همتكوا معانا يا رجاله

[midoabdeen]

السلام عليكم ورحمة الله وبركاته

همتكوا معانا شويه بقي يا شباب

خلصت الحمد لله فى اشقه الاسبوع اللى فات

بس لسه على الطوب

المشكله ان فى اوضتين صغيرين شويه واحده 3.5 * 3.5 نوم
والتانيه 3.5 * 3.10 اطفال
اما المعيشه 4*4

والحمام 1.90 * 2.8
والمطبخ 3*2.8

انا عايز افكار بحيث اني اوفر فى المساحه وكمان علشان مابينش ضيق المساحه

فكرت اني افتح اوضت الاطفال على النوم والمعيشه اخليها اوضتين بس ياعنى كله قالي بلاش علشان كده هتبهدل الانتريه اللى بيبقي واجهه الشقه قدام الضيوف لان القعده طبعا هتبقي فيه ساعتها
وفكرت افتح الحمام الصغير على المطبخ باردوا الكل قال بلاش علشام لو عندك ضيوف يبقي الشقه جوا معزوله ومحدش يجرح الجزء اللي جوا خالص


وكمان فى فتحه فى الحيطه اللي بين المطبخ والصاله هيتحط قدام الفتحه السفره عايز اعمل الفتحه بطريقه شيك وكمان عايز اى فكره اقفل بيها الفتحه بحيث اللى يقف فى المطبخ اللى بره مايشوفوش ولما تيجي تحط الاكل تفتحها للمناوله

وكمان الناس اللى عندها بلكونات فى شققها بتستعملوها فى حاجه ؟؟؟؟؟؟؟؟؟
ولا افتحها على الاوضه وخلاص هى فى غرفه المعيشه بس لو هفتحها فى عمود فى نص الحيطه هيعمل مشكله هل ساعتها هيبقى ليه حل


عايز ارئكوا بقى لاني مش عايز ابدا فى حاجه وبعدين اهد اى حاجه عايز اجمع اراء علشان اعرف هشتغل ازاى لما ابدا

وشكرا

[shiko85]

و عليكم السلام و رحمه الله و بركاته
الف مبروك الشقه و ربنا يملهالك بركه و ستر
عندك رسم للشقه ؟

[midoabdeen]

لا لسه واحد صاحبي بيعمله بس لسه مخدتوش منه

[shiko85]

السلام عليكم ورحمة الله وبركاته
وعليكم السلام ورحمة الله وبركات
3.5 * 3.5 نوم
3.5 * 3.10 اطفال
4*4 معيشه
1.90 * 2.8 حمام
3*2.8 مطبخ

انا عايز افكار بحيث اني اوفر فى المساحه وكمان علشان مابينش ضيق المساحه
اسهل فكره انك تشترى فرش بسيط (مودرن) و تختار الوان فاتحه و توزيع اضاءه كويس كل ده هيفرق معاك شويه و الشقه هتبان اوسع
فكرت اني افتح اوضت الاطفال على النوم والمعيشه اخليها اوضتين بس ياعنى كله قالي بلاش علشان كده هتبهدل الانتريه اللى بيبقي واجهه الشقه قدام الضيوف لان القعده طبعا هتبقي فيه ساعتها
تفتح الـ 3 على بعض و بعد كده تقسمهم 2 ؟؟
الرسم هو اللى بيحدد ايه ينفع و ايه لأ
وفكرت افتح الحمام الصغير على المطبخ باردوا الكل قال بلاش علشام لو عندك ضيوف يبقي الشقه جوا معزوله ومحدش يجرح الجزء اللي جوا خالص
نصيحه حمام الضيوف ده مهم جدا و بلاش يتلغى
وكمان فى فتحه فى الحيطه اللي بين المطبخ والصاله هيتحط قدام الفتحه السفره عايز اعمل الفتحه بطريقه شيك وكمان عايز اى فكره اقفل بيها الفتحه بحيث اللى يقف فى المطبخ اللى بره مايشوفوش ولما تيجي تحط الاكل تفتحها للمناوله
ممكن تعمل شباك نصف دائره و تعمل شباك الوميتال (زجاج مصنفر - انجليزى) علشان محدش يشوف داخل المطبخ
وكمان الناس اللى عندها بلكونات فى شققها بتستعملوها فى حاجه ؟؟؟؟؟؟؟؟؟
على حسب مكانها و الفيو اللى بتبص عليه
ولا افتحها على الاوضه وخلاص هى فى غرفه المعيشه بس لو هفتحها فى عمود فى نص الحيطه هيعمل مشكله هل ساعتها هيبقى ليه حل
عمود فنص الحيطه
هى بلكونه كبيره ؟؟ واجهه ايه ؟؟
عايز ارئكوا بقى لاني مش عايز ابدا فى حاجه وبعدين اهد اى حاجه عايز اجمع اراء علشان اعرف هشتغل ازاى لما ابدا
وشكرا
زى ما قلت لو عندك رسم للشقه الدنيا هتوضح اكتر و الأفكار هتكتر

[midoabdeen]

هى الاوض الثلاثه جنب بعض ياعني لو بنيت حيطه فى نص اوضه الاطفال وهديت الجنب اليمين والشمال من اوضه الاطفال وسعت المعيشه والنوم

لا مافيش فيو لان الشقه خلفيه بس هى الفكره انى اوسع مساحه مش اكتر البلكونه حوالي 4 متر

انا كنت فكرت فى الشباك بتاع المطبخ دا اعمله نفس الفكره دى

بس مش غير اوميتال ياعنى فكرت اجيب لوح زجاج 6مم مثلا او اكبر لو فى ويتحط من تحت على مفصله بحيث انه لما يفتح يبقى رف كمان تحط عليه حاجه مثلا ويتفيم او يجيي اسود وهيبقى اشيك كتير من الالوميتال

[midoabdeen]

http://1.bp.blogspot.com/_NsbaLbs0DQM/TSThIwNrI4I/AAAAAAAAADE/P1YNNWz4z_0/s1600/%25D9%2583%25D8%25B1%25D9%258A%25D9%2585+%25D8%25AA%25D8%25A7%25D9%2584232.jpg

بس يفتح لتحت ومن غير الوميتال طبعا

[shiko85]

هى الاوض الثلاثه جنب بعض ياعني لو بنيت حيطه فى نص اوضه الاطفال وهديت الجنب اليمين والشمال من اوضه الاطفال وسعت المعيشه والنوم
لو كده يبقى تمام
لا مافيش فيو لان الشقه خلفيه بس هى الفكره انى اوسع مساحه مش اكتر البلكونه حوالي 4 متر
لو لغيت البلكونه هتضيف 4 متر للمعيشه + التعديل كده هتبقى غرفه المعيشه كبيره نوعا ما
انا كنت فكرت فى الشباك بتاع المطبخ دا اعمله نفس الفكره دى
بس مش غير اوميتال ياعنى فكرت اجيب لوح زجاج 6مم مثلا او اكبر لو فى ويتحط من تحت على مفصله بحيث انه لما يفتح يبقى رف كمان تحط عليه حاجه مثلا ويتفيم او يجيي اسود وهيبقى اشيك كتير من الالوميتال
فيه 6 مم و 8 مم و 10 مم
مش محتاج يتفيم, فيه الوان كتير جاهزه
فيه مواقع على النت تقدر منها تشوف صور الشقه كامله بالفرش و الدهانات و الأرضيات و الديكورات
تقدر تختار كل حاجه و تعرف ايه ينفع و ايه لأ
كل المطلوب رسم الشقه
زى الصور دى

[midoabdeen]

مواقع زي ايه
وللاسف الصور مش ظاهره

[midoabdeen]

[midoabdeen]

دى رسمه كده كروكي على الاكسيل

[shiko85]

مواقع زي ايه
وللاسف الصور مش ظاهره

كده ظاهره ؟؟
تقدر تعمل كده بالظبط و تشوف كل حاجه بالتفصيل
زى ما قلت لحضرتك دهانات - ارضيات - ديكورات - فرش
و تقدر تشوف كل حاجه بفيديو كانك مصور الشقه بعد التشطيب

[midoabdeen]

ايه هى طيب المواقع دى
ولو هرفع رسم الشقه لازم يبقي كاد ولا ممكن الصوره اللى رفعتها دلوقتى عادى

[shiko85]

ايه هى طيب المواقع دى
ولو هرفع رسم الشقه لازم يبقي كاد ولا ممكن الصوره اللى رفعتها دلوقتى عادى

الموقع اللى معمول عليه الصور دى هو
Home design and decorating ideas to get inspired and get expert tips
فيه مواقع تانيه بس ده اسهل واحد و اسرع كتير و فيه اختيارات مش موجوده غير فيه
على فكره هو ليه application للموبايل ممكن تصور اى جزء فالشقه و تضيف اللى انت عايزه من ديكورات على الصوره و تشوف شكلها هيكون عامل ازاى فأقل من دقيقه
بالنسبه لرسم الشقه مش لازم كاد كل المطلوب انك تكون عارف تقسيم الشقه و ممكن ترسم رسمه على السايت نفسه بالأبعاد الحقيقيه او ترفع الصوره بتاعت الأكسيل و ترسم عليها و بعد كده تخفيها و تكمل شغل على السايت عادى جدا

[ramymechanics]

شوية مقترحات
المطبخ ممكن تعمله extension عالريسبشن بنص دايرة رخام و هو اساسا كدة كدة مجروح لأن بابه عالباب مش من جوة بس هيدى وسع اكتر لو عملته ايطالى واديته حبة اضاءة
لو معملتش كدة حمام الضيوف ضمه عالمطبخ لأن اساسا محدش بيجيب ضيوف دلوقتى فالبيت اساسا وبيرسى على انه بيبقى مخزن معظم الناس حاليا لو مش اهل بتقابلهم برة البيت فمعذبش نفسى عشان مرة كل سنة
غرفة الأطفال سرير دورين فى الوش (الا لو فيه شباك ساعتها تجيبه على جنب) ودولاب عاليمين و ديسك عالشمال حاول تخلى مساحة للأطفال يلعبوا فيها
الليفنج مساحته كويسة ياخد L-shape عشان توفر فالمساحة و تليفزيون LCD عالحيطة
اوضة النوم كان عندى اختها فى شقتى القديمة وكنت متضايق من مساحتها عملت الآتى فصلت اوضة نوم جرار ودهنتها بيج فاتح مجزع ببنى بمقاسات مظبوطة بس اضطريت اعمل السرير 160 سم بدل 170 وخدت شوفنيرة كمان واتنين كومودينو بس صغير الواحد 40 سم والأوضة بقت تمام ...صحيح مسكنتش فى الشقة وبعتها لكن اللى اشتراها اصر ياخد الأوضة قبل الشقة
نصيحة اخوية لو لسة مشترتش العفش ... سيبك من الأويمات والمدهب و الكلام دة بطل وبيبلع المساحة بطريقة مهولة لأن عفشى كدة ضخم ومتوحش و ان شاء الله بغيره واحدة واحدة خليك فى المودرن البسيط بألوان هادية شيك وبيدى للمكان رونق حلو
بالتوفيق ان شاء الله

[midoabdeen]

شوية مقترحات
المطبخ ممكن تعمله extension عالريسبشن بنص دايرة رخام و هو اساسا كدة كدة مجروح لأن بابه عالباب مش من جوة بس هيدى وسع اكتر لو عملته ايطالى واديته حبة اضاءة

الباب من جوه جنب باب الحمام مش من بره وبصراحه انا مش برشح المطبخ الامريكاني لانه هيبقى مكتف اوي اللى واقف فى المطبخ لو عندك ضيوف
لو معملتش كدة حمام الضيوف ضمه عالمطبخ لأن اساسا محدش بيجيب ضيوف دلوقتى فالبيت اساسا وبيرسى على انه بيبقى مخزن معظم الناس حاليا لو مش اهل بتقابلهم برة البيت فمعذبش نفسى عشان مرة كل سنة

والله انا بفكر فى كده باردوا لانه كمان هيكلفني اكتر سباكه وسيراميك
غرفة الأطفال سرير دورين فى الوش (الا لو فيه شباك ساعتها تجيبه على جنب) ودولاب عاليمين و ديسك عالشمال حاول تخلى مساحة للأطفال يلعبوا فيها

دا اللى انا فكرت فيه فعلا وهتشيل السريرين ودولاب ومكتبه صغيره ومكتب كمان
الليفنج مساحته كويسة ياخد L-shape عشان توفر فالمساحة و تليفزيون LCD عالحيطة
اوضة النوم كان عندى اختها فى شقتى القديمة وكنت متضايق من مساحتها عملت الآتى فصلت اوضة نوم جرار ودهنتها بيج فاتح مجزع ببنى بمقاسات مظبوطة بس اضطريت اعمل السرير 160 سم بدل 170 وخدت شوفنيرة كمان واتنين كومودينو بس صغير الواحد 40 سم والأوضة بقت تمام ...صحيح مسكنتش فى الشقة وبعتها لكن اللى اشتراها اصر ياخد الأوضة قبل الشقة
نصيحة اخوية لو لسة مشترتش العفش ... سيبك من الأويمات والمدهب و الكلام دة بطل وبيبلع المساحة بطريقة مهولة لأن عفشى كدة ضخم ومتوحش و ان شاء الله بغيره واحدة واحدة خليك فى المودرن البسيط بألوان هادية شيك وبيدى للمكان رونق حلو

انا اصلا مابحبش العفش الستيل بحسه راحت عليه اوووووى عايز ناس عواجيز وكمان مابحبش الزحمه كمان فى العفش
بالتوفيق ان شاء الله