ازاى احسب الاجر الاضافى فى الشغل

[beshomilan]

معلش يارجاله فى حسبه كده حابب اعرفها
هو لو انا مثلا بشتغل وباخد 1500 فلو قسمناها على 30 يوم هيطلع ان اليوم بتاعى ب 50 جنيه ...تمام كده؟؟
لو نزللى يوم اضافى فأخر الشهر ينزل ب 50 ولا ب 100 ؟؟
على اعتبار قاعدة ان اليوم بيومين؟؟
وهنا الحسبه اللى مش عارفها..لان ال 50 بتضاف على اصل حساب اليوم فالشهر اللى هو 50 فبيبقى كده كأنى خدت 100
او يأما بيبقى الموضوع بره حساب اليوم فى المرتب وبيتحسب يومين ب 100 جنيه
انهى معادلة الصح؟؟

[HeMa_LanCeR]

انا اللي بقبض الناس عندي
عموما الشهر 26 يوم مش 30
يعني انت كده اليوم عندك ب 57.5 تقريبا
الاضافي بقي حسب الاتفاق في الشغل
يعني انت شغلك لو 8 ساعات وقعدت بعد الشغل 4 ساعات هيضفلك نص الأجر اليومي
وفي شركات بتحسبها الضعف
انا عن نفسي بحسبها بالوقت يعني بعد 5 بحسبلهم بالدقيقة ودي احسن حاجة عملتها :)
ومن ساعتها مبقاش حد ييجي متأخر وبيمشو متأخر وهما فرحانين :)))

[Mo3taz Selim]

أ/ beshomilan هو الموضوع طبعا بيفرق من مكان لمكان
بس المتعارف عليه قانونيا (قانون العمل) إن الشهر 30يوم و بناءا عليه فى مثال حضرتك اليوم ب 50 جنيه .... و المفروض إن يوم العمل الإضافى لو كان يوم جمعه بيتحسب يوم من الراتب و يوم يضاف لرصيد الأجازات... أما لو كان يوم العمل أجازه رسميه (عيد - ثوره ....) يتم حساب يومين من الراتب

و تقبل تحياتى

[amdd]

انت شغل خاص ولا حكومى

[amr011111]

لو شغل خاص مشيه بالساعه
انت مرتبك مثلا 1500 على 200 ساعه عمل يبقى الساعه بـ 1500/200 = 7.5 جنيه
يبقى كل ساعه تقعدها بعد مواعيد العمل على حسب الاتفاق بقى
فيه شركات مثلا لو مواعيدك من 8 لـ 5 فبتحسبلك اول ساعتين بعد 5 الساعه بساعه ونص ( يعنى من 5 لـ 7 )
وبعد كده تحسبلك الساعه بساعتين من بعد 7 وهكذا