تصرفات عجيبة جدا

[the lawyer]

السادة الاعضاء حصل قدامي النهاردة في صلاة الجمعة موقف غريب جدا أثناء الخطبة تليفون راجل كبير في السن تليفونه رن ... عادي قولت في نفسي نسي يقفله .. الغريب في الموضوع انه فتح التليفون في الجامع واتكلم وبعدين قفله
الموقف التاني في جمعة سابقة راجل عنده 50 سنة تليفونه رن أثناء الخطبة. طلع برا الجامع اتكلم ورجع تاني
هو فيه ايه بالظبط انا مش مصدق اللي بيحصل دا

[wrY]

الموضوع موجود من زمان وهتلاقي غالبية اللي بيتكلم في الخطبة او يسلم او يرد السلام على الغير من كبار السن جايز السن له دور جايز الثقافة الدينية مش موجودة والموبايل خلا الموضوع ده باين اكتر لكن واجب على الائمة التنبيه على مثل هذه الامور سواء على المنابر او اثناء الدروس

[أحمد كمال]

من مس الحصى فقد لغى ......

[automea]

لا حول ولا قوة الا بالله انت مستغرب ليه دي حاجة لا تذكر بالسبة لحاجات كتييييييييييييييييييييييييييييير

[J A G U A R]

كتير جدا مواقف زى دى بنحصل

[a7medsh3rawi]

دى قلة وعى اسلامى
بسبب غياب دور العلماء واقتصارهم على الدروس وقنوات التيفزيون
والمطلوب من المشايخ والعلماء يروحوا للناس فى بيوتهم يعلموهم وبدون مقابل ..
زى الانبياء والصحابه والتابعين كانوا بيقفوا وسط الناس يدعوهم لتوحيد الله عز وجل

[ramymechanics]

انت طيب اوى يا متر ... انا بشوف عندنا شباب بيلعب عالتابلت فالخطبة على ما الراجل يخلص و مرة شفت شاب كبير بيصلى بشورت و مرة واحد جه فى اخر ركعة قعد للتشهد واما سلمنا سلم هو وقام عادى

[wawamoha]

معلش يا شباب شرعا المفروض تعذر اخاك المسلم يعني ايه :
1- يعني انت لو ماتعرفش الشخص ده معرفه شخصيه ..يبقى تعذره يمكن عنده ظرف طارئ لا يحتمل التاخير مثلا حد في المستشفى ... منتظره سواق تاكسي يوصله و هو غريب .. الخ من السيناريوهات الطوارئ اللي ممن تجيزله التكلم.

2- لو انت تعرفه معرفه شخصيه و عارف ان ماعندوش الحكم الشرعي و ما يعرفش يبقى لازم تطبق معايير النصيحه :
تاخده عل جنب و تنصحه وتوضحله .. و يا سلام لو كبير في السن يبقى نراعي الاداب العامه ...الخ او ممكن تخلي حد كبير يكلمه - كفؤ ليه يعني الوالد عم ...الخ .


شكرا

[amrezzat82]

ابقى حاول تنصحوا بطريقة بسيطة و بوجه بشوش
و بيحصل للأسف كتير زي مثلا تنطيط الاطفال فى المسجد - او كلام الستات و البنات
او ممكن تروح قبل الجمعة بيوم او اتنين و تلفت نظر الامام انه يتكلم عنه فى الخطبة اللى جاية و ناس كتيرة متجاوبة

[طارق _عبد السلام]

ابقى حاول تنصحوا بطريقة بسيطة و بوجه بشوش
و بيحصل للأسف كتير زي مثلا تنطيط الاطفال فى المسجد - او كلام الستات و البنات
او ممكن تروح قبل الجمعة بيوم او اتنين و تلفت نظر الامام انه يتكلم عنه فى الخطبة اللى جاية و ناس كتيرة متجاوبة

بخصوص النصيحه كنت بعد انتهاء صلاه جمعه واثناء الخروج وواحد فى جلسه التشهد معرفش بتاع ايه لاننا كنا خلصنا صلاه من بدرى وهو قاعد فى مكان علشان اخرج لازم امر من امامه وابتعدت عنه اكثر من فاصل ذراع وحاولت امر لقيته اقسم بالله قفز من مكانه ومسك رجلى بغباء فظيع لدرجه ان اظافره غرزت فى رجلى وقام قايم وبيقولى انتوا (انا يعنى ) اللى بوظتوا المساجد انتوا مش عارف ايه وهاتك ياكلام لدرجه الناس استغربت بالراحه جدا وانا كاتم غضبى احتراما للمسجد قلتله انا مبتعد عنك بفاصل اكبر من ذراع ومعرفش انت نطيت النطه دى ازاى ولو انا اخطأت الجزاء هيقع على كبير مفيش تفاهم نهائى شكله هو اللى اول مره يدخل مسجد وعايز يعمل منظر .. للاسف اصبح هناك تصرفات غريبه من بعض المصلين وبردوا تصرفات وروايات واحاديث غريبه من الائمه نفسهم ...عيد صلاه الجمعه اصبح به فتور والموضوع من فتره ليست بالقليله

[lena jo]

[size="5"]موضوع الكلام اثناء صلاة الجمعة ده محتاج ان الامام كل صلاة قبل ما يبدأ الخطبة ينبه عليه و يقول الحديث لان الكثير لا يعرف هذا الحديث. و طبعا لما بشوف حاجة كدة اثناء الخطبة مينفعش حتي انبه المخطئ . لكن ممكن بعد الخطبة لو واحدة في سني او اصغر انبهها انما مع الناس الكبيرة بيكون صعب لكن ممكن اقول لواحدة من سنها هي اللي تنبهها. و احيانا واحدة تسلم و لا ارد السلام فبعد الخطبة اتأسف و استغل الموقف و انبهها بشكل غير مباشر . مرة كتبت الحديث في ورقة و لما لقيت واحدة امامي تتكلم اظهرت الورقة فسكتت.انا مش بابحث او اركز معاهم لكن بيكون حد بجانبي او امامي. بس لا تضمن رد الفعل في جميع الاحوال./size]

[S O P H O S]

للاسف الظاهرة دي بقت كتير

[gade2]

من مس الحصى فقد لغى ......

معلش انا مش فاهم

[أحمد كمال]

معلش انا مش فاهم

تسأل عن حديث الرسول -صلى الله عليه وسلم- الذي معناه: (ومن مس الحصى فقد لغا)، ماذا يقصد بالحصى؟ وهل هي مقصودة لذاتها أو أنها تشير إلى معانٍ فقط؟

بسم الله الرحمن الرحيم. الحمد لله، وصلى الله وسلم على رسول الله، وعلى آله وأصحابه ومن اهتدى بهداه. أما بعد: فهذا الحديث الصحيح أرشد به النبي -صلى الله عليه وسلم- إلى الإنصات للخطيب يوم الجمعة، وعدم العبث بما يشغله عن سماع الخطبة، ومس الحصى من ذلك، وليس مقصوداً بذاته، بل المقصود العناية بالاستماع والبعد عما يشغل عن الاستماع والإنصات، فإذا مس الحصى أو مس أشياء أخرى في المسجد من..... في الفرش أو من أوراق عنده، أو ما أشبه ذلك؛ أشبه ذلك مس الحصى. فالمقصود كله هو أن ينصت للخطيب، وأن يفرغ قلبه لذلك، ويكف جوارحه عن العبث التي قد يشغله عن الاستماع. ومعنى: (فقد لغا)، يعني لغت جمعته، يعني لا يكون له ثواب الجمعة، يكون له ثواب الظهر ما هو ثواب الجمعة، يعني يفوته الثواب العظيم الذي رتبه الله على الجمعة.

[amr100]

يا سيدي مش في مصر بس انا كنت باعمل عمرة وفي خطبة الجمعة المسجد النبوي لقيت الخطيب بعد الصلاة و اعتقد اثنائها بيصرخ في المصلين الذين كانوا يلتقطون الصور للمسجد أثناء الخطبة فلا تتعجب