هل يجوز عمل صحة توقيع لعقار لكن البائع متوفى؟

[Mohamed A S]

السادة الزملاء
أريد عمل صحة توقيع لعقد بيع ابتدائي لشقة لكن البائع متوفى .. فهل يجوز عمل صحة التوقيع؟ وما هي اجراءاته ومدته وتكلفته؟
لكم مني جزيل الشكر

[hossam_elwani]

متابع

[Y a r i s]

مش عارف. ... بس مجرد احساس انوا لا يجوز لان كزا محامي اكد لي ان صحة التوقيع لاقيمة له مدام المالك ما رحش وحضر وقال ان ده امضيتي ... بس برضوا متابع

[khaled_sabry]

يتهيألى انه يجوز عادى
و بيعمل ضد الورثه
انا شخصيا عامل كده فى شقتى و اتعملى صحه التوقيع عادى
القصه ده (زى معظم القضايا ) بتاخد فى حدود سنه

[ramy87]

على حسب معلوماتي لما ترفع قضية صحة توقيع على عقد بيع أو غيره ...

المحامي بيمشي في الإجراءات القانونية و بعدين المحكمة بتبعت للمدعي عليه - ( البائع ) - جواب علشان يجي المحكمة و يشهد على توقيعه .. لو مرحش بتبعتله مرة تانية....
لو مرحش المحكمة في المرتين بتعتبر عدم حضوره إثبات أن توقيعه صحيح ...
و بتحكم بصحة توقيعه على العقد .... و تختم أصل العقد و تصوره و ترجعهولك مع حكم المحكمة...

تحيـــــــــاتي

[Abo Yasso]

السادة الزملاء
أريد عمل صحة توقيع لعقد بيع ابتدائي لشقة لكن البائع متوفى .. فهل يجوز عمل صحة التوقيع؟ وما هي اجراءاته ومدته وتكلفته؟
لكم مني جزيل الشكر

لا يجوز فى مواجه المتوفى وان صدر حكم بصحه توقيع متوفى يستطيع الورثه تقديم ما يفيد وفاه البائع قبل صدور الحكم وقبل اعلان المتوفى بالجلسه وحال ذلك يعتبر الحكم كأن لم يكن
الحل انك تشوف مع الورثه وتعمل صحه توقيع عليهم وفى حاله حضور احدهم بيكون اختصار كبير فى الوقت اعتقد ممكن ثلاث شهور

[Y a r i s]

طيب لو الورثة قالوا. ماحصلش وده مش توقيع ابونااااا والشقه دي بتاعتنا ومعانا. العقد الاخضر بتعها وصحة بيع ونفاذ يبقى ايه الموقف القانون ساعتها ؟

[Abo Yasso]

طيب لو الورثة قالوا. ماحصلش وده مش توقيع ابونااااا والشقه دي بتاعتنا ومعانا. العقد الاخضر بتعها وصحة بيع ونفاذ يبقى ايه الموقف القانون ساعتها ؟

يعتد بهذا العقد ويعتبر نافذا الاثر فى مواجهة ورثة (البائع) من بعد وفاته وعلى الورثة اذا لم يطمنئواالى هذا العقدلهم ان يطعنوا بالجهالة والانكار ثم الطعن بالتزوير

[AHMED12345678]

دعوى صحة التوقيع من الاساس لا قيمة قانونيه لها فى مواجهه العقد المسجل

[medo_31]

ترفع دعوى صحة التوقيع على ورثة البائع للحكم بصحة توقيع مورثهم على العقد الابتدائي ولهم الحق بالطعن بالجهالة والانكار أو الطعن بالتزوير لكن في كل الأحوال سيحكم لك بصحة التوقيع , وهذه الدعوى لها قيمة قانونية خاصة فقط بتوقيع البائع لكن الأفضل طبعاً هو دعوى صحة ونفاذ العقد ثم التسجيل النهائي ,لكن الغالبية تكتفي بصحة التوقيع

[elrasy]

ترفع دعوى صحة التوقيع على ورثة البائع للحكم بصحة توقيع مورثهم على العقد الابتدائي ولهم الحق بالطعن بالجهالة والانكار أو الطعن بالتزوير لكن في كل الأحوال سيحكم لك بصحة التوقيع , وهذه الدعوى لها قيمة قانونية خاصة فقط بتوقيع البائع لكن الأفضل طبعاً هو دعوى صحة ونفاذ العقد ثم التسجيل النهائي ,لكن الغالبية تكتفي بصحة التوقيع

هل صحة التوقيع بيكفي ؟

هل الصحة و النفاذ بيكون الحل لو اﻻرض مش مسجلة ؟

[Mohamed A S]

طب وإذا كان العقد مكتوب لأحد الورثة ولم يتم عمل إعلان وراثة من اساسه فما الحل؟؟ هل يتم رفع قضية صحة التوقيع والا لا يجوز؟

[medo_31]

هل صحة التوقيع بيكفي ؟

هل الصحة و النفاذ بيكون الحل لو اﻻرض مش مسجلة ؟

شوف الصحة ونفاذ أضمن طبعاً لكن الكل ماشي بصحة توقيع تقدر بيها تدخل عداد مياة وكهرباء وسريعة في اجراءتها وأوفر في الفلوس .

[medo_31]

طب وإذا كان العقد مكتوب لأحد الورثة ولم يتم عمل إعلان وراثة من اساسه فما الحل؟؟ هل يتم رفع قضية صحة التوقيع والا لا يجوز؟

مش فاهم مسألة إن العقد مكتوب لأحد الورثة ؟ تقصد إن المشتري واحد من الورثة ؟
ومسألة إعلام الوراثة فيه قاضي بيطلبه وقاضي لأ ,لكن الغالب إنه هيطلبه علشان يتأكد إنهم ورثته
وكمان علشانك إنت إن مفيش حد بعد كده يقدرينازعك في توقيع مورثه

[Mohamed A S]

مش فاهم مسألة إن العقد مكتوب لأحد الورثة ؟ تقصد إن المشتري واحد من الورثة ؟
ومسألة إعلام الوراثة فيه قاضي بيطلبه وقاضي لأ ,لكن الغالب إنه هيطلبه علشان يتأكد إنهم ورثته
وكمان علشانك إنت إن مفيش حد بعد كده يقدرينازعك في توقيع مورثه

ايوه تمام العقد مكتوب لأحد الورثة بشقة في المنزل الموروث لجميع الورثة وهم 6 أشخاص.
يعني يفضل عمل إعلام أو إعلان (مش عارف انهي اصح) الوراثة قبل البدء في موضوع صحة التوقيع.