اجيب ديب فريزر ايه

[ehabradwan]

السلام عليكم يا شباب
معلش محتاج رأيكم ضروري في نوع الديب فريزر اللي عايز اجيبه
بعد اللف و التدوير وبناءاً على الفلوس اللي معايا ( 2500 ) مالقتش غير نوعين قدامي
* كريازي - 6 درج - no frost - ب2275 جنيه
* وستنجهاوس - 6 درج - no frost - ب 2200 جنيه ( ايطالي تقفيل صيني )
الاسكا و الكتروستار مش no frost فمش في حساباتي اصلا
الكريازي ناس كتير بتشكر فيه بس انا متعقد من كريازي بس في حاجات تانية بس الناس كلها بتقول الديب فريزر بتاعهم فعلا كويس

الوستنجهاوس ماعرفش حد جايبه عشان كده مقلق شوية وبعدين حكاية صيني دي تقلق

ايه رأي الشباب

[human]

الاسكا

كله بيعمل تلج

[aif]

انا عندي كريازي 6 درج نو فروست وكويس ....
بعد 3 سنين لقيته بيعمل تلج وينقط ميه ... ويوم السبت معاد بتوع الصيانة عشان يصلحوه في الضمان ...
لكن هو عموما زي الفل ....
وعند والدي اخوه بالظبط ومافيهوش اي مشاكل ...
ال نو فروست افضل بكتييييير من العادي

[banboty]

السلام عليكم يا شباب
معلش محتاج رأيكم ضروري في نوع الديب فريزر اللي عايز اجيبه
بعد اللف و التدوير وبناءاً على الفلوس اللي معايا ( 2500 ) مالقتش غير نوعين قدامي
* كريازي - 6 درج - no frost - ب2275 جنيه
* وستنجهاوس - 6 درج - no frost - ب 2200 جنيه ( ايطالي تقفيل صيني )

هات اللى بيدي ضمان اكبر

[وائل عطية]

هات كريازي النوفروست ممتاز
مفيش أي مشاكل منه عن تجربة

[ehabradwan]

متشكر يا شباب لردودكم . شكلي كده هجيب كريازي ان شاء الله

[hic]

اوعى تشترى حاجه و ما تكونش no frostانا ندمان انى اشتريت الاسكا هو جميل جدا بس بيعمل تلج فظيع لفو لقيت الاسكا بس نو فروست يبقى تمام

[michohat]

هسئل لك مندوبي الشركه اللى انا شغال فيها ايه افضل واحد فى السوق

[michohat]

وراجع الموقع ده

http://www.reviewcentre.com/consumer_reviews4.html

[homme49]

السلام عليكم يا شباب
معلش محتاج رأيكم ضروري في نوع الديب فريزر اللي عايز اجيبه
بعد اللف و التدوير وبناءاً على الفلوس اللي معايا ( 2500 ) مالقتش غير نوعين قدامي
* كريازي - 6 درج - no frost - ب2275 جنيه
* وستنجهاوس - 6 درج - no frost - ب 2200 جنيه ( ايطالي تقفيل صيني )
الاسكا و الكتروستار مش no frost فمش في حساباتي اصلا
الكريازي ناس كتير بتشكر فيه بس انا متعقد من كريازي بس في حاجات تانية بس الناس كلها بتقول الديب فريزر بتاعهم فعلا كويس

الوستنجهاوس ماعرفش حد جايبه عشان كده مقلق شوية وبعدين حكاية صيني دي تقلق

ايه رأي الشباب

عندى تجربة لا بأس بها فى الديب فريزر و أقصد طبعا كلمة deep بمعناها الحرفى و هو الشكل المسطح الأفقى و ليس الرأسى حيث
أن قدرة إستيعابة أكثر يكثير و هناك نوع إسمه باساب سويسرى passap تجميع مصرى و سعره يقل عن الأسعار المذكورة و متوفر لدى محلات تريدكو الصياد بألماظة بعد ميدان السبع عمارات - معى منذ أكثر من سنه و لا غبار عليه .

[sab3aawy]

انا معنديش فكرة عن الديب فريزر بس انا تجربتى مع بوتاجاز كريازى مش عظيمة ابدا ،خلانى احلف انى مش جايب حاجة كريازى تانى

يبقى بالاستبعاد وستنجهاوس، بس المهم اخبار وكيلهم وضمانهم اه

[l0new0lf]

انا معنديش فكرة عن الديب فريزر بس انا تجربتى مع بوتاجاز كريازى مش عظيمة ابدا ،خلانى احلف انى مش جايب حاجة كريازى تانى

يبقى بالاستبعاد وستنجهاوس، بس المهم اخبار وكيلهم وضمانهم اه

انا عكسك بالضبط
ابتديت المشوار مع كريازى2004 ب ثلاجه no frost و كنت خايف منها بصراحه بس طلع تبريدها جامد جداّ
و لما احتجت ديب فريزر من8 شهور جبته برضه كريازى 5 درج علشان المكان الى هيتحط فيه مياخدش ال 6 درج ويرده ممتاز و تقريبا ضمانه 10 سنين هبص على الضمان لما ارجع البيت إن شاء الله و اقول لكم

[D . a .\ AYMAN]

انا عندي كريازي 6 درج نو فروست وكويس ....
بعد 3 سنين لقيته بيعمل تلج وينقط ميه ... ويوم السبت معاد بتوع الصيانة عشان يصلحوه في الضمان ...
لكن هو عموما زي الفل ....
وعند والدي اخوه بالظبط ومافيهوش اي مشاكل ...
ال نو فروست افضل بكتييييير من العادي

الموضوع ده حصل عندي في التلاجة الـ no frost بعد سنة واحدة لاقيتها بتنقط مية على الأكل
ولما كانت في الضمان لسة جبت الصبانة بتاعتها ... وطلع ان في سخان في ضهر الفريزير بتاعها هوة المسؤول عن عدم تكوين التلج في المسارات الهوائية بتاعت التلاجة والسخان ده باظ عشان كده بقت تعمل تلج جوة المسارات دي وتنقط ميه بالشكل ده

وطبعا السخان ده اتغير على حساب الضمان وبقت زي الفل

بعد سنة كمان حصل نفس الموضوع وجبت الصيانة برضه ... بس المرة دي السخان ماطلعش بايظ ده طلع اتكون علية تلج فمنعه انه يقوم بوظيفته والسبب ... ان التلاجة كانت معمولة على درجة تبريد عالية !!!!!!!! .... وانا بكلم مع الراجل بتاع الصيانة لاقيته بيقوللى ان السخان لو كان بايظ المرة دى كان هايبقى على حسابي بالرغم ان ضمانها 7 سنوات بس السخان ده بالذات الضمان عليه سنتين بس !!!!!!!!!!!!!

وطبعا من كلام بتوع الصيانة في التلفون من أول مرة لسة هاقولّـه التلاجة بتوقع مية ... لاقيته بيكمللى كلامي ويقوللي آه بتوقع مية على الرف اللى فوق من الفريزر ... يعني الموضوع أصلا معروف انه عيب فني عندهم وعشان كده عمله الضمان بتاع الجزء ده بالذات سنتين بس

وطبعا الموضوع حصل للمرة التالتة بعد سنة ولاحظت انه دايما بيحصل لما المؤشر بتاع التبريد حد يلعب فيه ويظبطه على درجة تبريد عالية !! مع انها تلاجة والمفروض ان دي وظيفيتها أصلا ... !!!!!؟؟؟؟؟؟؟؟

انا كنت جايب حاجتي كلها من كريازي تلاجة وبوتاجاز وغسالة بصراحة مش مرتاح معاهم كلهم... بالذات الغسالة اللى بتعمل أصوات عجيبة وقفل الباب باظ وجبتلها الصيانة برضه مرتين على كلام فاضي ... بس لما شوفت قرايبي وجيراني وعذابهم مع الانواع التانية كلها زي زانوسي وايديال والعبد والكتروستار وما الى ذلك وبالذات GMC اللي كانت أزبل مايمكن حسيت ان كريازي أحسن منهم كلهم بصراحة

عشان كده اللى عايز يجيب ... يجيب أي حاجة مستوردة مش مصري لأن المصري كله زي بعضه .... الصيني أحسن منه والضمان في مصر مالوش أي قيمة زي مانتوا شايفين وقت الجد يطلعلك بأي حجة ولازم تتخانق عشان تعرف تاخد حقك

في إستثنائين ...

1- ضمان اوليمبيك جرويب فوق الممتاز عن تجربة في كذا حاجة ومحترمين جدا وبتاخد حقك منهم بسهولة واوليمبيك دلوقتي ابتدى يضمن ماركات كتير أكتر من الأول

2- انا لاقيت كل منتجات العربي جامدة جدا توشيبا أو شارب وهية دى اللى انا ناوي أجيب منها أي حاجة بعد كده بإذن الله

[amir]

طيب ما دام الموضوع انهم بيعتمدو علي جهل المشتري بالعيوب الفنيه للمنتج
وانه علي بال ما ياخد باله بيبقي اشتري فعلا و مرت فتره لابأس بها من الضمان
و يرجعو يلعبو علي كلمه نطع يقولها في التليفون
مع ان اللي مكتوب في الضمان هو اللي لازم يمشي و ممكن الواحد يبهدلهم لو كنا في بلد غير البلد و واحد يقولك ان الجزء اللي بيبوظ كتير- و هما عارفينه- ضمانه اقل من ضمان الجهاز !!!

يبقي لو نتعاون و نعمل موضوع بأسم الاجهزه المنزليه مثلا و يبقي مثبت و الناس تذكر فيه تقييمها لمختلف الاجهزه الكهربائيه اللي في البيت عندهم
و بكده يكون مرجع شامل لأي حد عايز يشتري,بدل من مواضيع متناثره هنا و هناك و اكيد طبعا بيبقي صعب الوصول ليها بعد ما يتم نسيانها في صفحات المنتدي

[meza]

في إستثنائين ...

1- ضمان اوليمبيك جرويب فوق الممتاز عن تجربة في كذا حاجة ومحترمين جدا وبتاخد حقك منهم بسهولة واوليمبيك دلوقتي ابتدى يضمن ماركات كتير أكتر من الأول

2- انا لاقيت كل منتجات العربي جامدة جدا توشيبا أو شارب وهية دى اللى انا ناوي أجيب منها أي حاجة بعد كده بإذن الله

تأكيداً على كلامك ..... أنا جبت تكييف شارب العربى قريب من كام شهر (ضمان 5 سنين و ده أطول ضمان على تكييف زائد صيانة دورية ربع سنوية) ... و كان الأستاذ aif حذرنى كده من طقطقة بسيطة بتحصل فى البلاستيك بتاع التكييف .. و فعلاً لقيت الطقطقة دى رغم إن التكييف ممتاز.

لما جت الصيانة ... نبهته لموضوع الطقطقة ... بعتلى واحد تانى يوم فك الهيكل البلاستيك و حط معجون أبيض و الصوت راح تماماً .... بعديها بكام شهر حسيت إن التكييف بقى ريحته تخنق شوية ... كلمت الصيانة جم بعد يومين نضفوه و الريحة إختفت شوية و رجعت تانى ..... كلمتهم تانى .... لقيتهم جايبين تكييف جديد تماماً (الجزء الداخلى فقط) و فكوا اللى كان عندى (بعد إستعمال شهرين تقريباً) و ركبوا الجديد و أهو شغال زى الفل و خليتهم يحطوا المعجون ده عشان الطقطقة قبل ما يمشوا.

كل الكلام ده داخل الضمان و مدفعتش ولا مليم ... و حاولت أديهم tips قالوا ممنوع..... لكن هما بصراحة ممتازين و ناويين إن شاء الله نشترى تلاجة Toshiba منهم و تكييفين تانى.