بنتكلم مصرى !

[dolly13]

وجدت كثير من كلامنا العامى يعود الى عصور مصرية قديمة ووجدت معلومات عن اجدادنا الفراعنة تعتبر كنوز لنا
يعنى مثلا :

كلمة " مِسا " بمعنى ( بداية الليل - وقت العشا ) هى كلمة مصرية قديمة أصلها " مسي " زى ما بتتنطق فى ريف مصر لحد النهاردة .. و ده سبب نطقنا ليها ( مسا / مسي)

لبخ = خلط
يقولك خلي الدكتور بتاع الأجزاخانة يعمل لك "لبخة".

مداس هى ماخوذة من دس بمعنى ماينتعله الفرد

بنقول شمال يمين, مُش يسار يمين .. مُش كده؟
طب ليه؟
مع إن شمال معنى إتجاهها معروف!
طب ليه بنقول على اليسار بالعربي شمال؟
وبنقول الناس الشمال!
والواد والبنت الشمال!
يمين, من يمنت
وشمال من شماو _ مع تأثير أجنبي طفيف (ل).
الحكاية إن المصري إتجاه القبلة بالنسبة له ناحية الجنوب!
في إتجاه منابع النيل
وبالتالي وهو واقف في إتجاه القبلة بتكون إيده اليمين ناحية الغرب, وإيده الشمال ناحية الشرق.
المصري بيدفن أحبابه في البر الغربي, وبيعتقد إن الجنة نفسها في البر الغربي.
وبالعكس الغرباء والأعداء بييجوا م الشرق اللي هو "شماو


كلمة "لنج" (الموجودة فى عبارة "جديده لنج") معناها إيه واصلها إيه؟
في الهيروغليفية "رنج" = طازه.
في القبطية, "لانج" = طازه.

إزاااي؟
عملتها إزاي؟
شوفتها إزاي؟
دخلتها إزاي؟
إزاااي؟ أداة الإستفهام الرئيسية في اللغة المصري!

انا شخصيا فوجئت بكم الكلمات المستخدمة حاليا وتعود لاجدادنا القدماء
تحياتى

[mk3]

واوا....كخ......بح

[shiko85]

كلمات كتير من اللغه العاميه مقتبس من لغات كتير قديمه و حديثه
موضوع جميل

[amrelsaqqa]

بس شمال كلمة عربية عادى وفي القرآن اليمين والشمال
ومسا من مساء برضه

[dolly13]

بس شمال كلمة عربية عادى وفي القرآن اليمين والشمال
ومسا من مساء برضه

فى اللغة العربية الفصحى هى يسار ولكن لفظ شمال ومدلوله هنا ليس على اتجاه الشمال والمقابل له الجنوب
الشمال هنا معناه اليسار وكما هو باين اصلها يرجع للغة المصرية القديمة
ومسا ايضا كنت اعتقدها عربية ولكنها كانت موجودة هنا من الاف السنين

[dolly13]

واوا....كخ......بح

ده فيه اكتر من كدة

[amrelsaqqa]

فى اللغة العربية الفصحى هى يسار ولكن لفظ شمال ومدلوله هنا ليس على اتجاه الشمال والمقابل له الجنوب
الشمال هنا معناه اليسار وكما هو باين اصلها يرجع للغة المصرية القديمة
ومسا ايضا كنت اعتقدها عربية ولكنها كانت موجودة هنا من الاف السنين

لا في القرآن يعنى العربية الفصحى

اصحاب اليمين واصحاب الشمال ... الايات كتير

[shiko85]

الكلام ده بجد ؟؟ يعنى نونو كلمه قبطيه قديمه ؟؟

[dolly13]

لا في القرآن يعنى العربية الفصحى

اصحاب اليمين واصحاب الشمال ... الايات كتير

مانا عارفة والله لكن طلع اصلها مش عربى طلع اصلها قبطى

[dolly13]

الكلام ده بجد ؟؟ يعنى نونو كلمه قبطيه قديمه ؟؟

هى جت على نونو
ده فيه بولاى بس اصبر

حنوتي = حانوتي
مهنة الحانوتي, جاءت مباشرة من كلمة "حنوتي" = خادم/ كاهن التحنيط

[shiko85]

موضوع ظريف بجد

[dolly13]

إبن حنت

"حنت" = مهنة/ حرفة
بالتالي يكون المقصود بالتعبير المصري الحالي:
- الراجل ده طلع "إبن حنت" صحيييح! = الراجل طلع محترف, وعارف هو بيعمل إيه

[dolly13]

كلمة " كحك " المصرية .. أصلها هو الكلمة المصرية القديمة " كعك " واللى اتنقلت للغة العربية زى ما هى بالظبط

كلمة Cake الإنجليزية أقدم أصل ليها هو الأصل اليونانى κέικ وبتتنطق بنفس النطق بالظبط فى اليونانى والإنجليزى .. ونطقها فى السويدية أشبه بكلمة " كوكا "

اليونانيين عاشوا فى مصرمن آلاف السنين بغرض التجارة والتعليم فى جامعات مصر القديمة .. عاشوا زى المصريين وكلوا زى المصريين ولبسوا زى المصريين ، ونقلوا كلمات كتير جدا لثقافتهم من اللغة والثقافة المصرية ..

وده بيأكده مارتن برنال فى كتاب ( أثينا السوداء) .. إن 25 % من الألفاظ اليونانية مشتق من ألفاظ مصرية قديمة ..

[dolly13]

اكتشاف أثري يثبت أن المصريين القدماء هم أول من استخدم الأطراف الصناعية في التاريخ:

إبهام قدم يمنى صناعي وجد في مومياء مصرية هو أول عضو صناعي في العالم، و قد تم اكتشاف هذا الاصبع في أحد القبور الفرعونية القديمة في القاهرة عام 2000 و الذي يرجح العلماء أنه لامرأة مصرية قديمة في الخمسين الى الستين من العمر.

[Adnfalcon]

كاني و ماني = سمنه و عسل
لغه هيروغلوفيه