استشارة عاجلة لصديق

[محمد يوسف]

أحد أصدقائى عمل فيزا مع بنك المشرق من حوالى سنة ونص .. وهى فيزا ع المكشوف يعنى بدون ضمان وديعة أو حساب أو تحويل راتب ..الخ...أنا الحقيقة نصحته وقتها بلاش بس هو ظروفه كانت صعبة ساعتها والليميت بتاعها كان مغرى وتسهل له حاجات كتيرة
المهم هو فضل منتظم فى سداد الحد الأدنى لمدة سنة وشوية بس كان استنفذ خلالها الليميت بتاع الكارت وأصبح دلوقتى أوفر ليميت وماسددش الحد الأدنى شهرين وداخل فى التالت
المهم هو اتصل بيا أول امبارح مخضوض وبيقول لى ان بتوع التحصيل كلموه وهددوه ان ورقه حايتحول لمكتب محامى تحصيل وده حايروح له بيته وشغله وكل مكان لغاية مايدفع أو يرفعوا عليه قضية ويحجزوا على بيته وعربيته.. وطبعا الولد مرعوب عشان الاحراج والفضيحة وهما بيقولوا له انت ماضى على كده من الأول
أنا حاولت أهدى فيه طبعا بس كلنا عارفين ان مافيش قانون فى البلد دى حاليا واللى عايز حاجة بيعملها
هل فعلا فيه حاجة اسمها محامى تحصيل ديون وهل فعلا يقدر يعمل اللى قالوا عليه ده قانونا ؟
وهل فيه نصيحة ممكن أنقلها لصاحبى ؟ هو طبعا بيحاول يدبر الفلوس اليومين دول بس هل تنصحوه بأى حاجة ممكن تطمنه شوية؟

[أحمد كمال]

1- ايوة فيه كده

2- هيتعلم عليه كمان بنك مركزي

3- الحل انه يدفع الحد الادنى فورا كبادرة حسن نية + يتصل بالبنك بادارة التحصيلات و يتفق معاهم على اتفاق تسوية ...... مثلا لو عليه 10 الاف ممكن يتفق على تسويتهم على 10 شهور في 1000 .......


4- غالبا هو ماضي شيك او promissory note يعني ممكن ينفخوه بالقانون كمان

[محمد يوسف]

1- ايوة فيه كده

2- هيتعلم عليه كمان بنك مركزي

3- الحل انه يدفع الحد الادنى فورا كبادرة حسن نية + يتصل بالبنك بادارة التحصيلات و يتفق معاهم على اتفاق تسوية ...... مثلا لو عليه 10 الاف ممكن يتفق على تسويتهم على 10 شهور في 1000 .......


4- غالبا هو ماضي شيك او promissory note يعني ممكن ينفخوه بالقانون كمان

أستاذ أحمد ..شكرا لردك...أنا كنت باكتب الموضوع ونفسى تشوفه لأنك خبرة فى المجال ده بس ردك سودها قوى ياباشا
بص هو بيحاول يدبر الفلوس وعنده نية السداد ..بس لما اتكلم مع مندوب البنك اللى اتصل بيه فى قصة التسوية دى قال له مافيش حاجة كده ولازم تسدد المبلغ كامل وبالفوائد
وبعدين محامى التحصيل ده ممكن يشتغل بلطجة ؟ لأن فيه ناس قالوا له ده حايعين لك واحد ولا اتنين صيع يترصدوك وانت داخل وانت خارج ويطلعوا يكلموا أهلك وانت فى الشغل ويحرجوك فى وسط الشارع وهو ليه وضع محترم وسط جيرانه وخايف من الحاجات دى
أنا اتصلت بيه دلوقتى وقال لى هو ما مضاش شيكات بس مضى على ورق كتير جدا مايعرفش كل اللى فيه وأكيد فيهم التعهد الل تقصده...بس تقصد ايه بكلمة ينفخوه بالقانون ؟

[أحمد كمال]

لو راح ادارة التحصيل في البنك و وافق يدفع جزء دلوقتي و يجدول الباقي (و يلتزم بالجدول) ممكن يلموا الموضوع

يسيبه من المندوب دلوقتي و يكلم ادارة التحصيل ........ ماعرفش يوصل لهم بالتليفون يشوف المركز الرئيسي فين و يروح لهم

ايوة شركات التحصيل عبارة عن بلطجية ....... Debt Collection Agencies دي شركات بتشتري الدين بنص تمنه او اقل احيانا ..... يعني مثلا صاحبك عليه 10 يشتروه ب 5 و يحاولوا يطلعوا باللي يقدروا يطلعوا بيه منه فطبعا ساعتها هيعملوا اللي ما يعمل عشان ياخدوا ال 10 عشان يسدوا ال 5 اللي دفعوها + قول 1 و لا 2 مصاريف اتكلفوها + مكسبهم


ايوة عندهم ناس شلق جدا و بيجيبوا بياناته و بيكلموه هو و اصحابه و جيرانه و قرايبه و نسايبه و اهله و يسيحوا له في كل مكان ....... ناس شغلتها الفضايح اساسا


لو مضى على promissory note دي اقوى من الشيك و وصل الامانة (اسمها بالعربي سند لإذن) و دي لو راحت النيابة دي تهمة مخلة بالشرف و هو ده اللي قصدته بالنفخ بالقانون

[محمد يوسف]

أخر سؤال يا أستاذ أحمد... الكلام ده كله بيحصل لمجرد تأخير شهرين ولا ليه حد ملزم قانونا ( 6 شهور مثلا) ويكونوا فى البنك بيهددوه بدرى شوية عشان يستعجلوه؟ هو طبعا مش حايستنى 6 شهور لكن برضه متهيألى صعب بنك يبيع دين عميل لمجرد شهرين أو 3 تأخير... ولا ايه؟

[أحمد كمال]

أخر سؤال يا أستاذ أحمد... الكلام ده كله بيحصل لمجرد تأخير شهرين ولا ليه حد ملزم قانونا ( 6 شهور مثلا) ويكونوا فى البنك بيهددوه بدرى شوية عشان يستعجلوه؟ هو طبعا مش حايستنى 6 شهور لكن برضه متهيألى صعب بنك يبيع دين عميل لمجرد شهرين أو 3 تأخير... ولا ايه؟

قانونا من حقهم تاخير حتى شهر

اغلب البنوك بتتحرك بعد شهرين او تلاتة ........ مفيش بنك بيستنى ست شهور و الفوايد و الغرامات تتراكم عشان يقلل ال bad debts او الديون المعدومة

[Ahmed_Rahem]

كلام العضو أحمد كمال صح، يحاول يروح التحصيل مباشرة لان المندوب عندة تارجيت تحصيل والجدولة مش هتتحسب ليه، فيحاول يحصل أكبر قدر ممكن.

ودايماً الغلطة الى الكل بيقع فيها سداد الحد الادنى فقط وترك الباقى، الفيزا تسدد بالكامل او على الاقل من 50% الى 75% من الرصيد الشهرى الى عليك لو مزنوق، غير كدة هتتعب جداً منها.

وربنا يعينه

[محمد يوسف]

طيب يا أستاذ أحمد هى المكاتب دى بيتصلوا بيه الأول ويتفاوضوا معاه ولا بيبتدوها بلطجة وتسييح من الأول ؟

ولو اتحول لهم ورقه قبل مايلحق يسدد بيدفع لهم هما ولا بيدفع للبنك ؟ ولو عمل جدول تسوية بيبقى معاهم ولا مع البنك؟ وهل البنك بيدى له مخالصة لو دفع لبتوع التحصيل دول؟

[أحمد كمال]

طيب يا أستاذ أحمد هى المكاتب دى بيتصلوا بيه الأول ويتفاوضوا معاه ولا بيبتدوها بلطجة وتسييح من الأول ؟

ولو اتحول لهم ورقه قبل مايلحق يسدد بيدفع لهم هما ولا بيدفع للبنك ؟ ولو عمل جدول تسوية بيبقى معاهم ولا مع البنك؟ وهل البنك بيدى له مخالصة لو دفع لبتوع التحصيل دول؟

مش عارف و الله لان كل بنك و كل شركة تحصيل و ليهم ال process بتاعتهم ........


بس انا وجهة نظري ان احسن حل انه بكرة الصيح يلبس هدومه و يروح البنك يدفع الخد الادنى + الاوفر ليميت و ياخد الايصال و يطلع على ادارة التحصيل في المركز الرئيسي للبنك و الوصل معاه لاثبات حسن النية

بكرة ...... مش يوم الحد ...... مش يوم الاتنين ....... مش اما يفضى ....... بكرة

[مواطن مصرى]

1- ايوة فيه كده

2- هيتعلم عليه كمان بنك مركزي

3- الحل انه يدفع الحد الادنى فورا كبادرة حسن نية + يتصل بالبنك بادارة التحصيلات و يتفق معاهم على اتفاق تسوية ...... مثلا لو عليه 10 الاف ممكن يتفق على تسويتهم على 10 شهور في 1000 .......


4- غالبا هو ماضي شيك او promissory note يعني ممكن ينفخوه بالقانون كمان

+10000000000000000

عايز اضيف كمان 4 ملاحظات ...

اولاً :
اى credit card بيطلع بضمان المرتب لشركه غير حكوميه او بدون ضمانات (offer من بنك او حد عارف مندوب فى بنك و حب يعمل واجب مع حد صاحبه مثلا) لازم يكون فيه promissory note ملحقة عقد الاتفاق (الاستماره اللى بيملاها دى تعتبر agreement) .. السند ده قانوناً زى وصل الامانه (ساعات اعلى لو من بنك حكومى) و لو راح النيابه فيها حبس 3 سنين بس البنك مش هايعمل كده لانه عايز فلوسه و ده درس ان اى حد لازم فى تعاملات البنوك بالذات يقرأ كل ورقه و كل حرف قبل ما يمضى عليها ..

ثانياً :
لو مدفعتش و عدى عليك وقت (3 شهور الى 6 شهور حسب سياسه كل بنك فى الحد الائتمانى و التحصيل) البنك بيبعت اسمك الى القائمه السوداء black list فى البنك المركزى و تعتبر كده fraud client يعنى عميل نصاب لو رحت اى بنك تانى تطلب قرض او فيزا او حتى تضمن حد او حتى تفتح حساب تحويلات (مش حساب جارى) البنك مش هايرضى يتعامل معاك

ثالثاً :
لازم بأسرع وقت ممكن الاخ صاحب المشكلة يروح البنك ده و يتفق مع اداره التحصيل على جدوله المبلغ و يدفع جزء منه كبادره حسن نيه فى مقابل تجميد موضوع مكتب المحامى ده لانه عباره عن فضيحه ملهاش لزمه مهما كان المبلغ كبير او صغير .. على الاقل يشترى كرامته بالمبلغ اللى هايدفعه دلوقتى ..

رابعا :
لو المبلغ المطلوب كبير (مليون جنيه مثلاً) يمكن قانوناً عمل طلب تقسيط مع اعاده النظر فى الفوائد (الفائده المركبه تضاعف اصل مبلغ الدين) بس ده فى بنوك معينه و عن طريق محامى او محاسب قانونى

[mfe]

بداية انا تابعت كلام استلذ احمد و فى مجمله صحيح
بداية حد التفاوض الودى مع العميل هو ٩٠ يوم من التوقف عن السداد و لا يمكن للبنك ان ياخد اجراء قانونى خلال الفترة دى. لصعوبات يطول شرحها. منها ان الاجراء القانونى. يتطلب تكوين مخصص للقرض و هذا اسوء شئ لاى بنك
نصيحتى حاول تسوى باى شكل خلال ال ٩٠ يوم دول بمعنى ترجع عميل منتظم تانى. و الا ستواجه مأ يلى
١ اجراءات. قانونية بعد ٩٠ يوم توقع فيها اى شئ قانونى او غير قانونى
٢ ابلاغ قاعدة معلومات i score ولمن لا يعرفها كل من يتعامل اى معاملة مع البنوك. يسجل فيها و ياخد نقاط على حسب معاملاته و اذا قام البنك بالابلاغ انه متوقف عن. السداد معنى كده انسى انه باخد قرض من اى بنك او تقسيط عربية. او حتى خط محمول فاتورة او تقسيط شقة تبع شركة لان كله بيتعامل مع. I score دلوقتى و الاستعلام خمسة جنيه فقط
فى الحالة دى حتى لو سدد فاسمه مش هيترفع من القائمة السوداء
٣ الفوائد المتراكمة و غرامات التاخير سوف تتراكم الى مبلغ. لن يصدقه احد لا فوائد الكارت ٢٦٪ سنويا و غرامة التاخير ٥٠ جنيه شهريا و اعتقد فيه غرامات اخرى
يبقى خلى صاحبك يروح يسوى قبل ما كل ده يحصل

[Samah AbdAllah]

اشتغلت فترة في مكتب من دول :-)
مكملتش طبعا عشان لازم تبقا قليل الادب فعلا والا مش هتقدر تحصل اى مبلغ من العملاء يعنى مش هتحقق تارجت يعنى مش هتقبض اخر الشهر
يعنى تخيل انت شغال في مكان مرتبك مرتبط بالكامل باللى هتحصله من العملاء فاكيد هتعمل كل حاجة واى حاجة وخاصة انك صاحب حق وبتتعامل مع العميل على انه نصاب ومش عاوز يدفع وهو بيتعامل معاك باكتر من طريقة ابسطها انه يتهرب منك ولو مستبيع يقولك ارفع قضية براحتك وتاخد دورها في المحاكم بقا
طبعا القضية بالنسباله مش مهمة ومبتبقاش تهدييد مناسب
فبيكون الحل الامثل الفضايح في الشغل في البيت وسط الجيران في اى مكان بتروحه
بتعمل اى حاجة عشان تخليه يدفع
التعامل بينك وبين البنك زى ما قالك احمد كمال افضل حل ليك وللبنك لان البنك كمان افضله انه يحصل من العميل
وهو دلوقتى بيهددك لكن لسة مبعتش القايل بتاعك للمكتب لانه لو باع الدين للمكتب خلاص مش هيكلموك تانى ومالهومش حاجة عندك وهيبقا كل التعامل مع المكتب
لازم يظهر جدية للبنك في السداد وهتتحل ان شاء الله

[محمد يوسف]

جزاكم الله خيرا جميعا

هو اتصرف فى جزء وسلفته جزء بس ماقدرش يكمل المبلغ كله بس راح دفع نص المبلغ وراح لهم فى التحصيل قالوا له سدد كل المطلوب وبعدين قدم طلب بتسوية الباقى لكن ماينفعش تسوية بدون سداد ال 15% كلهم أولا
بس وعدوه خلاص ان ملفه مش حايتحول مكتب تحصيل

ربنا يعينه ع السداد..... بس بجد ماكنتش متخيل ان فيه كده فى مصر وان فيه ناس بتشتغل شغلانة رخيصة قوى كده

ربنا يستر ع الناس

[sas5]

جزاكم الله خيرا جميعا

هو اتصرف فى جزء وسلفته جزء بس ماقدرش يكمل المبلغ كله بس راح دفع نص المبلغ وراح لهم فى التحصيل قالوا له سدد كل المطلوب وبعدين قدم طلب بتسوية الباقى لكن ماينفعش تسوية بدون سداد ال 15% كلهم أولا
بس وعدوه خلاص ان ملفه مش حايتحول مكتب تحصيل

ربنا يعينه ع السداد..... بس بجد ماكنتش متخيل ان فيه كده فى مصر وان فيه ناس بتشتغل شغلانة رخيصة قوى كده

ربنا يستر ع الناس

اخى العزيز محمد السلام عليكم ورحمه الله
انا عارف انك حقانى ومتابع مشاركاتك منذ زمان - الاخوه الاعضاء تناولوا جزء من الموضوع وتركوا جزء اخر.
مين الغلطان هل البنك ام العميل
ازاى اصرف فلوس وليس معى مااسدد ماصرفته
هذا الشخص ليس مسئول ولايستحق التعاطف وسوف يستمر فى التصرفات الغير مسئوله حتى يتقرص ويتعلم ان يسيطر على نفسه . لا اعتقد ان كل ماصرفه من الكارد كان على علاج او مصاريف ضروريه بل اعتقد ان جزء منها تم صرفه على كلام فاضى ممكن الامتناع عنه او تاجيله والدنيا لن تتوقف اذا لم يشتريه .
كروت الائتمان مش معموله من اجل ان اصرف الفلوس ولا اسدد.

انا معى كروت فيزا ولا اشترى شى بالكارد الا اذا كان معى نقدا قيمه ماشتريته بالكارد يعنى ممكن ادفع نقدا ومفيش مشكله .

فيه موضوع حصل امامى لى جار مؤجر شقته لمهندس وهذا المهندس امتنع عند سداد الايجار وصاحب الشقه رفع قضيه على المؤجر ووقت التنفيذ وصل المبلغ المستحق عشرون الف جنيها
بخلاف الكهرباء والماء ومصاريف المحامى وعند نقل العفش زوجه المهندس عملت تمثيليه واخذت 200 جنيها من المحامى مصاريف نقل العفش .
هل هذا المهندس يستحق التعاطف معه .

[محمد يوسف]

اخى العزيز محمد السلام عليكم ورحمه الله
انا عارف انك حقانى ومتابع مشاركاتك منذ زمان - الاخوه الاعضاء تناولوا جزء من الموضوع وتركوا جزء اخر.
مين الغلطان هل البنك ام العميل
ازاى اصرف فلوس وليس معى مااسدد ماصرفته
هذا الشخص ليس مسئول ولايستحق التعاطف وسوف يستمر فى التصرفات الغير مسئوله حتى يتقرص ويتعلم ان يسيطر على نفسه . لا اعتقد ان كل ماصرفه من الكارد كان على علاج او مصاريف ضروريه بل اعتقد ان جزء منها تم صرفه على كلام فاضى ممكن الامتناع عنه او تاجيله والدنيا لن تتوقف اذا لم يشتريه .
كروت الائتمان مش معموله من اجل ان اصرف الفلوس ولا اسدد.

انا معى كروت فيزا ولا اشترى شى بالكارد الا اذا كان معى نقدا قيمه ماشتريته بالكارد يعنى ممكن ادفع نقدا ومفيش مشكله .

فيه موضوع حصل امامى لى جار مؤجر شقته لمهندس وهذا المهندس امتنع عند سداد الايجار وصاحب الشقه رفع قضيه على المؤجر ووقت التنفيذ وصل المبلغ المستحق عشرون الف جنيها
بخلاف الكهرباء والماء ومصاريف المحامى وعند نقل العفش زوجه المهندس عملت تمثيليه واخذت 200 جنيها من المحامى مصاريف نقل العفش .
هل هذا المهندس يستحق التعاطف معه .

وعليكم السلام ورحمة الله وبركاته
كلام حضرتم صح طبعا ومظبوط .. لكن احنا مانقدرش نعرف ولا نحكم على كل ظروف الناس..وهو حتى لو أخطأ التصرف فأنا واثق أنه لم ينفق فيما يغضب الله...أكيد كان فيه رفاهيات وكماليات لاداعى لها بس أرجع وأقول لو جالك صاحبك مزنوق ومحتاج لازم تحاول تساعده.... وهو فعلا اتقرص بس مش لازم القرصة تكون بفضيحة ليه ولعياله... ربنا يسترنا جميعا دنيا وأخرة
تصدق حضرتك انه لسه حاكيلى من يومين انه راح لشيخ جامع كبير قريب من بيتهم ويعرفه كويس وحكاله مشكلته وقال له سلفنى من صندوق تبرعات الجامع المبلغ اللى ناقصنى كقرض حسن وأمضى لك على كل الضمانات اللازمة واعتبرنى من الغارمين ولكن شيخ الجامع قال له الفلوس اللى عليك دى ربا وأنا ماطلعش فلوس الجامع أسدد بيها قرض ربا.... طب بأمانة الله ده منطق ولا دى أخلاق دين؟