يعني ايه كارته

[khaloooda]

انا مش فاهم بصراحة

هو انا مش بدفع ضرااااااايب
ضريبة دخل من المرتب
ضريبة مبيعات علي اي حاجة بتنيل اشتريها
باشتري عربية بثلاث اضعاف ثمنها بره عشان الضرايب والجمارك اللي جنابك بتحصلها
البنزين اللي بتدعمه هتقلل الدعم تمهيدا لرفعه نهائيا ،، وكمان بنشريه مغشوش

ممكن تديني سبب واحد مقنع لموضوع الكارته
لا وكمان بترفع في قيمتها كل فترة وبالاخص للاجرة رغم انك عارف ان الاجرة او النقل هيحملها للزبون او المستهلك في الاخر

هتقولي عشان اصرف علي صيانة الطريق

وجع في زورك يا بعيد ،، هو انت مش مكفيك انواع الضرايب دي والعربيات اللي بتركبهالنا باضعاف تمنها ومواصفات زباله وكمان عاوز تاخد مني ثمن صيانة الطريق

طب اللي ظروف شغله مثلا بتخليه يعدي يوميا علي كارته ايا كان مكانها ،، لما تقتطع منه جزء من دخله شهريا للكارته بتاعتك ... ده عدل

وياريت في الاخر الطريق بيتظبط

[eng.m7md.ali]

في ناس كانت معترضة ان احنا معترضين على غلاء الكارتا .. خصوصاً مصر اسماعيلية

استناهم هيدخلو دلوقتي ياباشا

[Hobgoblin]

يا فندم كل بلاد العالم كدة...

احنا بندفع ضرايب قد كدة وبرد فيه Tolls بتتدفع عادي خالص.

الإعتراض المقنع ممكن على المبلغ لكن المبدأ معمول بيه في كل العالم.

[S O P H O S]

ماشي رسوم مش بالسعر ده
بالاضافة الي سوء الطريق

[mmolazem]

شكل من أشكال ( المكوس ) و خلاص !!

[khaloooda]

يا فندم كل بلاد العالم كدة...

احنا بندفع ضرايب قد كدة وبرد فيه tolls بتتدفع عادي خالص.

الإعتراض المقنع ممكن على المبلغ لكن المبدأ معمول بيه في كل العالم.

لا يا فندم ،، انا بختلف مع حضرتك
الاعتراض هنا عالمبدأ مش علي المبلغ
بسبب ان الاسباب اللي عشانها بتحصل من الكارته هي ذات الاسباب اللي بتاخد عشانها انواع مختلفه من الضرايب
وبعدين لو جنبنا المبدأ نفسه وسلمنا بيه
فين صيانة الطريق
فين وحدات الاسعاف والخدمات اللي علي الطريق زي بنزينة ورست وغيره
طبعا انا بتكلم هنا عن بعض الطرق اللي بتفتقر للحاجات دي

انا شايف ان المبدأ اصلا غلط وفيه ازدواجية في التحصيل من المواطن لصالح الدولة لتحقيق ذات الاهداف

[yuong313]

ماعنديش مشكلة ابدا ادخل رسوم طريق
ولكن ايه المقابل
لايوجد خدمات ولا طواريء ولا اسعاف ولاتأمين ولا حتي محطات بنزين ولا بقالة ولا دورات مياه ادمية ولا حتي اوناش اعطال سيارات
فلماذا ادفع طالما لم يقدوا شيء
وفي النهاية الطريق مكسر ومفيش انوار وغير ممهد ولا يوجد اشاارت ولا ارشادات