لو معاك مليون جنيه !!!!!!!!!

[ابوحميد]

يتم استثمارها عقاريا.........

تشترى أرض + تتفق مع مقاول يبنيها....

خطأ قاتل!

اسمعوها من واحد دى شغلته

يااما تبنيها انت بنفسك لو بتفهم فى الموضوع
أو تجيب حد ثقه ثقه ثقه زى أبوك أو أخوك يبنوهالك
يااما تسيبها أرض فاضيه وبعد 20 سنه هاتبقى ب خمسين ضعف وده احسن استثمار للأبناء والاحفاد

ابناء واحفاد ليهم رب اسمه الكريم

:twisted: :twisted: :twisted: :twisted:

[Hossam_Hassan]

أنا لو معايا مليون جنيه .. أسافر إلى بلد متخلف بعيد عن المدنية والعصرية ، أهله ناس طيبين ، أحاول أعمل معاهم أي خير في سبيل الله تعالى ، وأن تكون هذه البلد جميلة وطبيعية ، أنا أرشح لنفسي وللجميع جزر القمر ، فقد صادقت منها الكثير أثناء دراستي بالأزهر ، ولم أجد أكثر منهم طيبة وأخلاقاً وتديناً .

وبكدة أكون حققت هدف سبعاوي بالبعد عن هذه البلد التي تسير بسرعة خرافية نحو السعار والافتراء ، وحققت حلم الحياة الجميلة الهادئة الممتعة .

يقول رسول الله صلى الله عليه وسلم : " أمسك عليك لسانك ، وليسعك بيتك ، ولتبك على خطيئتك " صدقت يا سيدي يا رسول الله
تقبلوا خالص مودتي

فكرة ب 10 مليون جنيه

[محمد المشد]

بصراحة كدة هية عملية بسيطة
اولا اصحى من النوم
وابقى اتغطى كويس
ياجماعة بلاش احلام اليقظة ديت !!!!!!!!!!!!

[AhmedElsayed]

مش حعمل اى حاجة لنفسي لا عربية جديدة ولا شقة ولا اى حاجة

حجيب ثلاث اربع شقق فى مكان كويس
وافضل اجرهم واحوش ايجارهم علشان اعلم ولادى فى مدارس انترناشونال من اللى باكتر من 30 الف جنيه فى السنة للسنة الواحدة فى الحضانة ومش عارف على ما ابنى الصغير يدخل اول سنة حتبقى مدرسة زى دى بكام

انا كل اللى عايز استثمر فيه تعليم ابنى واخواته لما ربنا يكرمنا بيهم
ادخلهم مدارس عالمية وجامعة امريكية لما يكبروا ان شاء الله
ده احسن استثمار بالنسبة لى

أحمد السيد

[ابوحميد]

بصراحة يا استاذ احمد السيد
دا اجمل رد قريته فى الموضوع
بس انت ادعى تلاقى المليون

[analyzer]

السلام عليكم
اذا جالى المليون جنيه ده هعمل بيهم ايه
فكرت مرارا وتكرارا ولم اجد افض من : اتاجر بيهم مع الله حتى يتضاعفو عشرات بل مأت المرات .