Tweet
يعني الموضوع بيطالب بالغاء التجنيد ولا العنف اللي فيه ولا ايه بالظبط؟
-
-
مما لا شك فيه ان فى فئة كبيرة من الشباب بيكون مهموم من موضوع التجنيد.
الحل الايجابى هو معرفة اسباب نفور الشباب من التجنيد و مرجعتها, محدش بيحب انه يهان او ان سنة و نصف من عمره تضيع بدون اى مكاسب سواء علمية , عملية او مادية.
انما لما يطلع المجند كاره الجيش و بيلعن فى الوطن نتيجة تجاوزات بتحصله فى فترة التجنيد تبقى النتيجة دى بتتعارض مع الغرض الاساسى من التجنيد الاجبارى و هو الدفاع عن الوطن.
و بعدين فى حجات تانية لا تقل اهمية عن التجنيد موجودة فى دول تانية زى التمريض. و دى حاجة بتكون مكسب للشخص و المجتمع و حتنفع برده وقت الحروب و الطوارئ.Comment
-
في ناس بيكون عندها حس وطني عالي ومستعديين يخدموا البلد والجيش بس كل دة بيتغير لما بيخلصوا فترة خدمتهم. للاسف الجيش ذي ما بيعلم الانضباط، بس في سلبيات تانية كتيير معظم الشباب بيعيشهاComment
-
يا جماعة انا مش عارف الناس بن=تهاجمني لية
اولا انا لا اخوان ولا تبع حمدين ولا تبع اي حزب خالص ولا لية اي انتماء سياسي علي الاطلاق
علي فكرة انا محتكش بالجيش كتير ولكن بصراحة وبمنتهي الامانة
في الفترات اللي كنت بتعامل فيه مع اي مؤسسة عسكرية كنت بشوف نظام وتنظيم ممتاز مش موجود في اي مكان خالص
حيت ساعة التريلبة العكسرير اليل كانت موجودة في الجامعة الظباط اليل كانوا بيشروحا المحاضرات كانوا محترمين جدا
بس انا يتغرب من حاجة مافيش شاب في البلد ما يكون في نفسة انة يكون ظابط جيش
يعني كلنا عايزن نخدم بلدنا دة موع لا جدال علية
ولكن بظروف ادميةة
انا واحد صاحبي خريج هدسة القاهرة قسم مدني بيحكي موقبف غريب
بيقول انة اثناء مدة تجنيدة كانوا في منطقةى كدة في الاسماعلية المعهم وهو وزملائة واقفين في عربية ملاكي عديت عليهم وكان فيها طفل صغير ووالدتة الطفل كان بيبصوا عليهم ق\وي
راحت امة قالت للولد الصغير لو مذكراتش دروس واتعلمت هتبقي زي دول كدة
يعني اقصدة انهم مش متعملن في حين انهم كلهم خريجن كليات عليا
يعني اللي قصدو ا جميل فكرة خدمة الوطن لكن مش علي حساب كرامة البني ادم
وياربت محدش يقول اني عميل وتبع الاخووان والكلام دة لان ربنا يعلم ان ماليش في السياسية اصلا بالات في الفتر ة الحالية دي
ودة اخر بوست ليا في الموضوعComment
-
لا سيبنا من السياسة خالص انا مكانش قصدى ده مثال بس عشان ابين قد ايه كل حاجة مختلفة هناك يعنى هما سبقونا بمراحل فى كل حاجة المهمالمشاركة الأصلية كتبت بواسطة sha2e مشاهدة المشاركة
اولا : حضرتك قولت ان التعليم الجامعي فى فرنسا مجاني "برغم ان ده يعتبر استثناء فى اغلب الدول المتقدمة" بس مقولتش ان متوسط المصاريف الادارية 1000 يورو يعني حوالي 10000 جنية مصري مش 50 جنيه زي الجامعات المصرية
ثانيا : قبل ما تحكم على حاجه او تتكلم عن مقارنه لازم تبص وتفهم الواقع الاول قبل ما تكتب الكلام الى انت كاتبه عن المقارنات
نبدأ الاول بالمقارنة بالدخل القومي لمصر والدول المتقدمه
مش هدخلك فى متاهات لكن هضربلك مثل بسيط
اهم حاجة طبعا الضرائب شوف هناك الضرائب على الدخل كام وهنا كام
هتلاقي هناك على كل حاجه ضرائب " وبتندفع "
هنا 80% من التجارة غير رسمي والرسمي بيعمل شقلبظات عشان يتهرب من الضرائب
نيجي على المصروفات :
هتلاقي الموازنه العامه للدوله هنا فى مصر متقسمه لاربع تربع :
الربع الاول : الدعم : بترول - طاقة وكهرباء - رغيف عيش ........الخ
الربع الثاني : لسداد الديون واقساط الديون
الربع الثالث : رواتب الموظفين (الى اساسا مش بيشتغلوا واغلبهم عبء على الدوله)
الربع الرابع : الى البلد كلها ماشيا بيه تعليم وصحة وامن و.......الخ
عرفت الفرق بينا وبين الدول المتقدمه
ومع ذلك ذلك البلد بتدعم الفلاح فى التقاوي - الاسمدة - قروض ومبسددهاش -
بتدعم رغيف العيش
بتدعم الكهرباء سواء المصانع او البيوت -
بتدعم البترول سولار بنزين بوتجاز غاز -
بتدعم التعليم والصحة ........الخ
هاتلى دوله واحده فى العالم بتقدم دعم لكل ده او نصهم حتى
حتى لو مش عليها الاعباء الى على مصر وماشيا بكل موازنتها مش اقل من ربعها فقط زي مصر
وعلى فكرة الى بيحصل ده مش شطارة من الحكومة بالعكس ده عبء على البلد والاجيال الجايا لكن الحكومات شايفه الشعب عايز كده وأكتر كمان ومش مهم بكرة
عمر ما البلد دي حالها هيتصلح غير لما كل واحد يفكر ازاي يفيد البلد ويبطل يفكر ازاي يستفيد من البلد وخلاص ومستكتر عليها سنه واحده من عمره
ثالثا : واضح من آخر فقره من كلامك واخد الموضوع بناء على توجهك السياسي وللأسف انا مش عايز انحرف بالموضوع للسكه دي وكلامي اجتماعي واقتصادي فقط
بالنسبة لفرنسا فالحد الادنى للمرتبات حوالى 1450 يورو فى الشهر يعنى المصاريف الادارية ديه اقل من مرتب شهر ده غير الدخول فى الفرق فى جودة التعليم بين الدولتين فالمبلغ ميعتبرش كبير و مينفعش ان احنا نحول لأن التعليم موجه للفرنسيين نفسهم اللى هم ملهمش اى علاقة بالجنيه المصرى.
معاك ان الضرائب فى اوروبا اعلى بس فيه ناس برضه بتتهرب كتير و بتتحايل على القانون خصوصا اصحاب اعمال صغيرة بس الكبار و اللى معاهم فلوس بيدفعوا ضرايب كتير جدا و ده اللى خلى كتير منهم يسيب فرنسا بعد قوانين الضرايب الجديدة .. طبعا فى مصر العكس تقريبا معظم اللى بيدفع هما اصحاب الاعمال الصغيرة و الحيتان معظمهم بيتهربوا بطريقة او اخرى بس حضرتك نسيت تقول بقى ان الضرايب صحيح كتير فى فرنسا بس الشعب فعلا بياخد خدمات باللى بيدفعوا مش زى مصر بتدفع ضرايب حتى لو مش كتير بس مش بتاخد بيها حاجة ..
الدعم فى مصر فعلا استهبال و الدولة بتدعم حاجات كتير جدا انا معاك فى ديه بس الخدمات تحت الصفر و فيه حاجة زى الجمارك مثلا بتدخل دخل كبير برضه و مش موجودة فى دول كتير او لو موجودة بيبقى فيه بدايل من انتاج البلد نفسها مثلا ..
المهم انا مش مستكتر ان ادى للبلد سنة واحدة بس فعلا السنة ديه بتضيع قولى انا بقدم ايه للبلد لما ادخل الجيش اتهان و اشتغل شغل ملهوش اى علاقة بتعليمى و فى نفس الوقت فعليا انا مش بقدم حاجة يعنى اكيد لو اشتغلت جرسون او ببيع اكل انا كده مش بحمى البلد
لا بالعكس بقى انا السنة ديه برة ممكن اشتغل فى المجال بتاعى و افيد البلد اكتر 100 مرة من دخولى الجيش و تضييع وقت و لا انا بستفيد منه و لا الدولة بتاخد منى حاجة فعليا .. انا شايف ان حضرتك ماشاء الله فاهم و اكيد تعرف اللى بيحصل فى الجيش و ان فعليا الدولة مش بتستفيد من معظم اللى بيدخلوا تجنيد اجبارىLivin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
:nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]Comment
-
يعني اللي انا فاهمته من مشاركه حضرتك انك مدخلتش جيشالمشاركة الأصلية كتبت بواسطة محمد طارق
و شايف انه بيجي على كرامه البني ادم بناءا على حكايه
والحكايه طرفها ست و ابنها و عساكر
طب العسكري ده لما الست المتخلفه الجاهله دي قالت كده سكت ليه على كرامته كان المفروض يوقف العربيه و ينزلها من عربيتها و يضربها قدام ابنها و يقوله ماما جاهله و مبتفهمش
ايه المطلوب؟
ايه المطلوب من واحده حاقده جاهله متخلفه و من عسكري بيقضي فتره خدمته في جيش بلده؟Comment
-
انا مقرتش الموضوع
بس بما اني النهاردة عرفت اني لبست في الجيش خلاص ان شاء الله احبك اقلك الجيش في كلمة واحدة
" سخره "Comment
-
طول ما في بلد عالشرق فوق اسمها اسرائيل لازم يبقى في تجنيد اجباري...واللي مش عاجبه البلد يسيبها ويمشي لان مش على اخر الزمن شوية عيال ضربو برشامتين وقروا كتابين افتكروا انهم فلاسفة وعارفين الحرية والديموقراطية والشعب كله جاهل....شرف لأي حد انه يخدم في الجيش المصري واللي مش عاجبه يسيبها ويروح قطر من الاخر.Comment
-
من الطبيعى جدا يكون هناك مشقه فى الخدمه العسكريه الجيش بيؤهل مقاتل لو حدث اى ظرف او اعتداء على بلده لازم يكون صخره واقفه لاى معتدى مش يبقى عيل نايتى يموت من الرعب لازم المجند يتحط تحت ضغوط كثيره ويتعامل معاها ومشقه عاليه جدا ويكون مؤهل لها ويتدرب تدريب عالى لرفع كفائته القتاليه اقسم بالله كنا بنام فى اماكننا وقت كلمه انصراف من شده الارهاق فى التدريب وياما فى عز البرد كنا بنتغرق بخراطيم المياه .وكنا فى المناورات لاننام باليومين والاكل ممكن يتأخر عمدا . وكنا كارهين الكلام ده من جوانا بس انا لو دخلت حرب لازم اكون مؤهل لتحمل المشقه وقله النوم ولجوع والنوم فى المطر .. حد هيقولى دى مش معامله آدميه هقوله ده تدريب لبناء رجل يتحمل الدفاع عن بلده.. مشكله ناس كتير انها لاتستطيع التأقلم على النظام الصارم .. ولو لغينا التجنيد الاجبارى نأجر مرتزقه بقى يحموا حدودنا[SIGPIC][/SIGPIC]Comment
-
فخور وبحمد ربنا انى دخلت جيش
بجد مش ندمان خالص واتعرضت لتريقة فى رمسيس مانسهاش لحد دلوقتى طبعا كنت لسة طالع من الجامعة 2002 وكنت شايف نفسى حبيتين ولبس بقى على الموضة بناطيل كونز وريفل مش هايعرف الكلام دة الا الى سنة 30 وانت طالع المهم واحنا جوة رمسيس مستنين القطر الحربى رايحين معسكر الاستقبال واحد روش بيقولى الساعة كام يادفعة بصيتلة كدة وقولتلة دفعة؟؟؟؟؟؟؟؟؟؟
راح ضاحك وقالى امال اقولك لواء هههههههههههههههههههههه اما نمرة بصحيح طبعا موقف قفلنى من اولها
المهم فى ناس بتقولك انا مادخلتش جيش انا شوفتة فيديو اهو انا بقى كنت فى الفيديو
كنت اول خط دفاع يعنى اول مادخلت الوحدة صف الظابط قالنا انتو مهمتكوا تعطيل العدو 5 دقايق انت كدة كدة ميت ههههههههههههه مش عايز اقولك شعورى كان عامل ازاى
واللة احلى ايام اتعلمت فيها اللى عمرى ماكنت هاتعلمة لو عشت عمرين على عمرى
احلى صحبة واحلى ضحك فى حياتى
عايز احكيلك من كتر التقشف اللى كنا فية واللة الكلاب كانت بتاكل حلاوة ميرى تخيل بقى
حكايات وزكريات لو قعدت احكى عليها مش هايكفينى اسبوع
اتعلمت الصبر واتعلمت ابص فى وش البنى ادم اعرف اولة من اخرة
دخلت مشروع حرب واللى دخل الجيش هايعرف يعنى اية مشروع حرب
طول مدة خدمتك تبقى كارة اليوم اللى اتولدت فية بس لما تطلع بتقول كانت ايام حلوة
للاسف زمانا غيركوا وجيلنا مختلف تماما عن الجيل دةلا الة الا انت سبحانك انى كنت من الظالمينComment
-
قولهم شباب الحريه الفكريه و نطالب بالغاء التجنيد الاجباريالمشاركة الأصلية كتبت بواسطة mastr_n
ديه اسمها الجهاديه يا نااااسComment
-
انتة بتدخل الجيش عشان تحافظ علي بلدك من العدو ولو بلدك مفيهاش جيش هتبقي زي فلسطين
انا مدخلتش الجيش (وحيد) وكان نفسي ادخل الجيش الي دخل الجيش غير انه هيحمي بلده هيتعلم كتيرComment
-
انا مش عارف اقولك ايه بصراحةالمشاركة الأصلية كتبت بواسطة r0xer مشاهدة المشاركة
بس طول ما احنا عايشين فى نظرية المؤامرة ديه و قطر و تركيا و الهبل ده و الله ما هنطلع خطوة لقدام
و اللى عاجبه حال البلد ديه دلوقتى يبقى لازم هو اللى يراجع نفسه .. لما امشى فى الشارع ابقى خايف عيل ضارب برشامتين يهدد اسرتى و يثبتهم عشان شرطة مش راضية تشوف شغلها .. لما كهربا تقطع كل يوم تقريبا .. لما ملاقيش اى خدمات .. لما الاقى مصريين بيقتلوا فى بعضهم .. مفروض انى ابقى مبسوط و اقول ام الدنيا اه و على فكرة عشان ترتاحوا اه فعلا معظم الناس الكويسة بدأت تفكر انها تسيب البلد ..
اقولك على حاجة يا باشا ما تروح تطوع فى الجيش و تنول الشرف العظيم و يا سلام بقى لو رميت العدو الاسرائيلى فى البحر
Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
:nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]Comment
-
طبعا موافق على الخدمة العسكري الأجبارية
تتوافق أكثر مع الطبيعة المصري و تتوافق مع ظروف الشرق الأوسط و المنطقة العربية .
اللي ينكر المؤامرات التي تُحاك للعرب و المسلمين جميعا يبقى مش شايف الحقيقة و بلاش أقول عليه جاهل .
و اللي ينكر أننا بنساعد المؤامرات دي تنجح برضه يبقى مش شايف الحقيقة .
في النهاية أنا مش عايز أخرج بالموضوع لأي توجه سياسي حالي في البلد و لا أملك إلا أن أدعوا أن تتآلف قلوب المصريين على حُب بعض .
على فكرة
مصر بتعوض التفوق التكنولوجي الأسرائيلي علينا (بسبب دعم امريكا و اوروبا اللانهائي لهم ) بالعدد
و خسائرنا في 73 العددية من أكبر الدلائل على ذلك .
تم ذكر موضوع العراق في الموضوع
العراق دخل في حرب مع ايران لمدة 8 سنوات متواصلة (تم أنهاك الجيش فيها و مقدرات البلاد الأقتصادية - و دي برضه كانت مؤامرة امريكية للتخلص من نظام ايران المعادي لها )
و بعدين العراق دخل الكويت ...... و حارب تحالف كامل مش أمريكا بس ... ده غير أن فيه أشاعات حصلت جعلت الجنود يفرون و يتركون أماكن الدفاع الخاصة بهم ....... و بعدين أمريكا فضلت تستنزف فيهم لغاية ما الجيش أصبح مهلهل و دخلوا عليهم و أحتلوهوم .
و بعدين بقى الشعب العراقي دلوقتي بيتمنى رجوع جيشه تاني و رجوع صدام تاني بدل الحرب الأهلية و الأرهابيين الذين يعيثون في الأرض فسادا هناك .
التجنيد الأجباري مهم خصوصا لدول مثلنا عندهم مؤامرات خارجية و داخلية على حد سواء .
[img2]http://i59.tinypic.com/2vxpukz.jpg[/img2]Comment
-
هو اجبارى فى بعض الدول مش مصر فقط وللعلم لو تم عملو اختيارى بس بمرتب زى بعض الدول هتلاقى ملايين رايحه تقدم زى بعض الدول وهنا عندك 12 مليون عاطل تقريباً يعنى هتلاقى فى وسطه لتوظيف الناس فى الجيش من كتر التقديم[RIGHT][B][FONT=Impact]أحمد فهمى[/FONT]
[/B][/RIGHT]Comment
Comment