بنتى هبشها كلب فى الشارع

[kar!m]

شفاها الله و عافاها

[Forever.Leo]

ربنا يطمنك عليها .. و يحميها و كل اطفالنا من كل سوء .. و نصيحتي اخذ الحذر بالشارع .. و مراقبة ابناءنا دوما لحمايتهم من اي اخطار في الوقت المناسب .

[blazer]

حضرتك شايف الموضوع من وجهة نظرك كصاحب كلب
وعندك كلب شايف انه ودود وغير مؤذى
وانه اليف وحبوب

لكنك مش باصص للاذيه اللى حصلت لبنتى لما الكلب شدها ووقعها على الارض
حتى لو كان بغرض اللعب - و وهى اساسا مش بتتعامل مع اى كلب وكمان
بتكره صوته لما يهوه بالليل فى الشارع 0 فما بالك لما تلاقيه فجأه بيسحبها من لبسها ويوقعا على الارض
+
اختها اللى اكبر منها من الخوف عملت حمام على نفسها
عايز ايه اذيه اكثر من كده

انا بس بتناقش مع حضرتك ومقدر الاذى الى بنتك اتعرضت ليه و ربن ميجيب اى اذى لاى طفل مهما كان السبب
,و صاحب الكلب غلطان انه اصلا يروح بيه حديقة عامه او مكان فيه تجمع لناس كتير ,, طالما الكلب مش متدرب على انه يتعامل مع الناس و فيه احتمال لو 1 % انه يبقى خطر

[abokoko]

المكان بالغردقة
امام منزل المحافظ منطقة كبيره متسوره ولها رصيف
وغالبا من بعد الظهر بيبدأ الناس للركض او الجرى حول المكان ويستمر تواجد الناس الى الليل
والمكان معروف لراغبي التمشيه او التخسيس او لمرضي السكر او للياقه البدنيه او للحوامل
بمعنى تواجدى مع اسرتى فى المكان طبيعى وعادى لانه ضمن ما ذكرته

عموما
الحمد لله
بنتى كويسه
وللاحتياط وبدهن لها المرهم المطهر وبتاخد المضاد الحيوي

ربنا يحفظ حضراتكم ونحن والجميع

[qkash.com]

الف سلامة علي البنوتة الصغيرة

وربنا يشفيها ويباركلك فيها ويحميها من كل شر

[abokoko]

ربنا يحفظ حضرتك
الف شكر

[مستر هشام]

ربنا معاك فى خضتك انت والعائلة ويحميلك بنتك ويرجعهالك بكل سللامة ( ولو كان استهتار او حتى سهى علية يوقف الكلب فى الوقت المناسب فربنا يورينا فيهم يوم) لانى متغاظ واحد ونزل بكلبة فى الشارع اللى فية كل البشر مش ياخد بالة ويتأكد ان مافيش خطر ولا هيا بقت كل حاجة فى حياتنا ( واية يعنى )

[abokoko]

ما بعد الواقعه
اقصد بعد ما الكلب جر بنتى على الارض وخربشها

صاحب الكلب شد السلسله جامد وضرب بيها الكلب على خفيف لتنابيه او لتعليمه
وعرض الذهاب معنا الى المستشفى او اى اجراء انا عايزه وكمان قال انه مش هيمشي وهيفضل معايا وحاول يهدى بنتى ةيقرب الكلب علشان تهدى ويذهب عنها الفزع من الكلب وعلى فكره الكلب شكله عنيف او هزاره شديد انا مش مقتنى اى كلب بالتالى وصفى حسب الحاله والكلب وصاحبه جنبنا بيحاول يكلم بنتى ويلاطفها ويقربه لها الكلب علشان تلمسه الكلب خبطنى خفيف بفمه على ايدى وده خلانى ارفض فكرة ان بنتى تداعب الكلب ليذهب عنها الفزع

انت حر ما لم تضر

رجاء الى من يقتنى الكلاب لا تتسبب فى ضر لمن حولك
حتى وان كانت نيتك ( او نيه الكلب ) حسنه

[lemo147]

الف سلامه عليها وربنا يشفيهالك ويخليها ليك يارب

[mk3]

( تتم مراقبته لمدة ة10 ايام لو ظهر عليه اعراض المرض يبقى لازم الضحية تتطعم )

مرض ايه ؟ السعار ؟
ممكن اعرف العلاقه

[احمد فهمى]

استهتار طبعاً واكتر من مره حصل الموضوع ده واكتر من كده ومفيش قانون بيحمى حق الناس من قصة الكلاب المتوحشه مع اصحابها الحمد لله على هذا القدر بس هو خربش فقط والا عض؟؟ لو خربشه لا تقفق حتي لو مش مطعم الكلب ولو عض ومش مريض بالسوعار لا تقلق بس المهم تتأكد ان الكلب لسه عايش وكان لازم تعمل لصاحبو محضر على الاقل تعرف بياناتو وان شاء الله خير وممكن تروح المصل واللقاح فى الدقى تستشير حد هناك

[abokoko]

استهتار طبعاً واكتر من مره حصل الموضوع ده واكتر من كده ومفيش قانون بيحمى حق الناس من قصة الكلاب المتوحشه مع اصحابها الحمد لله على هذا القدر بس هو خربش فقط والا عض؟؟ لو خربشه لا تقفق حتي لو مش مطعم الكلب ولو عض ومش مريض بالسوعار لا تقلق بس المهم تتأكد ان الكلب لسه عايش وكان لازم تعمل لصاحبو محضر على الاقل تعرف بياناتو وان شاء الله خير وممكن تروح المصل واللقاح فى الدقى تستشير حد هناك

الحمد خربشه فقط وكان فى جزأ بسيط ورم او كلكع
لكن الان الحمد لله الامور مستقره
وبنتى الحمد لله كويسه جدا

مفروض الكلاب للصيد والحراسة
اما التنزه بها فى الشوارع مع احتماليه الهجوم والتعرض للمشاه
فمرفوض من وجهة نظرى عملا بمبدأ
انت حر ما لم تضر

ارجو من اصحاب الكلاب يفكروا بتعمن فى صراخ الاطفال ورعب الكبار بمجرد
رؤية كلب ضخم وصوته عالى

[almohaor]

اللى اعرفه من زمان
ان اى كلب عض شخص ما حتى لو مرخص
يتم عمل محضر لصاحب الكلب وكمان يتم القبض على الكلب
وايداعه مركز بيطرى لعمل حجر صحى له ووضعه تحت الملاحظة
لمعرفه والتأكد هل هو مصاب بالسعار والا لآ

[S O P H O S]

الف سلامة يا باشا
حاليا الموضوع كتر
وتلاقيهم بيجروا ورا الواحد سواء لوحده او بعربية

[abokoko]

الله يسلم حضرتك
ويحفظنا جميعا