استشارة عاجلة لصديق

[sas5]

وعليكم السلام ورحمة الله وبركاته
كلام حضرتم صح طبعا ومظبوط .. لكن احنا مانقدرش نعرف ولا نحكم على كل ظروف الناس..وهو حتى لو أخطأ التصرف فأنا واثق أنه لم ينفق فيما يغضب الله...أكيد كان فيه رفاهيات وكماليات لاداعى لها بس أرجع وأقول لو جالك صاحبك مزنوق ومحتاج لازم تحاول تساعده.... وهو فعلا اتقرص بس مش لازم القرصة تكون بفضيحة ليه ولعياله... ربنا يسترنا جميعا دنيا وأخرة
تصدق حضرتك انه لسه حاكيلى من يومين انه راح لشيخ جامع كبير قريب من بيتهم ويعرفه كويس وحكاله مشكلته وقال له سلفنى من صندوق تبرعات الجامع المبلغ اللى ناقصنى كقرض حسن وأمضى لك على كل الضمانات اللازمة واعتبرنى من الغارمين ولكن شيخ الجامع قال له الفلوس اللى عليك دى ربا وأنا ماطلعش فلوس الجامع أسدد بيها قرض ربا.... طب بأمانة الله ده منطق ولا دى أخلاق دين؟

اخى محمد السلام عليكم ورحمه الله
من عيوب كروت الائتمان انها تسهل الامور على الشخص يحس ان معاه نقود وتجعله بعض الاوقات يتدبس في اشياء لن يشتريها اذا تطلب الدفع نقدا.

انا متخيل ن الذى تم سحبه من الكرد اكثر من 15000 جنيها ولذلك انا رديت على حضرتك بردى السابق
معذره ممكن نعرف المبلغ المطلوب كام على الكرت وهل هو لبنك واحد فقط ام اكثر من بنك - طبعا احنا لانعرف اسم الشخص .

انا مثلا كل يوم يتصل بى مندوبى البنوك مش للترويج للقرض اقول لهم لا لغايه ما تعبت من كثره الاتصالات - يمشون معك بسهوله لحين تقع في الفخ.

مسئول الكرديت كارد في بنك بيقولى انت عميل مش كويس بالنسبه للبنك بتاعنا فسالته ممازحا لماذا - قال لى انت تسدد مستحقاتك مقدما ونحن لانرغب في ذلك - حيث اننى فى بعض الاوقات اودع اكثر من المطلوب في الكرد فاصبح انا اللى مداين البنك اختصارا لتقليل عدد مرات الذهاب الى البنك

[محمد يوسف]

اخى محمد السلام عليكم ورحمه الله
من عيوب كروت الائتمان انها تسهل الامور على الشخص يحس ان معاه نقود وتجعله بعض الاوقات يتدبس في اشياء لن يشتريها اذا تطلب الدفع نقدا.

انا متخيل ن الذى تم سحبه من الكرد اكثر من 15000 جنيها ولذلك انا رديت على حضرتك بردى السابق
معذره ممكن نعرف المبلغ المطلوب كام على الكرت وهل هو لبنك واحد فقط ام اكثر من بنك - طبعا احنا لانعرف اسم الشخص .

انا مثلا كل يوم يتصل بى مندوبى البنوك مش للترويج للقرض اقول لهم لا لغايه ما تعبت من كثره الاتصالات - يمشون معك بسهوله لحين تقع في الفخ.

مسئول الكرديت كارد في بنك بيقولى انت عميل مش كويس بالنسبه للبنك بتاعنا فسالته ممازحا لماذا - قال لى انت تسدد مستحقاتك مقدما ونحن لانرغب في ذلك - حيث اننى فى بعض الاوقات اودع اكثر من المطلوب في الكرد فاصبح انا اللى مداين البنك اختصارا لتقليل عدد مرات الذهاب الى البنك

وعليكم السلام ورحمة الله وبركاته

طبعا أنا متفق معاك جدا فى عيوب كروت الائتمان وقولت له كده فى الأول..بس برضه أرجع وأقول لك ربنا أعلم بظروف الناس... وصاحبى ده انسان محترم جدا بس بيحب يوسع على بيته وعياله وده أكيد دبسه فى حاجات كتير
هو الحد الأدنى اللى كان مكسور عليه 16000 لبنك واحد زى ما كتبت... اتصرف فى 10 ولسه عليه 6 دول هما اللى حاول ياخدهم قرض حسن من صندوق الجامع ... وأنا على فكرة متفهم موقف شيخ الجامع من ناحية ان ال 6000 دول ممكن ينفعوا 6 أشخاص أو أكتر بدل شخص واحد ...بس حزين انه يهين صاحبى ويقول له ربا وعدم بركة ..الخ خللى الراجل يعيط وهو بيحكيلى
أما بالنسبة لتعامل حضرتك مع الفيزا فماقدرش أقول غير ربنا يديم عليك فضله ونعمته وما يوقعكش فى ذل الدين

[sas5]

وعليكم السلام ورحمة الله وبركاته

طبعا أنا متفق معاك جدا فى عيوب كروت الائتمان وقولت له كده فى الأول..بس برضه أرجع وأقول لك ربنا أعلم بظروف الناس... وصاحبى ده انسان محترم جدا بس بيحب يوسع على بيته وعياله وده أكيد دبسه فى حاجات كتير
هو الحد الأدنى اللى كان مكسور عليه 16000 لبنك واحد زى ما كتبت... اتصرف فى 10 ولسه عليه 6 دول هما اللى حاول ياخدهم قرض حسن من صندوق الجامع ... وأنا على فكرة متفهم موقف شيخ الجامع من ناحية ان ال 6000 دول ممكن ينفعوا 6 أشخاص أو أكتر بدل شخص واحد ...بس حزين انه يهين صاحبى ويقول له ربا وعدم بركة ..الخ خللى الراجل يعيط وهو بيحكيلى
أما بالنسبة لتعامل حضرتك مع الفيزا فماقدرش أقول غير ربنا يديم عليك فضله ونعمته وما يوقعكش فى ذل الدين

ربنا يخليك اخى محمد على فكره لما ذكرت مبلغ 15000 حنيها تقريبا لم اعرف الرقم الذى ذكرته سابقا بانه 16000
ربنا يبعد عننا وعنك وعن جميع المسلمين ذل الدين وقصر اليد

هذا الموضوع حصل مع صديق لى ايضا سنه 2007 وكان مرتبه تقريبا اكثر من 3000 جنيها وكان عايش في منزل اهله يعنى ليس لديه ايه مسئوليات.
ولكن كان له اصدقاء وكان المستوى الاجتماعى لهم عالى شويه فكل يوم يخرجون بعد العمل ويسهرون وكان لابد ان يسايرهم في المصاريف والا لايخرج معهم وطبعا فيه بنات بتضحك على بعض الشباب وتدفعهم للصرف عليها في السهرات عن طريق التلاعب بالعواطف.
المهم - ابتدائنا نلاحظ المكالمات الهاتفيه ومشاجرات زميلنا مع البنك واستمر هذا الموقف مده طويله وكل مايسدد مبلغ المبلغ الباقى يزيد بسبب التاخير وفوائد التاخير وفوائد على الفوائد
وتحول هذا الزميل بقدره قادر الى شخص يستلف من كل شخص حتى لو اقل منه .

الخلاصه لن يستطيع صاحبك الحصول على مخالصه مبلغ ال 6000 جتيه الا بعد سداد 6000 جنيه مثلهم لانه وقع في الفخ وتذكر كلامى هذا وربنا يكون في عونه

[Ahmed_Rahem]

يروح للتحصيل تانى ويطلب تحويل المبلغ من كارت إلى قرض مع قفل الكارت واعادة جدولة للمبلغ على سنة وشوف ممكن تتحل. واحد اعرفة عمل كدة فى الكارت بتاعة والبنك وافق والحمد الله عرف يخلص منهم.

والسلام ختام

[Eng.Osama.Afifi]

تصدق حضرتك انه لسه حاكيلى من يومين انه راح لشيخ جامع كبير قريب من بيتهم ويعرفه كويس وحكاله مشكلته وقال له سلفنى من صندوق تبرعات الجامع المبلغ اللى ناقصنى كقرض حسن وأمضى لك على كل الضمانات اللازمة واعتبرنى من الغارمين ولكن شيخ الجامع قال له الفلوس اللى عليك دى ربا وأنا ماطلعش فلوس الجامع أسدد بيها قرض ربا.... طب بأمانة الله ده منطق ولا دى أخلاق دين؟

أعتقد إن إللي الشيخ عمله ده صح :)

وربنا يفرج هم صاحبك ويسدد دينه ... الواحد مش بيتعلم ببلاش :)

[SHNORY]

شيخ الجامع قال له الفلوس اللى عليك دى ربا وأنا ماطلعش فلوس الجامع أسدد بيها قرض ربا.... طب بأمانة الله ده منطق ولا دى أخلاق دين؟

انا لسه كنت داخل اقولك ان دي نهايه التعامل مع مرابي بس لقيت ان شيخ الجامع قالها قبلي
المرابي معندهوش مانع انه يسلفك طالما بتمضي الضمانات
ولما تتاخر عليه كل ما يقابلك يمضيك وصولات امانه
ولو بلطجت عليه يضاعف رباه علي الفلوس
وممكن يسلفك تاني علشان تسد الدين بتاعه بفايده اعلي
ودي كانت قصه واقعيه حصلت لحد معرفه من بعيد
ووصلت ان المرابي ده هدله حياته كلها من اولها لاخرها علي ما سمعت
وطلقه مراته
وبيعه شقته وكل ما يملك
وفي الاخر قاله لو حابب تستلف فلوس تاني ابقي تعالي وانا حديلك
ربنا يفك ازمه صديقك ويكفينا شر الناس دي

[محمد يوسف]

م / أسامة عفيفى

القبطان / شنورى

أولا شكرا لدعائكم لصديقى ولكنى مختلف معكما فى نقطة هامة وهى ان الراجل اتعامل مع بنك ما اتعاملش مع الخواجة ليشع المرابى زى مابيطلق عليه شنورى ... وتعاملات البنوك متاحة للجميع وفقا لظروف كل شخص والله أعلم بأحوال الناس ...فمافيش داعى اننا نحكم على الناس بردود من نوعية يستاهل دى
انتم شايفين ان شيخ الجامع صح وأنا شايف انه ماينفعش شيخ جامع أصلا..ليه بقى؟
شيخ الجامع مش شغلته يقفل باب الرحمة فى وش الناس...ما بنتناقش فى نقطة ربا ومش ربا... حانمشيها ربا وصاحبى اضطر له لظروفه اللى مايعلم بيها غير ربنا ... غلط ودلوقتى عاوز يصلح غلطه... لجأ لبيت ربنا ياخد قرض حسن باعتباره من الغارمين يروح الشيخ المبجل يقفل باب بيت الله فى وشه ويخلليه يلف يدور على بنك تانى يسلفه أو فيزا جديدة يفتحها ويسحب منها عشان يلبس طاقية ده لده ؟
هو ربنا لما قال الغارمين استثنى ديون الفيزا ؟ وهل أنا لما سلفته فلوس أساعده أبقى شاركت فى ربا؟
ده من باب أولى أستغل مال الله فى ابعاد المخطىء عن طريق الخطأ مش أزقه فيه
فاكرين حدوتة اليهودى اللى قتل 99 واحد وراح لراهب قال له أتوب قال له مالكش توبة انت قاتل 99 واحد راح قتله وكمل ال 100 لما سدها فى وشه وراح لراهب تانى قال له باب التوبة مفتوح لكن هاجر من هذه الأرض فالراجل مات فى الطريق واختلفت عليه ملائكة الرحمة والعذاب فقاسوا المسافات لقوه أقرب للأرض المهاجر اليها فرفعته ملائكة الرحمة لصدق نيته ؟
مساعدة الناس أطهر عند الله من التنظير عليهم .... ربنا مايوقعكمش فى ظروفهم يارب

[SHNORY]

م / أسامة عفيفى

القبطان / شنورى

أولا شكرا لدعائكم لصديقى ولكنى مختلف معكما فى نقطة هامة وهى ان الراجل اتعامل مع بنك ما اتعاملش مع الخواجة ليشع المرابى زى مابيطلق عليه شنورى ... وتعاملات البنوك متاحة للجميع وفقا لظروف كل شخص والله أعلم بأحوال الناس ...فمافيش داعى اننا نحكم على الناس بردود من نوعية يستاهل دى
انتم شايفين ان شيخ الجامع صح وأنا شايف انه ماينفعش شيخ جامع أصلا..ليه بقى؟
شيخ الجامع مش شغلته يقفل باب الرحمة فى وش الناس...ما بنتناقش فى نقطة ربا ومش ربا... حانمشيها ربا وصاحبى اضطر له لظروفه اللى مايعلم بيها غير ربنا ... غلط ودلوقتى عاوز يصلح غلطه... لجأ لبيت ربنا ياخد قرض حسن باعتباره من الغارمين يروح الشيخ المبجل يقفل باب بيت الله فى وشه ويخلليه يلف يدور على بنك تانى يسلفه أو فيزا جديدة يفتحها ويسحب منها عشان يلبس طاقية ده لده ؟
هو ربنا لما قال الغارمين استثنى ديون الفيزا ؟ وهل أنا لما سلفته فلوس أساعده أبقى شاركت فى ربا؟
ده من باب أولى أستغل مال الله فى ابعاد المخطىء عن طريق الخطأ مش أزقه فيه
فاكرين حدوتة اليهودى اللى قتل 99 واحد وراح لراهب قال له أتوب قال له مالكش توبة انت قاتل 99 واحد راح قتله وكمل ال 100 لما سدها فى وشه وراح لراهب تانى قال له باب التوبة مفتوح لكن هاجر من هذه الأرض فالراجل مات فى الطريق واختلفت عليه ملائكة الرحمة والعذاب فقاسوا المسافات لقوه أقرب للأرض المهاجر اليها فرفعته ملائكة الرحمة لصدق نيته ؟
مساعدة الناس أطهر عند الله من التنظير عليهم .... ربنا مايوقعكمش فى ظروفهم يارب

سيدي الفاضل انا معرفش ان كان يجوز مساعدته ولا لا ودي حاجه شيخ الجامع يحاسب علي حكمها ان كان حكمه ظالم
انا بتكلم علي موضوع التعامل مع المرابي والبلاوي اللي وراه
البنوك بتدي للناس اداه يشتروا بيها من مال لا يملكوه وبييريحوهم ويعملولهم البحر طحينه
ووقت الجد تطلع الانياب والكرابيج
ربنا يفك ازمه صديقك ويعديه منها علي خير
ويجعل موضوعك عبره وعظه لكل الناس