Z2 vs S5 Vs one M8 مين جاب واحد منهم وجربه بنفسه

[Karim_Monir]

السلام عليكم

كنت بقارن بين اس فايف- وزد تو -واتش تي سي ام 8

كنت عايز راي ناس جابتهم او اتعاملت معاهم مش مقارانات
هل فيه حد اشتراهم وجربهم وشاف ادائهم التلاتة
ميال للسوني اكتر وراه سامسنوج رغم اني بكره وعايز اجرب اتش تي سي رغم الكاميرا العجيبة اللي حاططها دي
محدش يقوي اتش تي سي ملك الاسمارت فون :-)
انا بجيب اتش تي سي من ايام ما كان محدش يعرفة في مصر الا عدد قليل جدا
انا بتكلم عن واقع حاضر وناس اشترت وجربت
دي كام مقارنة لقيتهم ليهم

Vergleich: HTC One M8 gegen Samsung Galaxy S5, Sony Xperia Z2 und iPhone 5S | areamobile.de

Sony Xperia Z2 vs. Samsung Galaxy S5 | Droid Life

مقارنة بين HTC One M8 و Galaxy S5 و Xperia Z2 - اندرويد عربي

[ashouhdy]

بص انا بقالي شهور بقرا عنهم

والافضل هو السوني في كل حاجة عدا الشاشة ال htc اوضح في الشمس بس

السوني افضل كمان عشان 3 جيجا رام و الكاميرا عن تجربة في الz1 عندي اعلي كتير من الباقي

[Ayman_Amer]

لو تهمك قوي ميزة أن يكون الموبايل مضاد للماء والتراب وقوي لمقاومة الصدمات هيكون z2 اختيارك الأول .
لو يهمك البرامج المساعدة والتقنيات الحديثة هيكون s5 اختيارك.
لو يهمك الشكل الجذاب والصوت المميز هيكون m8 اختيارك.

[dede_dodo88]

لو مكانك هستبعد سامسونج من المقارنة و مش هفكر فيه أصلاً.
سواء بقى m8 أو z2 فأي أختيار منهم هيكون كويس و مش هتندم عليه, الأتنين أفضل بمراحل عن السامسونج من حيث جودة الصنع و أستقرار نظام التشغيل..
السوني يتفوق شوية بس من حيث جودة الكاميرا و مقاومته للمياة و استهلاك البطارية, الـm8 كاميرته مش وحشة برضه بس أقل في الجودة طبعاً.
الـm8 جسمه معدن فبيستحمل أكتر لو أنت استخدامك عنيف مع موبايلك, بس بطارية الـhtc عموماً بتفضى أسرع من أي موبايل تاني..

[MRBEBO]

كريم اتاكد لو ال z2 نازل مع التليفون noise Cancelling Headset هيبقى كده مميز جدا ما بين الجهازين التانيين .. مع ان ال s5 تحفه جدا برضوا لو الميزة دي مش هتفرق معاك

[Hobgoblin]

أنا ماجربتش حاجة منهم بس هقول رأي متواضع.

رام أعلى من 1 جيجا تمام...بعد كدة مش هتحتاج إلا لو ألعاب تقيلة قوي ومعتقدش حضرتك فاضي للكلام دة.

الشاشات دلوقتي بقت كلها كويسة جداً إلا لو حتشوف أفلام hd على الموبيل وبردو معتقدش حضرتك فاضي للكلام دة.

رأيي الشخصي أهم حاجة أداء البطارية وحجم الجهاز ومناسبته الإيد حضرتك وكمان عنيك.


طبعاً كلهم أجهزة هايلة.

بالتوفيق

[M7amD_7amDy]

غلطة متأسف

هكمل الرد دلوقتى

[TeRoOo]

انا جربت ومسكت الاس 5 موبايل ميعيبوش الا شكله من الاخر مش برستيج زي الاتنين التانيين ده غير انه بعد فترة استعمال مش هيديك اداء زي التانيين زي اغلب السامسونج ال z2 مع صاحبي موبايل تحفه من برة وامكانياته حلوة بس معجبنيش الاندرويد بتاعه بالنسبة للـ m8 ده انا شوفتوا من برة بس طبعا اكيد تحفة اجمالا والكاميرا ناس بتشكر فيها والاندرويد بتاعه احلاهم في نظري ده غير ان صوته اكيد هيبقي احلاهم مع انها مبقتش beats زي الـ one ميعيبوش الا انه زي ابل مفيهوش card slot

[م/محمد صلاح]

استنى الايفون ٦

[M7amD_7amDy]

ال S5 مع اخويا وبصراحة الجهاز ممتاز جداا وسامسونج اشتغلت عليه جامد وفى رأيى يعتبر نقلة لسامسونج

الكاميرا ممتازة وسريعة والشاشة واضحة جداا وسطوعها عالى

ميزة البصمة فعالة وعجبانى وممكن تحط 3 بصمات مختلفة لفتح الجهاز

السوفت متعدل كليا عن اى سوفت قبل كده وسريع جدااا وخفيف

موضوع ان الرامات 2 جيجا مش عامل أزمة نهائى والجهاز سريع حتى بعد مالرامات تكون مستخدمة بالكامل

المقارنة دى لل ال3 أجهزة وال S5 تفوق عليهم

������ HTC One M8 vs Samsung Galaxy S5 vs Sony Xperia Z2

ودى مقارنة بين ال S5 vs Z2 ممكن تفيدك

Samsung Galaxy S5 vs Sony Xperia Z2: Droid gladiators - GSMArena.com

من رأيى بقه :)

لو مش مستعجل أنصحك تستنى النوت4 وأكيد أنت جربت فئة النوت وعارف قيمتها وطبعا هيكون بنفس مميزات ال S5 + مواصفات اعلى + جديد سامسونج

انما لو مستعجل أنصحك بال S5 أو LG G3 الجهاز ده جبار فعلا

ودى مواصفاته LG G3 - Full phone specifications

الشاشة 5.5 بوصة QHD 1,440 x 2,560 ورامات 3 جيجا للنسخة ال 32 جيجا

كاميرا 13 ميجا + مثبت بصرى وده مش موجود فى ال3 أجهزة المذكورة ومتوقع ينزل فى النوت4

شكل انيق جداا وتصميم رائع خصوصا حواف الشاشة تكاد تكون معدومة :)

ودى نظرة أولية على الجهاز

LG G3 hands-on: First look - GSMArena.com

[FAR!D]

انا مسكت و جربت ال M8 مع واحد زميلي
ملمسه المعدني ممتاااااز بس برضوا حتحط كفر
الكاميرا مش حلوه و الريزليوشن تعبان بالمقارنة بالxperia s ال12 ميجا بيكسل اللي معايه لكن الشاشه الوانها راااائعه
المظهر الخارجي والفنيش ممتااااز
الصوت الخارجي والداخلي لا تعليق

[karioky]

انا جربت ومسكت الاس 5 موبايل ميعيبوش الا شكله من الاخر مش برستيج زي الاتنين التانيين ده غير انه بعد فترة استعمال مش هيديك اداء زي التانيين زي اغلب السامسونج ال z2 مع صاحبي موبايل تحفه من برة وامكانياته حلوة بس معجبنيش الاندرويد بتاعه بالنسبة للـ m8 ده انا شوفتوا من برة بس طبعا اكيد تحفة اجمالا والكاميرا ناس بتشكر فيها والاندرويد بتاعه احلاهم في نظري ده غير ان صوته اكيد هيبقي احلاهم مع انها مبقتش beats زي الـ one ميعيبوش الا انه زي ابل مفيهوش card slot

ال M8 فيه SD card slot up to 128 GB

[mosboss]

انا جربت ومسكت الاس 5 موبايل ميعيبوش الا شكله من الاخر مش برستيج زي الاتنين التانيين ده غير انه بعد فترة استعمال مش هيديك اداء زي التانيين زي اغلب السامسونج ال z2 مع صاحبي موبايل تحفه من برة وامكانياته حلوة بس معجبنيش الاندرويد بتاعه بالنسبة للـ m8 ده انا شوفتوا من برة بس طبعا اكيد تحفة اجمالا والكاميرا ناس بتشكر فيها والاندرويد بتاعه احلاهم في نظري ده غير ان صوته اكيد هيبقي احلاهم مع انها مبقتش beats زي الـ one ميعيبوش الا انه زي ابل مفيهوش card slot

لا فيه carslot up to 128 gb

[Totexxxxx]

انا معايا z1 هو جهاز حلو جدا ميعبوش غير الشاشه ( ودي حلوها بشاشه احسن بكتير في ال z2 ) انصحك بشده ال z2 طبعا

[ahmedmohamed7]

انا معايا z1 هو جهاز حلو جدا ميعبوش غير الشاشه ( ودي حلوها بشاشه احسن بكتير في ال z2 ) انصحك بشده ال z2 طبعا

شاشته مش سيئة قوى يعنى :)


for the Topic creator: JUST GO TO XPERIA Z2
+3GB of memory+Premium Build Quality + Water &Dust Proof+20.7 MPixels camera

Sent from Sony Xperia Z1