لية كدة يا مصريين .. وحوش تسير على اقدام .. حزين بجد

[ashouhdy]

استقبلت النهاردة خبر سئ جدا جدا و مضايقني جدا جدا


عندى في الكلية طلبة صغار ماليزيين بيدروسوا في الجامعة اعمارهم لا تتجاوز ال 20 عاما


الطلبة دول ضيوف بييجوا يتعلموا ويمشوا


امبارح كان يوم انتهاء العام الدراسي ... و كانوا في قمة السعادة .

استقل 16 طالب وطالبة ميكروباص متجهين الى مطار برج العرب


وبشهادة طالب منهم ليا اسمعوا الفظاعة


السواق كان طاير .... بينحرف يمين وشمال كأنة يسابق الزمن

اخذنا ننبهة ان ميعاد الطائرة مازال علية الكثير والكثير

لم ينتبة و ظل ينزلق بين التريلات كالثعبان

الي ان فقدت السيارة تماسكها وانقلبت بين التريلات الى الملاحات

طار الباب وطار الشباب منة

الي الملاحات والرمل


بعد 5 دقايق ظهر ناس مجهولة


سرقوهم


اى والله سرقوا المتصابين


سرقوا الاحذية والشنط والموبيلات وكان يتبقي الملابس فقط


من كان في وعية لم يستطع التحدث الى احد للنجدة لأن الموبيلات سرقت

وتركوهم يواجهوا المجهول


الى ان توقفت بعض السيارات وطلبوا النجدة

8 في العناية المركزة و الباقي في العمليات يعالج لتركيب شرائح ومسامير .. الأصابات متعددة من كسور كلية وجزئية وشلل تام الى اخرة


حسبي الله ونعم الوكيل


للدرجة دى


طب السواقين ولهم الحرق وعارفين


اللي طلعوا يسرقوا اشباة جثث دول ملتهم اية

ولسة في حد بيتكلم عن حقوق الانسان والحريات


ارد واقل عندما نصبح أنسانا فقط تعال اتكلم في حقوق الانسان

لكن الاغلبية وحوش كالضباع تأكل وتختفي


..... أذهبوا تعاركوا وتشاحنوا عن الثورة والانقلاب ومين قاتل ومين صالح والهتافات وكلوا في بعض


ولا حول ولا قوة الا بالله


سابوهم يموتوا عشان يسرقوا وهربوا

مازلت لا اصدق

[abd_el_7amid]

لا حول ولا قوة إلا بالله العلي العظيم
بس صدقنى انا بقيت متوقع اى حاجة من شعب مصر العظيم

[mazher_m]

لا حول ولا قوه الا بالله
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ramymechanics]

احنا شعب متدين بطبعه انت بتتكلم فى أيه دة كفاية حضارة 7000 سنة

[samyyousef]

السلام عليكم
اضف الى ما ذكرته اني سمعت - و الله اعلم - ان المسعف في سيارة الاسعاف يجرد المصاب او المصابة من اية اموال او ذهب ...الخ الا ما رحم ربي
اما بشأن مدى استحقاق هؤلاء من اشباه البشر لمراعاة حقوق الانسان..فاقول ان انتهاك حقوق الانسان مع اي فئة قد يطول الشرفاء..فالانتهاك اذا بدأ لا يتوقف
تحياتي

[ashouhdy]

الناس دى كانت بتعشق مصر

كان كل كلامهم ليا احنا اخترنا مصر عشان قالولنا شعب طيب و محترم

كان ممكن نسافر اي دولة حكومتنا تختارها ولكن اختارنا مصر

الناس دى في منهم كتير في جامعة اسكندرية بس

حواللى 3 الاف طالب وطالبة موزعين على كل الكليات


بني ادمين

تخيلوا حبقولوا اية ويحكوا اية عن المصريين ؟



حسبي الله ونعم الوكيل

[J A G U A R]

لا حول ولا قوه الا بالله

اللى طلعو علشان يسرقوهم دول استحاله يكونو بنى ادمين ده لو يهودى والله مش هايعمل كده

[Mostafa.Mahran]

زميلى قبل كده اتقلب بعربيته و لما فاق ملقاش المحفظة و الموبايل و كل حاجة كانت فى العربية وبيقولى كنت حاسس ان فى حد بيسرق الحاجة و بيحط ايده فى جيبى بس مكنتس قادر اتحرك ولا حاسس بنفسى و على فكرة ناس كتيرة بتبقى قاعدة على جنب الطريق مستنية حادثة تحصل علشان تنزل تسرق العربية

Sent from my GT-N7000 using Forum Runner

[M R. Z E C O]

انا لله وانا اليه راجعون

[ashouhdy]

السلام عليكم
اضف الى ما ذكرته اني سمعت - و الله اعلم - ان المسعف في سيارة الاسعاف يجرد المصاب او المصابة من اية اموال او ذهب ...الخ الا ما رحم ربي
اما بشأن مدى استحقاق هؤلاء من اشباه البشر لمراعاة حقوق الانسان..فاقول ان انتهاك حقوق الانسان مع اي فئة قد يطول الشرفاء..فالانتهاك اذا بدأ لا يتوقف
تحياتي

حتى المسعف كمان .... لا حول ولا قوة الا بالله

زميلى قبل كده اتقلب بعربيته و لما فاق ملقاش المحفظة و الموبايل و كل حاجة كانت فى العربية وبيقولى كنت حاسس ان فى حد بيسرق الحاجة و بيحط ايده فى جيبى بس مكنتس قادر اتحرك ولا حاسس بنفسى و على فكرة ناس كتيرة بتبقى قاعدة على جنب الطريق مستنية حادثة تحصل علشان تنزل تسرق العربية

sent from my gt-n7000 using forum runner

مش بعيد بالمنظر دة ممكن يكون ليهم يد فى اغلبية حوادث بلادنا

[M7amD_7amDy]

لا حول ولا قوة الا بالله

حاجة تحزن بجد

اعتقد مفيش شعب اسوء من كده !!

ربنا يرحمنا برحمته

[qkash.com]

حسبنا الله ونعم الوكيل
"اللهم ارفع مقتك وغضبك عنا ولا تؤاخذنا بما فعل السفهاء منا"

[نور القمر]

حاجة بقت عادية في مصر
يعني الحرامية دول يا دوب سرقوا المصابين اللي بين الحياة والموت ومقدموش اي مساعدة لنجدتهم .....دول يعتبروا ملايكة جنب اللي بيقتل وبيحرض على القتل ويشمت في القتل ومشبعش دم

[ashouhdy]

اختلط الحق بالباطل و الصادق بالكاذب و العدو بالصديق ....فمن كنا نحسبه عدوا يبدو الان صديقا و من وثقنا بهم خذلونا ... فيا الله ألهمنا الصبر الجميل وأخرجنا من الابتلاء اقوى مما كنا عليه واعنا على تخطى الأزمات بحكمتك... يارب أرنا الأشياء على حقيقتها و اعطنا القدرة على تمييز الحكيم من السفيه و العالم من الجاهل والصادق من الكاذب و الوطنى من الخائن والمصلح من المفسد....يا رب أنر بصائرنا و ارشدنا الى ما فيه الخير لنا و لأوطاننا ... يارب ألف بين قلوبنا. ...و اجمع شملنا ووحد صفوفنا و ابعد عنا الفتن ما ظهر منها و ما بطن

[M!SHO]

في ٢٠٠٩ عملت حادثة جامده

لدرجة ان نصي التحتاني كله الصاج كان قافل عليه ومحشور

وبرغم كده كنت شبه واعي وماسك الموبايل فى ايدي ( اه والله في ايدي ) وكنت بنور بيه

واتسرق من واحد من الناس اللي كانت بتحاول تطلعني من العربيه

متستغربش اي حاجه يا دكتور