ممكن مساعدة ضرورى

[A.Saad]

هو الاجتماعى دخلته العربيات !!!

[toty19]

وعليكم السلام ورحمة الله وبركاته
ممكن حضرتك تشوفى ماروتى مستعمله و بعد فتره بعيها و اشترى جديد
رغم انى افضل شراء الجديد من البدايه و الفلوس اللى حضرتك هتدفعيها فنقل ملكية و ترخيص العربيه المستعمله ممكن تدفعيها تامين العربيه الجديده

اولا مش بحب الماروتى تانى حاجة فكرت فى الجديد لاقتنى هخاف عليها وخصوصا انى مبتدئة لسة

الاول لازم تحددي:

عاوزه تسوقي مانيوال و لا اوتوماتيك ؟؟؟

لو مانيوال يبقى سهل : عندك اختيارات كتير بس افضلهم البرايد - للتعلم - عصفوره سيدان ..الخ في حدود 35 الف تقريبا
لو اوتوماتيك يبقى مشكله: لان اقل حاجه كويسه برضه برايد 2001 و دي مش اقل من 40 وممكن اي حاجه ياباني قديم

سيبك من ال 28 و ال 27 ..زهاتتعلمي ميكانيكا مش سواقه من كتر اعطالهم
ممكن الاونو كويسه برضه - بس دوري عل حاجه كويسه

ربنا يوفقك

انا كان نفسى فى اتوماتيك بصراحة بس الناس حيرونى بحكاية لازم عربية قديمة مستعملة اخبط بيها براحتى

إحنا بلديات :d
أنا كنت زيك بالظظظظظظظبط من 4 سنين وانا بشتري اول عربية ليا
أجيب حاجة صغيرة واخسر فيها ولا اجيب حاجة كويسة وأتعلم عليها وتفضل معايا فترة واللي عملته كالآتي
أشتريت سيارة لانوس موديل 2001 واتعملت عليها واتخبطت مني 3 او 4 مرات والحمد لله مخسرتش فيها كتير لما بعتها..
الميزانية هي الفيصل الآن ، هل معاكي مبلغ يستحمل انك تجيبي عربية صغيرة وبعدين تبيعيها بخسارة الف او اتنين ولا الميزانية انك تشتري عربية كويسة وتفضل معاكي فترة " سنة او سنتين مثلاً " دا انتي تقدري تحددية
بس عايزة رأي ، اشتري عربية كويسة .. فيها تكييف وزجاج كهرباء يعني مثلا في الاربعينات زي اللانوس او هيونداي أكسنت ، تحبي تتعلمي عليها وتبقي كويسة معاكي برضة متبهدلكيش

اوعي تشتري ال 128 هتبهدلك كبنت ، ال 128 دي عايزة ولد وهيتعلم فيها السواقة + الميكانيكا

اهلا بيك
هفكر فيها بردو المشكلة عندى انى حدد للناس تدورلى على 128 مش عارفة ارجع اقولهم اى نوع بالظبط

او عربيه صينى مستعمله مش هتخسر فيها و فيها كماليات كتير و تعمل حوالى 20 الف تقريبا

زى اية صينى

كل اللى بيتعلم مش لازم يجيب مستعمل الفكرة ديه اثبتت فشلها تماما
لو حضرتك تروحي مدرسة محترمة و تتعلمي صح مش حتحتاجي حاجة تخبطي فيها
و كمان الزيرة كله معاه تأمين و لما يحصل حاجة ابقى حوشيهم كلهم على بعض و اعمليهم مرة واحدة
انما مستعمل و تكرهي حياتك بسبب الاعطال لأن من الصعب جدا تلاقي حد بيبيع عشان عايز يجدد لازم يكون فى مصيبة او العربية طلعت عينه و يلبسها لاول حد يعرف يضحك عليه
نصيحة بلاش مستعمل الا لما يكون فعلا حد ثقة و ده نادر جدا و لما تجي حتبيعي حيبقى خسارة برضه و الجديد أغلى

انا اتعلمت مع واحدة والحقيقة مستفدتش حاجة نهائى غير انها بتدى اوردر ليا وانا بنفذة لكن من غير فهم
وقدمت فى المدرسة بتاعة المرور وقالولى مش بيعملو بس علشان تطلعى رخصة

شوفى لادا عربيه صاجها عامل زى عضم الكلاب وتخبطى بيها براحتك وتستحمل وبياعه ولو اتعلمتى عليها السواقه كويس هاتسوقى اى عربيه تانيه بكل سهوله

لادا ؟؟؟؟ بفكر بس حسها جامدة

انا مش فاهم يعنى ايه عربيه مستعمله وتخبطها وما تخسرش فيها
طيب احنا ذنبنا ايه ان اللى بيتعلم يخبطنا ونقعد نصلح ... دا منطق غلط خالص
لازم قبل ما تشترى العربيه تتعلمى السواقه كويس اوى
حتى لو الموضوع اخد سنه او اكتر وعمرك ما تحاولى تركبى عربيه وتمشى بيها لوحدك وانتى لسه بتتعلمى
لا قدر لو خبطتى انسان او عملت حادثه كبيره هتحسى بتانيب الضمير وهتكرهى السواقه

انا بسوق عربيات من سن 14 بس لازم يكون حد سواق معايا وفى شوارع جانبيه
لغاية الحمد لله ما اتعلمت كويس وبقى عندى 18 سنه وطلعت رخصه
ونجحت فى اختبار القياده وكنت مطمن ان بعرف اتحكم فى العربيه واقدر امشى بيها كويس ...

بالنسبه ليكى بعد ما خلاص عرفتى السواقه كويس هتبداى تشوفى انواع العربيات وامكانياتها
العربيه مش بسعرها او شكلها
انما تكون اعتماديه وقطع غيارها متوافره ومناسبه لاسنخدامك
طبعا الاحسن بعد ما تبقى متعلمه سواقه انك تجيبى عربيه جديده وسيبك من المستعمل

اتعملت مع واحدة والله بس الموضوع مش مرة ولا عشرة وبعدين منا لازم اجيب العربية اتعلم عليها اومال اتعلم فين



متشكرة ليكو بجد
وياريت الى عندة نصايح تانى يقولى
ملحوظة صغيرة انا مبفهمش فى العربيات نهائى غير شكلها بس

[حسام الغرباوي]

طب ولية متحطيش حل وسط انك تجيبي حاجة تتعلمي عليها وفي نفس الوقت تفضل معاكي وقت كتير

يعني بدل ما تجيبي حاجة زيرو من 90 الف فما فوق

وبدل متجيبي حاجة فيات او كدا


متجيبي مثلا دايو في حدود ال40 الف ...وعربية محترمة جدا واعادة البيع سريعة جدا وممكن تكسبي فيها اصلا لما تبعيها

وفي نفس الوقت حلوة جدا فيها مكيف وباور وازاز كهربا واقتصادية في البنزين ....الخ

[toty19]

طب ولية متحطيش حل وسط انك تجيبي حاجة تتعلمي عليها وفي نفس الوقت تفضل معاكي وقت كتير

يعني بدل ما تجيبي حاجة زيرو من 90 الف فما فوق

وبدل متجيبي حاجة فيات او كدا


متجيبي مثلا دايو في حدود ال40 الف ...وعربية محترمة جدا واعادة البيع سريعة جدا وممكن تكسبي فيها اصلا لما تبعيها

وفي نفس الوقت حلوة جدا فيها مكيف وباور وازاز كهربا واقتصادية في البنزين ....الخ

دايو لانوس صح فكرت فيها بس قولت كبيرة عليا كحجم وانا محتاجة عربية صغيرة فى البداية صح ولا انا غلط؟؟

[KemozTanta]

عالفكرة انتي محكومة بالسوووق برضة ، يعني ممكن متلاقيش العربية اللي في بالك تحديداً
ممكن اسكودا فيليشيا كويسة.. بس اللانوس مش كبيرة ولا حاجة.. وبعدين متخافيش لان خوفك ممكن يبقي مشكلة وتتعقدي من اول حاجة تحصلك.. انتي لسه عايزة تتعلمي وتشتري عربية وتسوقي في شوارع مصر الجميلة !

[toty19]

عالفكرة انتي محكومة بالسوووق برضة ، يعني ممكن متلاقيش العربية اللي في بالك تحديداً
ممكن اسكودا فيليشيا كويسة.. بس اللانوس مش كبيرة ولا حاجة.. وبعدين متخافيش لان خوفك ممكن يبقي مشكلة وتتعقدي من اول حاجة تحصلك.. انتي لسه عايزة تتعلمي وتشتري عربية وتسوقي في شوارع مصر الجميلة !

سكودا حلوة بس ركتبها اشوفها لاقيتها واطية اوى
محتارة

[KemozTanta]

سكودا حلوة بس ركتبها اشوفها لاقيتها واطية اوى
محتارة:_alshmokh22[1]:

لا ماتقلقيش ، العربية ارتفاعها كويس ولو واطية ممكن تعليها بعدين براحتك
كدا قدامك
اسكودا فيليشا- هيونداي أكسنت او أكسيل - دايو لانوس
دول الحقيقة اللي تشتريهم وقطع غيرهم موجود في السوق ومش غالية واعادة بيعهم ممتازة.

[حسام الغرباوي]

دايو لانوس صح فكرت فيها بس قولت كبيرة عليا كحجم وانا محتاجة عربية صغيرة فى البداية صح ولا انا غلط؟؟

دايو لانوس كبيرة ازاي ؟؟

علي فكرة ابعاد العربية مبتفرقش كتير ودايو عربية حلوة جدا وناعمة في السواقة وهتريحك لان فيها اوبشن حلو وتحكم كويس وسعر بيعها ممتاز

[toty19]

متشكرة لذوقكم جدا وربنا يسهل والاقى حاجة كويسة ان شاء الله

[Ahmed_selmy]

رائى الشخصى لانوس ....وفى الدايو الجوليت شبه اللانوس بالظبط بس هاتشباك
وفى الاكسنت
عربيات قطع غيراها رخيصه و متوفره وفيها امكانيات مش بطاله زى الاازاز الكهرباء والتكييف والباور

[toty19]

رائى الشخصى لانوس ....وفى الدايو الجوليت شبه اللانوس بالظبط بس هاتشباك
وفى الاكسنت
عربيات قطع غيراها رخيصه و متوفره وفيها امكانيات مش بطاله زى الاازاز الكهرباء والتكييف والباور

شكرا ليك هاخد اراءكم فى الحسبان طبعا وربنا يكرم ان شاء الله