اسرار سوق القطط فى مصر

[OlaOsman]

زمان قبل ما اتجوز كنت مربى قطة بلدى عندى فى البيت لقيتها فى الشارع وهى رضيعة ويبدو انها تاهت او امها ماتت ، خدتها البيت على اساس اقعدها كام يوم لحد ما تشد حيلها وبعدين اسرحها، كنت برضعها اللبن بالحقنة وكانت كل ما ترضع ترجع، لحد ما ربنا كرمها وبقت كويسة وبدات تاكل، حاولت انى امشيها بس مقدرتش ، فضلت قاعدة معايا وكانت بتنام جنبى فى السرير، وبعد علقتين او تلاتة اتعلمت ان السرير ليس المكان المناسب لقضاء الحاجة وبقت تروح الحمام فى المكان اللى انا عاملهولها ، بس كان عندها داء منيل بنيلة، كل يوم الساعة 4 الصبح تصحى من النوم وعايزة تلعب معايا، يا سنى اهمدى مافيش فايدة، عايز انام ورايا شغل مافيش فايدة، مفيش حاجة كانت بتظبط الساعة البيولوجية بتاعتها غير انى اشيلها اطوحها فى الهواء تروح مسقوطة جوا دولاب الهدوم بتاعى (كنت دايما بسيبة مفتوح) تقوم تنونو مرتين وبعدين تزهق وتسكت،(بس ساعات الدولاب كان بيكون مقفول فساعتها كانت بلبس فى درفة الدولاب وتتحول الى صورة مرسومة على الدرفة زى افلام توم وجيرى وبعدين تنزلق الى الأرض والخبطة تنبهها الى حقيقة وضعها فى السلم البيولوجى فتسكت برضه، كانت بتاكل من كل اللى احنا بناكل منه، عيش وفول ورز وبسلة، كنت لما احب اكرمها اوى اجيب لها علبه سلمون، حط لها منها حته قد عقلة الصباح واسقيلها رغيفين عيش فى مية السلمون، علبة السلمون دى ممكن تكفيها اسبوع بالطريقة دى، بس كانت جبانة موت، مرة كان فيه قطط مولودة على السلم خدتها تلعب معاهم جالها هلع منهم مع انها كانت اكبر منهم ييجى 5 مرات فى الحجم،

هييييييييييييييييييه، كانت ايام، القطة فى الآخر وقعت من البلكونة وماتت، كل قطط الدنيا بتقف على سورالبلكونة لكن المعتوهة دى وقعت مش عارف ليه، ومضت كما يمضى كل شئ جميل، حاليا طبعا وبعد الزواج ممنوع القطط فى البيت -مع ان زوجتى بتحب القطط جدا، بس علشان الفرش اولا ، وعلشان التوكسوبلازما ثانيا

ياللا حصل خير

مش عارفة ليه زعلت عليها اوي.. مع اني ماليش بيها أي علاقة غير السطور اللي قريتها عنها دي :(

[Goodle]

حاليا طبعا وبعد الزواج ممنوع القطط فى البيت -مع ان زوجتى بتحب القطط جدا، بس علشان الفرش اولا ، وعلشان التوكسوبلازما ثانيا

موتتني من الضحك على قصة صورة مرسومة على ضرفة الدولاب :) :)

إنما إيه التوكسوبلازما دي ؟؟؟
بانتظار الرد

[Goodle]

نابورة .... كان لونه زيتي وكان بينبر كتير

فيانسيه .... كان بيحب يلعب كورة باي حاجة .... علي اسم الكابتن الخطيب :k33:

يعني إيه كان بينبر يا باشا.. أقصد ما هو تعريفك للنبر ؟؟؟

أول مرة أعرف إن الخطيب كان بيسموه فيانسيه.. ده بجد ؟؟؟

[aif]

يعني إيه كان بينبر يا باشا.. أقصد ما هو تعريفك للنبر ؟؟؟

أول مرة أعرف إن الخطيب كان بيسموه فيانسيه.. ده بجد ؟؟؟

ينبر يعني يقول نبررررررررررررررررررر القطط ساعات كده تقعد تعمل الصوت ده لمل تبقي شبعانة
اما كلمة فيانسيه فهي تعني الخطيب بالانجليزية ....لكن الخطيب من الخطوبة مش من الخطابة :D
اما ال^%$&^%بلازما دي ( انا ما عنديش صبر اقعد استهجاها بصراحة .... انا فاكر ان القطط ساعات بينقلو فيروس بيسبب مشاكل في الحمل عند النساء ... بس انا فاكر انه كان اسمه كيتوبلازما .....ممكن حد من اخواننا الاطباء ... وهم كثر .... يفيدونا في الموضوع ده :D

[meza]

موتتني من الضحك على قصة صورة مرسومة على ضرفة الدولاب :) :)

إنما إيه التوكسوبلازما دي ؟؟؟
بانتظار الرد

طب أجاوب أنا بقى :D

التوكسوبلازما ده طفيل بيقدر يعيش فى جسم القطط .... و ممكن يتنقل للإنسان سواء راجل أو ست ... التوكسوبلازما عادة مش بيسبب مرض للإنسان البالغ اللى عنده مناعة جيدة ... لكن لو المناعة قلت بدرجة كبيرة مع بعض الأمراض أو تناول بعض الأدوية .... ممكن يحدث أمراض (عادة عصبية) بسببه لكن الكلام ده نادر الحدوث.

و للعلم فيه تقارير بتشير إلى إن ثلث سكان العالم قد أصيبوا بهذا الطفيل فى وقت ما خلال حياتهم دون تأثير يذكر عليهم.

لكن مشكلته إنه بيسبب إجهاض متكرر للست الحامل بسبب إنتقاله للجنين ... و ممكن كمان الطفل يتولد مشوه لو الحمل إستمر للنهاية.

لكن!
مش كل القطط عندها الطفيل ده ... لكنه بيجى للقطط اللى مش نضيفة و محدش بيهتم بيها .... و هو بيتنقلها من أكل لحوم ملوثة مش مطهيه كويس أو من الفيران.
إنتقالة من القطط للإنسان عادة نتيجة لتلوث الأكل ببراز القطط بطريقة غير مباشرة .... زى مثلاً الست كانت بتلاعب القطة المصابة بالمرض قبل تحضير الأكل دون غسل اليدين ... لأن المرض ممكن يكون فى فرو القطة لأنها بتنضف جسمها بلسانها.

و ممكن بسهولة القضاء على التوكسوبلازما تماماً عن طريق الإهتمام بنظافة القطط و تطعيمها دورياً عند الدكتور البيطرى.

الموضوع مش خطير زى زمان لما كان الأمر منتشر قوى .... دلوقتى علاجة سهل بس أهم حاجة لو حد عنده قطة لازم لازم يتابع مع دكتور بيطرى و يهتم بنظافتها.

و محدش يقلق من القطط و يستغل الموقف للنيل من سمعة القطط القطقوطة دى ....

إحم .. بس برضه لسه مش بحبهاااااا

[Goodle]

طب أجاوب أنا بقى :D

التوكسوبلازما ده طفيل بيقدر يعيش فى جسم القطط .... و ممكن يتنقل للإنسان سواء راجل أو ست ... التوكسوبلازما عادة مش بيسبب مرض للإنسان البالغ اللى عنده مناعة جيدة ... لكن لو المناعة قلت بدرجة كبيرة مع بعض الأمراض أو تناول بعض الأدوية .... ممكن يحدث أمراض (عادة عصبية) بسببه لكن الكلام ده نادر الحدوث.

و للعلم فيه تقارير بتشير إلى إن ثلث سكان العالم قد أصيبوا بهذا الطفيل فى وقت ما خلال حياتهم دون تأثير يذكر عليهم.

لكن مشكلته إنه بيسبب إجهاض متكرر للست الحامل بسبب إنتقاله للجنين ... و ممكن كمان الطفل يتولد مشوه لو الحمل إستمر للنهاية.

لكن!
مش كل القطط عندها الطفيل ده ... لكنه بيجى للقطط اللى مش نضيفة و محدش بيهتم بيها .... و هو بيتنقلها من أكل لحوم ملوثة مش مطهيه كويس أو من الفيران.
إنتقالة من القطط للإنسان عادة نتيجة لتلوث الأكل ببراز القطط بطريقة غير مباشرة .... زى مثلاً الست كانت بتلاعب القطة المصابة بالمرض قبل تحضير الأكل دون غسل اليدين ... لأن المرض ممكن يكون فى فرو القطة لأنها بتنضف جسمها بلسانها.

و ممكن بسهولة القضاء على التوكسوبلازما تماماً عن طريق الإهتمام بنظافة القطط و تطعيمها دورياً عند الدكتور البيطرى.

الموضوع مش خطير زى زمان لما كان الأمر منتشر قوى .... دلوقتى علاجة سهل بس أهم حاجة لو حد عنده قطة لازم لازم يتابع مع دكتور بيطرى و يهتم بنظافتها.

و محدش يقلق من القطط و يستغل الموقف للنيل من سمعة القطط القطقوطة دى ....

إحم .. بس برضه لسه مش بحبهاااااا

بنشكر الدكتور ميزا على المعلومات الوافية
ونتمناله إنه يجيب قطة قريب :P

[Nour_Peugeot]

شكرا يا باشا ده انا كنتش فاهم حاجة خالص

[M.Mokhtar]

كان عندنا قطه اسمها بانسي
كنت بشك انها قطة اصلا
كانت سيامى وكانت صغنونه يادوب تعرف تشرب اللبن
والحمد لله كبرت وبقت تعتمد على نفسها
المشكله انى كنت لما العب معاها واجرى وراها وكده مش بتعرف تتحكم فى الاتجاهات
يعنى لو بتجرى فى اتجاه الحيطه بلاقيها بتجرى لغاية ما تخبط فى الحيطه وكمان رجليها اللى ورا تترفع لفوق :)
ومره كنت بلاعبها وهى وقفه فوق الكرسى وانا قاعد على الارض وبحرك ايدى تحت قطعة قماش وهى مفكره ان دى حاجة المفروض تنقض عليها
نطت من فوق الكرسى........
غرزت بمناخيرها فى الارض:k48:

كانت غلبانه اوى :)
بس بجد طيبه ووافيه جدا
لما نخرج من البيت تفضل تنونو ولما نرجع نلاقيها قايمه من النوم وتجرى علينا وعنيها مغمضه اصلا

[amir]

[quote=M.Mokhtar;455534 لو بتجرى فى اتجاه الحيطه بلاقيها بتجرى لغاية ما تخبط فى الحيطه وكمان رجليها اللى ورا تترفع لفوق :)
ومره كنت بلاعبها وهى وقفه فوق الكرسى وانا قاعد على الارض وبحرك ايدى تحت قطعة قماش وهى مفكره ان دى حاجة المفروض تنقض عليها
نطت من فوق الكرسى........
غرزت بمناخيرها فى الارض:k48:

[/quote]
طيب متشوف مركز الخدمه و تسألهم يمكن فراملها عايزه رجلاش او يمكن ماستر الفرامل بيهرب
:k20:
او شوف كده يمكن عايزه نضاره جديده لأني هعمل مقاس جديد و ممكن اخدها معايا

[M.Mokhtar]

طيب متشوف مركز الخدمه و تسألهم يمكن فراملها عايزه رجلاش او يمكن ماستر الفرامل بيهرب
:k20:
او شوف كده يمكن عايزه نضاره جديده لأني هعمل مقاس جديد و ممكن اخدها معايا

ههههههههههههههه
خلاص بقى يا باشا راحت لصاحب نصيبها
اصلها كبرت وطلبت ومش ناقصين قط كمان يجيى البيت
فادناها هديه لحد من قرايبنا :)

[Noha.M]

الحقيقة انا بكره القطط جدا و بحس انها بتبصلي و تقوللي يا عبيط

انا باحب الكلاب جدا الكلب فعلا فعلا تحس انه عنده مشاعر و بيزعل و بيفرح و بيستناك و بيبان على وشه الفرحة لما يشوفك ولا يسمع صوتك

كان عندي كلب كان يطلع بالليل ياخد فردة من جزمى يحطها عنده و مرة طلعت رحلة اسبوع و سيبته في البيت خلال الأسبوع لم كل جزمي في بيته في المدخل و ماحدش عرف ياخدهم منه الا لما جيت ..

و ساعات والله كنت أرجع من الكلية متأخر و هو جعان ولما أطلعله أكل ..ياكل شوية و يلعب معايا شوية و الله كان بيصعب عليا انه جعان و عايز يرحب بيا في نفس الوقت
و حتى لو غلط و ضربته أو عاقبته تلاقيه زعلان كده و حاسس انه عامل عمله و راسه في الأرض


انما القطة ....جوعها شوية بس ولا دوس على ديلها كده !!!!!

انا زييك بظبببببببط

[Jato.33]

أنا عندي بردو قطة شيراز مون فيس أو أعتقد هاف مون
القطط حيوانات رقيقة جداً ووفيه برده على فكرة أنا قريت كتير عن قطط ماتت بعد إصحابها أو رجعتلهم بعد ما ضاعت وعموماً وجود حيوان في البيت بالذات لو كان في إتصال مباشر بين الإنسان وبينه أعتقد إنه بيكون سبب في ترقيق القلب أحياناً وتنفيث بعض الحزن ومدعاه لوجود رحمة حيث أنك تشعر بضعفه وقوتك وكمان مينساش أي حد عنده حيوان في بيته إنه يحتسب الأكل والشرب وحتى المعاملة الحسنة لله
قال رسول الله صلى الله عليه وسلم :
"في كل كبد رطبة أجر" أو كما قال