامريكانى انتونى لوجيستيك اللى قولتلك عليه هاتبقى الدنيا جميلة جدا

بالنسبة بقى انك بتحس بالشفرة بتاعة جيليت جارد تقيله فده لانك بتحط كميلة جيل حلاقة قليل ؛ لازم تحط كمية كافيه تغطى الشعر كله وتوزع الجيل بحركة دائرة على وشك ورقبتك وانت بتحلق ماتضغطش جامد على بشرتك ؛ انت المفروض ماتحسش ان فيه موس معدى على وشك اصلا

[bob_2005]

تسلم يا استاذ محمد على نصايحك بجد مش عارف اشكرك ازاى لآنك ساعدتنى جداً بنصايحك المفيدة دي .
وان شاء الله هقوللك على النتيجة بعد الآلتزام فترة بنصايحك .

[bob_2005]

وبالنسبة للحبوب الى عندى فى منطقة الرقبة بالذات و الدقن هل كريم بتنوفيت الى حضرتك ذكرته مفيد للحبوب دى وهايضيعها بسرعه ؟؟ وهل هو افضل ولا مضاد حيوي فيوسيكورت كريم ،، لآن المضاد الحيوي ده كانت نتايجة كويسة بردو بالنسبة للحبوب دي .

والحبوب بتكون زي الى فى الصورة دي بالظبط برؤوس بيضاء وبتطلع عند الشعر الى فى الرقبة بالذات اكتر من اى مكان تانى .

[محمد مجدى]

ايوة اللى عندك ده نفس مشكلتى ؛ اسمها نمو الشعر تحت الجلد ؛ لما شعر الذقن بيطلع تانى بينمو تحت الجلد وبيحصل نفس اللى فى الصورة بس بتختلف من حالة للتانية ؛ وفيه حالات شديدة وحالات خفيفة وحالات متوسطة ؛ كريم بتنوفيت ان هايضيعلك الحبوب دى بس لازم تعرف ان المشكلة دى مش هاتخلص للابد الا بعد فترة طويلة ممكن تبقى بالسنين ؛ بس انت هاتحس بالفرق لو التزمت بالحاجات اللى قولتلك عليها وهاتحس بتحسن بنسبة 80 فى المئة على الاقل ؛ اهم حاجة انك ماتنعمش دقنك خالص ؛ علشان كده انا بعدت عن استخدام الماكينات الكهرباء لان الماكينة الكهرباء بتخليك تعدى اكتر من وش علشان تنعمها ؛ فى حين الموس بيبقى مرة واحدة فقط ؛ وماتنساش هى معادلة لازم تتحقق علشان تخف ( حلاقة بشفرة واحدة + جيل انتونى لوجيستيك الامريكانى + افتر شيف بعد 3 دقايق من وضع انتونى لوجيستيك ؛ وقبل ماتنام مباشرة تحط نقطة نقطة فوق الحباية فقط ؛ ماتفرش الكريم بتاع البتنوفيت ؛ لا تحط نقطة فوق كل حباية ؛ قبل ماتنزل الشمس تحط كريم واقى شمس للرجال للبشرة الحساسة لان الشمس والعرق بتزود الموضوع )

[bob_2005]

تسلم ياغالى على النصيحة وربنا يعفينا ويعفيك من الهم ده

[bob_2005]

بعد تجربة المكنة لمدة 4 ايام عملتلى التهابات اكتر من الموس نفسه وفى اماكن مكنش بيحصل فيها اى التهابات خالص زي الخدود وفعلا لازم تعيد بالمكنة كتير اوى على دقنك عشان بتسيب شعر كتير اوى
تم التجربة على الناشف و ايضاً بأستخدام فوم نيفيا للبشرة الحساسة .

[الاستاذ]

بص هى نصيحة مش عارف اذا كانت هتنفع ولا لا
سيب الالتهابات لغاية ماتخف خالص واشترى ماكينة للبشرة الحساسة الى بتحلق وش واحد مش بتنعم زى الموس
لانى انت تقريبا عندك شعر بيطلع لجوة وهو دة الى بسب التهابات
واحلق كل اسبوع عشان بشرتك ترتاح

[bob_2005]

بص هى نصيحة مش عارف اذا كانت هتنفع ولا لا
سيب الالتهابات لغاية ماتخف خالص واشترى ماكينة للبشرة الحساسة الى بتحلق وش واحد مش بتنعم زى الموس
لانى انت تقريبا عندك شعر بيطلع لجوة وهو دة الى بسب التهابات
واحلق كل اسبوع عشان بشرتك ترتاح

بس انا لما اسيب الشعر يطول بيغرز اكتر فى الجلد و الآلتهابات بتزيد كل ما الشعر يطول ،، عشان كده لازم احلها مرة كل يومين او تلاته بالكتير قبل ما الشعر يطول ويغرز فى الجلد و يسبب الآلتهابات دى .