يا جماعة ساعدوني فالتفكير في شراء موبيل جديد ؟؟؟

[محمد أنور]

اولا انا شاب فاخر سنة جامعة .. و احتياجاتي في الموبيل مجرد اني عاوز يكون شكله شيك و يفضل يكون لونه اسود
و بلوتوث طبعا و لو فيه شبكة وايرلس مفتوحة (وده طبعا نادر) يدخل عليها .. و يبقى سريع ..
انا فكرت فالنوكيا بس فوجئت انها كلها دلوقتي بقت صيني
قلت سوني اريكسون لقيتها بيعها هيبقى صعب اوي بعد كدة
بصيت عال HTC لقيتها كلها تايواني و احجامها ضخمة
دورت على Apple IPhone ملقتش غير 3g جديد .. و تمنه 5000 جنيه .. ده غير انه لسة منزلش رسمي في مصر
يا رييت يا احلى منتدى تنصحوني اجيب ايه عشان قربت اتجنننننننن
و لو تنصحوني بال iphone أجيبه 3g جديد ولا 2g مستعمل ؟

[sherif Anton]

اعتقد ان نوكيا E51 هيكون مناسب ليك

[Dream286]

بعد التوسع في خدمات المحمول وانتشار خدمات الجيل الثالث انصحك بالبحث عن جهاز يدعم السرعات العالية وسهولة تصفح الانترنت وهذا في رأيي اهم بكثير من المزايا الاخرى المتعلقة بالكاميرا وغيرها
هناك عديد من المواقع التي قد تساعدك على اختيار الجهاز المناسب لك وان كنت لا تحتاج للانترنت هذه الايام فقد تحتاجه فيما بعد خاصة ان الاجهزة الحديثة من الممكن ان تعمل كجهاز مودم لأجهزة الكمبيوتر المنزلية واللابتوب

[إسلام شاهين]

عن نفسي شايف إن احتياجاتك بتتلخص في نوكيا E66

[محمد أنور]

بجد الله يفتح عليكو .. انا مفكرتش خالص في فئة ال E series فالنوكيا ..
انا بس اهم حاجة عندي انها متكنش نوكيا صناعة صيني ..
و يكون صوته كويس و مسموع .. و مش مهم عندي الكاميرا اوي عشان ماليش فالتصوير اوي

فعلا هبدأ افكر في ال E66 أو ال E51 .. بس محدش نصحني بالiphone ليه ؟

[salem]

shof ay haga ericson
a7san mel nokia sad2ny

[محمد أنور]

هي فئة ال E دي ليها برامج عالنت زي فئة ال N كدة ولا ايه ظروفها ؟

[محمد أنور]

el sonyerricson kont hageeb el w890 w kan 3agbny awy bas mala2etsh feeh wifi w fe nafs el wa2t makansh re7'ees .. w sa2alt wa7ed 2abl ma ageebo 3al sonyerricson 2aly eny law gebto mosh ha3raf abee3o tany w ha7'sar feeh gamed .. fa batalt afakar feeh ..

[michohat]

نصيحه من اخ لاخوة الموبايلات كلها بتعمل نفس الوظيفه و ضرورى انك تعرف انك عاوز ايه من الموبيل (نوع استخدامك والامكانيات اللى هتستخدمها فعلا ) وبرضة مش تشترى عده لو ضاعت منك تندم و تزعل عليها وفى الاخر دى كلها بلاستيك

[محمد أنور]

ربنا يخليك يا باشا عالنصيحة ..
بصراحة انا بحب لما تبقى معايا حاجة تبقى معايا لوحدي .. حاجة مميزة يعني ..و في نفس الوقت يبقى في الامكانيات اللي محتاجها .. انا عاجبني ال N95 8 giga بس من كتر ما شفته مع الناس و شفت الصيني اللي نازل شبهه اتخنقت منه .. و فكرت فال iphone عشان لسة جديد و متعرفش كتير .. بس اكتر حاجة قلقتني منه ان كل اللي بيبيعه بيبقى كسر زيرو .. كأنه اشتراه و معجبوش فبيبيعه .. ده غير طبعا حوار البلوتوث للسماعة فقط يعني لو عجباني حاجة عند حد مش هعرف اخدها منه ..
ال E Series دي باين عليها عملية اوي .. و ان شاء الله بكره هنزل اسأل عليها و كدة ..
واللي عنده اقتراح يا رييييييت ميبخلش بيه عليا ;)

[MoDyBeNz2008]

i phone مجرد touch screen مفيهوش حاجة زيادة عن كدة غير قلة البرامج المتوافقة معاه بس شكله جميل جدا ممكن تفكر في n81 8gb او ننزل لفئة اقل k810i بس اعتقد مش هيعجبك اوي

[محمد أنور]

ال n81 8 giga شفته مش حلو خالص .. والدليل انه مالي سوق المستعمل ومحدش بيشيله ..
و بالنسبة للسوني اريكسون مش هينفع عشان مشكلة اني لو حبيت ابيعه بعد كده هخسر فيه جامد ..
شكرا يا أخ مودي .. بس قلي رأيك بجد فالiphone ؟ انت شايفه منظر بس ؟ يعني مش عملي عشان كدة كل اللي بيشتريه بيبيعه كسر زيرو ؟ اصلي مستغرب من الموضوع ده بجد

[جمال]

جرب ال سونى اريكسون (P Series) او (W Sereis)

[MoDyBeNz2008]

بكل بساطة i phone مجرد موبايل عادي خالص باختلاف انه touch screen بدل كي باد عادي كل اللي كانوا جايبينه اعتقد جايبينه للمنظرة فقط

عندك واحد معرفة لي شايل اي فون مع ان 95 اكيد شايلهم علشان المنظرة و هو اصلا مش من النوع اللي بيجيله مكالمات كتير

بالنسبة لل n 81 8 gb انا داخلة دماغي و عجباني جدا بس هي سوقها نايم معرفش له

[mr_kenawy]

نصيحة من مجرب....ابعد تماما عن ضمان i2 . زباااااااااالة