عايز اشترى تليفزيون led

[aboomar22]

بفكر اشتري تليفزيون LED بس محتار الانواع كتير يعني تلاقي UHd وتلاقي اجهزة smart انا مش عارف بصراحة تفرق ايه عن العادي وتلاقي تلفزيون 3D مش عارف برضه هو امتع من التليفزيون العادي ولا ايه انا عندي واحد سامسونج LCD العادي الحجات الجديدة دي مش متابع ومش عارف اختار دا غير البلازما كمان - عموما السعر مش هيفرق هو انا هشترى كل يوم المقاس من ٣٢ الي ٤٠ بوصة ويفضل ٣٢ -- منتظر مساعدتكم مع الشكر٠

[shiko85]

التلفيزيونات led فقط او smart فقط او 3d فقط او 3d + smart
الـ led دا تلفيزيون عادى جدا
الـ smart يزيد عن الـ led انه تقدر بيدخل على النت
الـ 3d يزيد عن الـ led انه بيشغل افلام 3d
الـ 3d + smart فيه كل ما سبق

[shiko85]

لازم حضرتك تحدد انت محتاج ايه من التلفيزيون لانك ممكن تشترى ال جى 42 led بنفس سعر ال جى 32 smart & 3d
لو مش محتاج تدخل من نت و مش محتاج 3d يبقى اشترى lg 42
البلازما تكنولوجيا اقدم و ارخص من الـ led تقدر تشترى 50 بوصه بسعر قريب من سعر الـ 32

[ahmedfathi]

الuhd بتاع سامسونج ده اللى هو المنحنى وهتلاقى سعره ضارب جامد لفوق وهتلاقي المقاسات باعته فوق 40 بوصه .

معنى تليفزيون سمارت انه فيه فتحه تقدر من خلالها تتدخل على النت
اما بقى خاصيه ال3d فاكيد طبعا جامده لو كان الفيلم اللى انت بتتفرج عليه اصلا 3d وبينزل معاه نضاره او اتنين

البلازما سيبك منه لانه يعتبر موضه قديمه يليه الlcd اللى موجود عندك دلوقتى .يجى بعدهم الled وفيه تكنولوجيا جديده كمان اللى هيا الاحدث على الاطلاق اسمها oled كانت lg هيا اللى منزلاها بس مش منتشره نظرا لسعرها المبالغ فيه

فأنسب حاجه دلوقتى هو تليفزيون led
بالنسبه للماركات خليك فى سامسونج او lg بس سامسونج افضل من حيث خدمة ما بعد البيع والجوده كمان

بالنسبه لحجم التليفزيون كل ما يكون اكبر كل ما الصوره تبقى اجمد طبعا وكله بيعتمد على المساحه اللى هيتحط فيها ...

ارجو انى اكون افدتك

[aboomar22]

الف شكر لكم جميعا اولا انا مش محتاج نت على التليفزيون لكن اظن ال 3D ممكن يبقي ممتع خصوصا للاولاد طيب ممكن اروح كارفور مثلا واطلب اجرب ال3d وبعدها اقرر يهني لو الفيلم نفسه مش معمول بتكنولوجيا ال 3D يبقي مش هيفرق يعني في الكره مش هتفرق والبرامج العادية والافلام العادية مش هيفرق صح كده شكرا لكم جميعا

[Hobgoblin]

رأي متواضع...

ال-3d ملوش لازمة ومزعج عشان لازم تلبس النظارة.

أعتقد 47" LED من سامسونغ أو LG يبقى تمام جداً.

ماتنساش 1080 مش 720 عشان الافلام تبقى حلوة معاك.

[shiko85]

الف شكر لكم جميعا اولا انا مش محتاج نت على التليفزيون
الفكره مش نت فقط الفكره انك تقدر تعمل update للـ software كل فتره و كمان يبقى عندك wifi و بالتالى عندك wifi direct اللى بيخليك تقدر تعرض اى حاجه من الموبايل (لو فيه هو كمان wifi direct ) على التلفيزيون
لكن اظن ال 3D ممكن يبقي ممتع خصوصا للاولاد
تمام
طيب ممكن اروح كارفور مثلا واطلب اجرب ال3d وبعدها اقرر
لو حضرتك روحت كارفور من غير ما تطلب هتلاقى التلفيزيونات الـ 3d شغاله و جنبها النظارات و تقدر تتفرج و تقرر
يعني لو الفيلم نفسه مش معمول بتكنولوجيا ال 3D يبقي مش هيفرق يعني في الكره مش هتفرق والبرامج العادية والافلام العادية مش هيفرق صح كده شكرا لكم جميعا
فيه اختيار بيحول الصوره العاديه لــ 3d بس مش بتكون زى الحاجه الـ 3d اصلا بس مقبوله يعنى

[د.محمود صلاح]

في موديل من ال LG اسمه 3D cinema تقريبا مش محتاج نظارة ..

ميزة ال smart TV هي حاجة واحدة بس عمليا ... اليوتويب .. يعني لازم يكون عندك نت وايرليس في البيت سريع .. انما تصفح وفيس واي كلام تاني مش عملي خالص

[memo823000]

لو عايز شاشه محترمه 32 بوصه
فيه شاشه سامسونج 32 بوصه led موديل 5500 full hd سمارت بروسيسور دوال كور وواى فاى ويركبلها ماوس وكى بورد وايرليس اهم حاجه الموديل 5500 مش 5300 وسعرها 3600 جنيه لو عايز صوره من الاخر بس بدون 3d

الاختيار التانى لسامسونج برده بس 40 بوصه موديل سنه 2014 لسه نازله جديده ورقمها 5500 الشكل الجديد والفريم من تحت سيلفر ودى مواصفتها
Led و full hd وسمارت وبروسيسور رباعى النواه كواد كور وواى فاى عامله حوالى 5200 جنيه وبرده بدون 3d بس صوره فى الافلام والمسلسلات من الاخروالكرتون برده

لو هاوى 3d يبقى تجيب شاشه lg 40 بوصه لسه نازله جديده تعمل حوالى 5000

او تعلى شويه وتجيب سامسونج 6800 و 40 بوصه برده بس من الاخر الاخر بس طبعا سعرها 7000 جندى

بس متنساش الريسيفر يكون hd برده ويفضل استرا الكوري عشان الصوره تكون روعه

طبعا هتلاقى طلبك فى هايبر وان 6 اكتوبر بصراحه عنده كل الجديد واحسن من كارفور 100 مره فى الشاشات كارفور عنده الشاشات الموديلات القديمه

[Adnfalcon]

رأي متواضع...

ال-3d ملوش لازمة ومزعج عشان لازم تلبس النظارة.

أعتقد 47" LED من سامسونغ أو LG يبقى تمام جداً.

ماتنساش 1080 مش 720 عشان الافلام تبقى حلوة معاك.

كلام سليم و عملي 100%
وعن تجربه وأرشح ل صاحب الموضوع samsung smart tv
انزل كارفور وشوف الشاشات بعينك وألف مبروك

[aboomar22]

الف الف شكر ليكم جميعا بجد معلومات ممتازة ربنا يبارك فيكم

[shiko85]

بالتوفيق ان شاء الله و مبروك مقدما

[ahmedfor3]

لو عايز شاشه ال جي ال اي دي 32 بوصه فول اتش دي 3 دي استخدام اقل من شهر معاها 8 نضارات وفلاشه 8 جيجا كنت شاريها 4000 جنيه والفاتوره موجوده بكارتونتها وجميع مشتملتها لو عايزها مش هنختلف في السعر ملحوظه انا ببعها علشان محتاج فلوس وليس عيب في الشاشه

[M_Marwan]

نصيحه ابعد عن سامسونج وهات ال جي