لو معاك مليون جنيه !!!!!!!!!

[Nader]

أنا و الحمد لله عندى مليارات ما تتعدش، عارف فين، بص فى الصورة اللى تحت و أنت تعرف

ربنا يحفظها لك ويبارك لك فيها.

[sab3aawy]

مع احترامي لرأيك يا بشمهندس سبعاوي....بس ماجبتش خالص فكره الشغل...
و اعتمدت علي فوائد البنك و ده في نفس الوقت يعتبر حاجتين غلط
مع احترامي يعني كده الواحد يكون عاطل :shock: و مش بيعمل اي حاجه مفيده
و فوائد البنك تعتبر ربا.....

المفروض الواحد يكون ليه طموحات نفسه يحققها غير السكن و العربيه مثل مشروع كان يحلم بيه.....

انا طموحى الوحيد يتمثل فى انى اتمنى ان تكون لدى القدرة المادية على الإنعزال عن هكذا مجتمع وهو دة اللى حاولت اعبر عنه ، من خلال تصويرى لمشاهد يومية مزعجة من حياه كل واحد يتمى ان يؤتى القدرة على تجنبها وانا شفت ان المليون جنيه تحققلى الطموح ده فكتبت عن طموحى، ومتهيألى ان السؤال كان عن ايه اللى ممكن اعمله بمليون جنيه، مش إيه اللى ممكن اعمله بمليون جنيه على ان يرضى جميع الأطراف

يا راجل ده مجتمع بيعقد الدنيا حتى فى الأحلام، يعنى الى جانب معاناتنا اليومية فى كل كبيرة وصغيرة حتى لما الواحد يحلم بحاجة يلاقى اللى طالعه يفلسفهاله ويقول له صح وغلط وقيم ومثل، يعنى حتى الحلم فى هذا المجتمع تجد فيه معاناه، يبقى مش بذمتك ده مجتمع بصير اجتنابه طموحا يتمنى المرء تحقيقه؟

[Abdallah]

لا اعتقد اننا نستطيع الانعزال عن هذا المجتمع يا صديقى وقد حاولت بالفعل من قبل ولكننى فشلت فشل ذريع فانا لن استطيع ان اصنع طعامى وشرابى ودوائى وبالتالى ساظل فى احتياج للتعامل مع البشر ومع المجتمع , فلماذا انعزل اذن ؟؟؟
الحل الوحيد هو التاقلم وتجنب وجع الدماغ بمعنى انى بدل ما كنت بنزل 10 مرات فى اليوم بقيت بنزل 3 بس واقعد فى البيت احسن من انى امشى فى الشارع واحك فى دة واسب فى دة وكله علشان الناس معدش عندها احترام او مبادىء وكله بيهبش وبيجرى.

[أبو عبد الله***]

عن نفسي سأحاول بقدر المستطاع البعد عن المجتمع كما قال سبعاوي - و العزلة في بعض الأزمنة خير من الأختلاط لبعض الناس و الذي أعتقد إنني منهم كما إن الأختلاط لبعض الناس -ذوي القدرات الخاصة - أفضل لهم و للمجتمع الذي لا يستغني عن مثلهم - و أنا لا أعتقد إنني منهم-
مع البعد عن شبهه البنوك يعني ممكن بنك أسلامي
و ما فيش مانع أشتغلي سنة كدة شغل غناوة و أطلع عين المدير بتاعي :) و برضه أدي كام واحد من الزملاء المسنودين علي دماغه :twisted: و بعدين أسيب الشغل 8)

[memo_hefnawy]

مفيش أجدع من :

الواحد يمتلك أرض كبيره جدا ( وياسلام لو جزيرة ) يعمل فيها مزرعه ضخمة فيها من كل الحيوانات من الفرخة للنعامة و الخيــل و يزرع من كل الأنواع و يكون قريب أوى من البحر عشان يعيش على خير الزراعه و خير البحر من الفسفور :)و الذى منه و كمان يعيش وسط الطبيعه الجميله و بعيد عن الهم كله :)
وفى نفس الوقت يكون عنده كل المفيد من التكنولوجى يعنى مش معزول بالعكس عنده إتصال بالعالم الخارجى برده و يقضيها خيــل و سباحة و غوص و أكل طبيعى من غير هرمونات و هواء نضيف :) ..... يظهر إنى بحلم بالجنه :)

بس طبعا ده بعيد عن رقم المليون المذكور لأن ده هايحتاج أكثر من مليون دينار كويتى :)

[أبو عبد الله***]

[quote="memo_hefnawy"]مفيش أجدع من :

الواحد يمتلك أرض كبيره جدا ( وياسلام لو جزيرة ) يعمل فيها مزرعه ضخمة فيها من كل الحيوانات من الفرخة للنعامة و الخيــل و يزرع من كل الأنواع و يكون قريب أوى من البحر عشان يعيش على خير الزراعه و خير البحر من الفسفور :)و الذى منه و كمان يعيش وسط الطبيعه الجميله و بعيد عن الهم كله :)
وفى نفس الوقت يكون عنده كل المفيد من التكنولوجى يعنى مش معزول بالعكس عنده إتصال بالعالم الخارجى برده و يقضيها خيــل و سباحة و غوص و أكل طبيعى من غير هرمونات و هواء نضيف :) ..... يظهر إنى بحلم بالجنه :)

طبعا أنت بتحلم بالجنة - بس ممكن دي تكون أقل درجاتها - بالأضافة إلي أن الجنة دااااااااااااااااااااااااااااااااااااااااااااااااا اااااااااائمة... :D

[3mr Farrag]

يا راجل ده مجتمع بيعقد الدنيا حتى فى الأحلام، يعنى الى جانب معاناتنا اليومية فى كل كبيرة وصغيرة حتى لما الواحد يحلم بحاجة يلاقى اللى طالعه يفلسفهاله ويقول له صح وغلط وقيم ومثل، يعنى حتى الحلم فى هذا المجتمع تجد فيه معاناه، يبقى مش بذمتك ده مجتمع بصير اجتنابه طموحا يتمنى المرء تحقيقه؟

يا بشمهندس سبعاوي انا ولا بعقد الامور ولا حاجه .....دا مافيش احسن من الراحه يا باشا :lol:
صحيح كل واحد وليه وجهه نظر كيفيه صرف المليون جينه ...الا كانت الناس عايشه ذي بعض.....



وانا اسف اني عكننت علي حلم حضرتك :(

[Dr Ahmed]

ليه يا أستاذ سبعاوى لم تحضر المقابلة ولم ............ ؟؟

[memo_hefnawy]

سبعاوى كان فعلا جاى المقابله لكنه تعرض لإصابة أثناء تصليح المرش إللى علق فجأة فى عربيته الريجاتا

والإصابة كانت فى الركبة إللى عنده فيها رباط صليبى و كان يوم صعب جدا عليه شفاه الله و عافاه

هو كان نفسه يجى بس مكنش ليه نصيب قدر الله و ما شاء فعل

[Hazem Salah]

أعمل مشروع يستفيد منه أكبر عدد من الشباب الجاد

[د.أحمد سمير]

أنا لو معايا مليون جنيه .. أسافر إلى بلد متخلف بعيد عن المدنية والعصرية ، أهله ناس طيبين ، أحاول أعمل معاهم أي خير في سبيل الله تعالى ، وأن تكون هذه البلد جميلة وطبيعية ، أنا أرشح لنفسي وللجميع جزر القمر ، فقد صادقت منها الكثير أثناء دراستي بالأزهر ، ولم أجد أكثر منهم طيبة وأخلاقاً وتديناً .

وبكدة أكون حققت هدف سبعاوي بالبعد عن هذه البلد التي تسير بسرعة خرافية نحو السعار والافتراء ، وحققت حلم الحياة الجميلة الهادئة الممتعة .

يقول رسول الله صلى الله عليه وسلم : " أمسك عليك لسانك ، وليسعك بيتك ، ولتبك على خطيئتك " صدقت يا سيدي يا رسول الله
تقبلوا خالص مودتي

[Dr Ahmed]

يقول رسول الله صلى الله عليه وسلم : " أمسك عليك لسانك ، وليسعك بيتك ، ولتبك على خطيئتك " صدقت يا سيدي يا رسول الله
تقبلوا خالص مودتي

أضيف على تعقيب أخى الفاضل د/ أحمد سمير أن الرسول صلى الله عليه وسلم قال هذا القول عندما سأله أحد الصحابة عن " النجاة " فكان هذا الرد الذى يصف لنا فيه كيف ننجو.

[Dr Ahmed]

سبعاوى كان فعلا جاى المقابله لكنه تعرض لإصابة أثناء تصليح المرش إللى علق فجأة فى عربيته الريجاتا

والإصابة كانت فى الركبة إللى عنده فيها رباط صليبى و كان يوم صعب جدا عليه شفاه الله و عافاه

هو كان نفسه يجى بس مكنش ليه نصيب قدر الله و ما شاء فعل

شفاه الله وعافاه

وألف سلامة عليك يا خالد باشا

وانا كنت محتاج أعرف السبب لأن شوشو كان عمال يقولى أسباب تانية الحمد لله انها طلعت خطأ.

[fahd_628]

ألف سلامه عليك يا سبعاوى و ان شاء الله تروح المقابلة الجاية

[Nile Heart]

يتم استثمارها عقاريا.........

تشترى أرض + تتفق مع مقاول يبنيها....

خطأ قاتل!

اسمعوها من واحد دى شغلته

يااما تبنيها انت بنفسك لو بتفهم فى الموضوع
أو تجيب حد ثقه ثقه ثقه زى أبوك أو أخوك يبنوهالك
يااما تسيبها أرض فاضيه وبعد 20 سنه هاتبقى ب خمسين ضعف وده احسن استثمار للأبناء والاحفاد