سؤال فى مصنعيات السيراميك

[new_man]

من فضلكم يارجاله عايز اسأل على حاجه
انا بشطب غرفتين عندى سيراميك والبلكونه وسور البلكونه والحمام من التلت التحتانى وارضيته وفيه وزر قاسم اللى فوق عن اللى تحت
فأتفقت على السيراميك مصنعية المتر 12.5 جنيه كله بالوزرات فالحمام والبلكونه
بس فيه وزرات فى البلكونه بس ميكملوش متر سيراميك يعنى لانها صغيره
هل السعر ده كويس؟؟ علما ان شقتى فالزيتون فالقاهره
وعلما ان الراجل شبه بيخلص شغل بس هو فالحروف عند الحوائط تقطيعه مش كويس بس هو بيقولى عشان انا ركبت على وزرات السيراميك القديم فعشان كده ظاهره كل العيوب بتاعت الاطراف دى
وحاسس كمان ان فيه عالى وواطى على خفيف اوى اوى وبعدد قليل وفالحمام فيه عالى وواطى فالحيطه على خفيف اوى وغير ملحوظ
يعنى نقدر نقول مستواه كصنايعى 80% كويس
والسيراميك اتركب فغرفه سمبوكسات وغرفه صفوف منتظمه

وكمان انا اتبقى منى كرتونتين سيراميك يعنى 3.2 متر وهرجعهم..فهل يتخصموا من الحساب؟؟ عشان انا كنت متفق معاه على اجمالى الامتار انما بعد الشغل لقينا دول زياده

محتاج اعرف رايكم فسعر المصنعيه وموضوع خصم تمن الكرنتونتين من المصنعيه وهل وزرات الحمام والبلكونه بيكون ليها سعر منفصل عن سعر الامتار؟؟وبكام؟؟

[amrezzat82]

اعتقد فى الايام ديه متلاقيش بالسعر ده - انا من كذا سنة كنت عامل اغلى
الوزرات بتتحسب متر طولي لوحدها بس بتبقى اقل كتير تقريبا ب 3
السعر بيكون على الاجمالي كله اللى عمله مش على كراتين السيراميك حتلاقي الفرق بتاع 50 جنيه ابقى دخلهم فتمن الوزرات
و الهبوط و الصعود مش عارف افيد إلا لما ترفع صور حاعرف احكم
و

[new_man]

شكرا لرد حضرتك - بس انا مش عارف هحاسبه على عدد امتار هو مشتغلهاش؟؟

[ramymechanics]

يا لهوى عاوز تخصم منه 3 متر سيراميك فضلوا ؟؟؟؟؟؟؟ يانهار ابيض

[new_man]

بصراحة هو طلع عين اللى جابنى..كان بييجى يوم ويغيب يومين وخد فشغل يومين على الاكتر اكتر من اسبوعين
ورحت قبل كده واستنيته يومين ومجاش
فعشان كده هحاسبه على كل مليم عشان اللى عمله ده