الناس الى اشتكت من كلاب الحراسة .........

[eng.octooo]

السلام عليكم :)

وجمعة مباركة ان شاء الله

امممم الايام الاخيرة دى ناس كتيير اشتكت وعملت مواضيع من ان ليهم جيران عندهم كلاب حراسة مزعجين او كلاب بتسبب رعب للسكان او هجوم كلب على طفلة ( ربنا يشفيها)

انا ماعنديش اى مشكلة مع الناس الى فوق دى بس المشكلة ان ناس كتييير من الاعضاء لما ردو على الموضوع اقترحو تسميم الكلب والى اقترح ضربة بالنار وحاجات زى كدة !!!!


اولا من الناحية الانسانية دة كلب وروح واصحابة بيكونو متعلقين بية جدا جدا جدا

ثانيا من الناحية الدينية دة حرام ( تقدر ترجع للمراجع وتااكد من الكلام دة )

ثالثا من الناحية المدنية او الجنائية غالبا الكلاب دى بتكون مترخصة من مديرية الطب البيطرى وواخدة تطعيمات وليها رخصة ورقمها موجود فى السجلات يعنى لو انت اذيت الكلب من حق صاحبة يروح يعمل محضر ضدك وبتتخذ الاجرائات ضدك وبتبقى جناية


بس احنا لية ندخل نفسنا فى الكلام دة كلة ؟؟؟؟

ما تكلم صاحب الكلب بطريقة احسن وتنصحة يعنى لو الكلب بيعمل ازعاج ب الليل ومش بيخليك تنام

ممكن تقول لصاحبة يشتريلة اطواق مانعة للنباح ودى موجودة فى كل مكان ويلبسهالة باليل بس

لو الكلب بينزل يتمشى مع صاحبة فى الشارع وانت خايف منة ممكن تطلب من صاحبة يلبسة كمامة فى الاوقات دى

ولو قلقان من انة يعدى اى حد ف الاحسن انك تسالة هو اخد التطعيم السنوى بتاعة ولا لا ؟

او تطلب منة انة يدرب الكلب الشراسة ب الامر يعنى يهجم لما صاحبة يديلة الامر


انا شخصيا عندى كلب حاليا وكان عندى اكتر من كلب قبل كدة ومربيهم فى عمارة خاصة ولما كان حد من الجيران بيشتكى من حاجة كنت بانفذهالة لانهم احترمونى ( مع انة الكلاب مترخصة وداخل العمارة عندى ومش ممكن يعرفوا يسموها او يدخلولها ) بس دة من باب احترام الجار مش اكتر

ف لو انت عندك مشكلة من كلب جارك اتكلم معاة او ابعتلى رسالة وقولى سبب المشكلة اية وانا اقولك على الحل وتبلغة لصاحب الكلب وان شاء الله الموضوع يكون احسن وتبقى نظرة المجتمع للكلاب على انها حيوانات الليفة ومصاحبة للاطفال مش وحوش جعانة

واسف لو طولت عليكم

[بحار]

مش محتاجه ذكاء .. اللى يقرا اول سطرين يعرف انك مربى كلاب وبتحبهم جدا .. وعاوز من الناس تتعامل معاهم على انهم زيهم زى ( ولامؤاخذة ) الكلاب فى اهميتهم وده مش حقيقى !! يعنى حضرتك عاوز الكلاب تمشى تعض فى اولادى وانا اقول لصاحبها .. مساء الخير .. والله كلب حضرتك عض ابنى النهارده وفتح دراعه 6 غرز والنبى المرة الجايه ماتنساش تركب لسعادته الكمامه .. لاء حضرتك .. يوم ده مايحصل هاموت الكلب وافتح دماغ صاحبه .. وبعد كده نتفاهم ..

[#MAAM#]

كلامك غير منطقي بالمره المفروض اللي مربي الكلب هو اللي يحترم الجيران ويحترم حقوق الناس اللي حواليه ......... وكمان هل أنت متخيل واحد معاه كلب شرس وماشي بيه وسط الناس ........... هل مش هخاف على نفسي وأنا رايح أكلمه .............. وأنا لو مكان الراجل اللي الكلب عض بينته لو كنت أقدر أموت الكلب هموته ............. اللي يحب يربي يحترم حقوق الناس اللي حواليه ومش يأذيهم أو يخوفهم

[rotanamasoud]

طيب انت محترم فى غيرك ناس مربيه كلاب بس غير محترمين مينفعش تتفاهم معاهم اصلا
ولو جينا للشرع الكلاب بتستخدم للحراسه وممنوع دخولها الشقق

[Mr.Lawyer]

انا متفهم حبك لتربيه الكلاب وخاصه انك من مالكى ومربى الكلاب ولكن للأسف ممكن يكون حضرتك بتحترم الجار وبقيه الناس ومطعم كلابك ومدربهم كويس وفى غيرك للاسف ودول الاكتر ، لا بيحترموا حد ولا بيفرق معاهم حد وكل واحد ربى كلب دربه ع الشراسه ومشى ف الشارع عامل فيها عنتر زمانه وبيخلى الكلب يهاجم العربيات الماشيه والبنات والناس ف الشارع ويقعد يضحك بكل سفاله ( للاسف النوع دا موجود يومياً ف الشارع وللاسف الاغلبيه كدا )
لذلـــك من رأيي ، بدلاً من عتاب مالكى الكلاب واللى هتنتهى غالبا لمشادات كلاميه تصل الى الخناقات ، فيجيب ع الدوله فوراً وضع شروط صارمه على مالكى الكلاب للحفاظ على حقوق باقى المواطنين وحمايتهم منها ع سبيل المثال منع وجود الكلب فى المكدسه بالناس ويكون لهم اماكن معينه يسمح لهم ف التواجد فيها ، طالما الدوله سمحت بترخيص الكلاب وامتلاكها ، لازم تكون فى رقابه صارمه على التطعيمات والاهتمام والرعايه بالكلب ، زى ماهو موجود ف امريكا والدول الغربيه بيكون فى جهاز ف الدوله مسئول عن الموضوع دا ومسئول ف نظر الشكاوى فى هذا الموضوع ( مش ادخل القسم اشتكى كلب بينبح وعاملى ازعاج ) ،،، الخ

[eng.octooo]

مش محتاجه ذكاء .. اللى يقرا اول سطرين يعرف انك مربى كلاب وبتحبهم جدا .. وعاوز من الناس تتعامل معاهم على انهم زيهم زى ( ولامؤاخذة ) الكلاب فى اهميتهم وده مش حقيقى !! يعنى حضرتك عاوز الكلاب تمشى تعض فى اولادى وانا اقول لصاحبها .. مساء الخير .. والله كلب حضرتك عض ابنى النهارده وفتح دراعه 6 غرز والنبى المرة الجايه ماتنساش تركب لسعادته الكمامه .. لاء حضرتك .. يوم ده مايحصل هاموت الكلب وافتح دماغ صاحبه .. وبعد كده نتفاهم ..

لا محتاجة ذكاء .... كل الديانات اسلام او مسيحيه او يهودية والبوذية احترمو الحيوانات وفى الاسلام عندنا امثلة كتيرة جدا جدا ابو هريرة والملك سليمان وغيرة انا مش عايز اقلب الموضوع دينى ونقاش مفروغ منة بس الكلب زية زيى وزى اخويا و زى حضرتك ( بدون اهانة ومن غير معنى غير واضح ) وهو روح ومخلوق ربنا خلقة مش علشان الناس تجرى وراة فى الشارع وتحدفة ب الطوب

وعموما انا قلت لو ليك جار حاسس انة كلبة ممكن يكون خطر فى الشارع انت تنبه الاول ماقلتلكش لما يعض حد ابقى روح واتكلم معاة

بس يا باشا الموضوع بسيط جداا اما موضوع اروح اموت الكلب واتخانق معاة ومش عارف اية كدة احنا بقينا بلطجية وكل واحد يعمل الى على دماغة والموضوع يقلب ....

[احمد المصرى]

كلامك صحيح بس لان حصرتك مربيهم تقريبا فى عماره خاصه بيك يعنى تقريبا ملكش جيران فى العماره بس لو عماره عامه وشقق فيها ناس وتلاقى واحد خاطط كلب قدام باب الشقه او كلب بيعمل صوت على طول فى الشقه هل دا منطقى

[eng.octooo]

كلامك غير منطقي بالمره المفروض اللي مربي الكلب هو اللي يحترم الجيران ويحترم حقوق الناس اللي حواليه ......... وكمان هل أنت متخيل واحد معاه كلب شرس وماشي بيه وسط الناس ........... هل مش هخاف على نفسي وأنا رايح أكلمه .............. وأنا لو مكان الراجل اللي الكلب عض بينته لو كنت أقدر أموت الكلب هموته ............. اللي يحب يربي يحترم حقوق الناس اللي حواليه ومش يأذيهم أو يخوفهم

طيب وانا قولت اية غير كدة ؟؟؟؟ ارجع واقراء الكلام كويس

[eng.octooo]

انا متفهم حبك لتربيه الكلاب وخاصه انك من مالكى ومربى الكلاب ولكن للأسف ممكن يكون حضرتك بتحترم الجار وبقيه الناس ومطعم كلابك ومدربهم كويس وفى غيرك للاسف ودول الاكتر ، لا بيحترموا حد ولا بيفرق معاهم حد وكل واحد ربى كلب دربه ع الشراسه ومشى ف الشارع عامل فيها عنتر زمانه وبيخلى الكلب يهاجم العربيات الماشيه والبنات والناس ف الشارع ويقعد يضحك بكل سفاله ( للاسف النوع دا موجود يومياً ف الشارع وللاسف الاغلبيه كدا )
لذلـــك من رأيي ، بدلاً من عتاب مالكى الكلاب واللى هتنتهى غالبا لمشادات كلاميه تصل الى الخناقات ، فيجيب ع الدوله فوراً وضع شروط صارمه على مالكى الكلاب للحفاظ على حقوق باقى المواطنين وحمايتهم منها ع سبيل المثال منع وجود الكلب فى المكدسه بالناس ويكون لهم اماكن معينه يسمح لهم ف التواجد فيها ، طالما الدوله سمحت بترخيص الكلاب وامتلاكها ، لازم تكون فى رقابه صارمه على التطعيمات والاهتمام والرعايه بالكلب ، زى ماهو موجود ف امريكا والدول الغربيه بيكون فى جهاز ف الدوله مسئول عن الموضوع دا ومسئول ف نظر الشكاوى فى هذا الموضوع ( مش ادخل القسم اشتكى كلب بينبح وعاملى ازعاج ) ،،، الخ

كلام حضرتك صح جدا ... الفئة الى انت قصدك عيها بيكون جايب الكلب للمنظرة والللعب مش حراسة وغيرة وغالبا مش بيهتموا ب التطعيمات ولا الرخصة والتدريب ولا اى حاجة ودة لو ماشى بيه فى الشارع بدون رخصة يبقى من حق دورية الشرطة انها تسحب الكلب منة ودة الى المفروض يحصل بس للاسف لا حياة لمن تنادى

وعلى فكرة الرخصة مش بتطلع غير لما الكب ياخد تطعيمات معينة بتحمية وبتحمى اى حد بيتعرض للكلب ف دى حاجة مهمة جداا بس للاسف معظم الناس ما بتعملهاش
وشكرا جدا لحضرتك

[eng.octooo]

كلامك صحيح بس لان حصرتك مربيهم تقريبا فى عماره خاصه بيك يعنى تقريبا ملكش جيران فى العماره بس لو عماره عامه وشقق فيها ناس وتلاقى واحد خاطط كلب قدام باب الشقه او كلب بيعمل صوت على طول فى الشقه هل دا منطقى

لا هو مش من حقة يحطه قدام الباب او انة يعمل ازعاج وحقك تتكلم معاة اول مرة وبعد كدة تشتكية ويتعملة محضر ..... بس للدرجة دى انة يحطة قدام باب ولا يرمية فى البلكونة طول اليوم دة كدة عذاب للكلب واذى للناس

[احمد المصرى]

طيب وانا قولت اية غير كدة ؟؟؟؟ ارجع واقراء الكلام كويس

انا قرات كلامك كويس بس انت ال مخدش بالك من كلامى هل حالتك دى انك ساكن فى بيت لوحدك تنطبق على كل الناس طبعا استحاله ودا سبب المشكله لو كنت ركذت فى كلامى كنت اخد بالك من قصدى وعلى العموم اغلب الناس بتركره الكلاب انا شخصيا مش بحبها علشان اكون ظاهر وبعض السيدات بتخاف منها وانت بتحبها ودا حقك مليون فى الميه ولمن حريتك الشخصيه بتقف عن بدايه النعدى على حقوق الاخرين ودا مفهوم الحريه الشخصيه وينطبق على كل شى فى حياتنا الشخصيه

[احمد المصرى]

حضرتك تقريبا ساكن فى اكتوبر واعتقد انك معندكش مشكله جوهريه فى الموضوع دا لانى ساكن فى اكتوبر برضوا

[eng.octooo]

انا قرات كلامك كويس بس انت ال مخدش بالك من كلامى هل حالتك دى انك ساكن فى بيت لوحدك تنطبق على كل الناس طبعا استحاله ودا سبب المشكله لو كنت ركذت فى كلامى كنت اخد بالك من قصدى وعلى العموم اغلب الناس بتركره الكلاب انا شخصيا مش بحبها علشان اكون ظاهر وبعض السيدات بتخاف منها وانت بتحبها ودا حقك مليون فى الميه ولمن حريتك الشخصيه بتقف عن بدايه النعدى على حقوق الاخرين ودا مفهوم الحريه الشخصيه وينطبق على كل شى فى حياتنا الشخصيه

لا انا اسف دى غلطة من عندى معانى الكلام دخلت فى بعض :)

اة بالفعل انا ساكن فى اكتوبر والعمارة مافيها حد غير اسرتى وعندى جنينة ف الموضوع مش عامل ازمة لحد ومحدش بيشكتى لان الكلاب مدربة تهوهو امتى وتسكت امتى

وعندك حق ان حريتك تقف لما تضر حد ..... بس بجد موضوع ان اغلب الناس بتكرة الكلاب فى مصر لسببين الاول هو حرمانية ان يكون موجود جوة البيت والتانى ان معظم الكلاب مش متدربة صح وكل حياتها اكل ونباح مش اكتر

الموضوع ك هواية كبير ومتعب المفروض الى عايز يربى كلب فية كام قاعدة لازم يعملهم ويتعلمهم غير كدة يبقى هو بيربى حيوان برى هايبقى صعب يسيطر علية

[بحار]

لا محتاجة ذكاء .... كل الديانات اسلام او مسيحيه او يهودية والبوذية احترمو الحيوانات وفى الاسلام عندنا امثلة كتيرة جدا جدا ابو هريرة والملك سليمان وغيرة انا مش عايز اقلب الموضوع دينى ونقاش مفروغ منة بس الكلب زية زيى وزى اخويا و زى حضرتك ( بدون اهانة ومن غير معنى غير واضح ) وهو روح ومخلوق ربنا خلقة مش علشان الناس تجرى وراة فى الشارع وتحدفة ب الطوب

وعموما انا قلت لو ليك جار حاسس انة كلبة ممكن يكون خطر فى الشارع انت تنبه الاول ماقلتلكش لما يعض حد ابقى روح واتكلم معاة

بس يا باشا الموضوع بسيط جداا اما موضوع اروح اموت الكلب واتخانق معاة ومش عارف اية كدة احنا بقينا بلطجية وكل واحد يعمل الى على دماغة والموضوع يقلب ....

انا اسف اذا كان ردى مبالغ فيه .. بس موضوعك اثار عندى حكايه ضايقتنى وماكنتش عاوز احكيها .. بس علشان تتفهم موقفى وموقف الناس اللى زيى .. من سنوات كنت ساكن فى بيت العيلة وكان فيه ساكن فى الدور الارضى واخد الشقه ب( 250 قرش ) بيربى كلاب فى المنور والروايح ( مش هاقوللك انته عارفها ) بتيجى من الشباك .. ابص من الشباك الاقى فضلات الكلب والله ماشوفت قبلها ولا بعدها حاجه كدة . للامانه هوه كان مهتم بالنظافة . و كان بيحميهم وبيرش مطهرات بس على مابيعمل كده ولو بعد نص ساعه برضة مش كلام .. وماكنتش قادر اشتكيه لسببين هوه كويس بعيد عن الموضوع ده وكمان لانى لاحظت حبه الشديد للكلاب وحسيت انه مريض بحب الكائن ده والمفروض ندعيله مش نشتكيه .. وفى الاخر عرضت عليه فلوس خلو رجل من الشقة وربنا كرمنا ومشى ..

[بحار]

نسيت اقول حاجه مهمة انا من رأيى القانون يأخد مجراه تربى كلب انته مسؤل عن تصرفاته والدولة تقوم بواجبها ولا اطلب منك ولا تتطلب منى ..