هل تأخر الكلام لدى الاطفال له مدلول سيئ

[khaled_sabry]

السلام عليكم
اسمحولى اشكركم فى مشكله صغيره عندى
ابنى الكبير عنده دلوقتى 5 سنوات و نصف
و يعانى من تأخر فى نطق الكلام
على مستوى النطق و ليس الفهم - يعنى بيتكلم و لكن مخارج الحروف مش كلها سليمه و جدير بالذكر ان اخى (عمه) كان يعانى من تأخر فى النطق بنفس الكيفيه
ويتعامل بشكل طبيعي فى البيت و خارجه و مستوى ذكائه طبيعي ان لم يكن مرتفع فهو يتعامل مع الكمبيوتر و الاى باد (عشقه الاول) لدرجه انه يستطيع اكتشاف كيفيه لعب الالعاب الجديده بدون مساعده و الدخول على اليوتيوب و التبحر فى فيديوهات الكارتون من خلال recommended list
و على المستوى الدراسى فهو حافظ من الحضانه الارقام و الحروف بالعربى و الانجليزي بالاضافه الى بعض الكلمات الانجليزيه مثل الالوان و خلافه

طبعا سنه دلوقتى مناسب ل KG1 لغات و مناسب لاولى ابتدائى عربى
انا هدفى من الاول انى ادخله لغات
وقدمتله فعلا فى اكتر من مدرسه ففيه بعض المدارس رفضته بسبب مشاكل النطق ( رغم انه بيجاوب على كل اسألتهم) و بعض المدارس قبلته مثل ابو جابر الانصارى لغات و السيده عائشه لغات

المهم اخر اليوم (بعد مالفيت على 4 مدارس قبلها على مدار 4 ساعات ) روحت بيه مدرسه ابو زهره الاسلاميه (عربى) على اولى ابتدائى - و كنت عاملها من باب سد الخانه و خلاص
فوجئت بيهم اخدو الولد نص ساعه فى مكتب مديره المدرسه
و بعد كده المديره دخلتنى و بتسألنى "حالته ايه" ؟؟؟
طبعا لأول وهله مافهمتش هى تقصد ايه و بعد كده لاقيتها بتتكلم معايا كأن ابنى عنده توحد او مرض نفسى !!!!!
انا صعقت بصراحه لإنها الوحيده اللى قالتلى التشخيص ده و بصراحه كان كلامها قاسى جداا و اسلوبها سيئ جداا
فبسألها ليه بتقولى كده فذكرتلى
1- انها ملاحظه انه عنده "تعثر" فى النطق لدرجه انها لا تسطتيع التواصل معه
2- لما بتسأله سؤال احيانا يجاوب بكلام لا علاقه له بالسؤال
3- اثناء وجودنا فى مكتب المديره كان ابنى بيتحرك بجوارى و بيلعب فقالتلى ده فى حد ذاته سلوك غير طبيعي المفروض يبقى عنده رهبه و خايف من مكان اول مره يدخله

بالنسبه للجزئيه رقم 1 فانا معترف ان التأخر فى الكلام سمه وراثيه فى عيلتى و اعترف ان مهاب متأخر فى الكلام فعلا عن اقرانه - لكن ليس لدرجه عدم التواصل التام لإنه بيتكلم فعلا لكن مخارج بعض الحروف بايظه بدليل قبول بعض المدارس ليه
بالنسبه للجزئيه الثانيه فاحيانا فعلا لما اسأله سؤال يجاوب بكلام ليس له علاقه مباشره - يعنى مثلا فى احدى اختبارات المدارس وروله رسمه ظابط وقالوله مين ده فقالهم عمو السيسى :)
الجزئيه الثالثه فعلا هو ماكنشى عنده رهبه من مكتب المديره و ماكنشى خايف - لكن انا ببرر كده بإن ده كان المكتب رقم 5 اللى ندخله فى اليوم ده لكن مش عارف هل ده مبرر و لا لاء

طبعا زى ماقولتلكم المدرسه دى مش فارقه معايا اصلا لكن كلامهم بصراحه كلامهم زعلنى جداا و اثر فى نفستي انا ووالدته
فهل ممكن فعلا يبقى عندهم حق و يكون ابنى "متعثر" زى ماقلتلى باللفظ و انا مش واخد بالى ؟؟؟

[hh]

اولا ربنا يبارك لك في ابنك و تشوفه أحسن واحد في الدنيا.

واضح ان الست الاخيرة دي شكت ان ابنك عنده تأخر في التطور السلوكي مش بس النطق و هي علقت على موضوع لعبه و عدم رهبته من المكان لأن الاطفال اللي عندهم توحد بيبقوا بيتعاملوا زي ما يكون مفيش ناس حواليهم أصلا و بيبقوا في وادي تاني خالص. انما النقطة دي انت ادرى بيها من اي حد تاني, يعني ابنك ما شاء الله كبير مش صغير, هل هو تفاعله معاكم و مع الناس سواء الاطفال او الكبار بصفة عامة طبيعي و لا منطوي زيادة و تحسه عايش في ملكوت لوحده؟؟

ثانيا بخصوص موضوع النطق ده لازم توديه لدكتور تخاطب عشان يشتغل معاه و يعالج مخارج الالفاظ عنده متستناش عليه أكتر من كدة و ان شاء الله لما الدكتور يشتغل معاه شوية حتلاقي كلامه بقى احسن كتير و ابقى اسأله تستشير مين بخصوص موضوع نمو السلوك الاجتماعي و التوحد و الحاجات دي.

من الأخر متسبش نفسك للقلق و ودي ابنك لدكتور و اتنين عشان تطمن على الأخر مش حتخسر حاجة, انما متستناش و تفضل تفكر و مخك يودي و يجيب. و ان شاء الله تطمن عليه و تفرح بيه و ربنا يبارك لك و لنا جميعا في أولادنا يا رب

[احمد فهمى]

الموضوع محتاج دكتور متخصص يفيدك اكتر مننا وممكن يدلك على طريقه بسيطه تعالق القصه دى وفى اجهزع عندهم بتوضح ان وراثى ام لا وتدريبات بسيطه تضيع المشكله ان شاء الله وربنا يحفظه لك

[khaled_sabry]

اولا ربنا يبارك لك في ابنك و تشوفه أحسن واحد في الدنيا.

واضح ان الست الاخيرة دي شكت ان ابنك عنده تأخر في التطور السلوكي مش بس النطق و هي علقت على موضوع لعبه و عدم رهبته من المكان لأن الاطفال اللي عندهم توحد بيبقوا بيتعاملوا زي ما يكون مفيش ناس حواليهم أصلا و بيبقوا في وادي تاني خالص. انما النقطة دي انت ادرى بيها من اي حد تاني, يعني ابنك ما شاء الله كبير مش صغير, هل هو تفاعله معاكم و مع الناس سواء الاطفال او الكبار بصفة عامة طبيعي و لا منطوي زيادة و تحسه عايش في ملكوت لوحده؟؟

بالعكس ابنى اجتماعى جداا و شقى كمان فى لعبه و زى ماقولت قبل كده تفاعله طبيعي جداا
و هو الولد ماكنشى عنده رهبه لإن من البدايه هو كان فرحان انه رايح المدرسه بالإضافه الى ان ده خامس مكتب يدخله فى نفس اليوم
لكن بالتأكيد هو مش منفصل عن اللى حوليه

ثانيا بخصوص موضوع النطق ده لازم توديه لدكتور تخاطب عشان يشتغل معاه و يعالج مخارج الالفاظ عنده متستناش عليه أكتر من كدة و ان شاء الله لما الدكتور يشتغل معاه شوية حتلاقي كلامه بقى احسن كتير و ابقى اسأله تستشير مين بخصوص موضوع نمو السلوك الاجتماعي و التوحد و الحاجات دي.

من الأخر متسبش نفسك للقلق و ودي ابنك لدكتور و اتنين عشان تطمن على الأخر مش حتخسر حاجة, انما متستناش و تفضل تفكر و مخك يودي و يجيب. و ان شاء الله تطمن عليه و تفرح بيه و ربنا يبارك لك و لنا جميعا في أولادنا يا رب

هو فعلا بيروح لدكتور تخاطب (و ده اللى مطمنى اكتر فى موضوع التأخر الذهنى ده ) و ان كنت مقتنع انه مش حيعمله حاجه لإنى بحس ان اسلوب الدكتور للى اقل منه فى المستوى (يعنى اللى مابيعرفشى يتكلم اصلا) بينما بحس ان ابنى محتاج تدريب اكتر - يعنى يقعد وسط عيال فى سنه و يتكلم معاهم اكتر
يعنى مره كان بيلعب كوره مع اولاد صديقه لزوجتى - لما رجع البيت لاقيته بيقولى stop و go و بينطقهم كويس اوى رغم انها كانت اول مره يعرفهم

[khaled_sabry]

و بعد كده هل معقول لو كان عنده تأخر ذهنى - مدرستين لغات يقبلوه ؟؟

[SHNORY]

هو ليه مدلول سيئ مرجوعه عليك بعد كده
كل حالات التاخر اللي شوفتها الطفل فيها بعد سن معين بيعوض الكلام اللي متكلمهوش طول عمره
وبيبقي رغاي جداااااااا وحيصدعك ومش حيبطل كلام
ربنا يخليهولك ويطمنك عليه
ومتقلقش

[cheetos_892005]

السيده عائشه مصر الجديده ؟عمار بن ياسر

[friendship7897]

ربنا يخلي لك أولادك ، ويحفظهم من كل سوء .

طبعاً أنت أدرى بأبنك لو الموضوع تأخر في النطق بس ، يبقى متأقلقش ، هو ممكن يكون شواية دلع وكويس أنك وديته لدكتور تخاطب .

وموضوع مديرة المدرسة الأخيرة والتوحد دا تشخيص مبالغ فيه شوية والله أعلم ، وهقول لك على بعض أعراض التوحد وأنت هتعرف تشخص أبنك أكتر منها لأنك معاه فترات طويلة أنت ووالدته :

1. لايهتم بمن حوله ويبدو كأنه لايسمع .

2. يقاوم التغيير في الروتين وايذاء الذات .

3. لا يستطيع التعبير عن الالم .

4. لديه نقص في الخيال والابداع عند اللعب .

5. حركات متكررة تظهر في حركة الجسم او اثناء مسك الاشياء مثل هز الراس ، او الرفرفة باليدين بشكل متكرر ومستمر .

6. لا يشارك الاخرين باللعب ولديه نقص فى اللعب التلقائى أو الابتكارى، كما أنه لا يقلد حركات الآخرين، ولا يحاول أن يبدأ فى عمل ألعاب خيالية أو مبتكرة .

7. نشاط زائد أو خمول زائد .

8. لايدرك المخاطر .

9. يقاوم الاحتضان والحنان .

10. الصعوبة والتكرار فى الكلام.

11. الاضطراب عند تغيير روتين معين مثل الانتقال من مكان لآخر.

12. الكلام فى الحديث مكرر ومتكلف تكرار كلمات معيّنة (فقدان الحوار مع الناس).

13. الصوت يكون غير معبر (كالصّراخ) .

14. تصرفات متكررة: الهزهزة عدم التمركز خلال الجلوس على كرسى (عند الأطفال), حَملقة دائِمَة بدون سبب.

15. يقضى الطفل وقتاً أقل مع الآخرين، يبدى اهتماماً أقل بتكوين صداقات مع الآخرين، تكون استجابته أقل للإشارات الاجتماعية مثل الابتسامة أو النظر للعيون.

أما عن سلوكه قد يكون نشطاً أو تصدر منه حركات أكثر من المعتاد، أو تكون حركته أقل من المعتاد، مع وجود نوبات من السلوك غير السوى (كأن يضرب رأسه بالحائط، أو يعضّ) دون سبب واضح، قد يصرّ على الاحتفاظ بشىء ما، أو التفكير فى فكرة بعينها، أو الارتباط بشخص واحد بعينه، هناك نقص واضح فى تقدير الأمور المعتادة، وقد يظهر سلوكاً عنيفاً أو عدوانياً، أو مؤذياً للذات.

[Samah AbdAllah]

بعد الشر يا خالد مهاب طبيعى وزى الفل
اكيد تعب جاله برد وديته لدكتور مفيش مرة دكتور قالك انه مش طبيعى ولا عنده اى تاخر يبقا ان شاء الله مهاب معندوش حاجة
كريم ابنى لحد ما دخل سنة اولى تقريبا كان عنده حروف بينطقها مش واضحة منها الخ ينطقها ح الكاف تاف
وقبلها كان متاخر في الكلام ودكتور الاطفال قالى مفيش مشكلة مادام بيتكلم حتى لو الكلام مش واضح
بخصوص الرهبة وانه بيلعب عادى جدا ومش خايف فده بيبقا متعلق بشخصية الطفل فى اطفال مندهاش رهبة ولا خجل من اى مكان وبيكونوا اشقيا واجتماعيين جدا فمش بيفرق معاهم حتى لو دى اول مدرسة يدخلها
عندى زيه :)
فسيبك من كلامها لو بعد الشر عنده توحد كنت انت اول واحد هتاخد بالك ومن سنين مش من انهاردة

[Adnfalcon]

حفظ القرأن هيحل مشكله تأخر النطق السليم و عن تجربه
دا موضوع عادي جدا و بيحصل كتير
ربنا يخلهولك

[الاستاذ]

بص ياسيدى انت تروح لدكتور جراحة عامة او دكتور اطفال مش عارف التخصص بالظبط للاطفال بيبقى اية
المهم يبص على لسان الولد ويشوف هل لسان الولد ممسوك من تحت اللسان ولا لا لو ممسوك تعملة عملية بسيطة جدا بتفك الربط دة او انت ممكن تخلى ابنك يطلع لسانة وتشوف هيخرج كله للبرة ولا لا وتقيم بنفسك لو مخرجش كله يبقى تودية لدكتور
وان شاء الله مخارج الطفل تتصلح دة فى حالة انى لو الطفل لسانة ممسوك
اما لو غير كدة فى تروح لاخصائى تخاطب بس بيفهم وعنده طولة بال مع الاطفال وتقعد معاه اول جلسة وتشوف بيعمل اية مع ابنك وانت تكرر الكلام دة فى البيت مع ابنك

[elhelwany188]

السلام عليكم
اسمحولى اشكركم فى مشكله صغيره عندى
ابنى الكبير عنده دلوقتى 5 سنوات و نصف
و يعانى من تأخر فى نطق الكلام
على مستوى النطق و ليس الفهم - يعنى بيتكلم و لكن مخارج الحروف مش كلها سليمه و جدير بالذكر ان اخى (عمه) كان يعانى من تأخر فى النطق بنفس الكيفيه
ويتعامل بشكل طبيعي فى البيت و خارجه و مستوى ذكائه طبيعي ان لم يكن مرتفع فهو يتعامل مع الكمبيوتر و الاى باد (عشقه الاول) لدرجه انه يستطيع اكتشاف كيفيه لعب الالعاب الجديده بدون مساعده و الدخول على اليوتيوب و التبحر فى فيديوهات الكارتون من خلال recommended list
و على المستوى الدراسى فهو حافظ من الحضانه الارقام و الحروف بالعربى و الانجليزي بالاضافه الى بعض الكلمات الانجليزيه مثل الالوان و خلافه

طبعا سنه دلوقتى مناسب ل kg1 لغات و مناسب لاولى ابتدائى عربى
انا هدفى من الاول انى ادخله لغات
وقدمتله فعلا فى اكتر من مدرسه ففيه بعض المدارس رفضته بسبب مشاكل النطق ( رغم انه بيجاوب على كل اسألتهم) و بعض المدارس قبلته مثل ابو جابر الانصارى لغات و السيده عائشه لغات

المهم اخر اليوم (بعد مالفيت على 4 مدارس قبلها على مدار 4 ساعات ) روحت بيه مدرسه ابو زهره الاسلاميه (عربى) على اولى ابتدائى - و كنت عاملها من باب سد الخانه و خلاص
فوجئت بيهم اخدو الولد نص ساعه فى مكتب مديره المدرسه
و بعد كده المديره دخلتنى و بتسألنى "حالته ايه" ؟؟؟
طبعا لأول وهله مافهمتش هى تقصد ايه و بعد كده لاقيتها بتتكلم معايا كأن ابنى عنده توحد او مرض نفسى !!!!!
انا صعقت بصراحه لإنها الوحيده اللى قالتلى التشخيص ده و بصراحه كان كلامها قاسى جداا و اسلوبها سيئ جداا
فبسألها ليه بتقولى كده فذكرتلى
1- انها ملاحظه انه عنده "تعثر" فى النطق لدرجه انها لا تسطتيع التواصل معه
2- لما بتسأله سؤال احيانا يجاوب بكلام لا علاقه له بالسؤال
3- اثناء وجودنا فى مكتب المديره كان ابنى بيتحرك بجوارى و بيلعب فقالتلى ده فى حد ذاته سلوك غير طبيعي المفروض يبقى عنده رهبه و خايف من مكان اول مره يدخله

بالنسبه للجزئيه رقم 1 فانا معترف ان التأخر فى الكلام سمه وراثيه فى عيلتى و اعترف ان مهاب متأخر فى الكلام فعلا عن اقرانه - لكن ليس لدرجه عدم التواصل التام لإنه بيتكلم فعلا لكن مخارج بعض الحروف بايظه بدليل قبول بعض المدارس ليه
بالنسبه للجزئيه الثانيه فاحيانا فعلا لما اسأله سؤال يجاوب بكلام ليس له علاقه مباشره - يعنى مثلا فى احدى اختبارات المدارس وروله رسمه ظابط وقالوله مين ده فقالهم عمو السيسى :)
الجزئيه الثالثه فعلا هو ماكنشى عنده رهبه من مكتب المديره و ماكنشى خايف - لكن انا ببرر كده بإن ده كان المكتب رقم 5 اللى ندخله فى اليوم ده لكن مش عارف هل ده مبرر و لا لاء

طبعا زى ماقولتلكم المدرسه دى مش فارقه معايا اصلا لكن كلامهم بصراحه كلامهم زعلنى جداا و اثر فى نفستي انا ووالدته
فهل ممكن فعلا يبقى عندهم حق و يكون ابنى "متعثر" زى ماقلتلى باللفظ و انا مش واخد بالى ؟؟؟

وعليكم السلام ورحمة الله وبركاته ....
بالنسبة للنقطه الاولى : 1- انها ملاحظه انه عنده "تعثر" فى النطق لدرجه انها لا تسطتيع التواصل معه؟
معظم الاطفال تقريبا كده وخصوصا الطفل الاول لانه لا يختلط باولاد اخرين كثيرا .
بالنسبة للنقطه الثانية : [color="rgb(47, 79, 79)"]2- لما بتسأله سؤال احيانا يجاوب بكلام لا علاقه له بالسؤال؟
ده طبيعى لان الطفل فى السنة ده بيربط السؤال بموقف او صورة فى ذهنه وحضرتك بتقول "عنى مثلا فى احدى اختبارات المدارس وروله رسمه ظابط وقالوله مين ده فقالهم عمو السيسى" لان شاف السيسى فى بدلة رسمية ولما شاف البدلة الرسمية قال عليها انه السيسى وده لانه ربط البدلة بالصورة اللى شافها قبل كده .
وعلى فكرة تقريبا حصل نفس الموقف مع ابنى عند التقدم للمدرسة وقالوله انتا بتستحمه ليه اقلهم علشان ابقى نظيف زى الفيل لانه شاف فيل فى التليفزيون وهو بيستحمه .
بالنسبة للنقطة الثالثة : [color="rgb(47, 79, 79)"]3- اثناء وجودنا فى مكتب المديره كان ابنى بيتحرك بجوارى و بيلعب فقالتلى ده فى حد ذاته سلوك غير طبيعي المفروض يبقى عنده رهبه و خايف من مكان اول مره يدخله ؟[/color]
عايز اقول لحضرتك انها غلطانه لان عيالنا اساس عيال بجحه ياراجل الواد كان عندى تعبان ومامته وديته عن دكتور علشان يكشف عليه الواد قلبله المكتب وكان عايز ياخد السماعة بتاعته وهو ماشى وماسبش السماعة الا ما مامته اديتله حاجة حلوه علشان يسبها وكانت دى اول واخر مرة نتعامل مع الدكتور ده
نصحتى لحضرتك :
اولا : بالنسبة لمشكلة التعثر حضرتك تخصصله حوالى من ساعة الى اثنين فى اليوم وتقعد تلعب معاه وتتكلم معاه باسماء كل حاجة وخليه يتفاعل معاك بس مش تقله دى اسمها مثلا سجادة قول ورايا ، لأ ، قول : انا وابنى مهاب حبيبى قاعدين على السجادة (وتشاور عليها) وبنلعب باللعب بتاعت مهاب .
ثانيا : علشان تطمن فقط لا غير وهو ان شاء الله زى الفل تعمله اختبار ذكاء عند اى مركز تنمية مهارات وده على فكرة انا عملته لابنى وهو عنده ثلاث سنين ونص علشان اعرف اللى المجال اللى بيحبه وادخله فيه واجبله العاب فيها .
ثالثا : بالنسبة للحروف زى ما باقى الزملاء قالوا لحضرتك شوف دكتور او اخصائى تخاطب كويس وبيجيد التعامل مع الاطفال واسأل حد جربه الاول .
وربنا يجعله من الذريه الصالحه وتشوفه فى احسن مكانه بإذن الله ...
[/color]

[khaled_sabry]

وعليكم السلام ورحمة الله وبركاته ....
بالنسبة للنقطه الاولى : 1- انها ملاحظه انه عنده "تعثر" فى النطق لدرجه انها لا تسطتيع التواصل معه؟
معظم الاطفال تقريبا كده وخصوصا الطفل الاول لانه لا يختلط باولاد اخرين كثيرا .
بالنسبة للنقطه الثانية : [color="rgb(47, 79, 79)"]2- لما بتسأله سؤال احيانا يجاوب بكلام لا علاقه له بالسؤال؟
ده طبيعى لان الطفل فى السنة ده بيربط السؤال بموقف او صورة فى ذهنه وحضرتك بتقول "عنى مثلا فى احدى اختبارات المدارس وروله رسمه ظابط وقالوله مين ده فقالهم عمو السيسى" لان شاف السيسى فى بدلة رسمية ولما شاف البدلة الرسمية قال عليها انه السيسى وده لانه ربط البدلة بالصورة اللى شافها قبل كده .
وعلى فكرة تقريبا حصل نفس الموقف مع ابنى عند التقدم للمدرسة وقالوله انتا بتستحمه ليه اقلهم علشان ابقى نظيف زى الفيل لانه شاف فيل فى التليفزيون وهو بيستحمه .
بالنسبة للنقطة الثالثة : [color="rgb(47, 79, 79)"]3- اثناء وجودنا فى مكتب المديره كان ابنى بيتحرك بجوارى و بيلعب فقالتلى ده فى حد ذاته سلوك غير طبيعي المفروض يبقى عنده رهبه و خايف من مكان اول مره يدخله ؟[/color]
عايز اقول لحضرتك انها غلطانه لان عيالنا اساس عيال بجحه ياراجل الواد كان عندى تعبان ومامته وديته عن دكتور علشان يكشف عليه الواد قلبله المكتب وكان عايز ياخد السماعة بتاعته وهو ماشى وماسبش السماعة الا ما مامته اديتله حاجة حلوه علشان يسبها وكانت دى اول واخر مرة نتعامل مع الدكتور ده
نصحتى لحضرتك :
اولا : بالنسبة لمشكلة التعثر حضرتك تخصصله حوالى من ساعة الى اثنين فى اليوم وتقعد تلعب معاه وتتكلم معاه باسماء كل حاجة وخليه يتفاعل معاك بس مش تقله دى اسمها مثلا سجادة قول ورايا ، لأ ، قول : انا وابنى مهاب حبيبى قاعدين على السجادة (وتشاور عليها) وبنلعب باللعب بتاعت مهاب .
ثانيا : علشان تطمن فقط لا غير وهو ان شاء الله زى الفل تعمله اختبار ذكاء عند اى مركز تنمية مهارات وده على فكرة انا عملته لابنى وهو عنده ثلاث سنين ونص علشان اعرف اللى المجال اللى بيحبه وادخله فيه واجبله العاب فيها .
ثالثا : بالنسبة للحروف زى ما باقى الزملاء قالوا لحضرتك شوف دكتور او اخصائى تخاطب كويس وبيجيد التعامل مع الاطفال واسأل حد جربه الاول .
وربنا يجعله من الذريه الصالحه وتشوفه فى احسن مكانه بإذن الله ...
[/color]

الف شكر ليك و لكل اللى ساهمو فى الموضوع
الحمد لله انا اطمنت على الولد و هو اتقبل فى 3 مدارس لغات و عامل موضوع علشان افاضل بينهم

http://www.nilemotors.net/Nile/424911-vs.html

و حتى المدرستين اللى رفضته رفضته علشان النطق مش علشان اعاقه زى ما الست هانم بتقول
فمش معقول يعنى كل دول ماخدوش بالهم
بس هى المديره دى كانت سخيفه جداا و حتى و هى بتكلمنى كانت بتكلمنى باسلوب حاد كأنى بشحت منها
و اللى منرفزنى دلوقتى انى كنت معاها زوق رغم ان المفروض كنت قلبت الوش الخشب معاها بس الصدمه ماكنتشى مخليانى اركز - لإنى جايبه مدرسه بفلوسى - عاجبك تقبليه ماشى مش عاجبك بلاش بزوق و احترام
لكن اللى عملته اقل مايوصف انه قلة زوق و سخافه و كان فيه مدرس قاعد كان وشه جايب الوان بسبب الاسلوب اللى هى كانت بتتكلم بيه

و اخيرا (نظرا لإن المنتدى متقدم فى نتائج بحث جوجل )

ماحدش يودى اولاده مدرسة ابو زهره الاسلاميه - الحجاز
اى خدمه يا سيادة المديره

[ahmedsamir79]

متخافش أنا أبني قعد لغاية سن خمس سنين و يمكن أكتر محدش ممكن يفهم كلامه غيري أنا و مامته. و بعدين و بسرعه كبيره جدا الموضوع اتعدل و لوحده و دلوقتي مش عارفين نسكته :)
و عموما ممكن تستشير دكتور بس أنا بقولك اطمن من دلوقتي

[drcobra]

فى دكتور محمود يوسف فى شارع احمد عرابى ممتاز فى تشخيص وعلاج حالات التخاطب
ممكن تروحلة اولا تطمن على الولد
ثانيا تاخد ورقة منة او يديك ورقة من جامعة عين شمس اللى هو فيها بحالة ابنك بالظبط وبكدة متعرضش نفسك ان اى حد يقولك الولد عنده كدة او كدة
طبعا مخارج الحروف ممكن متظيطش مع الطفل حتى سبع سنوات
وربنا يكمل شفائة