نادى وادى دجله...

[a_samy]

أنا كنت عملت موضوع عن عضوية نادى وادى دجله وناس كتير شكرت فيه..وبالفعل أنا أشتركت فيه ودفعت 8600 جنيه مقدم إشتراك,ودخلت فرع المعادى وفرع التجمع الأول..
وتقييمى أن النادى كبير جدا بالفعل من جوه بس أنا حاسس انه بقى (وعذرا للفظ)بيلم كل النوعيات وكل المستويات الإجتماعيه (وخاصة دون المتوسط)لأن عروض التقسيط عندهم مشجعه جدا...
أنا للأسف تسرعت فى الإشتراك فى النادى وخصوصا إنى طلبت صوره من عقد الإشتراك اللى بيعمله البنك ومعرفتش أحصل عليه ولا من البنك نفسه ولا من النادى وكل ما أسأل حد فى النادى يقولى هتاخده من البنك واسأل فى البنك يقولى هتاخده من النادى لحد ما زهقت وبطلت أسأل عليه وقررت إنى مش هكمل دفع الأقساط عشان الكدب والتلاعب بالألفاظ اللى حصل معايا..
ده تقييمى للنادى فى الفتره القصيره دى ولو حد أشترك فيه وندم ياريت يقول إيه اللى معجبوش فى النادى.

[yasser100]

انا مشترك فيه و مش ندمان و لا حاجه لانه انت بتتكلم على نادى له 5 فروع و لسه بيتوسع و همه بامانه مهتمين بالخدمه و النضافه جدا و قارنه باى نادى , بالنسبه للمستويات كل الانديه نفس القصه , روح صيد القطاميه و نادى الشمس و النادى الاهلى مدينة نصر و اتفرج لما نادى هليوبوليس يخلص انشاءات فى الشروق و يفتح الحجز , قوانين المكان هيه اللى بتجبر اى حد يكون محترم او لا , مش هاتقدر تحكم موضوع المستويات ده فى اى مكان فى مصر و اتفرج على مارينا و شرم الشيخ و الغردقه , المهم القوانين التنظيميه و يكفى انه الامكانيات الرياضيه و الملاعب فيه كبيره اكتر من اى نادى فى مصر , انا كنت عايز نادى يكون رياضى اكتر من اجتماعى لانه مش غاوى اروح النادى و اتفرج على الناس و الناس تتفرج عليه

[midnightman_74]

انا مشترك فيه و مش ندمان و لا حاجه لانه انت بتتكلم على نادى له 5 فروع و لسه بيتوسع و همه بامانه مهتمين بالخدمه و النضافه جدا و قارنه باى نادى , بالنسبه للمستويات كل الانديه نفس القصه , روح صيد القطاميه و نادى الشمس و النادى الاهلى مدينة نصر و اتفرج لما نادى هليوبوليس يخلص انشاءات فى الشروق و يفتح الحجز , قوانين المكان هيه اللى بتجبر اى حد يكون محترم او لا , مش هاتقدر تحكم موضوع المستويات ده فى اى مكان فى مصر و اتفرج على مارينا و شرم الشيخ و الغردقه , المهم القوانين التنظيميه و يكفى انه الامكانيات الرياضيه و الملاعب فيه كبيره اكتر من اى نادى فى مصر , انا كنت عايز نادى يكون رياضى اكتر من اجتماعى لانه مش غاوى اروح النادى و اتفرج على الناس و الناس تتفرج عليه

هو فى نادى هيفتح فى الشروق ؟

[yasser100]

هو فى نادى هيفتح فى الشروق ؟

قصدك على ايه ؟ وادى دجله و لا هليوبوليس ؟ وادى دجله لا بيعمل فرع فى التجمع الخامس , هليوبوليس بيعمل فى الشروق

[eslam34]

متابع

[devil_storm]

النادى كويس بس زحمه بغباء ... انا اشتركت فيه و ندمت لانى كل ما اروح مش بستمتع خالص بسبب الزحمة ... كمان كل شويه يكلمونى السيلز علشان ارشحلهم ناس كان النادى فاضى!!! كل همهم البيع و خلاص و بيعتمد على انك بعد شويه تزهق و مترحش بسبب الزحمه و ده فعلا اللى حصل معايا... انا اتسرعت و ندمت بس الحمد لله على كل شيء

[yasser100]

النادى كويس بس زحمه بغباء ... انا اشتركت فيه و ندمت لانى كل ما اروح مش بستمتع خالص بسبب الزحمة ... كمان كل شويه يكلمونى السيلز علشان ارشحلهم ناس كان النادى فاضى!!! كل همهم البيع و خلاص و بيعتمد على انك بعد شويه تزهق و مترحش بسبب الزحمه و ده فعلا اللى حصل معايا... انا اتسرعت و ندمت بس الحمد لله على كل شيء

النادى زحمه فى الويك اند فقط و همه كل شويه بيفتحوا فروع جديده بتحب الزحمه . يعنى لما فتح فرع شيراتون خف كتير على فرع التجمع و بعد ما يفتحوا توسعات التجمع هاتخف اكتر و لما يخلصوا فرع التجمع الخامس مش هاتلاقى حد فى فرع التجمع الاول :) و كل الانديه زحمه فى الويك اند شوف هليوبوليس عامل ازاى و الشمس و الاهلى . كل الانديه

[aminibrahim]

وادي دجله كتيييير مش مبسوطين منه خاااااالص

[mohamed hussei]

مشكلة المناظر دية مشكلة بلدك كلها انا مديقتش من مناظر غير الشباب 17 و 18 سنة بس للسف اغلبهم بئا كدة دلوقتي

[mohamed hussei]

وللعلم المناظر دية موجودة في فرع المعادي كتير لكن التجمع مشوفتش حاجة لحد دلوقتي

[eslam34]

يا جماعة على فكرة كل الشكاوي بتيجي من فرع المعادي لكن باقي الفروع قليل لما حد يشتكي من حاجة وبعدين كل نوادي مصر بتكون زحمة في الويك اند والعطﻻت الرسمية والي مش مصدق يروح مع اصحابه النوادي التانية ويشوف بنفسه

[ramy87]

أنا كنت عملت موضوع عن عضوية نادى وادى دجله وناس كتير شكرت فيه..وبالفعل أنا أشتركت فيه ودفعت 8600 جنيه مقدم إشتراك,ودخلت فرع المعادى وفرع التجمع الأول..
وتقييمى أن النادى كبير جدا بالفعل من جوه بس أنا حاسس انه بقى (وعذرا للفظ)بيلم كل النوعيات وكل المستويات الإجتماعيه (وخاصة دون المتوسط)لأن عروض التقسيط عندهم مشجعه جدا...
أنا للأسف تسرعت فى الإشتراك فى النادى وخصوصا إنى طلبت صوره من عقد الإشتراك اللى بيعمله البنك ومعرفتش أحصل عليه ولا من البنك نفسه ولا من النادى وكل ما أسأل حد فى النادى يقولى هتاخده من البنك واسأل فى البنك يقولى هتاخده من النادى لحد ما زهقت وبطلت أسأل عليه وقررت إنى مش هكمل دفع الأقساط عشان الكدب والتلاعب بالألفاظ اللى حصل معايا..
ده تقييمى للنادى فى الفتره القصيره دى ولو حد أشترك فيه وندم ياريت يقول إيه اللى معجبوش فى النادى.

إستفسار بسيط لو سمحت ... قصدك بعقد الإشتراك إللي هيه ورقة البنود إللي مضيت عليه في الأول ... و ليه محتاجها..و هوه ينفع نسترد المقدم ؟
بصراحة أنا دفعت المقدم 8600 من 3 أيام بالظبط
و رحت فرع التجمع الأول ( النخيل ) و رأيي أنه نادي كويس و في مدارس كرة قدم و أسكواش كويسة
اناعضو في نادي الزهور و بيبقه زحمة في الأجازات للفرعين....
بس حاسس ناس كتير بتشتكي من وادي دجلة... ربنا يستر

[yasser100]

إستفسار بسيط لو سمحت ... قصدك بعقد الإشتراك إللي هيه ورقة البنود إللي مضيت عليه في الأول ... و ليه محتاجها..و هوه ينفع نسترد المقدم ؟
بصراحة أنا دفعت المقدم 8600 من 3 أيام بالظبط
و رحت فرع التجمع الأول ( النخيل ) و رأيي أنه نادي كويس و في مدارس كرة قدم و أسكواش كويسة
اناعضو في نادي الزهور و بيبقه زحمة في الأجازات للفرعين....
بس حاسس ناس كتير بتشتكي من وادي دجلة... ربنا يستر

هافهمك عن تجربه شخصيه مع ناس اعرفهم . علشان النادى عامل الموضوع بالقسط فالناس بتستسهل الموضوع و مش بيبص على المبلغ الاصلى اللى هو 75 الف و بفوايده بيعدى ال100 و بيبقى فى الاول فرحان و مع الوقت و الشهور بيلاقى نفسه بيدفع شهريا 1400 تقريبا و بعد الفرحه فى الاول ما يبقاش يروح و ان راح اغلب الناس بتقعد و تاكل مش بتلعب رياضه بييجى يحسبها بعد ما يقعد مع نفسه يصعب عليه الموضوع او بيكون اتزنق فى الفلوس و مش عارف يعمل ايه لانه ما فيش استرداد و ﻻ بيع عضويه و يبدأ يشتم فى النادى كنوع من تفريغ الشحنه ههههه . ها يعمل ايه يعنى ؟ النادى رياضى من الدرجه الاولى و امكانياته الرياضيه و تجهيزاتها مش فى ااى نادى . ده فرع التجمع فيه 18 ملعب تنس و 4 حمامات سباحه منهم واحد اوليمبى و اربع ملاعب سله و زيهم طايره و اكتر من 6 صالات اسكواش و ملعب كرة قدم كبير و باستمرار صيانه و مولدات كهربا و نضافه و شوف امكانيات شيراتون عامله ازاى

[ramy87]

هافهمك عن تجربه شخصيه مع ناس اعرفهم . علشان النادى عامل الموضوع بالقسط فالناس بتستسهل الموضوع و مش بيبص على المبلغ الاصلى اللى هو 75 الف و بفوايده بيعدى ال100 و بيبقى فى الاول فرحان و مع الوقت و الشهور بيلاقى نفسه بيدفع شهريا 1400 تقريبا و بعد الفرحه فى الاول ما يبقاش يروح و ان راح اغلب الناس بتقعد و تاكل مش بتلعب رياضه بييجى يحسبها بعد ما يقعد مع نفسه يصعب عليه الموضوع او بيكون اتزنق فى الفلوس و مش عارف يعمل ايه لانه ما فيش استرداد و ﻻ بيع عضويه و يبدأ يشتم فى النادى كنوع من تفريغ الشحنه ههههه . ها يعمل ايه يعنى ؟ النادى رياضى من الدرجه الاولى و امكانياته الرياضيه و تجهيزاتها مش فى ااى نادى . ده فرع التجمع فيه 18 ملعب تنس و 4 حمامات سباحه منهم واحد اوليمبى و اربع ملاعب سله و زيهم طايره و اكتر من 6 صالات اسكواش و ملعب كرة قدم كبير و باستمرار صيانه و مولدات كهربا و نضافه و شوف امكانيات شيراتون عامله ازاى

بالظبط....انا بس عايز اخد رأيه في السلبيات إللي لفتت انتباهه يمكن يفيدني
و انا من الأول صليت صلاة إستخارة و قولت أتوكل على الله....بس بعد كده لقيت شكاوي من الناس على الفيس و المنتديات
و انا مقتنع تماما مفيش حاجة في الدنيا ( مكان - جماد - أكلة - ..... ) هيكون عليها إجماع كلي 100 % بالسلب أو الإيجاب

يمكن السلبيات إللي انا شايفها من وجهة نظري :
1. المصاريف السنوية لتجديد العضوية للعضو العامل عالية نسبيا
2. عند توريث العضوية و نقل إبنك أو بنتك من عضو تابع ل عضو عامل بتدفع 10% من قيمة العضوية عند نقل العضوية ( مع إن المفروض يكون من المبلغ إللي دفعته )

[yasser100]

بالظبط....انا بس عايز اخد رأيه في السلبيات إللي لفتت انتباهه يمكن يفيدني
و انا من الأول صليت صلاة إستخارة و قولت أتوكل على الله....بس بعد كده لقيت شكاوي من الناس على الفيس و المنتديات
و انا مقتنع تماما مفيش حاجة في الدنيا ( مكان - جماد - أكلة - ..... ) هيكون عليها إجماع كلي 100 % بالسلب أو الإيجاب

يمكن السلبيات إللي انا شايفها من وجهة نظري :
1. المصاريف السنوية لتجديد العضوية للعضو العامل عالية نسبيا
2. عند توريث العضوية و نقل إبنك أو بنتك من عضو تابع ل عضو عامل بتدفع 10% من قيمة العضوية عند نقل العضوية ( مع إن المفروض يكون من المبلغ إللي دفعته )

بص يا كبير . المشكله انه احنا المصريين ما بيعجبناش حاجه و كل واحد دفع قرش بيتعامل انه اشترى المكان
اه معاك المصاريف السنويه غاليه نسبيا بس بص على النضافه و الحمامات و الامن اللى فى كل مكان فى النادى و مستوى الملاعب من الاخر لو عايز تستمتع بحاجه و حاسب كل حاجه قبل ما تدخل فيها و عارف انت عايز ايه هاتستمتع و لو عايز تشوفها وحشه هاتشوفها وحشه
ال 10 % دى متحدده من وزارة الرياضه مش النادى