عايز نصيحه لمجالات العمل

[3mr Farrag]

انا خريج حقوق و عندي حوالي 27 سنه و اشتغلت حاجات كتير من تدريب و شغل
بس مافيش منهم اي حاجه ليها علاقه بحقوق و رافض تماما اشتغل في مجال الحقوق
مش هاويني خالص و لا حبه
اخر شغل ليا و لسه سايبه بسبب مشاكل في الشغل
كنت ماسك حسابات عامه و احيانا مشتريات و ماسك جرد المخزن و دفاتر العمال من حضور و انصراف و الخصم بالرواتب الشهريه و كل التسليمات يعتبر انا اللي ماسكها
الشغل كان عاجبني و مستريح نوع ما فيه بعيدا عن المشاكل اللي حصلت و سيبت الشغل

المهم انا ذهقت من كتر الحاجات اللي مالهاش اي علاقه ببعض و عايز ارسي في حاجه معينه و مش عارف ارسي علي ايه و طبعا بتعب لحد مالاقي شغل اصلا لأن يعتبر كل اللي موجود في السوق خدمه عملا و كول سنتر و يعتبروا كلهم سيلز و السيلز الطبيعي بقي اللي مرطط علي الرصفه و انا مش طايق اي حاجه منهم

اعمل ايه او ممكن ابدء دراسه او ماجستير في حاجه بعيده عن المحاماه غير اني بقالي كتير جدا عايز اسافر بس سوق العمل بره مابقاش ذي الاول و المرتبات في الضياع غير اني ماعنديش خبره طويله في مجال معين
و ايه اللي ممكن ادرسه بره من الاول ماجستير او حتا دراسه كليه بمصاريف اقل يمكن الاقي حاجه اقدر اكمل بيها بدل الحوسه ديه

[Ahmed_selmy]

لازم تحدد انت عايز ايه او انت حابب ايه.....علشان تقوى نفسك فيه بدراسه او كورسات ......ولازم تحاول تكون متميز علشان تخلق لنفسك فرص عمل .
وربنا يوفقك

[#MAAM#]

ليك في it كمبيوتر وشبكات وكده أو عندك استعداد تدخل فيه ؟

[amr011111]

ممكن تدرس دورة شبكات وتشتغل اى تى فعلا
خلاف ذلك يبقى الافضل ليك العمل الحر

[3mr Farrag]

لازم تحدد انت عايز ايه او انت حابب ايه.....علشان تقوى نفسك فيه بدراسه او كورسات ......ولازم تحاول تكون متميز علشان تخلق لنفسك فرص عمل .
وربنا يوفقك

فكره تحديد حاجه معينه حاليا صعب مش شايف حاجه معينه اوي ممكن اكمل فيها
اكيد نفسي اكون متميز في حاجه معينه بس مش عارف ايه هي اصلا

[3mr Farrag]

انا اشتغلت فتره من زمان it و حاولت احب المجال ده و اكبر فيه بس برضوا ما عجبنيش
و يمكن برضوا من الاسباب اللي خلتني ماكملش فيه لأني ماكنتش باخد مرتب بمعني مرتب مع اني كنت شايل شغل في الشركه فحسيت ان الموضوع تعبان من الاخر و سبت المجال ده و مارجعتش ليه تاني

[#MAAM#]

انا اشتغلت فتره من زمان it و حاولت احب المجال ده و اكبر فيه بس برضوا ما عجبنيش
و يمكن برضوا من الاسباب اللي خلتني ماكملش فيه لأني ماكنتش باخد مرتب بمعني مرتب مع اني كنت شايل شغل في الشركه فحسيت ان الموضوع تعبان من الاخر و سبت المجال ده و مارجعتش ليه تاني

it أنك تنزل ويندوز حاجة وإنك تشتغل على سيرفرات وشبكات حاجة تانية إشتغلت اية بالظبط وهل أخدت شهادات

[3mr Farrag]

ممكن تدرس دورة شبكات وتشتغل اى تى فعلا
خلاف ذلك يبقى الافضل ليك العمل الحر

انا نفسي من زمان اشتغل اي عمل حر بس التنفيذ صعب من كذا ناحيه
اولا مش شايف حاجه اثق فيها اني ابدئها
ثانيا مافيش سيوله كويسه اني اشتغل شغل خاص حتا لو اتصرفت في فلوس خايف
اني اخسر و البلد بصراحه غير مشجعه و ناس كتير حالها واقف و بتخسر و هضطر ابدء من الاول تاني مع خساره الفلوس اللي هكون ممكن مستلفها و هتبقي دين عليا

[minicooper20]

فى حالتك دى نصحتى ليك تشتغل فى السلز
السلز المجال الوحيد الى لا بيقف و لا بيتاءثر بالبلد ابدا مندوب فى شركه و لو نجحت فى ظرف سنتين ٣ هتبقا سوبر فايزر و ممكن مزير مبيعات كمان
بس هتتمرمط فى الاول بس لو عايز تنج كام سنه و هتبقا باشا
تحياتى

[3mr Farrag]

السيلز ديه الحاجه اللي بجد بكرها جدا و ماليش فيها اساسا
ديه ليها ناسها علشان يوصل لحاجه كويسه غير كده مش هوصل لحاجه برضوا
السيلز من الاشغال اللي فيها نوع من الفهلوه و انا ماليش في الكلام ده خاااااااالص
و بتخنق اصلا من اني اقعد ارغي و احور في اني ابيع حاجه ممله

اريد حلا

[minicooper20]

انتا اشتغلت سلز قبل كده

[3mr Farrag]

الحاجه الوحيده اللي ممكن اشتغل سيلز فيها هي العربيات
علشان بحب المجال ده و بفهم فيه نوعا ما و بفهم في المستعمل برضوا
و حاولت كتير جدا بقالي سنين اني الاقي شغل في المجال ده ابدء فيه حتا لو مش مرتب كبير
بس مالقتش خالص لحد ماذهقت

[3mr Farrag]

ماشتغلتش سيلز قبل كده
و انا عارف نفسي اني هتخنق منه من اول يوم و هسيب الشغل
مش بحب الهري و لا بحب الناس الفقيعه اللي جايه تقفع مرارتي
سمعت من ناس صحابي حكاوي لو في مكانه هشتم العميل بالشركه باللي فيها
انا مش ناقص فقع مراراه الصراحه كفايه البلد الفقيعه و الناس الفقيعه اللي بنشوفها كل يوم

[minicooper20]

بص يا عمر خد كلام ده من اخوك صغير
لو فضلت ماشى بالمبدا ده و لا هتشتغل و لا هتعمل اى حاجه
باشا انا بكلمك على سلز فى شركات كبيره مش بقولك روح بيع امشاط و فليات فى المترو
فى شركات المنتجات بتعتها بايعه نفسها اصلن انتا مجرد وسيط
اكتر شغل يديك خبره فى اى حاجه فى الحياه هو السلز لان انتا بتتعامل مع كل اشكال البشر و بتتعامل مع فءه التجار و دى فءه من الاخر مدارس
من اول صاحب البقاله التحت البيت عندك لحد مدير كارفور
ممكن تشتغل سلز فى الادويه
سلز العربيات زه مفهوش اى مستقبل و لا فيه اى حاجه انتا مبتختلفش حاجه عن البيبيع كروت شحن فى الكشك
الحق نفسك يا حج العمر بيجرى و الشركات بقت تبص على الفوق ال ٣٠ انو بقا منتهى الصلاحيه
السى فى بتاعك هتلقيه سمك لبم تمر هندى
يعنى مش قوى كليتك مستقبله فى مصر غير مبشر
تحياتى

[3mr Farrag]

يا باشا من عارف ان كلامي غير مبشر
اومال انا داخل عامل موضوع ليه!!!!
علشان حاسس ان شويه و هجيب 30 سنه و هبقي ماوصلتش لحاجه برضوا
و في الحاله ديه هقعد جنب الحيط و خلاص كده
بس لازم يكون في الاعتبار مش كل حاجه الناس بتحبها و كل الناس تعرف تعملها
ذي مانت بتحب مثلا السيلز و كويس فيه
انا مش بحبه و مش هفلح فيه
الا كان بقي كل الناس شغاله نفس الشغل و بتشتري نفس الحاجه

و كلامك عن السيلز في شركات كبيره ولا كأنه مغاره علي بابا هتتفتحلي :d
مانا اعرف ناس شغاله سيلز و خدمه عملا و كول سنتر و كل الهري ده
ولا عملوا حاجه و لا هيعملوا من اللي شايفه و ناس كمان اكبر مني في السن

السيلز ده انا شايفه حاجه فشله بالنسبه لدوله متخلفه ذي بلدنا
كله بيع بيع مافيش اي انتاج و مش شايف يعني انهم اخدوا خبره وهميه مثلا علشان نقول ده السيلز حلو ..من الاخر بياع ولا تفرق بقي معاك شهاده كليه ولا ابتدئيه
اي حد بيحب الهري و فقع المراراه يعرف يشتغلها
وانا ولا بحب الهري ولا ناقص فقع مراره كفايه اللي عندي