مصر مش أمى ... مصر مراة ابويا !

[KoDaK_Gti]

البلد هى ناس البلد وسكانها مش حيطانها وشوارعها , ولما الناس دى تبقى قاسية على بعض وتقطع العقد الاجتماعى اللى بينهم وكل المواطن على المواطن بقى حلال دمه وماله وعرضه يبقى الغلط فى الناس , الصبح ابتدينا بخبر نجاة العضو موتورايزر من حادثة هزلية بفضل ربنا ومن كام يوم بنتكلم فى التحرش والنفسنة والأذى لعربيات الناس والسرقة اللى وصلت لحد خطف الناس من بيوتهم وعربياتهم زى ماجاء على لسان بعض الاعضاء , والناس اللى عوزة تهاجر واللى مش عاوز يرجع , وشباب زى الفل فى المنتدى عجز بدرى .
كل ده بيخلينى اسأل نفسى هو انتى ليه يامصر مبتسمعنيش انا واللى زيى , ليه كلمة البلطجى والنفاية والحرامى من ولادك هى اللى مسموعة ؟
يبقى انتى اكيد امهم بس وهم لايقين عليكى كويس , واخيرا اكتشفت الحقيقة انك مش امى ... انتى مراة ابويا !

مش مهم حد يشارك او يعلق
ده موضوع بينى وبينها

والسبب فى ده كله ايه ؟؟؟
ايه السبب ان البلطجى وتاجر المخدرات والمرتشى و....و....الخ ليهم سلطة فى البلد
وبيعملو الغلط عينى عينك
مين السبب فى موضوع التحرش اللى بتتكلمو عليه
مين السبب انك تبقة قاعد فى بلدك وييجى عليك السائح مهما كان جنسيته ويعاملك اوسخ معاملة ....
مين السبب انك لما تسافر اى دولة تتعامل بأوسخ معاملة بردوووو
مين ومين ومين بس هنقول ايه ونعمل ايه ؟؟
لــنا اللــــه

[osamaos20022]

موضوع مميز
بس يجب الاشاره انا هذا عنوان كتاب ربما كان الاشهر قي معرض الكتاب الماضي
شكرا

[fiatto]

سواء مصر أمي او مرات أبويا فا الله يرحمها و يحسن إليها في جميع الأحوال (أنظر التوقيع) ، و يقدرنا ننفد بجلدنا من الناس اللي بتتخانق عالورث سواء حكومة أو شعب ، بصراحة انا مقتنع إن البلد دي ماتت خلاص و لن تقوم لها قومة و محدش يقولي كلام وردي و إبدأ بنفسك و مش عارف إيه .. اللي مخلي الواحد مش عارف يعيش في البلد دي أصلا إنه بدأ بنفسه و ماشي صح و كأن دي غلطته .
الحياة اليومية و النزول من البيت في مصر بالنسبة لي بقي نوع من الإنتحار الإضطراري .

10/10 ياموتورايزر
وعلى فكرة موضوعك بتاع الصبح والحادثة بتاعتك هو اللى خلانى جبت آخرى وعملت الموضوع ده , لانى حسيت انى مكانك وممكن اموت فى لحظة بسبب حيوان مهمل غير مكترث وانك هتبقى مجرد رقم فى سجل ناس كتير ميتة ولا حد هيحس بيك
وليه ده كله يابلد

[ramyfawzy]

وماتقولش مصر هيه امي
امك راقدة جوه

ماتقولش هتاخد ايه من مصر
قوول هاتدي ايه لمصر

شكلك مخنوق بزيادة يا صاحبي - بس عندك حق

البلد فعلا باظت من زمان - الواحد خلاص فقد الامل فيها وفي اصلاحها

المشكلة ان الواحد لما كان عايش بره كان بيقول امتى ارجع بلدي حبيبتي - اللى كنت في يوم من الايام بودعها بالدموع في المطار واصبر نفسي واقول كلها كام شهر وارجعلك تاني يا حبيبتي

البلد اللى يوم ما اتعرض عليا اني اسافر واشتغل بره بفلوس كتيرة - قلت ليه اتغرب وبيتي موجود
البلد دي اولى بالمجهود والكفاح

وعلى رأي الاعلان بس متعدل:
البلد اللى حيلتي باظت باظت باظت

وكفاية كده

[fiatto]

وماتقولش مصر هيه امي
امك راقدة جوه
وعلى رأي الاعلان بس متعدل:
البلد اللى حيلتي باظت باظت باظت
وكفاية كده

مش حضرتك برضو يا استاذ رامى اللى غيرت سيراميك الحمام بتاعك لشبهة اضرارك بجارك وطلع الموضوع مش من عندك ؟
انا كنت باتحايل على جارى اللى فوق منى انى اعملهولو على حسابى علشان الاذى بتاعه يخف عنى شوية وهو مش راضى عشان مش فاضى !!
حضرتك من ولاد الناس اللى اتكلمت عنهم وهم دول اللى بيدفعوا تمن تربيتهم الصح فى بلد غلط .
شكرا لمشاركتك

[fiatto]

والسبب فى ده كله ايه ؟؟؟
ايه السبب ان البلطجى وتاجر المخدرات والمرتشى و....و....الخ ليهم سلطة فى البلد
وبيعملو الغلط عينى عينك
مين السبب فى موضوع التحرش اللى بتتكلمو عليه
مين السبب انك تبقة قاعد فى بلدك وييجى عليك السائح مهما كان جنسيته ويعاملك اوسخ معاملة ....
مين السبب انك لما تسافر اى دولة تتعامل بأوسخ معاملة بردوووو
مين ومين ومين بس هنقول ايه ونعمل ايه ؟؟
لــنا اللــــه

مش هقول لحضرتك لأ بس تفتكر ان ده عذر للناس انها تاكل بعض ؟
ارجع للى قاله عبد الرحمن الشرقاوى فى رواية الارض , لاننا كنا رجالة وواقفين وقفة رجالة , والرجالة ميسرقوش بعض ولا يستحلوا اعراض بعض ولا ينصبوا على بعض , ولايستقووا بنفوذهم على بعض .
وعلى رأى الشاعر احمد فؤاد نجم :
وفيكى ناس مغرمين صبابة لو خان زمانهم مبيخونوش

دول بقى هم اللى بيدفعو الضريبة صح من اعصابهم ومالهم وصحتهم , دول اللى لو شافو الدنيا حواليهم خربانة بيصلحوا ولو شبر فيها , دول اللى لو جالهم الغلط لغاية عندهم بيقولولو ابعد عننا انت بتاع غيرنا , دول اللى طول ما هما ماشيين فى الشارع بيشيلوا وساخات غيرهم عشان هم نضاف , دول اللى بيقفوا طابور عشان مينفعش يدخل من الجنب وياخد دور الناس اللى قبل منه , دول اللى كل يوم بيعملوا غسيل مخ لاولادهم عشان ينسوا كل اللى شافوه وسمعوه فى المدرسة والشارع , دول اللى بيمشوا فى الحارة بتاعتهم وبيربطوا الحزام وبيدوا فلاشر قبل مايحودوا , دول اللى كرامتهم اغلى من اى وظيفة او انسان , دول اللى لسة بيقولو الصراحة ومديرينهم فى العمل مبيحبوهمش , دول اللى بيسلفوا الناس وهما محتاجين الفلوس عشان يفك كربة حد وفى الاخر مبياخدوش فلوسهم , دول ظل ربنا فى الارض عشان كلمته متروحش وسط الضلمة , موجودين عشان المبدأ ميتنسيش , عشان اللى زيهم مييأسش , عشان حد يعمل زيهم .
واذا كنا مش قادرين نكون زيهم نتأمل الاحوال ونوزن الأفعال جايز اذا صدقنا نمشى فى صفهم.

[Mystique]

للأسف النظام الفاسد اللي بيدير البلد هو سبب كل اللي احنا فيه.

لما الكبير يبقى بيسرق ويرتشي ويتاجر ف المخدرات والمصيبة انه لما بيسرق..بيسرق الغلابة اللي اصلا مش لاقيين ياكلوا..بيبيعلهم لحوم واطعمة فاسدة وهم مش حيلتهم اللي يتداووا بيه..بيبيعلهم المخدرات عشان عامل انه بيخفف عنهم مشاكل الدنيا والحقيقة انه بيجردهم من فلوسهم ومن شعورهم ويخليهم يرتكبوا كل المحرمات.
لما الكبير يكبر والفقير يفقر اكتر..بيتحول الفقير الى برضه سارق ونصاب عشان يقدر يعيش او يمكن عشان ياخد حقه اللي هو شايف ان الكبار بينهبوه.

والله انا كل يوم مش بفهم البلد دي رايحة فين..وكل ما ببقى نفسي اصلح..بلاقي الكل ضايع وأولي الأمر مضيعين البلد..نفسي بتتسد..بحس انه مفيش امل.

ربنا يشيل عنا الغمة ويلطف بينا.

[احمد عز]

مصر هى مصر والغلط على الناس الى فيها من منها

[Lord of the flies]

انا نفسى اقول كلام كتير بس من كترة مش عارف اعبر كل الى هقولة ان انا عينى دمعت لما شفت الكليبات دية

http://www.youtube.com/watch?v=ooZ1qqJOEpo

http://www.youtube.com/watch?v=-8Fjj9Gkhso&feature=related

و مش هقول غير حسبى الله و نعم الوكيل

[haneena]

مصر يعنى الناس اللى عاشت فى مصر وعايشة فى مصر وهتعيش فى مصر , ولما اتكلم على مصر يبقى بتكلم على شعب مصر مش عن انثى مجردة ترتدى علم فى مخيلة الشعراء . شعب مصر يا اساتذة مش غلبان وطيب وقلبه كبير والشركسى ابو بندقية مبهدله ومطلع عينه وهو غلبان هيعمل ايه ! شعب مصر هو الناس اللى بتشتكى منهم , هو الصيع والأفاقين والنصابين اللى بتقابلهم فى شغلك وجامعتك وعمارتك ومعرض العربيات اللى هتشترى منه العربية والجامع اللى بتصلى فيه وبنك الدم اللى بتتبرع فيه بدمك والمصلحة الحكومية والسيرك اللى اسمه الشارع , شعب مصر هو اللى بيتفرج على البنات وهى بتتبهدل وتتعاكس وعلى ست كبيرة بتضرب وراجل شيبة شعره مشفعتلوش ان عيل يهزأه فى مترو , شعب مصر هو اللى كان فى فيصل بيتفرج على الهانم اللى سبت الذات الآلهية فى الخناقة الشهيرة , شعب مصر هو اللى بوظلك عربيتك بالفن المسمارى وكسرلك مساحة الليون وطلع البيت عشان يخطف واحدة , شعب مصر هو جارك الذى لاتأمن بوائقه وصديقك الذى لاتأمن غدره والجالس فى الطريق الذى لاتأمن شره , هو زميلك فى الغربة اللى بيضرب فيك الاسفين التمام وينزلك فى نص السنة عشان يقعد مكانك , شعب مصر هو الصنايعى اللى بياخد اكتر من حقه وميدكش شغل بنص الفلوس ويحلف بأغلظ الأيمان انه لمن الصادقين , شعب مصر هم السنجل ماذرز الكتييير واللى بايعين نفسهم بالرخيص . هو اللى انكر ان فيه يوم آخر بافعاله وضيع اخرته عشان ورث اخواته يبرطع فيه , هو اللى بيشتهى امرأة اخوه وجاره وصديقه , هو القروى اللئيم اللى يبيعك ويشتريك وانت واقف زى الباشا وياكل من وراك احلى عيش , هو المتوسطين اللى بيتكبروا على بعض فى كل مناسبة وغير مناسبة عشان يعوضوا مخزون الوضاعة والدونية المتأصل فى الذات المصرية , هو كل واحد لسة قافل قناة فضائية خارجة ورايح يتوضا عشان يؤدى فرض ربنا , هو اللى بيشهد عليك انك ضربت الراجل اللى لقيته مرمى عالطريق من غير مايكون شاف حاجة , هو اللى بياخد اللطمة ويناولها للى بعد منه عشان اللى بعد منه يناولها للى بعده المهم ميباتش بيها وهى واجعاه , هو اللى مصدعنا انا باجرى عالعيال بربيهم وهو نايم وسايب العيال تتربى فى الشارع .
مفيش حد غلبان الا ولاد الناس اللى اهاليهم ربوهم صح فى زمن غلط ودول اللى شعب مصر مسميهم كروديات وعبط وزباين سقع !

كل شعب يستحق تماما الحكومة التى تليق به (وينستون تشرشل)

انا متفقة معاك فى كل كلمة قلتها بس ليا تعليق سكوت الناس اللى بتقول عليهم متربيين صح ومش عارفين يعيشوا هو السبب الرئيسى كل واحد بيقول انا مالى انا عندى عيال عايز اربيهم هو اللى جايب البلد دى ورا البلد فيها شرفاء اكتر من الحرمية اللى بتقول عليهم دول بكتير ولو قاموا عليهم هايكلوهم احياء بس للاسف الخوف ملجمهم وكل واحد بيقول يلا نفسى
ولسه ياما هنشوف البلد دى رايحة من سئ لأسوأ طول ما الناس بعيدة عن ربنا

[ahmed_su]

مصر يعنى الناس اللى عاشت فى مصر وعايشة فى مصر وهتعيش فى مصر , ولما اتكلم على مصر يبقى بتكلم على شعب مصر مش عن انثى مجردة ترتدى علم فى مخيلة الشعراء . شعب مصر يا اساتذة مش غلبان وطيب وقلبه كبير والشركسى ابو بندقية مبهدله ومطلع عينه وهو غلبان هيعمل ايه ! شعب مصر هو الناس اللى بتشتكى منهم , هو الصيع والأفاقين والنصابين اللى بتقابلهم فى شغلك وجامعتك وعمارتك ومعرض العربيات اللى هتشترى منه العربية والجامع اللى بتصلى فيه وبنك الدم اللى بتتبرع فيه بدمك والمصلحة الحكومية والسيرك اللى اسمه الشارع , شعب مصر هو اللى بيتفرج على البنات وهى بتتبهدل وتتعاكس وعلى ست كبيرة بتضرب وراجل شيبة شعره مشفعتلوش ان عيل يهزأه فى مترو , شعب مصر هو اللى كان فى فيصل بيتفرج على الهانم اللى سبت الذات الآلهية فى الخناقة الشهيرة , شعب مصر هو اللى بوظلك عربيتك بالفن المسمارى وكسرلك مساحة الليون وطلع البيت عشان يخطف واحدة , شعب مصر هو جارك الذى لاتأمن بوائقه وصديقك الذى لاتأمن غدره والجالس فى الطريق الذى لاتأمن شره , هو زميلك فى الغربة اللى بيضرب فيك الاسفين التمام وينزلك فى نص السنة عشان يقعد مكانك , شعب مصر هو الصنايعى اللى بياخد اكتر من حقه وميدكش شغل بنص الفلوس ويحلف بأغلظ الأيمان انه لمن الصادقين , شعب مصر هم السنجل ماذرز الكتييير واللى بايعين نفسهم بالرخيص . هو اللى انكر ان فيه يوم آخر بافعاله وضيع اخرته عشان ورث اخواته يبرطع فيه , هو اللى بيشتهى امرأة اخوه وجاره وصديقه , هو القروى اللئيم اللى يبيعك ويشتريك وانت واقف زى الباشا وياكل من وراك احلى عيش , هو المتوسطين اللى بيتكبروا على بعض فى كل مناسبة وغير مناسبة عشان يعوضوا مخزون الوضاعة والدونية المتأصل فى الذات المصرية , هو كل واحد لسة قافل قناة فضائية خارجة ورايح يتوضا عشان يؤدى فرض ربنا , هو اللى بيشهد عليك انك ضربت الراجل اللى لقيته مرمى عالطريق من غير مايكون شاف حاجة , هو اللى بياخد اللطمة ويناولها للى بعد منه عشان اللى بعد منه يناولها للى بعده المهم ميباتش بيها وهى واجعاه , هو اللى مصدعنا انا باجرى عالعيال بربيهم وهو نايم وسايب العيال تتربى فى الشارع .
مفيش حد غلبان الا ولاد الناس اللى اهاليهم ربوهم صح فى زمن غلط ودول اللى شعب مصر مسميهم كروديات وعبط وزباين سقع !

كل شعب يستحق تماما الحكومة التى تليق به (وينستون تشرشل)

+1000000000000

ولاتعليق

[fiatto]

كنت هودع النهاردة زى موتورايزر بس ربنا كالعادة ستر ولطف !
وانا بعدى الشارع على رجليا سواق ميكروباص كان هيموتنى , كان واقف بيحمل زبون ومفيش مشاكل وفى اللحظة اللى عديت فيها وبقيت فى نص الشارع السواق لدغته عقربة وطلع بالعربية فجأة وبقى بوز الميكروباص فى كتفى وبيزقنى وانا لا عارف اكمل واوصل الناحية التانية ولا عارف ارجع لورا بقى عمال يزقنى فى طريقه ببوز العربية وانا بحاول باستماتة انى ماقعش تحت العجل وكل اللى عمال اقوله حاسب حاسب ... لغاية ماوقف بسبب عربية واقفة قدامه , لما طلعت من بين العربيتين وابتديت استوعب اللى حصل لقيت ربنا منزل عليا هدؤ مش طبيعى عكس طبيعتى ولقتنى رايح للسواق ناحية الشباك بتاعه وبقوله انت اتجننت عاوز تدوسنى ليــــــــــــــــــه ؟ وسمعت اغرب رد مكنتش متوقعه .. انت مش شايف الظابط !!!

اخدت بعضى ومشيت وانا بكلم نفسى بصوت عالى , عشان الظابط مايخدش رخصته كان هيعمل جريمة ويدوس واحد تحت العجل !!
كمية مرارة فى حلقى مش عوزة تروح ومش قادر انسى الموقف ومش قادر ابطل تفكير فيه , للدرجة دى الراجل حط خيارين قدام عنيه بسرعة يا الرخصة تتسحب لو الظابط وصل للعربية يا اما يدوس اللى قدامه والرخصة ماتتسحبش !!
للدرجة دى مالياش تمن !!!!!!!!!!!!!!!!!!!!!!!!!!
اذا كان تمنى عند الحكومة 5000 جنيه فتمنى عند اخويا المواطن 500 جنيه اللى كان هيدفعها ويرجع الرخصة لو كانت اتسحبت منه .
لولا ستر ربنا انه خلاه يقف غصب عنه بسبب العربية اللى واقفة قدامه كان زمانى .... الحمد لله
اللى جارحنى جامد انه حسم خياراته بسرعة البرق واختار الرخصة لما لمح الظابط فى المراية جاى عليه , مخدش وقت يفكر ولا حتى يدى كلاكس ولا يستنى نص ثانية اكون عديت من الشارع الى مش عريض وثانية كمان واكون عديت .
انتو بتقولو الحكومة وانا بقول الناس

[MoToRiZeR]

كنت هودع النهاردة زى موتورايزر بس ربنا كالعادة ستر ولطف !
وانا بعدى الشارع على رجليا سواق ميكروباص كان هيموتنى , كان واقف بيحمل زبون ومفيش مشاكل وفى اللحظة اللى عديت فيها وبقيت فى نص الشارع السواق لدغته عقربة وطلع بالعربية فجأة وبقى بوز الميكروباص فى كتفى وبيزقنى وانا لا عارف اكمل واوصل الناحية التانية ولا عارف ارجع لورا بقى عمال يزقنى فى طريقه ببوز العربية وانا بحاول باستماتة انى ماقعش تحت العجل وكل اللى عمال اقوله حاسب حاسب ... لغاية ماوقف بسبب عربية واقفة قدامه , لما طلعت من بين العربيتين وابتديت استوعب اللى حصل لقيت ربنا منزل عليا هدؤ مش طبيعى عكس طبيعتى ولقتنى رايح للسواق ناحية الشباك بتاعه وبقوله انت اتجننت عاوز تدوسنى ليــــــــــــــــــه ؟ وسمعت اغرب رد مكنتش متوقعه .. انت مش شايف الظابط !!!

اخدت بعضى ومشيت وانا بكلم نفسى بصوت عالى , عشان الظابط مايخدش رخصته كان هيعمل جريمة ويدوس واحد تحت العجل !!
كمية مرارة فى حلقى مش عوزة تروح ومش قادر انسى الموقف ومش قادر ابطل تفكير فيه , للدرجة دى الراجل حط خيارين قدام عنيه بسرعة يا الرخصة تتسحب لو الظابط وصل للعربية يا اما يدوس اللى قدامه والرخصة ماتتسحبش !!
للدرجة دى مالياش تمن !!!!!!!!!!!!!!!!!!!!!!!!!!
اذا كان تمنى عند الحكومة 5000 جنيه فتمنى عند اخويا المواطن 500 جنيه اللى كان هيدفعها ويرجع الرخصة لو كانت اتسحبت منه .
لولا ستر ربنا انه خلاه يقف غصب عنه بسبب العربية اللى واقفة قدامه كان زمانى .... الحمد لله
اللى جارحنى جامد انه حسم خياراته بسرعة البرق واختار الرخصة لما لمح الظابط فى المراية جاى عليه , مخدش وقت يفكر ولا حتى يدى كلاكس ولا يستنى نص ثانية اكون عديت من الشارع الى مش عريض وثانية كمان واكون عديت .
انتو بتقولو الحكومة وانا بقول الناس

حمد الله علي سلامتك يا باشا
فعلاَ الناس رخصت بعض فا مبقاش عندها غالي
نحكم عقلنا .. نهاجر كلنا

[fiatto]

حمد الله علي سلامتك يا باشا
فعلاَ الناس رخصت بعض فا مبقاش عندها غالي
نحكم عقلنا .. نهاجر كلنا

الله يسلمك يازعيم الجالية المصرية فى مصر !
انت مع اللودر الصبح وانا مع الميكروباص المغرب !
الجانب المشرق الوحيد فى الموضوعين هو لطف ربنا بينا .
ربنا يخرجنا منها على خير

[دموع الثلج]

حمد لله على سلامتك اولا

وثانيا انا لمست من كلامك كميه احباط ويائس الفظيع
انت قطعت قلبنا بكلامك واغلبنا بيحاول يغمى عيونه عشان ميشوفش يقول انا اعمى احسن ما يقول انا مفتح وهما بيستعمونى

لو قعدت تشرح فى الاوضاع السيئه والحاله المتدنيه اللى وصلت لها البلد مش هيكفيك ولا 36 سنه


بس انا مش هعيب ذيك كده على شعب مصر لان مصر قبل فتره الاحتلال الاخير
مكانش هو ده سلوك شعبها ولا هى دى صفاتهم وسماتهم الشخصيه

فيه شى حصل غير كل شى فينا خلنا نتاخر فى كل شى من اول الدين والاخلاق لحد ما تقدر توصل بتفكيرك احنا رجعنا وراء

لو تسمحلى اسالك ايه هى الاسباب اللى وصلتنا لكده ؟؟؟؟؟؟؟؟؟؟
ايه اللى خلى ثمنك ارخص واسهل من دفع 500 جنيه ...؟؟؟؟؟؟؟؟؟؟؟؟
ايه اللى خلانا نحس بان البلد دى بقت ذى غابه والبقاء فيها للاقوى ..؟؟؟؟؟؟؟؟؟؟؟

ممكن تجاوبنى ............. طيب ممكن تقترح حل للمشكله .......... ده لو ليها حل اصلا

فى انتظار اجابتك