مدرسه طلائع جابر الانصارى بالزيتون vs مدرسه السيده عائشه

[khaled_sabry]

السلام عليكم
كنت عملت موضوع سابق عن ابنى المتأخر فى الكلام (مخارج بعض الحروف مش واضحه) و جولتى فى تقديم المدارس
حاليا و الحمد لله هو يعتبر قبل فى ثلاث مدارس
1- طلائع جابر الانصاى لغات - الزيتون
2- مدرسه السيده عائشه للغات - مصر الجديده
3- مدرسه تجريبى لغات - سيبك منها (رغم انها جنب بيتي ب 5 دقائق )

فاللى محتار بينهم دلوقتى هما مدرسه طلائع جابر الانصارى بالزيتون vs مدرسه السيده عائشه
مع ملاحظه الاتى
- مدرسه طلائع جابر الانصارى بالزيتون : فيها قسم عربى و لغات - انا مقدمله على اللغات طبعا
- مدرسه السيده عائشه : اللغه الاجنبيه الاولى انجليزي و الثانيه المانى

بصراحه انا مستريح لمدرسه السيده عائشه (يمكن علشان عاجبنى فكره انترفيو الاب و الام اللى خدونى فيه غسيل و مكوى فى مقابلتين ) - لكن متخوف من موضوع الالمانى ده
خاصه انه لما كان بيترفض من مدارس لغات بسبب النطق كانو بيقولولى ان تأخر نطقه حيعيقه فى الانجليزي
فمابالك لما يبقى انجليزي و المانى !!!!!

ايه رأيكم فى الموضوع ده ؟اختار مين فى المدرستين

[mohamed_selim]

لو المشكله بس فى الالمانى توكل على الله .... ابنى اختار لغه تانيه المانى و انا لا افقه شيئ عنه .... بس اغلب اللى يعرفو المانى بيقولو اسهل بكتير من الفرنساوى كلغه تانيه ....

[khaled_sabry]

لو المشكله بس فى الالمانى توكل على الله .... ابنى اختار لغه تانيه المانى و انا لا افقه شيئ عنه .... بس اغلب اللى يعرفو المانى بيقولو اسهل بكتير من الفرنساوى كلغه تانيه ....

واضح ان ابنك كبير ربنا يخلهولك فى ثانوى و يقدر يعتمد على نفسه
لكن انا بتكلم على KG1 لسه
بالنسبه للالمانى انا كنت واخد المانى فى ثانوى برضه و فاكر يادوب نطق الحروف كام جمله طشاش كده لكن طبعا مش لدرجه انى اذاكر منهج لإبنى

[mohamed_selim]

ابنى رايح تالته ابتدائى :)
وانا معرفش المانى خالص\
لو انا فاهم صح هو كده كده هياخد انجليزى لغه اولى و دى انت معندكش فيها مشكله .... اللغه التانيه لو مش المانى هتكون فرنساوى و دى اصعب فى النطق اصلا
فلو المدرسه بالنسبالك احسن من التانيه و مشكلتك بس فى الالمانى يبقى اتكل على الله

[cheetos_892005]

ياااااااااااااااه جيتلي في ملعبي

السيده عائشه انا دخلتها kg1 4 سنين خرجت منها على هندسة عين شمس
13 سنه

معرفش ايه ظروفها دلوقتي بس متقلقش من الالماني خالص
هيدولوا الماني من 3 ابتدائي و هما هيعلموه لحد ما يوصل ثانويه عامه هيبقى الالماني بتاع الوزاره ده مستوى تعبان قوي بالنسبه للي يعرفه

قللي قابلت مين هناك و مين ماسكها دلوقتي ؟؟ لسه فريده و لا مين ؟

[khaled_sabry]

ياااااااااااااااه جيتلي في ملعبي

السيده عائشه انا دخلتها kg1 4 سنين خرجت منها على هندسة عين شمس
13 سنه

معرفش ايه ظروفها دلوقتي بس متقلقش من الالماني خالص
هيدولوا الماني من 3 ابتدائي و هما هيعلموه لحد ما يوصل ثانويه عامه هيبقى الالماني بتاع الوزاره ده مستوى تعبان قوي بالنسبه للي يعرفه

قللي قابلت مين هناك و مين ماسكها دلوقتي ؟؟ لسه فريده و لا مين ؟

و الله كويس - دى طلعت مدرسه قديمه بقى
اللى مسكاها دلوقتى اسمها أ/ أميمة هيكل
[sor2]http://www.alsayedaaisha.com/images/sampledata/image-article-1.jpg[/sor2]
طبعا عرفت اسمها من الموقع بتاع المدرسه و هى دى فعلا اللى عملت معايا الانترفيو

[Eng_hatemfathy]

طب ايه الارقام دلوقتي في الاتنين

[cheetos_892005]

و الله كويس - دى طلعت مدرسه قديمه بقى
اللى مسكاها دلوقتى اسمها أ/ أميمة هيكل
[sor2]http://www.alsayedaaisha.com/images/sampledata/image-article-1.jpg[/sor2]
طبعا عرفت اسمها من الموقع بتاع المدرسه و هى دى فعلا اللى عملت معايا الانترفيو

لا معرفهاش دي كنت اعرف اللي قبلها و ليا معاها علامات
اخويا متخرج منها برده و كان اول دفعه تدخل سنة 1989

[ahmed1981]

في معهد إسمه معهد طلائع الأزهر خلف حديقة بدر ( عربي ولغات )
سألت عليه ؟

http://www.t-azhar.net/

ـ

[khaled_sabry]

[quote=ahmed1981;3875610198]في معهد إسمه معهد طلائع الأزهر خلف حديقة بدر ( عربي ولغات )
سألت عليه ؟
[url=http://www.t-azhar.net/]

[khaled_sabry]

حديقه بدر حتبقى بعيده اوى عن البيت
انا ساكن فى النعام قريب من الف مسكن

طب ايه الارقام دلوقتي في الاتنين

ارقام ايه ؟؟ تقصد المصاريف
السيده عائشه 3700 تقريبا و ابو جابر الانصارى 4700 على ما اذكر

[Eng_hatemfathy]

حديقه بدر حتبقى بعيده اوى عن البيت
انا ساكن فى النعام قريب من الف مسكن


ارقام ايه ؟؟ تقصد المصاريف
السيده عائشه 3700 تقريبا و ابو جابر الانصارى 4700 على ما اذكر

ما شاء الله
امال المقطم والمعادي الاسعار جنان ليه