حد لسه بيسمع الكروان بالليل؟

[marsguy]

السلام عليكم ورحمة الله وبركاته،،،

إمبارح لاحظت حاجه غريبه جداً

أنا من سكان القاهره و بقالي سنين ما سمعتش أي كروان بالليل! حد لسه بيسمعه؟

أنا خايف يكون إنقرض من مصر ولا حاجه :(

تاني حاجه: أنا بقالي كتير جداً ما شفتش هدهد! حد شاف أي هدهد قريب؟

شكراً

[DreAmO]

ااه .. في هداهد .. وفي كروانات :)

انا بشوف وبسمع المخلوقات دي بوم ( بومه واحده ), هدهد ( هدهدين ) قليل الظهور جدا , كروان ( بسمعه كتير ) , غربان كتير جدا , عصافير ويمام شغال عاملين زي التكاتك في كل حته عصافير عاديه عصافير الجنه عصافير تانيه طويله واخرى صغيره جدا وسريعه

وسعات بشوف طيور تانيه غريبه تشبه البغبغاء وتختلف في اصواتها واحجامها بس مش كتير

دة غير طبعاً ابو قردان صديق الفلاح

سبحان الله .

[A_H_M_A_D]

ايوه بسمعه عندي بس مش كتير

[amrezzat82]

كنت بسمعه زمان فى وسط البلد بس هو تقريبا هاجر دلوقتى - أوعدنا يا رب

[monamize4]

ياااااااااااااه بطلت اسمعه من زمان
و فعلا بقالى فترة كبيرة مابشوفش هدهد او بومة

غالبا كل الحاجات الحلوة دى انقرضت من مصر و مفضلش الا العصافير العادية
بشوفها كتير لان قدام البيت عندى فى شجر ,, و طبعا العصافير دى بتسيبلى تذكار
كل يوم و مبلحقش اتهنى بالعربية يومين بعد ما تتغسل

[automea]

هههههههههههههههههههههههههههههههههههههههههههههههههه هههههههههههههههههههههههه

الحجااااااااات دي انا بشوفها في اليوم اكتر من عشفشتر مرة

[shiko85]

وعليكم السلام ورحمة الله وبركاته
اخر مره سمعته كان من سنه و نص او سنتين
الهدهد بقالى سنين مشفتش هدهد
حتى ابو قردان صديق الفلاح كان زمان لونه ابيض اخر مره شفته لونه رمادى مكنتش مصدق انه وصل به الحال لكده
دلوقتى الحمام و اليمام و العصافير كتير

[windofchange]

علي حسب المنطقة ونسبة التلوث فيها...مثلا وجود الهدهد بكثرة دليل ان البيئة نظيفة...عموما كل ماتقرب من المدن الجديدة وتبعد عن القاهرة بتزيد مشاهدات الطيور ديه

[J A G U A R]

فى هدهد كل يوم بيقف عندى فى البلكونه وواجع دماغى الله يخربيته

[S O P H O S]

بطلت اسمعه من سنين

[gade2]

هدهد ياه انا بقالبى فتره مشفتوش

[ahmedsrs]

الهدهد موجود وبشوفه كتير والكروان وعصفور النيل واليمام والحمام والغربان بالعبيط وفى كمان عصافير استرالى من بتاعت الزينة وابو قردان معشش عند صناديق القمامة

[almohaor]

الكروان سمعته يو ميا ليلا فى منيل الر وضة
كنت ضيفا على عديلى و وكمان صوت اليمام فى الصباح جميل جدا
والكروان موجود بالسويس وكمان اليمام اما الهدهد قليل ولا يتواجد الا قرب الزراعات
اما ابو قردان كان منتشر قبل الهجرة وللاسف تدهور حاله واصبح ياكل من الزبالة بسبب المبيدات الزراعية و انتشر بدل منه الغربان بطريقة غريبة لتكاثر الفئران بشراسة بالسويس نتيجة الهجرة بسبب حرب 67 واصبح انتشارها كبير بالمدينة كبير مثل عصفور النيل ونصحى على صوت الغربان مع طلوع الفجر فهى طيور نشطة جدا اما البوم ينتشر منه نوع ابيض نشاهده قليلا بالليل
وكان زمان تنتشر طيور الحدأة التى تطير حوامات على ارتفاع كبير ولكنها انقرضت بسسب المبيدات الزراعية

[megop6m]

بسمع الكروان كتير بالليل ولسة سامعه النهاردة