وبدأت ساعة العمل فى السابعة صباحا : : صباح الفل

[زينة الله]

لو كانت مواعيد شغلك اتعدلت أحكى لنا انطباعاتك عن أول أسبوع نروح فيه الشغل الساعة سابعة الصبح ...

عندنا الناس كلها جاية بتضحك ياترى فرحانين بالنظام الجديد أم انهم مصدومون من هول المفاجئة

فيه ناس جاية لسه نايمة و ناس صاحية من امبارح

اللذيذ ان النظام مطبق على الكل لحد دلوقتى ولغى فروق التوقيت للناس المحظوظة اللى كانت مواعيدها مفتوحة

[amr011111]

ده فى شغل الحكومه

[Zing0]

عندنا أصلاً الحضور من 7.30 إلى 2.30 مفرقتش معانا
بس فيه ناس زعلت أوى فى أماكن و وظائف أخرى
كانوا بيروحو الساعه 9 و يمشو 1:00 طبعاً الفرق واضح

بس الأهم مش الحضور, الأهم هل فيه إنجاز للعمل و لا الموضوع موضوع تعذيب الناس و خلاص
فيه ناس - خاصة فى القطاع الحكومى - مبتشتغلش, و الله الكراسى اشتكت من قعدتهم, و المكاتب تتفرش فطار و بعدها شاى و بعدها الجرايد و يتناقشو شوية فى الأخبار و يحلو السودوكو و بعدين ينزلو يصلو الظهر ( و باقى صلوات اليوم كله مرة واحده) و اليوم خلص, كان مرهق جداً, معلش الله يكون فى عوننا

ده غير الأفاضل إللى بيهربو من أول النهار و يقولك (متابعه و تفتيش و إنتقالات خارجية) و التليفونات تشتغل : وقّعوا للبيه فى الدفاتر كأنه حضر و عمل متابعه عليكم, و الجميل أن نفس البيه ده ممكن ينزل من بيتهم بعد الظهر يروح الشغل علشان يآخد الأفر تايم Over time

الموضوع كبييييييييييير
أكبر من الساعه و تغيير التوقيت

[No Comment]

السلام عليكم ورحمة الله وبركاته ... على الرغم من قلة مشاركاتى لكن لما شفت الأسم افتكرت ايام زمن جميل وقولت أرحب بعودتك :)

بالنسبة لتغيير المواعيد لا توجد مشاكل بالنسبالى لو تم تطبيقه للبعد عن زحام الصباح وبالتبعية زحام المساء

[ahmedwagdy03]

أكيد الناس فرحانة جدا فى الحكومة اللى بيطبقوا المواعيد دى لإنهم بكدة حيروحوا بدرى ساعة و يلحق ينام ساعتين أو تلاتة و يبدأ يومه من جديد .أو لو وراه سبوبة أو مصلحة يلحق يقضيها بدرى ساعة .

و فى كل الأحوال مش حتفرق معاهم لإنهم بيروحوا يقضوا وقت ظريف مع بعضيهم و يروحوا أو بيروحوا ينفخوا خلق الله اللى وراهم مصالح .

التنبلة حلوة مافيش كلام

[omar101970]

المفروض دا يحصل من زمان.
وقت العمل فى اى مكان بيكون 8 ساعات فى اليوم وساعه بريك
يعنى الشغل يبدأ الساعه سبعه الصبح وويخلص اربعه وفيه اماكن تانيه من تمانيه الصبح لحد الساعه خمسه.
الدنيا كلها كدا 8 ساعات شغل وساعه بريك وشغل 5 أيام فى الاسبوع. تقريبا فرنسا بس عندهم الشغل سبع ساعات فى اليوم وساعه بريك و 5 أيام شغل.
المهم اننا نكون بنشتغل بجد فى وقت العمل مش فطار وشاى و...........................

[M R. Z E C O]

دحنا هنتنغخ شغل

[زينة الله]

عندنا أصلاً الحضور من 7.30 إلى 2.30 مفرقتش معانا
بس فيه ناس زعلت أوى فى أماكن و وظائف أخرى
كانوا بيروحو الساعه 9 و يمشو 1:00 طبعاً الفرق واضح

بس الأهم مش الحضور, الأهم هل فيه إنجاز للعمل و لا الموضوع موضوع تعذيب الناس و خلاص
فيه ناس - خاصة فى القطاع الحكومى - مبتشتغلش, و الله الكراسى اشتكت من قعدتهم, و المكاتب تتفرش فطار و بعدها شاى و بعدها الجرايد و يتناقشو شوية فى الأخبار و يحلو السودوكو و بعدين ينزلو يصلو الظهر ( و باقى صلوات اليوم كله مرة واحده) و اليوم خلص, كان مرهق جداً, معلش الله يكون فى عوننا

ده غير الأفاضل إللى بيهربو من أول النهار و يقولك (متابعه و تفتيش و إنتقالات خارجية) و التليفونات تشتغل : وقّعوا للبيه فى الدفاتر كأنه حضر و عمل متابعه عليكم, و الجميل أن نفس البيه ده ممكن ينزل من بيتهم بعد الظهر يروح الشغل علشان يآخد الأفر تايم over time

الموضوع كبييييييييييير
أكبر من الساعه و تغيير التوقيت

أصبت كبد الحقيقة يا أخونا الكريم

اضافة لملاحظاتك فى اى محل عمل حكومى غالبا هتلاقى واحد أو اتنين شايلين الشغل

والباقى ضيوف شرف وكل واحد منهم معتمد على واسطة أو ممشى اموره

واللافت للنظر إن مرتبات ضيوف الشرف دول تضخمت بعد التحسيينات الاخيرة وخاصة انهم قدام

بحيث أن متوسط دخل الواحد فيهم يكفى أجر لـ 3 أو 4 موظفين جداد أصغر سنا و أكثر نشاطا

فيه ناس 55 سنة فاكبر مثلا ومرتباتهم مقربة من 10000 جنية أو أكتر ولا تأخذ منهم عمل بقيمة 100 جنية

لو الناس دى طلعت معاش وخدت 2000 جنية فى الشهر مثلا ويشغلوا اولادهم و غيرهم من الشباب العاطلين هنحل ازمة البطالة

لكن اللى حصل ان التعينات الجديدة وقفت عشان مش قادرين ندفع المرتبات الحالية اللى بتدفع من دون انجاز حقيقى

[زينة الله]

السلام عليكم ورحمة الله وبركاته ... على الرغم من قلة مشاركاتى لكن لما شفت الأسم افتكرت ايام زمن جميل وقولت أرحب بعودتك :)

بالنسبة لتغيير المواعيد لا توجد مشاكل بالنسبالى لو تم تطبيقه للبعد عن زحام الصباح وبالتبعية زحام المساء

شكرا يا أستاذ أحمد ربنا يحفظك .. إن شاء الله البلد حالها يتعدل و يكون الزمن القادم أجمل

مع حضرتك ان زحام الصباح هيقل مع المواعيد الجديدة وأكيد فى المساء ايضا ونوفر فى الكهرباء وأعتقد انه من أهم الاسباب

أكيد الناس فرحانة جدا فى الحكومة اللى بيطبقوا المواعيد دى لإنهم بكدة حيروحوا بدرى ساعة و يلحق ينام ساعتين أو تلاتة و يبدأ يومه من جديد .أو لو وراه سبوبة أو مصلحة يلحق يقضيها بدرى ساعة .

و فى كل الأحوال مش حتفرق معاهم لإنهم بيروحوا يقضوا وقت ظريف مع بعضيهم و يروحوا أو بيروحوا ينفخوا خلق الله اللى وراهم مصالح .

التنبلة حلوة مافيش كلام

بعيدا عن السلبيات والفساد الادارى للاسف ...

لكن الشغل البدرى فيه انجاز وبركة و ممكن فعلا يوفر الوقت لعمل اضافى باقى اليوم زى ما حضرتك بتقول

المفروض دا يحصل من زمان.
وقت العمل فى اى مكان بيكون 8 ساعات فى اليوم وساعه بريك
يعنى الشغل يبدأ الساعه سبعه الصبح وويخلص اربعه وفيه اماكن تانيه من تمانيه الصبح لحد الساعه خمسه.
الدنيا كلها كدا 8 ساعات شغل وساعه بريك وشغل 5 أيام فى الاسبوع. تقريبا فرنسا بس عندهم الشغل سبع ساعات فى اليوم وساعه بريك و 5 أيام شغل.
المهم اننا نكون بنشتغل بجد فى وقت العمل مش فطار وشاى و...........................

انا مع حضرتك ومبسوطة جدا بالقرار دا

لكن الموضوع اكيد هيحتاج تنسيق وخاصة مع مواعيد المدارس والحضانات

[Abo Yasso]

يا رب يا مسهل
طب من 7 لغايه كام عندكو وانتو وزاره ايه ؟

[minicooper20]

اولا جمن وجه نظرى ان القصه مش ٧ صبح و لا ١٠ صبح
القصه قصه فساد و منظومه اصلن كلها شغاله غلط ده لو كانت شغاله
مثال فى اى شركه قطاع خاص لو انا كلمت السكرتيره تخلصلى شيت خاص بالشغل ساعتين و يكون قدامى
لاكن قطاع علم ممكن يجلس ٤ ايام
لان كولو ضامن مرتبو و تولع اى حاجه مفيش طموح مفيش ترقيات مفيش دم جديد
فى بيرقراطيه متعفنه
فى ناس زيها زى المكتب الهى عليه
شيل كل القيدات معاض مبكر و هات ناس جديده تدورها زى مبيقولو صح
مش شغل الطابونه ده
تحياتى

[M R. Z E C O]

هترسى فالاخر عملو زي معملوش

[ahmedwagdy03]

أصبت كبد الحقيقة يا أخونا الكريم

اضافة لملاحظاتك فى اى محل عمل حكومى غالبا هتلاقى واحد أو اتنين شايلين الشغل

والباقى ضيوف شرف وكل واحد منهم معتمد على واسطة أو ممشى اموره

واللافت للنظر إن مرتبات ضيوف الشرف دول تضخمت بعد التحسيينات الاخيرة وخاصة انهم قدام

بحيث أن متوسط دخل الواحد فيهم يكفى أجر لـ 3 أو 4 موظفين جداد أصغر سنا و أكثر نشاطا

فيه ناس 55 سنة فاكبر مثلا ومرتباتهم مقربة من 10000 جنية أو أكتر ولا تأخذ منهم عمل بقيمة 100 جنية

لو الناس دى طلعت معاش وخدت 2000 جنية فى الشهر مثلا ويشغلوا اولادهم و غيرهم من الشباب العاطلين هنحل ازمة البطالة

لكن اللى حصل ان التعينات الجديدة وقفت عشان مش قادرين ندفع المرتبات الحالية اللى بتدفع من دون انجاز حقيقى

إنتى بتتكلمى صح

من المعروف إن الجهاز الإدارى الحكومى ( اللى بيشتغل من 7 الصبح دلوقتى ) فى أغلبه جهاز خدمى غير إنتاجى (عدا المعلمين فقط فى قطاع التعليم ) أى لا يضيف كثير للناتج القومى (و محدش يقولى الجمارك حكومة و بتضيف للناتج القومى لإنها جهة تحصيل مش أكثر ) .من الآخر الناس دى بتاخد مرتباتها و حوافزها و زيادتها من ميزانية الدولة التى يتحملها الشعب . يعنى أبو 10000 جنية اللى عنده 55 سنة و عامل فيها بيه و باشا و ما بيشتغلش بأكتر من 100 جنية عبارة عن تنبل عالة على الشعب .

[Adnfalcon]

دا قرار تحفه من وجهه نظري
الناس تنزل شغلها بدري وترجع بدري

[د.محمود صلاح]

في عمان عندي العمل من 7 ل 2 الظهر