تحذير لمن ركب غاز في المنزل بالتقسيط

[حسين عشري]

السلام عليكم
تقدمت لبنك للحصول على قرض سيارة
سالوني عليك اي قروض ؟
قلت لأ
بعد يومين ابلغوني اني مدين للبنك الاهلي المصري بقرض غاز قدرة 1500 جنيه !!!!!!!!!
قلتهم انا مسدد القسط من اكتر من سنتين قالوا البنك المركزي بيقول انك لسه مدين
بعت راجل شغال معايا للبنك و بعت معاه ايصال الغاز يوضح ان قسط البنك صفر من سنتين تلاته
قالوله اكيد في احد الاشهر سددت الفاتورة بعد يوم 15 ف الشهر و ده حط عليك غرامة او فوائد تأخير وصلت بالفوايل ل 76 جنيه بس مش دي المشكلة مطلقآ
بالطبع الموظف كل شهر بييجي يوم 20 او بعد كده
نظرآ لأن هوه معاه كمية كبيرة من الفواتير المطلوب تحصيلها

رحت سالتهم ف البنك قالولي استفسر من شركة الغاز احنا معندناش فكرة
اتصلت بشركة الغاز قالوا ما نعرفش حاجه لو عاوز تعرف روح الفرع الرئيسي
المهم رحت البنك قلتلهم حقكم عليا ادي ال 76 جنيه
و طلبت مخالصة اقدمها للبنك التاني اني سددت القرض و مش حرامي
ادوني المخالصة بعد 4 ايام و مختومه بختم البنك و موقعة من اتنين بهوات قد الدنيا
وصلتها للبنك الاول
بعدها بيومين اتصلوا و قالوا التوقيعات مش مطابقة لتوقيعات البنك الاهلي عندنا !!!!!!
يعني حرامي و عليك دين و كمان مزور
بعد رحلة ماكوكيه بين البنكين زهقت و دخلت بنك تاني
المصيبة ان الدين هيفضل معلق بالبنك المركزي لمدة 6 شهور لحد ما يعوفوا اني بريء
واضطريت اشتري العربية بالبطاقة فقط و اسدد 30% مقدم بدلآمن 20% و فائدة 11 % بدلآ من 8.08%
و لا حول و لا قوة إلا بالله
كل واحد يروح للبنك الاهلي يتأكد لو عليه مديونية لقرض الغاز
العجيب اني لي حساب جاري في البنك الاهلي و به رصيد محترم .. ما خصموش فلوسهم منه من زمان ليه ؟؟؟؟؟
بافكر ابلغ عنهم حماية المستهلك لأستهتارهم بمصالح الناس

[wawamoha]

المفروض طبعا ..........

بس تعال لاي جهه مندول قولهم هاتلي ورقه - علشان ترفع بيها قضيه - مش هايرضى

زباله

[ياسر مصطفي]

بافكر ابلغ عنهم حماية المستهلك لأستهتارهم بمصالح الناس

لازم تعمل كدا

[mahmoud_ali]

عليك وعلى حماية المستهلك

[qkash.com]

ابتسم يا صديقي انت في اعرق مؤسسة مصرية "البنك الأهلي" رمز الروتين والفساد والغباء الاداري

محتاجين مئات الاعوام للتخلص من البيروقراطية والروتين وموظفين عقولهم توقفت وخربت من عشرات السنين ويتحكمون في مصالح ومؤسسات تقدم خدمات تمس حياة المصريين جميعاً

والمصيبة الاكبر التي لا حل لها هي كيف نضمن ان كل موظف في مكانه سيتقي الله في عمله و يراعي ضميره و يؤدي وظيفته كما ينبغي

ومتي نجد قانون وشروط توضع لتحدد مؤهلات الشخص المناسب في الوظيفة المناسبة

لك الله يا مصـــــــــــــــــــــــــــــــــر