عملاء بنك qnb جينيرال سوسيتيه سابقا أرجو الإفادة !!

[Mahmoud Naguib]

دلوقت أنا فتحت عرض شباب وأخدت فيزا اليكترون وفيزا النت وقالي الإسبوع اللي جاي تعالى خد حساب النيتا بنك

أنا دلوقت حابب أسأل عن كذا حاجة
أنا نزلت أسحب فلوس من ال atm قالي ليس لديك رصيد كافي للسحب مع انه فيه 48 جنيه !!

الحاجة التانية أنا أخدت رقمين رقم ال id وبادئ ب 10011 ورقم الحساب وبادئ ب 11324
أنا سمعت اني لو عايز حد يحولي من جوه مصر اديله ال id ولو من بره اديله الرقم التاني+السويفت
وسمعت برضه ان الرقم التاني ده ينفع لل2 !!
ياريت حد يأكدلي المعلومات دي

مكتوب على الفيزا الإلكترون رقم كبييييييييييير كدة ده بتاع ايه ؟؟

حاجة بعيدة عن الموضوع شوية وهي لو حد هيحولي فلوس من السعودية إي أفضل مكان يحولي منه
ويسترن يونيون
إنجاز
الراجحي
ولآ غيرهم ؟؟؟

وياريت لو حد فاتح عرض الشباب ف البنك يبعتلي لينك الأكونت بتاعه على الفيس علشان أنا حاسس اني تايه جدا !!

شكرا

[abdulkhaleq]

48 جنيه دي مش رصيد يتسحب
اقل حاجه تتسحب 100 جنيه على ما اظن

تاني حاجه بالنسبه للارقام والكلام ده
تتصل بخدمة العملاء وانت مجهز استفسارك في ورقه
هتسجل الي هيقولهولك وبس كده

[Mahmoud Naguib]

شكرا لردك أستاذ abdulkhaleq

طب وموضوع التحويل من السعودية ده حضرتك اي رأيك فيه ؟؟

[Trondo]

موضوع الارقام

اشتغل برقم الحساب احسن و اضمن

موضوع النتا بانك هتستلم يوزر و باس و هتقدر تغير الباس لكن اليوزر ميتغيرش

بخصوص الرقم الكبير دا رقم الكارت مكون من ١٦ رقم

بخصوص تحويل السعودية .... اسرع حاجه ويسترن طبعا

[kondor]

دلوقت أنا فتحت عرض شباب وأخدت فيزا اليكترون وفيزا النت وقالي الإسبوع اللي جاي تعالى خد حساب النيتا بنك

أنا دلوقت حابب أسأل عن كذا حاجة
أنا نزلت أسحب فلوس من ال atm قالي ليس لديك رصيد كافي للسحب مع انه فيه 48 جنيه !!
الحد الادنى لسحب فلوس من ال ATM هو 100 جنيه
الحاجة التانية أنا أخدت رقمين رقم ال id وبادئ ب 10011 ورقم الحساب وبادئ ب 11324
أنا سمعت اني لو عايز حد يحولي من جوه مصر اديله ال id ولو من بره اديله الرقم التاني+السويفت
وسمعت برضه ان الرقم التاني ده ينفع لل2 !!
ياريت حد يأكدلي المعلومات دي
رقم ال ID ده بيكون للعميل علشان ميتلغبطش لو عنده اكتر من حساب واحد مصري, واحد دولار, واحد توفير, و هكذا فا الID ده ليك انت اما لو انت عاوز تخلي حد يحول ليك فلوس بتديلة رقم حسابك الجاري مثلا:
انت رقم الID
1234567891
ده بيكون تحتية كل ارقام حساباتك
زى مثلا رقم حساب الجاري مصري
12345678911
و الجاري دولار مثلا لو عندك
12345869711
و هكذا.
مكتوب على الفيزا الإلكترون رقم كبييييييييييير كدة ده بتاع ايه ؟؟
ده رقم الفيزا و مش هتحتاجة فى حاجة اما لو انت مطلع Visa Virtuon و ده كرت تاني مخصوص علشان تشتري من على النت فقط للامان و بيكون منفصل عن حسابك علشان السرقة بيكون عليه رقم كبير ده و مفيهوش شريط مغناطيسي فى الخلف ساعتها بتستخدم الرقم الكبير ده فى الشراء من على الانترنت فقط
حاجة بعيدة عن الموضوع شوية وهي لو حد هيحولي فلوس من السعودية إي أفضل مكان يحولي منه
ويسترن يونيون
إنجاز
الراجحي
ولآ غيرهم ؟؟؟
احسن حاجة على ما اعتقد يحولك من البنك بتاعة على حسابك بشكل مباشر سواء حوالة او سوفت و ده بيكون من بنك زى الراجحي مثلا و ده بيكون ارخص من ويسترن يونيون بكتير كمصاريف تحويل
وياريت لو حد فاتح عرض الشباب ف البنك يبعتلي لينك الأكونت بتاعه على الفيس علشان أنا حاسس اني تايه جدا !!
ده موقع البنك
QNB ALAHLI - Home
شكرا

[Mahmoud Naguib]

أستاذ kondor

ياريت لو حضرتك تسمح تبعتلي الأكونت بتاعك على الفيس علشان لو احتجت أعرف حاجة جديدة بخصوص البنوك وكدة لأن دي أول مرة أتعامل معاها !!
وحاولت أبعتلك الرسالة دي خاص معرفتش !!

شكرا

[elwaworld]

ﻣﻮﺿﻮﻉ id ﺩﻩ ﺍﻟﺒﻨﻚ ﻋﻤﻠﻪ ﻛﺮﻗﻢ ﺗﻌﺮﻳﻔﻲ ﻟﻜﻞ ﻋﻤﻴﻞ و ﺗﺤﺘﻪ ﺑﻴﻨﺪﺭﺝ ﺍﻟﺎﺭﻗﺎﻡ ﺍﻟﺤﺴﺎﺑﺎﺕ ﻛﻠﻬﺎ ﺑﺠﻤﻴﻊ ﺍﺭﻗﺎﻣﻬﺎ و ﺍﻧﻮﺍﻋﻬﺎ ﺳﻮﺀ ﺟﺎﺭﻯ ﻣﺼﺮﻱ ﺍﻭ ﺗﻮﻓﻴﺮ ﺍﻭ ﺩﻭﻟﺎﺭ و ﻫﻜﺬﺍ
ﻋﻤﻮﻣﺎ id ﺑﻴﻜﻮﻥ 10 ﺍﺭﻗﺎﻡ و ﺍﻟﺤﺴﺎﺏ ﺍﻟﻠﻲ ﺗﺤﺘﻪ ﺑﻴﻜﻮﻥ 18 ﺭﻗﻢ ﺷﺎﻣﻠﺎ ﻛﻮﺩ ﺍﻟﻔﺮﻉ و ﺭﻗﻢ ﺣﺴﺎﺏ و ﻛﻮﺩ ﻟﻠﺤﺴﺎﺏ
ﺑﺎﻟﺘﺴﺒﻪ ﻟﻠﺴﺤﺐ ﺍﻗﻞ ﻣﺎﻛﻴﻨﻪ ﺑﻴﻜﻮﻥ ﺍﻟﺤﺪ ﺍﻟﺎﺩﻧﻲ 100 ﺟﻨﻴﻪ و ﻣﺎﻛﻴﻨﺎﺕ ﺍﺧﺮﻱ ﺑﻴﻜﻮﻥ 200 ﺟﻨﻴﻪ
ﺭﻗﻢ ﻛﺎﺭﺕ ﻓﻴﺰﺍ ﺩﻩ ﺑﻴﻜﻮﻥ ﺭﻗﻢ ﺍﻟﻜﺎﺭﺕ و ﺑﺘﻘﺪﺭ ﺗﺴﺘﺨﺪﻣﻪ ﻣﻦ ﺧﻠﺎﻝ ﺍﻟﺸﺮﺍﺀ ﻓﻲ ﻣﺤﻠﺎﺕ ﺍﻟﻠﻲ ﺣﺎﻃﻪ ﻋﻠﺎﻣﻪ ﻓﻴﺰﺍ و ﺩﻩ ﺑﻴﻜﻮﻥ ﻣﺮﺑﻮﻃﻪ ﻣﺒﻠﺸﺮﻩ ﻋﻠﻲ حسابك
ﻓﻜﺮﻩ ﺗﺤﻮﻳﻞ ﻧﻦ ﺧﺎﺭﺝ ﻋﻠﻲ ﺣﺴﺎﺑﻚ ﻟﺎﺯﻡ ﺍﻟﺎﻭﻝ ﺗﺘﺼﻞ ﺑﺨﺪﻣﻪ ﺍﻟﻌﻤﻠﻠﺀ 19700 و ﺗﺎﺧﺪ ﻣﻨﻬﻢ ﺍﻟﺴﻮﻳﻔﺖ ﻛﻮﺩﺍﻟﺨﺎﺹ ﺑﺎﻟﺒﻨﻚ و ﺑﻌﺪ ﻛﺪﻩ ﻫﺘﺤﻄ ﺭﻗﻢ ﺣﺴﺎﺑﻚ و ﻟﻮ ﺣﻂﻴﺖ ﻳﻘﻢ ﺍﻟﺘﻌﺮﻳﻒ ﺑﺘﺎﻋﻚ id ﻯﺭﺿﻮﺍ ﺍﻟﺤﻮﺍﻟﻪ ﻫﺘﻮﺻﻠﻚ ﺑﺲ ﻳﻔﻀﻞ ﺍﻟﺎﺗﺼﺎﻝ ﺑﺨﺪﻣﻪ ﺍﻟﻌﻨﻠﻠﺀ ﻟﻠﺎﺳﺘﻌﻠﺎﻡ ﻋﻦ ﻭﻗﺖ و ﻣﺼﺎﺭﻳﻒ التحويل

[mk3]

ميزه البنك ده الوحيده هو حسابات الشباب ودى انا اسفدت بها فعلا ايام زمان لكن خدمات البنك مش اوى على الرغم انها ممكن تكون اعلى من بنوك تانيه

[Y a r i s]

هو حساب الشباب ده المقصود بيه ماتحت سن ال ٢١ سنة مش كده ... طيب هو الحساب ده بيتفتح بكام مصاريف فتح الحساب. وايه المصريف السنوية والاوراق المطلوبة وهل بيدوا فايدة كام في المية

[Terrible_DaRsH]

حساب لحد 23 سنة اول ما خلص رحت قفلت الحساب

[mr.a]

هو حساب الشباب ده المقصود بيه ماتحت سن ال ٢١ سنة مش كده ... طيب هو الحساب ده بيتفتح بكام مصاريف فتح الحساب. وايه المصريف السنوية والاوراق المطلوبة وهل بيدوا فايدة كام في المية

يا عمدتنا [overline]انا معلوماتي قديمه والحاجات ديه بغيروها كل مده فالأحسن تروحلهم تستفسر[/overline]
حساب الشباب بيكون من 16 ل 23سنة
المصاريف اول سنة 52 جندي متلحلح وبيكون معاه
1-فيزا
2-انترت كارد عشان تشتري بقى من النت والحركات دي
3-خدمة نيتا بانك عشان تتحكم فحسابك من النتيت
4-خدمة بورتال بيبعتولك كل شويه رسائل على موبايلك يعرفوك رصيدك
5-تجديد الأشترك [OVERLINE]للحساب فقط[/OVERLINE] 50 جندي متلحلح تخصم مره سنويا واعتقد بشيلو منك الخدمات ف2+3+4 ولو عايزهم ادفع بقى مصاريفهم يا حلو
6- الفائدة مش فاكر كل قد ايه ومعرفش قيمتها كام الوقتي هي كانت بتبقى اعلى ب0.25 عن الحساب العادي وكان ليها limit ل 100 الف جندي متلحلح يعني لو عندك اكتر من كده الفايده هتنزل على 100 الف بس

مطلوب من صاحب الحساب بطاقه فقط لا غير هتمضى فورمه دى هيبقى توقيعك هتم بيه معاملاتك واقرار عميل وتعمل ايداع اعتقد حد ادنى 100 وتعدي عليهم بعد اسبوعين تاخد حجاتك