عايز اسافر سياحه بره

[shndoo]

السلام عليكم
انا طقت فى دماغى انى اسافر انا و اختى اى دوله من دول
فرنسا , تركيا , ماليزيا
ترشحولى انهى بلد و دلونى على افضل شركه للسياحه تكون محترمه و اسعارها كويسه

[Adnfalcon]

ماليزيا هتعجبك مناظر طبيعيه تحفه
فرنسا غاليه جدا بس جميله
تركيا تمام بس هتمل بسرعه

[J A G U A R]

والله اى بلد هاتكون أحسن من البلد الفقر اللى احنا عايشين فيها دى

[shndoo]

ترشحولى شركه معينه ولا كله زى بعضه ؟

[Adnfalcon]

هقولك نصيحه جامده .. اخويا عملها ف شهر عسله
لو ليك طوله بال ع النت .. احجز فنادق ف أكتر من مدينه فأي دوله تختارها من هنا ع النت و هناك تأجر عربيه ارخص من التاكسيات
هتلاقي نفسك اتفسحت براحتك وأكتر و بفلوس أقل بكتير

[shndoo]

بص مش هاكدب عليك انا عمرى ماسفرت بره قبل كده :) فحاسس انى لو عملت كده هاتكون مجازفه و خاصه هايكون معايا اختى مش مع اخويا مثلا فعلشان كده عايز شركه هى الى تنظم الرحله من اولها ل اخرها بالموصلات يعنى يادوب يكون معايا هناك بوكتمانى ومشلش هم الموصلات و الاكل

[Adnfalcon]

بص مش هاكدب عليك انا عمرى ماسفرت بره قبل كده :) فحاسس انى لو عملت كده هاتكون مجازفه و خاصه هايكون معايا اختى مش مع اخويا مثلا فعلشان كده عايز شركه هى الى تنظم الرحله من اولها ل اخرها بالموصلات يعنى يادوب يكون معايا هناك بوكتمانى ومشلش هم الموصلات و الاكل

تمام كده أرشحلك شركه سياحيه طبعا
بس عموما مرات أخويا كانت غاويه نت وهي اللي عملت بروجرام كامل قبل ما تسافر و انبسطوا جدا جدا جدا ولا بهدله ولا حاجه
هي عايزه قلب جامد شويه و حبه مجهود فالحجز قبل السفر بفتره

[mohabelnegm]

أنا ما روحتش تركيا بس روحت فرنسا و ماليزيا. خليك فى ماليزيا هاتنبسط و مش هاتصرف كتير و بلد مش هاتقابل فيها أى عنصرية أو مواقف مش لطيفة. فرنسا من أكتر الدول اللى ما أستمتعتش بزيارتها, المهاجرين من شمال أفريقيا خاربين فرنسا...سبحان الله..فرنسا أحتلت الجزائر, المغرب و شوية دول أفريقية و دلوقتى أهل الدول ديه هما اللى محتلين فرنسا و لما تركب المترو بتلاقيه مليان جزائريين, مصريين, سنغاليين ألخ ..أول ترحيب شفته فى مترو ألأنفاق فى باريس كان مهاجر أفريقى بيتبول فى المترو على جنب و بعد كده كبشة مغاربة بينطوا من فوق السور علشان مايدفعوش تذاكر و بصفة عامة المدينه "مصدية" ...باريس مفيهاش غير منطقة برج ايفل و شارع الشانزلزيه و متحف اللوفر, قصر فرساى, كوبرى العشاق , كنيسة روتردام و شوية مزارات تانية ....الكلام ده كله بتزوره فى يومين. غير كده غاليه جدا بالمقارنة بأى دوله أوروبية تانية.

[shndoo]

طب حد عنده تجربه مع شركه سياحه ولا لأ ؟

[kazamodia]

انصحك بماليزيا البلد رخيصة جدا ومليانة حاجات كتير عيبها الرئيسي هي الاكل
وبرضو حاول تحجز على النت هتوفر جامد خصوصا موقع booking.com ومتخافش ده مضمون اكتر من اي شركة سياحة وكمان بتدفع في الفندق لما توصل بس لازم يكون عندك فيزا

[abohend]

ماليزيا

أنا رحت ماليزيا في شهر العسل
تحفة تحفة تحفة

حجزت من على النت و مفيش مجازفة و لا حاجة
بالعكس أرخص بكتييييييييييييييير
و بتزور المكان اللي أنت عايزه و أخترته عن إقتناع مش اللي شركة السياحة إختارته

لو عايز ممكن أعمل لك بروجرام تحفة و هقولك تحجز إزاي بالتفصيل من على النت
أنا قضيت هناك 8 ايام غير وقت السفر
كل يومين كانوا في مكان شكل و أنبسطت جدا جدا

فرنسا...واحد صاحبي راح هناك قالي البلد غالية جدا و نظام مولات و شوبينج...مفبش فسح قد كده
تركيا...جميلة و متنوعة بس فيها جزء كبير تاريخي يعني مش أي حد يستمتع بيه


الترتيب
ماليزيا
تركيا
فرنسا

[shndoo]

أنا رحت ماليزيا في شهر العسل
تحفة تحفة تحفة

حجزت من على النت و مفيش مجازفة و لا حاجة
بالعكس أرخص بكتييييييييييييييير
و بتزور المكان اللي أنت عايزه و أخترته عن إقتناع مش اللي شركة السياحة إختارته

لو عايز ممكن أعمل لك بروجرام تحفة و هقولك تحجز إزاي بالتفصيل من على النت
أنا قضيت هناك 8 ايام غير وقت السفر
كل يومين كانوا في مكان شكل و أنبسطت جدا جدا

فرنسا...واحد صاحبي راح هناك قالي البلد غالية جدا و نظام مولات و شوبينج...مفبش فسح قد كده
تركيا...جميلة و متنوعة بس فيها جزء كبير تاريخي يعني مش أي حد يستمتع بيه


الترتيب
ماليزيا
تركيا
فرنسا

ياريت ياريت برنامج صغير كده معلش بتقل عليك

[abohend]

تجربتي

ياريت ياريت برنامج صغير كده معلش بتقل عليك

هقولك تجربتي بالتفصيل و بعد كده أقولك البروجرام المقترح

أنا رحت في شهر يناير 2013

السفر كان يوم 20-1-2013 و العودة 29-01-2013
جو ماليزيا إستوائي و مش هتفرق كتير توقيت السفر بالنسبة للجو
لكن في مواعيد بتبقى غالية شوية عشان المواسم و الأجازات

رحلة السفر 10 ساعات غير الترانزيت
تذاكر السفر بتمثل جزء كبير من المبلغ (كل شرق آسيا كده)

عشان تخفض تكاليف السفر أختار الرحلات غير المباشرة و أحجز قبلها بفترة و أستخدم مواقع المقارنات زي flyscanner لحجز الطيران

و مواقع مقارنات الفنادق زي hotelscombined

أنا زرت 4 مناطق

صن واي: مدينة ألعاب متميزة و ممتعة و مش زحمة و طوابير زي مصر

كوالا لمبور: بلد نضيفة و متطورة و منظمة و فيها أماكن كتير للفسح و الشوبينج

بورت ديكسون:
لا أنصح بها لأنها مدينة محلية و مفيش فيها أنشطة مناسبة للسياح

لنكاوي:
سبحان الخالق
أجمل مناظر طبيعية شفتها في حياتي و فيها شواطئ خلابة و انشطة بحرية ممتعة جداً

يتبع

[abohend]

الميزانية

قولي ميزانيتك كام عشان البروجرام يبقى واقعي
هل بتهتم إن الفنادق تبقى فخمة و لا اي مكان للمبيت و خلاص

طبعا بالنسبة لي كان شهر عسل فكانت كل التفاصيل مهمة

و الصراحة ماليزيا بتتميز بفخامة فنادقها
يعني فنادق ال4 نجوم هناك أفضل بكتيييييييييييير من 5 نجوم في مصر أو تركيا

أنا الموضوع كلفني 25 ألف شامل:
4 ايام إقامة بفنادق 5 نجوم
2 في فيلا فندقية بمسبح خاص (5 نجوم طبعاً)
2 في فندق 4 نجوم (بس أربع نجوم نضيف اوي)
كل افقامة كانت بالأفطار
تذاكر سفر على الإتحادية بتوقف وحيد
مواصلات داخلية
تذاكر المزارات و الرحلات و الغداء و العشاء إلخ إلخ

في ميزة مهمة كمان
مرة و انا هناك سألت المضيفة في البوفيه عن نوع من الطعام حلال و لا لأ...قالتلي الأكل كله في ماليزيا حلال و لو في حاجة مش حلال بنكتب عليها و نعملها في جزء لوحده من البوفيه

رد عليا عن ميزانيتك و انا تحت أمرك

[shndoo]

هقولك تجربتي بالتفصيل و بعد كده أقولك البروجرام المقترح

أنا رحت في شهر يناير 2013

السفر كان يوم 20-1-2013 و العودة 29-01-2013
جو ماليزيا إستوائي و مش هتفرق كتير توقيت السفر بالنسبة للجو
لكن في مواعيد بتبقى غالية شوية عشان المواسم و الأجازات

رحلة السفر 10 ساعات غير الترانزيت
تذاكر السفر بتمثل جزء كبير من المبلغ (كل شرق آسيا كده)

عشان تخفض تكاليف السفر أختار الرحلات غير المباشرة و أحجز قبلها بفترة و أستخدم مواقع المقارنات زي flyscanner لحجز الطيران

و مواقع مقارنات الفنادق زي hotelscombined

أنا زرت 4 مناطق

صن واي: مدينة ألعاب متميزة و ممتعة و مش زحمة و طوابير زي مصر

كوالا لمبور: بلد نضيفة و متطورة و منظمة و فيها أماكن كتير للفسح و الشوبينج

بورت ديكسون:
لا أنصح بها لأنها مدينة محلية و مفيش فيها أنشطة مناسبة للسياح

لنكاوي:
سبحان الخالق
أجمل مناظر طبيعية شفتها في حياتي و فيها شواطئ خلابة و انشطة بحرية ممتعة جداً

يتبع

قولي ميزانيتك كام عشان البروجرام يبقى واقعي
هل بتهتم إن الفنادق تبقى فخمة و لا اي مكان للمبيت و خلاص

طبعا بالنسبة لي كان شهر عسل فكانت كل التفاصيل مهمة

و الصراحة ماليزيا بتتميز بفخامة فنادقها
يعني فنادق ال4 نجوم هناك أفضل بكتيييييييييييير من 5 نجوم في مصر أو تركيا

أنا الموضوع كلفني 25 ألف شامل:
4 ايام إقامة بفنادق 5 نجوم
2 في فيلا فندقية بمسبح خاص (5 نجوم طبعاً)
2 في فندق 4 نجوم (بس أربع نجوم نضيف اوي)
كل افقامة كانت بالأفطار
تذاكر سفر على الإتحادية بتوقف وحيد
مواصلات داخلية
تذاكر المزارات و الرحلات و الغداء و العشاء إلخ إلخ

في ميزة مهمة كمان
مرة و انا هناك سألت المضيفة في البوفيه عن نوع من الطعام حلال و لا لأ...قالتلي الأكل كله في ماليزيا حلال و لو في حاجة مش حلال بنكتب عليها و نعملها في جزء لوحده من البوفيه

رد عليا عن ميزانيتك و انا تحت أمرك

انا الميزانيه من 15 - 20 الف
للنفرين
ومش فارق معايا اوى الفندق كام نجمه اهم حاجه يكون نضيف و الفيو بتاعو حلو برضه