عن الأبواب المصفحة

[ahmedalaa]

السلام عليكم أهل نايل موتورز الكرام
انا بوضب شقتي دلوقتي ومحتاج آرائكم وتجاربكم عن الايواب المصفحة أفضل الأنواع و أماكن الشراء والأسعار ياريت
وكل عام وأنتم بخير

[mo3tazanas]

متابع

[midoabdeen]

انزل الحلميه هتلاقي كتييييير اوووى هناك
انما الانواع مش عارف بس معتقدش هتلاقي انواع مشهوره انت شوف الحاجه قدامك وقرر انهي احسن
وربنا يعينك

[محمد المصرى]

مفيش انواع هو يا اما صينى يا تركى

طبعا التركى افضل لانه يوجد على الباب طبقة من الخشب

الصينى كله حديد

التركى شكله قيم وتحسه به الفخامة

وزن الباب من 90 كليو الى 120 كيلو جرام

اسعار العام الماضى وقت ما اشتريته
الصينى يبدأ من 1800 ج
والتركى يبدأ من 3800 ج

طبعا الباب امان جدا جدا

وبالتوفيق ان شاء الله

[new_man]

عندك محل دارى فى الهرم عنده اشكال كتير والصينى بيبدا من 1800 كامل بالحلق بتاعه والتركيب لوحده تمنه 200 جتيه

[FAR!D]

انا شوفت شويه اشكال ابواب مصفحه اكيد صيني لانها تعبانه مله
ده الخشب اامن منه يا جدعان
خليك في التركي و وقت ماكنت بشتري التركي كان بيبدأ من 3000

[salodas]

انا شارى التركى من سنتين ... ممتاز ومفيش منه أى مشاكل .
وكمان شكله جميل لأن عليه طبقة خشب ديكور .
سمك الباب حوالى 10 سم والوزن حوالى 90 ك .
عدد 2 كالون منفصل (اساسى + اضافى علوى) .
نسخ المفاتيح لكل كالون = 5
بالأضافة الى 2 نسخة مفتاح مبدأية لكل كالون ... النسخة المبدأيه دى بتستخدمها فى بداية التشطيب .. بمعنى انك تعطى مهندس الديكور (أو عمال التشطيب ) نسخة وتخلى معاك نسخة وبعد متخلص تشطيب خاااااااالص وتنقل وتسكن فى الشقة تفعل النسخة الدائمة من المفاتيح (5 مفاتيح) ... ببساطة جدا أول ما هتدخل المفتاح الدائم هيلغى المفتاح المبدئى اوتوماتيك .. ... وتتأكد بنفسك هتجرب المفتاح المبدئى مش هيشتغل