ورطة ماكدونالدز مع البطاطس المقلية

[D . a .\ AYMAN]

والبرجر ليهم لاين مخصوص في فرجللو

ايه ده يعني البرجر كمان مش همة اللى بيعملوه وده أساسا هوة الحاجة اللى بيفتخروا انهم بيعملوها بإديهم وتوليفتهم الخاصة ومن لحم البقر الصافي .. وفي الآخر يطلع بتاع فرجللو اللى انا أصلا مابحبش الأكل بتاعه وكل اللحوم بتاعته درجة عاشرة ... طب مش جايب ماك تاني :D

[amir]

شكرا للاخوة الاعضاء علي الردود الحلوة والسخرية (الظريفة) من بعض الاعضاء. بس يا ريت تبقوا تقروا المقدمة كويس عشان تعرفوا ان الموضوع مش من اختراعي او تاليفي انما دة جالي علي الايميل وحبيت اتأكد منة مش اكتر ولا اقل يعني نقاش مش خناقة وردود سخيفة.

المهم بالنسبة للناس اللي بتتفلسف تبقي تشوف انة فية مواضيع يتم طرحها بالمنتدي اقل ما يقال عنها انها ساذجة وسطحية جدا ومع ذلك الاقي 20 صفحة ردود عليها مع تحمس بالغ اللهجة. مش عارف لية.

ميدو
انت قريت ردي عليك؟
انا شاكر ليك محاولتك لافاده اخواتك في المنتدي
و في نفس الوقت نصحتك انك تقرا لينك الموضوع المثبت
لأن الموضوع بتاعك قتل بحثا من قبل
و الناس اجمعت انها اخبار خاطئه هدفها السخريه منا
فما بالك و اللينك اللي انت جايبه لا يحتوي علي المضمون الموجود في الرساله
واضح انهم بيعتمدو علي حماسه الناس للتصدي للحاجات دي
متزعلش من الردود السخيفه
بس لو امكن انك تتحري المواضيع بدقه اكتر
و عموما انت ليك اجر الاجتهاد
ابسط بقي

[Mido80]

ميدو
انت قريت ردي عليك؟
انا شاكر ليك محاولتك لافاده اخواتك في المنتدي
و في نفس الوقت نصحتك انك تقرا لينك الموضوع المثبت
لأن الموضوع بتاعك قتل بحثا من قبل
و الناس اجمعت انها اخبار خاطئه هدفها السخريه منا
فما بالك و اللينك اللي انت جايبه لا يحتوي علي المضمون الموجود في الرساله
واضح انهم بيعتمدو علي حماسه الناس للتصدي للحاجات دي
متزعلش من الردود السخيفه
بس لو امكن انك تتحري المواضيع بدقه اكتر
و عموما انت ليك اجر الاجتهاد
ابسط بقي

اولاً شكرا جدا لك يا امير علي ردك المحترم واللي بيعبر عن انسان كلة زوق واحترام
ثانيا: انا قرأت ردك (اؤيد رأيك تماما و احب اوضح لميدو صاحب الموضوع انه يقرا الموضوع ده و ساعتها هيتبني وجه نظرنا لأن الرسايل دي و اللي زيها بتلعب علي نقطه الايمان و مساعده الاخرين و تحذيرهم و ميدو كان عايز يعمل كده بس ياريت يا ميدو لو تقرا الموضوع في الرابط ده) وفاهم ان الكلام دة كلة اشتغالات بس انا حبيت اني اعرف رأيكم فية اية. هل يتم نشر مثل تلك المعلومات التي ليس لها اي دليل من الصحة بينكم (بين الاعضاء) ام انها مقتصرة بين ناس وناس. المشكلة ان صاحبي اللي بيرسل الي مثل هذة الرسائل شخص متعلم ومثقف جدا وعايش في امريكا ومعاة الجنسية الامريكية. انا ما كانش قصدي اني افتح موضوع (قتل بحثاً) زي ما انتم قلتم بس كنت عاوز اعرف الحق من الباطل. بس الردود بتاعة بعض الاعضاء كانت متهكمة ومش لائقة بالمرة

[gade2]

ولسسسسسسسسسسسسسسسسسسسسسسسسسسسسسسسسه تعبت من كتر المشاكل

[moh_kamal67]

يا اخ ميدوا شكرا لك هدفك تنبيه العالم لاخذ الحتياطات الازمة لمواجهة مثل هذه الكارثة ان صحت ، وان لم تصح فيبقى انت موقفك ايه؟؟؟؟
ومقاطعة مطعم فلان ومطعم علان لانه يقدم ويقدم
ثم الكبابجى الفلانى ولحمة الحمير ثم الكلاب والقطط
فكرتنى لما فتحت الباب وكنت فى اعدادى ولقيت ورقة شهيرة مرمية على عتبة بابنا مكتوب فيها ان واحد حلم ولازم انت تكتب الورقة دى 14 مرة ، وكنت فى وقت امتحانات ، وريتها لشيخ موثوق قال لى احرقها يابنى ايه الكلام ده
وكان اللى بيصدقها وقتها يقعد يسيب مذاكرته وحاله يا حبيب امه وينسخ فيها 14 مرة
وكبرت وكان كل سنة كدة فى ابريل واوائل مايو تنتشر هذه الورقة ولم اعرف السبب سنة تلو سنة
مرة بقى لما تغير شغلى واصبحت فى السوق لقيت الورقة دى برضه فى نفس التوقيت دونا عن السنة تنتشر بس التكنولوجيا ان المطلوب منك تصويرها ؟؟؟ نعم
طيب تعال نحسبها ، تصوير 14 ورقة وايامها كانت ب 6 قروش تبقى حسبة 85 قرش والباقى بقشيش للى بيصور
ولانى فى سوق به تصوير مستندات لقيت ان تلك الورقة تنتشر فى وقت ركود للتصوير من منتصف شهر 5 حتى اواخر شهر 8 فقط ؟؟؟؟؟
طيب مين اللى عاملها وناشرها واحد عايز مصلحة الناس ولا تعطيلهم وضياع وقتهم وفلوسهم
ولقيت الناس بتيجى مذعورين ملهوفين خائفين يصوروها وهم صاغرون
واحد لازم يستفاد منها ، مايكونش تاجر ورق ، مصلحة برضه ولا تاجر حبر وقطع غيار مكن ، ممكن ولا حتى صاحب محل تصوير مستندات بيحرك السوق الراكد اللى قاطم وسطه ؟؟؟؟ يا استاذ ميدو
خلى بالك ان نشر اشياء كهذه قد ترجع عليك وزر لا ثواب عافاك الله من الذنب والوزر يا ميدو
ارجو ان تكون فهمتنى ، وارجوا ان تعلم ان المنتدى كله محبى سيارات ومحترفى ومسوقى وكارهم التجارة ، ولما يلاقوا العملية اوفر هايقولوا
مبنشربوش ، وناس كلهم محترمين وحساسين فى العربيات جدا ، انا اجذم انك لا تستطيع تشخيص عربية بمجرد قيادتها وسماع صوتها ، من تتعامل معهم فى المنتدى يا سيدى موهوبين ومحترفين وكلاس عالى قوى قوى دكاترة ومهندسين ومحاميين ومحاسبين فى البورصة والسوق وغيرهم كثير كثير
تحياتى لك ولمحاولتك بس خلى بالك المرة الجاية