مشوره للى عنده نفس المشكله ؟؟؟؟؟؟

[midoabdeen]

السلام عليكم ورحمة الله وبركاته


انا كنت عملت موضوع هنا اني جبت شقه قريب وكده

بس ناس كتير لنا دخلت الشقه قفلتني اوي

لان الشقه عندي خلفي مش امامي ياعني المسافه يبني وبين الجار قريبه الى حد ما

بس بادوا على قد الايد اكيد كلكوا عارفين الاسعار عامله ازاى

هل الواحد ممكن يلاقي حل للمشكله دى ( انا عارفها من الاول بس الظروف هى اللى بتحكم باردوا )

ياعنى مثلا الوميتال بزجاج عاكس بس المشكله انى هبقى مجبر اني مش هفتحع خالص

حد هنا عنده نفس المشكله يشور علينا بفكره

وكمان انا دلوقتي معايا حوالي 20.000 دول ممكن يخلصوا المحاره والكهربا والسباكه

الشقه على الطوب والسماحه صافي 95 م

[minicooper20]

عادى يا باشا المهم ان بقا عندك شقه
تانى حاجه الموتال بزجاج دبل و مات الكلام و التكيف مسبش حاجه صدقنى سيبك من الناس انتا بقا عندك شقه ملكك

[abokoko]

من وجهه نظري ان الالومتال لا يناسب مصر
هومناسب امريكا واوروبا لان عندهم برد فبيدخل اسعه شمس من غير هوا


فكر في الشبابيك الخشب بشيش وزجاج وسلك
وكمان ممكن تسال علي الشبابيك المشربيه
وفي انواع واشكال غير تقليديه
وحتي طريقه فتح الشباك ممكن تكون لاعلي واسفل بدرجه لا تمكن الجار من متابعتك



مبروك الشقه

[ahmed salah90]

عموما لازم تقتنع باللي انت اشتريو يعني لو في حاجه و في مكان ابعد شويه بس الشمس بتدخلها يبقى احسن كتيير علشان اشمس دي حاجه صحيه جدا في الشمس يعني لو قدرت تبيع بدون خساره و تشتري في حته تانيه فيها خصوصيه يبقى جيد جدا و عموما مبروك عليك و تفرح فيها انشاء الله مهما كان اختيارك و متنساش صلاه الاستخاره انشاء الله

[mustafavet]

اي شباك مش مهم واعمل سلك طبقتين واحد فيهم يكون مدهون بلون غير التاني

[rompo10]

ياباشا شوف جارك عامل ايه واعمل زيه اكيد هو فكر زيك ويابختك ياسيدي انا شقتي امامي وكان نفسي اخد الخلفي منها لله حماتي السابقه هي السبب

[midoabdeen]

اولاً شكرا جداا لكل اللى قال رائيه

انا حامد ربنا طبعا مافيش كلام دا شقي العمر مش اي كلام ياعني ومقتنع ان العقار عمره ما بيخسر

بس الفكره كلها اني كنت عايز اشطب الشقه سوبر لوكس واصرف عليها كتير مش اكتر فمش عايز اصرف واجي بعدين احس ان فى مشكله تخليني مقفول من المكان مش اكتر

[friendship7897]

ركب تندة
عملية جداً فوق الشباك طبعاً أو الألوموتيال والسلك علشان الحشرات
والتندة للستر عن الجيران وقت فتح الشباك وبدون خنقة ليك ، وكمان علشان المطرة على المنشر والغسيل
ومبروك على الشقة

[midoabdeen]

هى التنده هتعزل الشقه عن الجار ولا جزء من الرؤيه بس

[rompo10]

تشطيب الشقه سوبر لوكس مش هايزعلك لو حبيت تبيع هاتاخد اللي صرفته وزياده