الخاصه لغات vs التجريبى المتميز لغات

[khaled_sabry]

السلام عليكم
انا عاوز ادخل ابنى مدرسه لغات - و الحمد لله سنه فى شهر 10 القادم حيبقى 5 سنوات و 10 اشهر مما يؤهله لتجاوز معظم تنسيقات المدارس اللى فى المعتاد بتاخد من 5 و شهرين فى المتوسط
الناهرده كنت بقدمله فى مدرسه جابر الانصارى (الزيتون) و لاقيت هناك مدرسه بتقولى قدمله فى مدرسه الفيوتشر (تجريبى متميز لغات ) فقولتلها انا كان نفسى فى حاجه خاصه علشان التحصيل يبقى افضل
قالتلى هناك افضل من هنا - هنا (جابر الانصارى الخاصه) الفصل بيبقى فيه 40 تلميذ لكن هناك 25(فيوتشر التجريبى المتميز) فقط على الرغم من فارق المصاريف بين المدرستين

فإيه رأيكم فى الكلام ده

بصراحه كلام المدرسه دى قلب حساباتى اللى كانت مبنيه على ان الخاص مافيش احسن منه و الحكومى مافيش اسواء منها
مع ملاحظه ان ابنى مش بيعرف يتكلم كويس لغايه دلوقتى (عامل وراثى و كل عائلتى متأخره فى الكلام :) ) و فيه بعض الحروف واقعه من كلامه

[svneleven]

روح المدرسة التجريبي و اسأل أي أولياء أمور هناك في جميع المراحل و شوف رأيهم ايه. و راعي أن مهما كانت مدرسة محترمة مش هيكون فيه اجناع 100% عليها.

[ENG.MaRk]

تجريبي أحسن و أرخص تعليميا و لكن أخلاقيا .... حدث و لا حرج

[khaled_sabry]

تجريبي أحسن و أرخص تعليميا و لكن أخلاقيا .... حدث و لا حرج

اخلاقيا بمعنى ايه ؟؟؟ يعنى فيه تجاوزات و الفاظ خارجه مثلا بين التلاميذ و بين بعض
ولا الاخلاق منعدمه لدى الاساتذه كمان ؟؟؟ ولا ايه بالظبط
يهمنى جدا اعرف

[douha_wise]

فى اكتوبر المدارس الخاصه سواء عربى او لغات زفت و الحمدلله و فلوس على الفاضى يعنى كثافة الفصل بالفعل اعلى من المدارس التجريبى و اللغات التجريبى المميز و الادارة ايضا فى هذه المدارس افضل من الخاص و بالذات موضوع الاداره ده و القليل جدا و يعد على نصف اصابع اليد الواحده من المدارس الخاصه كويس
اما من ناحية ان مستوى الاخلاق فى الخاصه افضل من التجريبى و المتميز فهذا للأسف ليس بصحيح و عن خبره سنوات فكلاهما فيه السيئ و الأسواء و المهم انك تتابع اولادك باستمرار و تذهب للمدرسه و تعرف من هم اصحابه و ترشده و تتابع مستواه مع المدرسين
استخير الله و ربنا يرشدك لما فيه الخير لك و للأسره و يحفظ اولادك و اولادنا جميعا

[احمد المصرى]

فى اكتوبر المدارس الخاصه سواء عربى او لغات زفت و الحمدلله و فلوس على الفاضى يعنى كثافة الفصل بالفعل اعلى من المدارس التجريبى و اللغات التجريبى المميز و الادارة ايضا فى هذه المدارس افضل من الخاص و بالذات موضوع الاداره ده و القليل جدا و يعد على نصف اصابع اليد الواحده من المدارس الخاصه كويس
اما من ناحية ان مستوى الاخلاق فى الخاصه افضل من التجريبى و المتميز فهذا للأسف ليس بصحيح و عن خبره سنوات فكلاهما فيه السيئ و الأسواء و المهم انك تتابع اولادك باستمرار و تذهب للمدرسه و تعرف من هم اصحابه و ترشده و تتابع مستواه مع المدرسين
استخير الله و ربنا يرشدك لما فيه الخير لك و للأسره و يحفظ اولادك و اولادنا جميعا

معلش بس انا ابنى هيكون فى بدايه شهر 9 القادم هيكون 3 سنوات و 9 شهور هل ينفع اقدمله فى مدرسه تجريبى او خاصه


ولو تعرف افضل مدارس تجريبى فى اكتوبر ايه اكون شاكر جدااااااااااااااااااااااااااااا

[kayson]

المستقبل الانترفيو بيبقى صعب شوية بيتعمل للطفل و الاب و الام باللغة العربية و الانجليزية فهتكون مشكلة شوية موضوع الكلام التجريبى العادى ممكن يعدى مفيش مشكلة المستقبل الى فى ميدان الحلمية فوق الممتازة

[محمد المصرى]

احسن حل عشان تعرف المدرسة ده كويسة او لأ
كل اولياء الامور فى كل مدرسة بيعملو جروب للمدرسة
انت هتدول على الجروب ده وتشترك فيه وهتحسن كانك عايش فى المدرسة

وبالتوفيق ان شاء الله

[douha_wise]

معلش بس انا ابنى هيكون فى بدايه شهر 9 القادم هيكون 3 سنوات و 9 شهور هل ينفع اقدمله فى مدرسه تجريبى او خاصه


ولو تعرف افضل مدارس تجريبى فى اكتوبر ايه اكون شاكر جدااااااااااااااااااااااااااااا

اللى انا اعرفه ان السن بيكون اربع سنوات أو اكبر عند التقديم له فى المدارس التجريبى
و بالنسبه لافضل المدارس اللغات التجريبى المميز فهناك المدرسه الالمانى بالحى الرابع الكثير بيشكر فيها و بعدها الصينى بالحادى عشر امام سنتر المصطفى لكن انا افضل المدارس القوميه امام مركز سوزان مبارك الاستكشافى و المدارس القوميه أظنها الأفضل و لها تايخ مميز و لو اتجهت للمدارس الخاصه فهناك مصر الرائده للغات بعد مستشفى الزهور بالسابع أو الخليل بالحى الثامن لكن لا اعرف بالتحديد بيقبلوا من سن كام

[minz]

انا من وجه نظرى ان مدراس الغات افضل بكثير لو محتاج تعرف كل المعلومات والتفاصيل عن اى مرسة ممكن من خلال افضل دليل مدارس دليل المدارس والحضانات والمؤسسات التعليمية الأكبر في مصر - سكولز جايد