حد اشترى فى مشروع I Villa ماونتن فيو ؟

[Secret-Man]

حد هنا يقدر يفيدنى فى مشروع I Villa الى فى التجمع او اكتوبر تقريبا

يعرفنى ايه الاسعار والمساحات والخدمات وهل المكان يستاهل تمنه ولا فيه مشاكل ؟

لانى ناوى ان شاء الله احجز فيه فيلا فى ماونتن فيو

Mountain View | a life to look up to

[أحمد عبدالله]

متابع

[svneleven]

شوف يا باشا أولا ابعتلي ال ايميل بتاعك علي الخاص أبعتلك ميل منهم فيه الاسعار قبل الزيادة و ممكن تبعتلهم ميل علي طول هيردو عليك بالاسعار و خطط التقسيط. أنا كنت مهتم بمشروع أكتوبر.
أولا كلمتهم أطلب زيارة للموقع قالو ما فيش زيارات دلوقتي عشان الطريق Unsafe قولتلها يعني ايه ممكن أجيب عربية 4x4 عادي و ندخل نتفرج قالتلي مش ينفع.
المهم عملت عبيط و روحت علي هناك سلمت علي الغفير و شوية كلام دخلني اتفرج. الشغل ماشي عادي لكن الصراحة ما اتوهمتش لأن المباني قريبة جدا من بعضها المسافة حوالي 20 متر بالكتير مش زي مانا كنت متصور و المباني الصراحة شكلها حلو.
المشروع واجهته قريبة من كابلات الضغط العالي لكن لما تدخل جوا بتبقي بعيد عن الكابلات.
الصراحة الفلوس كتير علي المستوي جدا.

[Secret-Man]

اصل شوفت اشكال المبانى على الموقع واعلاناتهم قولت بس ديه ماونتن امريكا

[mohamed hussei]

السعر كام ؟

[svneleven]

مليون و 750 ألفو طالع لل تاون هاوس و ال اي فيلا أظن مليون و 100 ألف.

[egyptawy2010]

اعتقد قيه مشروع فلل بجواره اسمه الباثيو وارخص منه

ياترى حد شافه

[Secret-Man]

طب ايه مشروع الفلل النضيف الى يكون طرق الدفعه
ويكون نظام فلل فى كمبواند فى التجمع او اكتوبر مثلا

[svneleven]

أرخصهم pyramids walk تبع دجلة. لكن بردو المستوي مش أد كده.

[egyptawy2010]

أرخصهم pyramids walk تبع دجلة. لكن بردو المستوي مش أد كده.

ده احسن من الباثيو

[svneleven]

ده احسن من الباثيو

انا مش عارف الصراحو الباثيو ده فين. لكن أنا شوفت بردو جراند هايتش أغلي من ماوتنتين فيو لأنه بيسلمك متشطب و أقل حاجة 2 مليون و 100 ألف لكن قلقت منهم لأن قالولي أنهم خلصو أول phase و بعد ما اتفرجت علي المشروع قلت هو فين بقي أول phase عشان اتفرج عليه قالولي أصله مش كبير قوي يعني عشان تشوفو و اتهربو فالصراحة قلقت منهم. مش عارف الواحد يعمل ايه.

[Secret-Man]

انا مش عارف الصراحو الباثيو ده فين. لكن أنا شوفت بردو جراند هايتش أغلي من ماوتنتين فيو لأنه بيسلمك متشطب و أقل حاجة 2 مليون و 100 ألف لكن قلقت منهم لأن قالولي أنهم خلصو أول phase و بعد ما اتفرجت علي المشروع قلت هو فين بقي أول phase عشان اتفرج عليه قالولي أصله مش كبير قوي يعني عشان تشوفو و اتهربو فالصراحة قلقت منهم. مش عارف الواحد يعمل ايه.

فعلا بحس ان اغلب مشاريع مصر كلها نصب وسرقه واراضى منهوبه من الدوله

واحنا الى بنلبس بفلوسنا

[dongol123]

انا كمان عايز اشتري في التجمع فياريت اللي يعرف كومبوند كويس و يكون راقي و تسليمه قريب يقلنا عليه و أهم حاجة تكون الشركة مضمونة

[Shiemaa]

الباتيو حنب ماونتن فيو وهي نفس شركة لافيستا اللي في الساحل والسخنة