ممكن مساعدة ضرورى

[toty19]

السلام عليكم ورحمة الله وبركاتة

انا جديدة فى المنتدى وانا محتارة جدا علشان بختار اول عربية ليا ان شاء الله
وعايزاكو تساعدونى اختار اية

الحقيقة الناس كلها قالتى بلاش جديد خالص وخصوصا انها اول مرة اسوق ومتعلمة جديد وهخطبها وكدة والكل مرشح عربية قديمة 128- لادا - اونو
وانا محتارة جدا لانى صراحة مفهمش فيهم وثانيا كان نفسى فى عربية شكلها حلو فاريت حد يقولى اة احسن ليا

[mostafa3000]

كلمهم صح طبعا
خليكي في المستعمل الاول لحد ما تتعلمي كويس وبعدين تدخلي علي الزيرو
وحوالي تجيبي حاجة مستعملة تعرفي تبيعيها بسرعة
ممكن تشوفي البرايد

[toty19]

يعنى كيا برايد احسن من 128؟؟

[ahmed1981]

اللي يقدر يجيب جديد ميسيبوش
واللي بيتخبط بيتصلح
بعيد عن عذاب المستعمل وقرفه
طالما في مقدرة مالية

ـ

[toty19]

اللي يقدر يجيب جديد ميسيبوش
واللي بيتخبط بيتصلح
بعيد عن عذاب المستعمل وقرفه
طالما في مقدرة مالية

ـ

انا بفكر كدة بردو بس خوفى انى لسة متعلمة جديدة وجبانة جدا يعنى لسة بتعلم ولو جديدة هخاف عليها جدا غيرلو مستعملة ورخيصة وبنا يسهل ما اتعلم اغيرها

[shiko85]

وعليكم السلام ورحمة الله وبركاته
ممكن حضرتك تشوفى ماروتى مستعمله و بعد فتره بعيها و اشترى جديد
رغم انى افضل شراء الجديد من البدايه و الفلوس اللى حضرتك هتدفعيها فنقل ملكية و ترخيص العربيه المستعمله ممكن تدفعيها تامين العربيه الجديده

[wawamoha]

الاول لازم تحددي:

عاوزه تسوقي مانيوال و لا اوتوماتيك ؟؟؟

لو مانيوال يبقى سهل : عندك اختيارات كتير بس افضلهم البرايد - للتعلم - عصفوره سيدان ..الخ في حدود 35 الف تقريبا
لو اوتوماتيك يبقى مشكله: لان اقل حاجه كويسه برضه برايد 2001 و دي مش اقل من 40 وممكن اي حاجه ياباني قديم

سيبك من ال 28 و ال 27 ..زهاتتعلمي ميكانيكا مش سواقه من كتر اعطالهم
ممكن الاونو كويسه برضه - بس دوري عل حاجه كويسه

ربنا يوفقك

[KemozTanta]

إحنا بلديات :d
أنا كنت زيك بالظظظظظظظبط من 4 سنين وانا بشتري اول عربية ليا
أجيب حاجة صغيرة واخسر فيها ولا اجيب حاجة كويسة وأتعلم عليها وتفضل معايا فترة واللي عملته كالآتي
أشتريت سيارة لانوس موديل 2001 واتعملت عليها واتخبطت مني 3 او 4 مرات والحمد لله مخسرتش فيها كتير لما بعتها..
الميزانية هي الفيصل الآن ، هل معاكي مبلغ يستحمل انك تجيبي عربية صغيرة وبعدين تبيعيها بخسارة الف او اتنين ولا الميزانية انك تشتري عربية كويسة وتفضل معاكي فترة " سنة او سنتين مثلاً " دا انتي تقدري تحددية
بس عايزة رأي ، اشتري عربية كويسة .. فيها تكييف وزجاج كهرباء يعني مثلا في الاربعينات زي اللانوس او هيونداي أكسنت ، تحبي تتعلمي عليها وتبقي كويسة معاكي برضة متبهدلكيش

اوعي تشتري ال 128 هتبهدلك كبنت ، ال 128 دي عايزة ولد وهيتعلم فيها السواقة + الميكانيكا

[shiko85]

اوعي تشتري ال 128 هتبهدلك كبنت ، ال 128 دي عايزة ولد وهيتعلم فيها السواقة + الميكانيكا

+111111111
اى بنت مش هتعرف تتعامل مع الـ 128 و اعطالها الكتيره
ليا واحد صاحبى كان فنفس الموقف ده اشترى 128 و من اول يوم و هو تقريبا مقيم عند الميكانيكى و الكهربائى
كل مشوار العربيه تعطل منه و كان بيجى الشغل متأخر كل يوم بسبب العربيه
بعها و اشترى اكسنت و مبسوط جدا و الفرق رهيب بين الـ 2

[shiko85]

اشتري عربية كويسة .. فيها تكييف وزجاج كهرباء يعني مثلا في الاربعينات زي اللانوس او هيونداي أكسنت

او عربيه صينى مستعمله مش هتخسر فيها و فيها كماليات كتير و تعمل حوالى 20 الف تقريبا

[amrezzat82]

كل اللى بيتعلم مش لازم يجيب مستعمل الفكرة ديه اثبتت فشلها تماما
لو حضرتك تروحي مدرسة محترمة و تتعلمي صح مش حتحتاجي حاجة تخبطي فيها
و كمان الزيرة كله معاه تأمين و لما يحصل حاجة ابقى حوشيهم كلهم على بعض و اعمليهم مرة واحدة
انما مستعمل و تكرهي حياتك بسبب الاعطال لأن من الصعب جدا تلاقي حد بيبيع عشان عايز يجدد لازم يكون فى مصيبة او العربية طلعت عينه و يلبسها لاول حد يعرف يضحك عليه
نصيحة بلاش مستعمل الا لما يكون فعلا حد ثقة و ده نادر جدا و لما تجي حتبيعي حيبقى خسارة برضه و الجديد أغلى

[J A G U A R]

شوفى لادا عربيه صاجها عامل زى عضم الكلاب وتخبطى بيها براحتك وتستحمل وبياعه ولو اتعلمتى عليها السواقه كويس هاتسوقى اى عربيه تانيه بكل سهوله

[shiko85]

شوفى لادا

يا باشا حرام عليك اللادا هتكرها فالسواقه و العربيات

[J A G U A R]

يا باشا حرام عليك اللادا هتكرها فالسواقه و العربيات :e_braces[1]:

لغايه متتعلم عليها بس

[a7medsh3rawi]

انا مش فاهم يعنى ايه عربيه مستعمله وتخبطها وما تخسرش فيها
طيب احنا ذنبنا ايه ان اللى بيتعلم يخبطنا ونقعد نصلح ... دا منطق غلط خالص
لازم قبل ما تشترى العربيه تتعلمى السواقه كويس اوى
حتى لو الموضوع اخد سنه او اكتر وعمرك ما تحاولى تركبى عربيه وتمشى بيها لوحدك وانتى لسه بتتعلمى
لا قدر لو خبطتى انسان او عملت حادثه كبيره هتحسى بتانيب الضمير وهتكرهى السواقه

انا بسوق عربيات من سن 14 بس لازم يكون حد سواق معايا وفى شوارع جانبيه
لغاية الحمد لله ما اتعلمت كويس وبقى عندى 18 سنه وطلعت رخصه
ونجحت فى اختبار القياده وكنت مطمن ان بعرف اتحكم فى العربيه واقدر امشى بيها كويس ...

بالنسبه ليكى بعد ما خلاص عرفتى السواقه كويس هتبداى تشوفى انواع العربيات وامكانياتها
العربيه مش بسعرها او شكلها
انما تكون اعتماديه وقطع غيارها متوافره ومناسبه لاسنخدامك
طبعا الاحسن بعد ما تبقى متعلمه سواقه انك تجيبى عربيه جديده وسيبك من المستعمل