تجربتك مع الست الريسه :)

[amr011111]

السلام عليكم ورحمة الله وبركاته

الموضوع ده لكل حد قابل فى وظيفه له ريس فى شغله

والريس ده كان








واحده ست ( يا حفيييظ )











انا بناشد كل موظف وموظفه منكم انه يحكى تجربته مع الست الريسه

لان تعاطفك واحده مش كفايه





لان الست الريسه عموماً ( إلا من رحم ربى ) مش بتمشى بدماغها ولكنها بتمشى فى شغلها بعاطفتها وكأنها داخله قصه حب جديده

فتلاقى الموظف الحبوب اللطيف بيبقى حلو وكويس والموظف الملتزم بس مش بتاع مجاملات بيبقى مش كويس وبياخد شغل كتير

وطبعاً القاعده الوظيفية معروفه

"انك تشتغل كتير تغلط كتير تاخد جزاء - تشتغل قليل متغلطش خالص تاخد مكافأه"

[بحار]

انا ماتعرضتش للموقف ده لانى صاحب عمل خاص ..ولكن تعاملت مع سيدات بتكون مختصه بالتعامل معى من طرف شركتها وكانت المشكلة فى ناحية تانيه غير اللى حضرتك بتتكلم فيها ..
وهيا ان الواحد بيحاسب فى كلامه وبيراعى حاجات ملهاش دعوة بالعمل ويخاف كلمه او تصرف يتفهم غلط ..
بعكس الراجل مافيش معاه الحسابات دى كلها !!

[ahmedalaahosny]

متابع

[S O P H O S]

مقبلتش كده بصراحة
بس اعتقد مش هستحمل
ان تقيم شغلي يبقي بالعاطفة مش بالعمل

[samyyousef]

الامر يختلف حسب طبيعة العمل...في الحكومة و القطاع العام...شئ...و في القطاع الخاص شيئ تاني
ففي القطاع الخاص المكسب و الخسارة هو اللي بيحدد طبيعة المعاملة

[elhelwany188]

السلام عليكم ورحمة الله وبركاته ....
فكرتنى اول ما تعينت كانت الريسة بتاعتى واحدة ست وكانت رئيستى لمدة ثلاث سنوات كاملة بس الحمد لله كنت فى البلاك ليست لان اول مرة قابلتها مدت ايدها علشان تسلم عليا قولتلها مبسلمش على ستات ومن ساعتها لحد ما طلعت معاش مشفتهاش غير ثلاث او اربع مرات فقط لاغير وباقى المرات كنت بقابل السكرتير الخاص بتاعها ....

[amr011111]

السلام عليكم ورحمة الله وبركاته ....
فكرتنى اول ما تعينت كانت الريسة بتاعتى واحدة ست وكانت رئيستى لمدة ثلاث سنوات كاملة بس الحمد لله كنت فى البلاك ليست لان اول مرة قابلتها مدت ايدها علشان تسلم عليا قولتلها مبسلمش على ستات ومن ساعتها لحد ما طلعت معاش مشفتهاش غير ثلاث او اربع مرات فقط لاغير وباقى المرات كنت بقابل السكرتير الخاص بتاعها ....

هوه ده اللى انا اقصده وانا بقول انها بتفكر بعاطفتها مش بدماغها

اقصد انها مش بتحكم دماغها فى الامور ومعندهاش ثوابت فى الاداره ولكن كل حسب المزاج.

[friendship7897]

الريسة الست مش حلوة للموظف أو الموظفة
أنا شخصياً مابحبش ريستي تكون ست أبداً
وبنواسي زميلاتنا إذا كانت مديرتهم وحدة ست

[amr011111]

الريسة الست مش حلوة للموظف أو الموظفة
أنا شخصياً مابحبش ريستي تكون ست أبداً
وبنواسي زميلاتنا إذا كانت مديرتهم وحدة ست

وشهد شاهد من أهلها

[OMAR11112010]

فكرتني بزمان
كانت اول ريسة ليا في الشغل واحدة ست وكانت بتعامل الناس مش علي حسب شغله لا علي حسب هو بيتكلم معاها كتير بيسال عليها لسانه حلو يعني واللي شايف شغله وفي حاله زي انا كدا كان في القايمة السودا
جت في يوم طلبت مننا نعمل شغل ناس غايبة وبتدلع وانا رفضت وغيري رفض بس للاسف انا اللي اتعاقبت لوحدي والباقي لا دا عشان انا في حالي وحقاني ولساني مش حلو معاها وهي كانت غير عادلة في التعامل مع الموظفين من حيث الترقيات وخلافه

[amr011111]

فكرتني بزمان
كانت اول ريسة ليا في الشغل واحدة ست وكانت بتعامل الناس مش علي حسب شغله لا علي حسب هو بيتكلم معاها كتير بيسال عليها لسانه حلو يعني واللي شايف شغله وفي حاله زي انا كدا كان في القايمة السودا
جت في يوم طلبت مننا نعمل شغل ناس غايبة وبتدلع وانا رفضت وغيري رفض بس للاسف انا اللي اتعاقبت لوحدي والباقي لا دا عشان انا في حالي وحقاني ولساني مش حلو معاها وهي كانت غير عادلة في التعامل مع الموظفين من حيث الترقيات وخلافه

ده غير ان كمان ممكن تلاقيها لله فى لله مستتقله دم واحد من الموظفين عندها فتعامله على اساس كده

[friendship7897]

وشهد شاهد من أهلها

المديرة الست غير الرجل تتجنب التعامل مع مرؤسيها بلين وطيبة، خوفاً من فقد مكانتها ، ولأنها تظن أن الإدارة الصلبة هي مفتاح بقائها على كرسيها فتلجأ الى الحزم والقسوة ، وبكدا تهدم أي مشاعر طيبة بينها وبينهم لأنها لا ترفق بحالهم، ولا تحسن معاملتهم ( حتى ولو من وراء قلبها )
ويقال إن المديرة الست : عدوانية ومزاجية وغيورة و لئيمة!
فأول ما تجد الست المديرة نفسها وجها لوجه مع امرأة أخرى وتنتشر أمراض نفسيه " نسائية " - - ومنها الغيرة طبعاً ! دي لابسة أحسن مني ، طريقتها أجمل مني ، الناس بتحبها أكتر مني !!!
ويقال والعهدة على الراوي :
أن المديرة لا تنسى يوماً أنها امرأة ، وأنها يمكن أن تغار من الموظفات ، لذا فالرجل أجدر بالإدارة ، لأنه أكبر من التفاصيل الصغيرة والسخيفة ، التي تتوقف عندها المرأة .

ربنا يستر وميكونش حد من مرؤسيني شايف البوست دا علشان مش أكون كشفت نفسي أدامهم .

[OMAR11112010]

دي هي كمان اصلا مكانتش متجوزة ومش عاوز اقول انها كانت بتفرق في المعاملة بين الموظفين الرجالة اذا كان دا متجوز ولا لا
يعني فيه ناس مكانتش متجوزة وبتعاملهم كويس ولما اتجوزووا المعاملة التقلبت واتغيرت
طبعا العاطفة بتغلب علي الست في تعاملها مع البشر لانها بتحكم قلبها مش عقلها والله اعلم

[khaled_sabry]

فتلاقى الموظف الحبوب اللطيف بيبقى حلو وكويس والموظف الملتزم بس مش بتاع مجاملات بيبقى مش كويس وبياخد شغل كتير

وطبعاً القاعده الوظيفية معروفه

"انك تشتغل كتير تغلط كتير تاخد جزاء - تشتغل قليل متغلطش خالص تاخد مكافأه"

ده غير ان كمان ممكن تلاقيها لله فى لله مستتقله دم واحد من الموظفين عندها فتعامله على اساس كده

تخيل ان كلامك ده حصل معايا فعلا فى شغلى الحالى
انا مهندس فى شركه خاصه و التيم ليدر بتاعتى كانت بنت - انا بطبعى مش حبوب و لا لطيف و لا بتاع مجاملات
لما كنت شغال معاها لوحدى كنت 100% و اخدت bounce و جيبت الماكسيمام فى evaluation بتاع اخر سنه 2012

لما جم مهندسين معانا فى التيم طهر الفارق و بقيت انا الغتت اللى على طول مكتوم ووشى فى الشاشه على طول و يوم 1-1-2013 (اول يوم فى السنه الفقريه) اخدت performance note رغم انى قبلها بشهرين بالظبط كنت واخد البونس و الماكسمم ايفالويشن و كل ده علشان جهه فى الكمبيوتر فيرس (رغم ان مش من مهامى انى اعمل اسكان ولا اكافح الفيروسات اصلا ! ) و بعدها ب 3 اشهر كانت مشتنى من التيم بتاعها و الحمد لله روحت تيم تانى التيم ليدر فيه راجل و مستريح معاهه جدااا
بس المشكله الوحيده انها عملت ليا سمعه ان شغلى وحش

[amr011111]

بس المشكله الوحيده انها عملت ليا سمعه ان شغلى وحش

ربنا ينتقم منهم بصراحه