حلول للهروب من حرارة المطباخ

[محمد بدر]

بمناسبة شهر رمضان الكريم.ونحن علي ابوابه أعاده الله عليكم..
الخير والبركات
وحيرة كل عام وفي هذا الوقت تقريبا من كل عام
للأسف مش لاقي أي حل
ولاتكييف ينفع طبقا والنصائح ولا مروحة سقف نفعة ولا شفاط نافع .
طيب خلاص نسكت علي كده . لأ طبعا ياريت نفكر مع بعض في حلول ممكن تطيبقها علي أرض الواقع .

[automea]

ركب تكيف في المطبخ :d

[automea]

او قضيها ديليفري :d

[automea]

الحمدلله ان احنا عندنا مطبخ وان فيه شفاط او مروحة

زمان كان معندهمش لا مطبخ ولا شفاط ولا حتى مية بتنزل من الحنفية كان ممكن يستنوا 6 شهور عشان المطرة تنزل عشان يزرعوا ويخزنوا ميه

[A.Saad]

شفاط حائط مع شفاط البوتجاز

وشوف الاضاءة لو بتستعملها كتير هل من النوع الباعث للحرارة

وقلل استخدام الفرن

[J A G U A R]

ممكن مروحه صغيره تتحط فى المطبخ هاتقضى الغرض

[محمد بدر]

ممكن مر. ه صغيره تتحط فى المطبخ هاتقضى الغرض

يعجبني فيك أنك ما شاء الله من الناس المتفاعلة ونشطة في كل مواضيع المنتدي. ربنا يبارك لك
طبعا في ناس علقت علي الموضوع علي إنه نوع من الرفاهية ولاكن الموضوع مش كده خالص .
في شهر رمضان حضرتك بترجع من الشغل تدخل غرفتك تشغل التكييف وتنام و زوجتك من بداية اليوم في المطبخ البوتجاز شغال والفرن شغال وفعلا درجة الحرارة لا تحتمل .
وللأسف الشفاط ومروحة السقف وجودهم زي عدمهم في درجة الحرارة العالية دية .
والتكييف مينفعش علشان الأبخرة والزيوت .
من الواضح فعلا أن الموضوع صعب وده قدر الزوجات أعانهم الله علي الصيام و علي الطاعة

[J A G U A R]

يعجبني فيك أنك ما شاء الله من الناس المتفاعلة ونشطة في كل مواضيع المنتدي. ربنا يبارك لك
طبعا في ناس علقت علي الموضوع علي إنه نوع من الرفاهية ولاكن الموضوع مش كده خالص .
في شهر رمضان حضرتك بترجع من الشغل تدخل غرفتك تشغل التكييف وتنام و زوجتك من بداية اليوم في المطبخ البوتجاز شغال والفرن شغال وفعلا درجة الحرارة لا تحتمل .
وللأسف الشفاط ومروحة السقف وجودهم زي عدمهم في درجة الحرارة العالية دية .
والتكييف مينفعش علشان الأبخرة والزيوت .
من الواضح فعلا أن الموضوع صعب وده قدر الزوجات أعانهم الله علي الصيام و علي الطاعة

تسلم ربنا يخليك

عند حضرتك حق والله فى كلامك كان الله فى عونهم بس كله بثوابه

[MTAK]

شوف يا باشا

اولا اعجبني تفكيرك في غيرك و من يكون غيرك انها زوجتك، نصفك الاهر فجزاك الله خيرا

نيجي للموضوع

طالما المنع صعب يبقي نفكر نقلل الحراره علي قد ما نقدر

1- تحاول قدر الامكان عمل تيار هواء طبيعي سواء عن طريق فتح ابواب في اطراف الشقه او شبابيك متقابله او حتي غير متقابله بس دي هاتبقي صعبه

كنت باشوفها في المنازل القديمه، فتحات تحت و فتحات في الاعلي و عمل نظريه الهواء و تيارات الحمل

2- تحاول تساعد التيار بتركيب مروحه في اتجاهه او شفاط يسحبه

3- يا سلام لو بدل المورحه تحط تكييف محمول يعطي هواء بارد مندي {شفته عند الاسراء و حجاج ب ٩٠٠ جنيه)

ده اللي في دماغي دلوقتي

[abdulkhaleq]

طيب بص
هو على حسب تصميم المطبخ
بس الأمثل
شفاط فوق البوتاجاز (ومش كده وخلاص) لأ يتعمله مدخنه على بره
ده غير الشفاط اللي في الحيطه
طبعا هو عشان كده يفضل ان البوتاجاز يكون قريب قوي من الشباك
بس ماعلينا
هو زي مابقوللك كده ولو مثلا في مروحه صغير تتحط على رخامة المطبخ (ماتتوجهش عاللهب) ممكن تساعد برضه
انما مروحة سقف وتكييف وكده دي مش حلول عمليه طبعا

[ALnadi]

فعلا الموضوع ده كلنا نعاني منه في هذه الأيام و محتاج دراسة رفقا بالزوجات
تحياتي لصاحب الموضوع

[midnightman_74]

ممكن تكييف صغير يركب بعيد عن البوتاجاز عشان الزيت

[svneleven]

علي فكرة موضوع التكييف عملي جدا كل الموضوع يكون بعيد بقدر المستطاع عن البوتاجاز و يكون الشفاط قوي و قريب من البوتاجاز و يتم تنضيف فلتر التكييف بشكل مستمر.

[friendship7897]

جزاكم الله خيراً فينا
والحمد لله أنكم بتفكروا في راحة زوجاتكم
ودا الأهم من أي حلول
والإحساس دا لو وصل لزوجاتكم ، هيكون بمثابة 100 تكييف يرطب تعبهم لكم ولأولادكم
بجد مش بهزر - كل السيدات أهم حاجة عندنا التقدير ، ومدام فيه تقدير كله يهون .
ومن الناحية العملية :
أنا شخصياً مركبة مروحة فوق الثلاجة علشان ياخد الحرارة المرتفعة ، ويطيرها من شباك سلك ، وفوق البوتاجاز شفاط ، والحمد لله الموضوع مش بيكون صعب خالص .
أما فكرة التكييف فدا صعب جداً وخصوصاً لو المطبخ صغير ، علشان المروحة عندي رغم تنظيفها بإستمرار ورغم مكانها بعيد عن البوتاجازات والزيوت إلا أنها إلى حد كبير مش بتسجيب كويس للنظافة من كثرة الزيوت المتراكمة ، ودي مروحة كبيرها هتتفكك وتوضع في البانيو بشوية كلور وكله بيكون تمام - أنما التكييف هيتفكك إزاي ! .
وكل عام وأنتم بخير ، وبالهنا والشفا

[ALnadi]

جزاكم الله خيراً فينا
والحمد لله أنكم بتفكروا في راحة زوجاتكم
ودا الأهم من أي حلول
والإحساس دا لو وصل لزوجاتكم ، هيكون بمثابة 100 تكييف يرطب تعبهم لكم ولأولادكم
بجد مش بهزر - كل السيدات أهم حاجة عندنا التقدير ، ومدام فيه تقدير كله يهون .
ومن الناحية العملية :
أنا شخصياً مركبة مروحة فوق الثلاجة علشان ياخد الحرارة المرتفعة ، ويطيرها من شباك سلك ، وفوق البوتاجاز شفاط ، والحمد لله الموضوع مش بيكون صعب خالص .
أما فكرة التكييف فدا صعب جداً وخصوصاً لو المطبخ صغير ، علشان المروحة عندي رغم تنظيفها بإستمرار ورغم مكانها بعيد عن البوتاجازات والزيوت إلا أنها إلى حد كبير مش بتسجيب كويس للنظافة من كثرة الزيوت المتراكمة ، ودي مروحة كبيرها هتتفكك وتوضع في البانيو بشوية كلور وكله بيكون تمام - أنما التكييف هيتفكك إزاي ! .
وكل عام وأنتم بخير ، وبالهنا والشفا

بارك الله لك علي الكلام الجميل ده
وأعتقد فعلا مفيش حل أنسب من المروحة والشفاط