خسارة البنوك.

[a_tantawy7]

ليا استفسار للي يعرف يا شباب:
أنا عاملة شهادة ادخار في بنك مصر اللي مدتها 3 سنين و فائدة سنوية 10,5% تصرف كل 3 شهور.
وعايز افك الشهادة و أسترد فلوسي بعد 6 شهور فقط-عشان للأسف حصلت ظروف ومحتاج أسترد الفلوس- و ناس بتقوللي هتخسر كتير من قيمتها.
حد يعرف الخسارة بتبقى أد ايه تقريبا.
مشكورين جدا وربنا يجازيكم خير.

[D . a .\ AYMAN]

انا اللى أعرفه انك مابتخسريش أي حاجة من أصل قيمتها نهائي

كل اللى بتخسريه هوة الأرباح اللى كانت هاتبقى مستحقة ليها فقط حتى عن المده اللى فاتت لأن المفروض انك تسيبيها طول المده بتاعتها اللى هية تلات سنين عشان تاخدي الأرباح بتاعتها

ولو كنتي صرفتي جزء من الأرباح بواسطة كوبون أو ما شابه بيتخصم بيتهايئلي من المبلغ بتاع الشهادة


ده على حد معلوماتي لأني متعاملتش كتير قوي في الموضوع ده

[Ahmed Selim]

انا اللى أعرفه انك مابتخسريش أي حاجة من أصل قيمتها نهائي

كل اللى بتخسريه هوة الأرباح اللى كانت هاتبقى مستحقة ليها فقط حتى عن المده اللى فاتت لأن المفروض انك تسيبيها طول المده بتاعتها اللى هية تلات سنين عشان تاخدي الأرباح بتاعتها

ولو كنتي صرفتي جزء من الأرباح بواسطة كوبون أو ما شابه بيتخصم بيتهايئلي من المبلغ بتاع الشهادة


ده على حد معلوماتي لأني متعاملتش كتير قوي في الموضوع ده

الكلام ده اللى أعرفه برضه....

يعنى لو حضرتك عاملة شهادة ب 10 ألاف جم لمدة 3 سنين ولو الفايدة بتاعتها ( على أساس أنها 3 سنين ) 900 جم فى السنة.....وبعد أول 3 شهور حضرتك صرفتى جزء من الفايدة ( 250جم مثلاً ) يبقى هيعملوا حسبة تانية للفايدة على ال 3 شهور بس وفرضاً كده طلعت 100 جم يبقى هيخصموا من أصل المبلغ الفرق بين اللى أنتى أخدتيه ( 250 جم ) واللى المفروض تاخديه ( 100 جم ) اللى هوه 150 جم........يعنى يرجعولك 9850 جم

[a_tantawy7]

شكرا للردود يا شباب وعلى فكرة أنا راجل ولست سيدة, فكان مفروض أكتب أنا عامل شهادة مش عاملة - خطأ غير مقصود أعتذر عنه - ألف شكر مرة تانية.