سبلتر نضيف

[hdmrdash]

أنا والله زهقت وقرفت فى عيشتى من كتر تغيير السبلتر
حاسس ان المستوردين فى بلدنا بينصبوا علينا
ويجيبوا لنا بضاعه فرز عاشر وتبوظ بعد يومين والله حرام كده

ياريت حد يساعدنى ويقول لى على ماركه نضيفه جربها وسعرها ومنين أجيبها
وشكرا ليكم

[D . a .\ AYMAN]

ممكن تنزل مول البستان في باب اللوق وفي كذا نوع مش نوع محدد ... بس الشائع مش الأجود هوة D-LINK وعموما انا ما جربتوش انا عندي واحد من غير ماركة ومعفن بـ 15 جنيه بس شغال زي الفل جبته من زمان قوي أيام ماكانت الحاجة لسة فيها ضمير شوية ماجبتش غيره لغاية دلوقتي

وفي نوع فرنساوي بتاع الكاتيل شوفته في حتة بس مش فاكرها بصراحة وقلت أكيد كويس لأنه فعلا فرنساوي المهم تتأكد من كده

والمول اللى أحسن من البستان بكذا مرة والإكسسوارات فيه أجود بكتير بس يمكن أغلى حاجة بسيطة جدا هوة تكنولوجي مول في آخر مكرم عبيد جنب السراج مول وانا شوفت هناك أنواع كتير جدا وأعتقد كلها كانت كويسة لما بصيت عليها

المهم تلف على كذا محل الأول قبل ماتشتري وتشوف كل البضاعة اللى عندهم عشان تقدر تحدد ايه الأنضف

[hdmrdash]

ممكن تنزل مول البستان في باب اللوق وفي كذا نوع مش نوع محدد ... بس الشائع مش الأجود هوة D-LINK وعموما انا ما جربتوش انا عندي واحد من غير ماركة ومعفن بـ 15 جنيه بس شغال زي الفل جبته من زمان قوي أيام ماكانت الحاجة لسة فيها ضمير شوية ماجبتش غيره لغاية دلوقتي

وفي نوع فرنساوي بتاع الكاتيل شوفته في حتة بس مش فاكرها بصراحة وقلت أكيد كويس لأنه فعلا فرنساوي المهم تتأكد من كده

والمول اللى أحسن من البستان بكذا مرة والإكسسوارات فيه أجود بكتير بس يمكن أغلى حاجة بسيطة جدا هوة تكنولوجي مول في آخر مكرم عبيد جنب السراج مول وانا شوفت هناك أنواع كتير جدا وأعتقد كلها كانت كويسة لما بصيت عليها

المهم تلف على كذا محل الأول قبل ماتشتري وتشوف كل البضاعة اللى عندهم عشان تقدر تحدد ايه الأنضف

شكرا لردك
وربنا يسهل وألاقى أى حاجه غير الصينى

[أبومعاذ]

بدل ما تتعب نفسك خد اي سبلتر من اي حد من اصحابك شغال و ركبه عندك عشان تتاكد اذا كان العيب عيب سبلتر ولا لا
وياريت تقولي ايه المشكلة اللي بتحصل عندك اصلا و عشانها غيرت السبلتر

[hdmrdash]

بدل ما تتعب نفسك خد اي سبلتر من اي حد من اصحابك شغال و ركبه عندك عشان تتاكد اذا كان العيب عيب سبلتر ولا لا
وياريت تقولي ايه المشكلة اللي بتحصل عندك اصلا و عشانها غيرت السبلتر

المشكله ان كل ما تترفع سماعه التليفون المودم يقطع نت

[أبومعاذ]

المشكله ان كل ما تترفع سماعه التليفون المودم يقطع نت

جرب اسبلتر تاني شغال عند حد من اصحابك و هتلاقي نفس المشكلة زي ما هيا ورد عليا عشان اقولك الحل الأمثل بإذن الله بس جرب الاول يمكن اطلع غلطان

[Casio2000]

اسف لو الاضافة دي تبدو بديهيه بس مايضرش

اتأكد ان ال اسبليتر راكب في اول الخط خالص - قبل اي توصيلة او عدة

الكابل اللي طالع من ال اسبليتر رابح ل الراوتر لازم مايبقاش فيه اي عدة تليفون واصله عليه

[hdmrdash]

جربت اسبلتر تانى طلعت نفس المشكله
عملت خطين متوازيين واحد مباشر للمودم وواحد للتليفون وركبت على الأسبلتر والحمد لله انتهت المشكله
جزاك الله خيرا

[D . a .\ AYMAN]

جربت اسبلتر تانى طلعت نفس المشكله
عملت خطين متوازيين واحد مباشر للمودم وواحد للتليفون وركبت على الأسبلتر والحمد لله انتهت المشكله
جزاك الله خيرا

يعني إيه خطين متوازيين !!!
خللى بالك
ماهو الراوتر برضه لازم ياخد من الاسبليتر زي التلفون بالظبط

الإسبليتر بيتحط على أول خط التليفون عندك في البيت بيطلع منه خطين واحد للراوتر والتاني لأي تلفون في البيت حتى لو كذا عدة

وطبعا مش أي سلك يروح أي فيشة

التوصيل بيبقى كالتالي

فيشة مكتوب عليها LINE ودي اللى بتاخد الخط الرئيسي من سلك التليفون اللى داخل البيت من البوكس على طول

فيشة مكتوب عليها PHONE ودي اللى بيطلع منها سلك للتليفونات اللى في البيت مهما تعددت

الفيشة الأخيرة مكتوب عليها MODEM ودي اللى بيطلع منها سلك للراوتر أو المودم

لازم التوصيل يكون بالشكل ده ... لو التوصيل مش كده يبقى الموضوع هايبقى فيه مشاكل من نوعية ان الخط يفصل أو السرعة تبقى بطيئة أو تسمع شوشرة في سماعة التلفون من أي عدة مش راكبة على الخط اللى طالع من الاسبليتر

[hdmrdash]

يعني إيه خطين متوازيين !!!
خللى بالك
ماهو الراوتر برضه لازم ياخد من الاسبليتر زي التلفون بالظبط

الإسبليتر بيتحط على أول خط التليفون عندك في البيت بيطلع منه خطين واحد للراوتر والتاني لأي تلفون في البيت حتى لو كذا عدة

وطبعا مش أي سلك يروح أي فيشة

التوصيل بيبقى كالتالي

فيشة مكتوب عليها LINE ودي اللى بتاخد الخط الرئيسي من سلك التليفون اللى داخل البيت من البوكس على طول

فيشة مكتوب عليها PHONE ودي اللى بيطلع منها سلك للتليفونات اللى في البيت مهما تعددت

الفيشة الأخيرة مكتوب عليها MODEM ودي اللى بيطلع منها سلك للراوتر أو المودم

لازم التوصيل يكون بالشكل ده ... لو التوصيل مش كده يبقى الموضوع هايبقى فيه مشاكل من نوعية ان الخط يفصل أو السرعة تبقى بطيئة أو تسمع شوشرة في سماعة التلفون من أي عدة مش راكبة على الخط اللى طالع من الاسبليتر

ده اللى كنت بعمله
لغايه ما واحد فى منتدى تانى قالى على الفكره دى زقالى ان السيلتر مفيد فقط للتليفون
زى ما قالى عملت الآتى
الخط اللى داخل على الشقه من البوكس الأبيض الصغير بتاع الأتصالات أخدت وصله مباشره للموديم ديركت
والخط اللى خارج للتليفون حطيت عليه الأسبلتر وبس وطبعا فيه مكان فاضى بتاع الموديم والحمد لله شغال زى الفل بدون تقطيع أو وش والسرعه تمام
وشكرا ليك
جربها وقولى

[أبومعاذ]

الصح اللي قالك عليه أ/ NYSMA

[D . a .\ AYMAN]

ده اللى كنت بعمله
لغايه ما واحد فى منتدى تانى قالى على الفكره دى زقالى ان السيلتر مفيد فقط للتليفون
زى ما قالى عملت الآتى
الخط اللى داخل على الشقه من البوكس الأبيض الصغير بتاع الأتصالات أخدت وصله مباشره للموديم ديركت
والخط اللى خارج للتليفون حطيت عليه الأسبلتر وبس وطبعا فيه مكان فاضى بتاع الموديم والحمد لله شغال زى الفل بدون تقطيع أو وش والسرعه تمام
وشكرا ليك
جربها وقولى

الراوتر لو خد من الخط على طول من غير اسبليتر هايشتغل عادي طول مانت مش بتكلم في التلفون ... لكن لو اكلمت في التلفون هاتلاقي انه ممكن يفصل مثلا ولو مافصلش هاتلاقي ان السرعة بتاعت النت بقت بطيئة جدا طول مافيه مكالمة شغالة

إلا إذا كان الراوتر بتاعك أو المودم من الأنواع اللى فيها اسبليتر داخلى والإسليتر الداخلي بيبقى إمكانياته محدودة يعني على قد انه يستخلص الـ DATA اللى عايزها من خط التلفون بس هايمشي ويبقى زي الفل مع التوصيلة دي

وعموما الحمد لله انه شغال