50 الف جنيه يعملوا مشروع ايه ؟؟؟

[prof2013]

واحد صاحبي معاه 50 الف جنيه بيفكر يعمل بيهم مشروع ومحتار يفتح مشروع ايه ؟؟
هو من الزاويه الحمرا (القاهره)
حد عنده اقتراحات حلوة ؟؟؟؟؟؟؟؟؟

[minicooper20]

هو بيفهم فى ايه

[automea]

عربية فول (مش بهزر) هتجيب ال 50 الف وزيادة في اقل من سنة

[Anaslbda]

مصنع بلاستيك صغيّر.

[بحار]

من المهم فعلا هوه بيفهم فى ايه او خبرته السابقة كانت فى ايه وكمان المنطقه بتاعته موجود فيها ايه ونشوف حاجه مش مكررة فى نفس المنطقة .

[Secret-Man]

شوف الموقع ده هيفيدك جدا جدا

https://howistart.com/

[eng.m7md.ali]

محل كشري .. اه والله

يختار مكان فيه زحمة وصنايعية كتير

[omaranes77]

ايجار محل
كام تلفزيون كام بالي استيشن عربية بلياردو وبنج
وعيش

[J A G U A R]

محل كبده صغير كده بس بلاش يدبح قطط ويوكلها للعالم .. اصل فى ناس كتير بتعمل كده

[prof2013]

صاحبي انطوائي شوي ياجماعه مش مختلط بالناس اوي وهو طالب بيدرس في كليه تجاره لسه

وخبراته في النت فقط يعني فوركس , ادسنس , منتديات , وورد بريس ... الخ
غير كده معندوش خبرات على ارض الواقع

[J A G U A R]

ممكن يفتح محل صيانه لابتوبات وكومبيوترات ويملى المحل بضاعه ولو يعرف يعمل شبكه نت

[mk3]

صاحبك يعرف قبل اى شئ ان باكو الشاى فيه 10 قروش والعمليه بتجمع ؟! الشاى كمثال مش شرط يفتح بقالة لكن لتوضيح المعنى

[mustafavet]

هي دي افكار المشاريع؟ فول وكشري وشاي؟؟؟؟؟؟؟؟؟؟؟

[automea]

يفتح سايبر :)

[automea]

هي دي افكار المشاريع؟ فول وكشري وشاي؟؟؟؟؟؟؟؟؟؟؟

حرام مثلا ولا غير مستحب ولا لايجوز ؟؟ :)

مش دي شغلانة شريفة بردوا ومكسبها حلال ومطعمها حلال ومشروع مربح ؟؟؟ ولا ايه ؟ :)