تكيف شارب ضعيف اصلحه ولا ابيعه ؟

[hussein]

عندي تكيف شارب 1.5 حصان كنت جايبه من يجي 7 سنين وكان شغال زي الفل وعمر محد لعب فيه
الوقتي بقي ضعيف جدا
ياتري اجيب له صيانه ولا ابيعه واشتري واحد جديد
علما بان صوته كويس وهواه كويس بس مش بيسقع
حد عنده خبره سابقه بحاجه زي كده ؟

[mostafa3000]

في الغالب محتاج شحن فريون

[S O P H O S]

لازم تعمل صيانة الاول
يعني تنظيف التكيف من جوا ومن برا يتنفخ ويتنظف بردوا
وبعده كده تشوف الشحن

[almohaor]

شوف حضرتك لازم تعمل صيانة سنوية للجهاز
وهى تنحصر فى عمل نظافة للوحدة الداخلية والخارجية
وكمان خللىفنى الصيانة يراجعوا ضغط الفريون
ويتأكدوا من سلامته ولو ناقص ممكن يكملوه

مع ملاحظة مراجعة اوبشن سرعة مروحة التبريد على ريموت الجهاز
فربما يكون مضبوط على السرعة البطيئة اى الاولى
ممايوحى اليك ان كفاءة التبريد قليلة
جهاز شارب ممتاز بصراحة ولا تفرط فيه

[A_H_M_A_D]

كلم الشركة يبعتولك حد ينضفه ويشحنه وهايرجع زي الجديد بسيطه متقلقش

[طارق _عبد السلام]

صيانه فقط ان شاء الله سبع سنين زمان السربنتينه اتسدت والفانه عليها طين مش تراب
اعمل له صيانه وهتحس بالفرق
خلى بالك عندى شارب 2.25 وبردوا سبع سنين محدش قرب له بس انا بعمل له صيانته على قدى كده للقطعه الاسبيلت الداخليه لكن الخارجيه ملناش دعوه بيها

[J A G U A R]

متفرطش فيه هتلاقيه عايز صيانه فقط وبعدين كتر خيره شغال 7 سنين

[hussein]

طيب هكلم شارب يعملولوه صيانه وهقولكو على الاخبار الجديده عشان لو فى حد فى موقف شبيه يستفاد :)

[A_H_M_A_D]

خلى بالك عندى شارب 2.25 وبردوا سبع سنين محدش قرب له بس انا بعمل له صيانته على قدى كده للقطعه الاسبيلت الداخليه لكن الخارجيه ملناش دعوه بيها

بالنسبة للقطعة الخارجيه حضرتك اشتري بلاور و نضفه من التراب اللي جواه هاتفرق كتير في التبريد

[omar101970]

أنا شايف ان تكييف شارب كويس هو عندى وشايف ان افضل اللى موجود فى السوق.
وزى ما الزملا قالو مجرد صيانه للكومبروسور والوحده الداخليه وكله حايبقى تمام.

[Abo Yasso]

كلم بتوع شارب
واحد توكيله العربى ناس فوق الممتازه بصراحه
فى الغالب حيجتاج نظافه على شويه فريون

وابقى طمنى عملت ايه

[Ahmed_selmy]

ان شاء الله ميحتجش غير نضافه او سحن فريون.....ممكن سريعا تنضف الفلتر بتاع الوحده الداخليه ......دا لازم يتنضف كل كام شهر