صنع في مصر

[طارق _عبد السلام]

انا سالت السؤال ده علشان انا صعبان علي البلد فعلا و مش لاقي حاجة الواحد يبقى فخور بيها ان دي تصنيع مصري 100% من الالف الى الياء زي ما بيقولوا اه الماركات العالمية بتجمع خارج البلد الاصلى ولكن فيه تصنيع في البلد الاصلي

على فكره هو الرد بتاعى كان على سؤالك انك عايز حاجه مصرى 100%100 بس لانك ذكرت الماركات العالميه فاحب اقولك ان شركه اديداس كانت بتصنع تيشيرتات عندنا فى المحله وانا كنت اشرف على تنفيذ الخامات على الماكينه بقطننا المصرى كمان وتصنيع كامل للتيشيرت هنا فى مصر لكن بماركه اديداس وهما بيبيعوه كمان بره مصر وبردوا نايك كنت اشرف على تصنيع خاماتهم وهخليك تستغرب كمان تخيل الصين ودى عملت لهم خامات فى مصنعى وعلى ماكيناتى كانت شركه لها منتج تقريبا باسم شن يو لاين كنت بعمل لهم قماش قطن مصرى وبوليستر وكانت فاتحه مصنع فى العاشر من رمضان وبتبيع خارج مصر يعنى عندنا صناعه وصناعه مشرفه كمان لكن طبيعى بنستورد الماكينات وقطع غيارها لكن ماكينات بدون عماله فنيه مهره يساوى صفر وبنصنع الاقمشه على احدث ماكينات فى العالم مش اى كلام

[amr100]

على فكره هو الرد بتاعى كان على سؤالك انك عايز حاجه مصرى 100%100 بس لانك ذكرت الماركات العالميه فاحب اقولك ان شركه اديداس كانت بتصنع تيشيرتات عندنا فى المحله وانا كنت اشرف على تنفيذ الخامات على الماكينه بقطننا المصرى كمان وتصنيع كامل للتيشيرت هنا فى مصر لكن بماركه اديداس وهما بيبيعوه كمان بره مصر وبردوا نايك كنت اشرف على تصنيع خاماتهم وهخليك تستغرب كمان تخيل الصين ودى عملت لهم خامات فى مصنعى وعلى ماكيناتى كانت شركه لها منتج تقريبا باسم شن يو لاين كنت بعمل لهم قماش قطن مصرى وبوليستر وكانت فاتحه مصنع فى العاشر من رمضان وبتبيع خارج مصر يعنى عندنا صناعه وصناعه مشرفه كمان لكن طبيعى بنستورد الماكينات وقطع غيارها لكن ماكينات بدون عماله فنيه مهره يساوى صفر وبنصنع الاقمشه على احدث ماكينات فى العالم مش اى كلام

شكرا لحضرتك على التوضيح لاني فعلا عاوز اعرف ليه احنا معندناش صناعة 100%

[drcobra]

البسكويت والكراتية

[friendship7897]

نحن رواد في صناعة الفشل
ورواد في صناعه نشر جو تجهيل شبابنا من خلال إعلام القنوات الدينية المتطرفة وقنوات الرقص والعرى وغيرها ، وفي الأخر إحنا أمام إستراتيجية واضحة للتدمير .
وأغلبية شبابنا بيعاني من البطالة : البطالة الحقيقية أوالمقنعة
والحقيقية : أقصد به عدم إمكانية وجود عمل للشباب أصلاً
والمقنعة : أقصد به حصول الشباب على عمل لا يليق به ، أو بإمكانياته ، أو بمؤهلاته ، أو لا يناسب الحياة الآدمية برواتبه المنخفضه ( يعني شغال ومش شغال ... )
كنا زمان في تاريخ مصر اللي أخدناه في الإعدادية : كانوا دايماً يتكلموا عن الثورة الصناعية في القرن التاسع عشر على يد محمد على اللي شملت الصناعات الحربية ومصانع لتجهيز المواد الكيماوية والمنسوجات وصناعة السكر ومضارب الأرز ، وعصر الزيوت ، وزراعة القطن المصري الشهير.
فين الريادة في الحاجات دي حتى ؟!
ومعرفش ليه عندي أحساس تشاؤمي (ربنا يستر طبعاً ) إن التاريخ هيعيد نفسه بوجود نهضة صناعية على يد إحتلال جديد .

[Forever.Leo]

التصنيع الكامل من الالف الى الياء مش موجود دلوقتي .. حتى في اكبر الدول من قلاع الصناعة .. العالم تحول لمجموعة شركات عملاقة عابرة للقارات ما بتعترفش بحدود الدول في البزنس .. بتعترف بالعمالة الرخيصة و التسيهلات اينما وجدت ! .. ده غلاف مجلة امريكية .. به عنوان لمقال كاتب .. يبدوا انه ضجر من الانتشار الصيني ! فكتب عنوان موضوعه : OUR WORLD MADE IN CHINA !


screen grab

[S O P H O S]

بصراحة مش فاكر شئ
لانه مع اللاسف مش بيعيش فترة معاك
علشان تتذكره

[السويدي2015]

الحاجة الوحيدة الي كانت هتبقي مصري مشروع النهضة
خامات مصرية بالكامل
صناعة مصرية بالكامل
تغليف مصري بالكامل
فكرة ومخترع المشروع مصري من اصل مصري بالكامل
صناعة وتمويل بايدي مصرية
مشروع النهضة من اكبر المشاريع في العالم وللاسف مخترع المشروع قرر ينفذو في(قطر - اسرائيل )
بس للاسف الشعب المصري محبش المشروع (مشروع النهضة) واختار جهاز الكفتة