مواصفات زوجة 2009

[hh]

يا استاذ عبد الرحمن انا حاسة ان المشكلة الرئيسية انك مش عايز تقتنع ان اللي يناسبك ممكن ما يناسبش غيرك. لأ شايف ان رأيك هو اللي صح و مستغرب اوي ان اي حد يكون له رأي تاني. زي موضوع خطيبتك السابقة ده, معلش ماتزعلش مني بس انا حاسة ان انت اكبر حاجة مضايقاك اوي ان ازاي هي ماترضاش تكمل معاك بشروطك لأن انت من وجهة نظرك اللي رددتها بمختلف الطرق "عريس لقطة" و البنات مش لاقية جواز!!!!!!!! بصراحة نصيحة من اخت كبيرة, بغض النظر عن موضوع عدم الشغل اللي من حقك انك تشترطه على اي واحدة تتقدم لها, انت طريقة التفكير بتاعتك دي غلط خالص... ما هو منطق العريس اللقطة ده مش حيجيبلك غير البنات اللي بتفكر تفكير مادي بحت و دي بقى حتى و هي قاعدة في البيت مش حتريحك و مش حتخلص منها و من طلباتها و احتياجاتها. و صدقني مفيش اسوأ من ان الراجل يحس ان اهم حاجة عند مراته هو بيصرف قد ايه. حتحس ان انتو اكبر رابط بينكم حسابك في البنك, تفتكر دي حياه؟!!!!
و عموما احب اقول لك برضه ان اغلب البنات العاديين نفسهم يتجوزوا عشان يبنوا بيت و يعيشوا مع انسان يحبهم و يحبوه, و مش حيبصوا للمرتب الكبير و المصاريف الزيادة اللي انت بتقول انك تقدر عليها على عكس اغلب الشباب بشكل أساسي . أكيد دي نقط كويسة و في صالحك بس الأهم منها أخلاقك ,دينك , شخصيتك, نمط حياتك و تفكيرك مناسب ليهم و لا لأ, و هي دي الحاجات اللي انت المفروض تكون نفسك مراتك تختارك عشانها مش انك مهندس في شركة اجنبية و بتقبض اضعاف اي شاب في سنك زي ما انت بتقول.
ارجو انك تتقبل كلامي كأخت ليك و تقبل تحيتي.

[mbluethunder]

عايزة بس اقول حاجة على موضوع الشغل ده ..
يعني الصبح الراجل بيكون في شغله والاولاد في المدرسة ..
الست بقى تقعد في البيت تعمل ايه ؟؟
مفيش مانع ابدا لو تشتغل بدل مهي قاعدة لوحدها .. ومش لازم شغل 24 ساعة يعني ..

أنا كنت ذكرت في موضوع سابق

http://www.nilemotors.net/Nile/showthread.php?t=42307

بعض النقاط اللي ممكن تبقى مهمه بالنسبه لناس كتير

ومن ضمنهم النقطتين دول

5:You don't do what you enjoy: While your job doesn't necessarily need to be your dream job, you need to enjoy it. If you choose a job you don't like just for the money, you'll likely spend all that extra cash trying to relieve the stress of doing work you hate.

6: You don't like to learn: You may have assumed that once you graduated from college, there was no need to study or learn. That attitude might be enough to get you your first job or keep you employed, but it will never make you rich. A willingness to learn to improve your career and finances are essential if you want to eventually become wealthy.

5:عدم قيامك بألاعمال التي تسعدك:
في حين ان وظيفتك ليست بالضروره وظيفه احلامك, الا ان مطلوب منك الاستمتاع بقيامك بهذا العمل, و قيامك بأختيار وظيفه لا تحبها فقط لجني المال, سينتهي بك في النهايه لصرف تلك الاموال الزائده للتعويض عن الضغوط الناتجه عن قيامك بوظيفه لا تحبها بل تكرهها.
6:عدم حبك للتعليم و التعلم:قد تكون افترضت مسبقا ان بكونك قد تخرجت منالجامعه, فليس هناك داعي للدراسه و التعلم, و هذا الافتراض قد يكون كافيا لحصولكعلي اول وظيفه او البقاء علي وظيفتك الحاليه, لكنه لن يجعلك غنيا ابدا, و الرغبه فيالتعليم و تحسين المستوي المهني و المادي مهمه جدا لو كان هدفك في النهايه الثراء.

وعلى فكره الزوجه وجودها في البيت في حد ذاته وظيفه مهمه جدا ليها وفي ألف حاجه وحاجه ممكن تشغلها في وقت فراغها بس للأسف بيتستسهل أسهل حاجتين ليها في الدنيا (التليفزيون أو التليفون) أو طبعا الخروج وده بيبقى قليل لبعض الناس ( وطبعا ما ننساش .. أنا رايحه عند ماما علشان مش عارفه أيه .. والموضوع ده بقى كتير قوي في الجيل ده )

بس فين بقى إكتساب المهارات أو إكتساب العلوم أو تطوير طرق التعامل مع الأطفال أو إيجاد وقراءة كل ما جاء عن تربية الأطفال في جميع المراجع العلميه والعمليه

بالأضافه إلى شئ مهم جدا جدا .. أنت عايز طفلك يبقى أيه في المستقبل ومن لحظة ولادته إنت وزوجتك مسؤولون عن توجيه .. لو الراجل بيشتغل علشان يعيش أهل بيته في مستوى معيشي كويس ... على الأم أن تبذل أقصى جهدها علشان تتعلم إزاي تربي إبنها تربيه علميه ودينيه وعقليه ونفسيه وإجتماعيه سليمه ولا تترك ذلك للغريزه الأمويه أو تتركه للزمن يربيه.. أه صحيح إحنا إتربينا عادي وكان مافيش لا علم ولا دياوله .. بس ده كان في زمن يختلف تماما عن الزمن اللي إحنا عايشين فيه دلوقتي .. الزمن ده محتاج معرفه وعلم علشان تربية الأطفال

تربية الطفل سواء ولد أو بنت بقت من أصعب وأشقى المهام وليها علوم بتدرس علشان الناس تفهم إزاي تربي ولادها صح ومفيش حد يقنع نفسه إنه عارف يربي ولاده صح 100% لأنك مهما عملت وقلت.. ممكن بعد فتره تلاقي ردود أفعال منهم عمرك ما هاتتخيلها وساعتها هاتحاول بشتى الطرق إنك تصلح السلوك الغريب ده ...ده لو سلوك خاطئ

العلم لم ولن يحدد عند سن معين .. مدام الإنسان عايش على وجه الأرض وفيه روح .. كل يوم هايتعلم .. بس الموضوع ده ليه طريقين

لأما الحياه تعلمك على طريقتها .. وساعتها هاتلاقي نفسك ماشي في طريق إنت مش مختاره
أو إنت تعلم نفسك بطريقتك وساعتها هاتوجد لنفسك طريق

طب قبل مايكون فيه أطفال .. ممكن الزوجه تشتغل وممكن تتعلم بس الأفضليه للعلم

طب لو حصل وإتطلقت أو حصل أي موقف خلاها تبقى لوحديها مع ولادها أو من غيرهم .. اللي هايفدها في الموقف ده هو برده علمها القديم والجديد لأنها لو كانت شغاله هاتحتاج تتعلم أكتر علشان ترتقي ولو كانت مش شغاله فعلمها القديم بتاع الكليه وسعيها إنها تتعلم حاجه جديده لنفسها هايسعدوها إنها تلاقي باب رزق

الخلاصه إن الشخص عمره ما هيرتقي في أي مجال في الحياه بدون تعليم حتى ولو عنده 50 سنه

أرجو إن وجهة نظري تكون واضحه

[kaboo4]

ولاهى الموضوع جميل جدا و الصدام الى بين شباب و شبات الروم متوقعه جدا بس ولاهى انا ليا رأى حابب اشارك بيه و هو ان فى الاخر الموضوع كلهة اسمه و نصيب يعنى الى انا شايفة فى ارض الواقع ان البنت او الولد كل واحد فيهم حاطط موصفات للى ممكن يرتبط بيها مثلا يقول جميله جدا و مش طخينة و تكون حنينة و تفهمنى و خد عندك بلاوى متلقهاش غير فى ملاك نيجى بئى لئرض الواقع تلقيه ارتبط بوحدة الناس كلها شايفاها مش جميله بس هو شيفها امر و مفيهاش اى حاجة من الموصفات و بعد سنة بالكتير يعد يلعن اليوم الى شفها فيه بس دى يا جماعة اسمتة و البنات نفس الكلام ممكن تعد ترفض لغايت ما تقبل حاجة هى مكنتش ممكن تقبل بيها فى الاول برضوا اسمه و نصيب كل واحد يقول الموصفات الى هو عايزها و فى الاخر الى ربنا كتبوا حتشوفا فنصيحة تعايش معاة و خليه فى عينك زى ما تحب و اسف لللاطاله

[Miss_Pharma]

مش فاهمة حضرتك يا بشمهندس محمد علاء ..
يعني عايز الست وهي قاعدة في البيت تقعد تقرا وتتعلم وتتثقف ومطلوب منها انها تبقى مبسوطة كده !!!

معلش بس يعني بصراحة حط نفسك مكانها كده ؟؟؟؟
وبعدين القراية والاطلاع ده هواية مش واجب ومش مطلوب ان كل الستات تحب الهواية دي .. يعني في ناس هيعجبهم الكلام ده .. جميل .. بس ناس تانية بصراحة مش هيعجبهم ده ..

وخصوصا ان مش مطلوب انها تعمل كده ..
مكلنا اتربينا احسن تربية الحمد لله ومظنش يعني ان امهاتنا كانو بيعملوا كده ..

[D . a .\ AYMAN]

..

وعلى فكرة بقى .. انا كنت قاعدة في مصر مع اخواتي الولاد لوحدنا وكنت طالبة في الكلية وكليتي عملية وفيها نزول ودروس وكنت مهتمة بالبورصة وبتاخد مني وقت كتير وفوق كل ده شغل البيت والطبيخ والغسيل والمواعين والكلام ده كله .. والحمد لله شايفة اني وفقت بين كل ده وكنت بطلع يتقدير كمان وعمري ماشيلت مادة الحمد لله ..

..

مقارنة ليست فى موضعها
مسئولية بيت وأولاد تختلف تماماً عن كل ما ذكرتيه أنت هنا بتتعاملى مع أخوة ناضجين وكلاً منهم مسئول عن نفسة ومهما كان ما تقومين به من أعباء فأسمحيلى أنتى فاضيييييييييييييية جداً كده ولديك وقت فراغ كمان:D وصدقينى عن تجربة

أنتى دلوقتى فى وقت ذهبى ألحقيه ..... تنامى وقت ما تحبى وتاكلى وقت ما تحبى وتقرى وتلبسى وتخرجى وتاخدى الدكتوراة وتطلعى القمر وتعملى كل حاجة وقت ما أنتى عايزة
وبإذن الله ربنا يكرمك بالزوج الصالح وتعرفى فرق أنك تتحملى مسئولية أسرة كاملة وساعتها هتفتكرى كلامى ده وتحسى أد أيه أنا مقهورة


mrs nysma

[medo_2060]

ثانيا بقي

بالنسبة لموضوع شغل الست او لا

انا يمكن هاقول كلام هاخلي كل البنات عاوزين يضربوني:D

بس للاسف هو رايي طول عمري و يمكن كل البنات بيختلفو فيه معايا

انا شايفه ان موضوع ان المرأة نص المجتمع ده شعار صح فعلا مش مجرد كلام

بس نص المجتمع لان نص الحياة هي البيت

و هي المسئولة عنه قبل اي حد

مينفعش نقول ان البنت بتتعلم عشان تثبت ذاتها و تنفع المجتمع بتعليمها و الكلام ده

البنت بتتعلم عشان نفسها اولا و عشان تبقي ست عاقله و فاهمه و مثقفه تعرف تدير اسرة و حياة بحالها

و عشان تنفع ولادها باللي هي اتعلمته ده

و بعدين ما هي sure هتنفع المجتمع بعلمها ده لانها هتعلم ولادها اللي هما هيكونو جزء من جيل بحاله و الجيل ده هو اللي هيخدم المجتمع

انا معنديش اي مشكله ان البنت تشتغل قبل الجواز و ده مش عيب في حاجة لانها كمان بتاخد خبرة في التعامل مع الناس و بتكتسب خبرات عموما في كل حاجة

بس once انها تتجوز بتهيالي ان كده يبقي كفايه اوي

لان في بيت و اسرة اهم بكتير اوي من اي شغل في الدنيا

و تحقيق الذات و الكلام ده كله بجد باحس انه مالوش اي لازمة

احلي و اجمل تحقيق ذات في الدنيا كلها ان الواحده يبقي عندها اسرة و هي حاسه ان هي المسئولة عن كل حاجة ليها علاقه بالاسرة دي

و بجد الست لو غابت عن البيت يومين ميبقاش بيت و اي راجل يعترف بكده

كفايه احساس البنت ان الدنيا تقف لو هي غابت

بجد و الله احساس حلو اوي بالمسئولية

المشكله ان في رجالة بيشترطو ان زوجاتهم يشتغلو!!!!!!!!

و ده بجد الغريب اوي

انا ممكن اشجع شغل الست و هي متجوزة في حالة بس ان الدخل يبقي اقل من الطبيعي و ان البيت بجد مينفعش يتفتح غير بدخل الزوجين

و ده طبعا في حالة بس ان الزوج يبقي موافق يعني مش غصب.

لكن الافضليه برررررضه ان الست تبقي مهتمة ببيتها و بس

و معتقدش ابدا ان الست بيبقي عندها وقت تشعر بالملل بعد ما يجوو الاولاد يعني

في 900 مليون حاجة ممكن تتعمل في الوقت الفاضي ده

ممكن تقرا و لا تبتكر حاجة جديدة في البيت و لا تزور حد من اهلها

و مش لازم الزوج يسمع قصيده انا زهقانة انا عاوزة اخرج مانتا طول النهار في الشغل و انا مش باعمل حاجة

عشان و الله انا حاسه انها بتبقي حاجة مملة اوي للزوج

و عموما مفيش واحده في الدنيا كلها بتعرف توفق ما بين البيت و الشغل

لازم حاجة تطغي علي حاجة و في الغالب طبعا الشغل هو اللي هيأثر

بجد احلي حاجة في الدنيا تكوين اسرة

و في داهيه الشغل

اساسا و الله الستات لو قعدو و نزلو مكانهم الشباب اللي متخرجين و ماليين الشوارع دول مش هيبقي في بطالة في البلد

بس برضه ارجع و اقول ان في ازواج مش بيمانعو عمل الزوجة

لو الزوجة مصممة و الزوج معندوش مانع يبقي خلاص الموضوع اصلا لا عيب و لا حرام

المهم ميبقاش في مشاكل و لا نقص في البيت

انا عارفه اني هتضرب بعد القصيده دي بس يلا معلش كلمتين و كان نفسي اقولهم من زمان:D:D

و ربنا يوفقك يا استاذ عبد الرحمن و يوفقنا جميعا في اختيار الشريك المناسب

والله يا بوسي دا اعقل كلام سمعته من واحده في حياتى 100% صحيح
ربنا يوفقك ياريت كل البنات كدا وخصوصا فريق تامر حسنى ههههههههههههههههههههه

[Abdelrahman]

--------------------------------------------------------------------------------

يا استاذ عبد الرحمن انا حاسة ان المشكلة الرئيسية انك مش عايز تقتنع ان اللي يناسبك ممكن ما يناسبش غيرك. لأ شايف ان رأيك هو اللي صح و مستغرب اوي ان اي حد يكون له رأي تاني. زي موضوع خطيبتك السابقة ده, معلش ماتزعلش مني بس انا حاسة ان انت اكبر حاجة مضايقاك اوي ان ازاي هي ماترضاش تكمل معاك بشروطك لأن انت من وجهة نظرك اللي رددتها بمختلف الطرق "عريس لقطة" و البنات مش لاقية جواز!!!!!!!! بصراحة نصيحة من اخت كبيرة, بغض النظر عن موضوع عدم الشغل اللي من حقك انك تشترطه على اي واحدة تتقدم لها, انت طريقة التفكير بتاعتك دي غلط خالص... ما هو منطق العريس اللقطة ده مش حيجيبلك غير البنات اللي بتفكر تفكير مادي بحت و دي بقى حتى و هي قاعدة في البيت مش حتريحك و مش حتخلص منها و من طلباتها و احتياجاتها. و صدقني مفيش اسوأ من ان الراجل يحس ان اهم حاجة عند مراته هو بيصرف قد ايه. حتحس ان انتو اكبر رابط بينكم حسابك في البنك, تفتكر دي حياه؟!!!!
و عموما احب اقول لك برضه ان اغلب البنات العاديين نفسهم يتجوزوا عشان يبنوا بيت و يعيشوا مع انسان يحبهم و يحبوه, و مش حيبصوا للمرتب الكبير و المصاريف الزيادة اللي انت بتقول انك تقدر عليها على عكس اغلب الشباب بشكل أساسي . أكيد دي نقط كويسة و في صالحك بس الأهم منها أخلاقك ,دينك , شخصيتك, نمط حياتك و تفكيرك مناسب ليهم و لا لأ, و هي دي الحاجات اللي انت المفروض تكون نفسك مراتك تختارك عشانها مش انك مهندس في شركة اجنبية و بتقبض اضعاف اي شاب في سنك زي ما انت بتقول.
ارجو انك تتقبل كلامي كأخت ليك و تقبل تحيتي.

hh
بجد كلامك اثر فيه قوي قوي قوي ...بجد ...بس تأثير ايجابي
أنت فعلا صح ...أنا بفكر كده فعلا ...أنا شايف اني عريس لقطه من وجهة نظري ونظر اهلي واصحابي الحمد لله متدين وذكي ومقتدر ماديا سواء بعملي الحالي او عن طريق اسرتي ....ولله الحمد من قبل ومن بعد
بس ده كله تفكير غلط ..وفيه غرور...كلامك صح...أنا فعلا لازم اشيل التفكير ده من دماغي..
مبدأ ان أي بنت ترفض الظروف دي ..تبقى بنت مستهتره ومش عاقله....ده مبدأ غلط
أن شاء الله مش هافكر كده تاني....الله المستعان....ان الله على كل شئ قدير

مش عيب الانسان يسمع نصيحة الآخرين ..وخصوصا لما تكون نصيحه محترمه ومهذبه ..جزاك الله خيرا hh
وكل من شارك في الموضوع
بجد انتوا غيرتوا حاجات كتيييييييييييييييييييييييييييييييير قوي في تفكيري

أرجو من الله العلي القدير ان يرزقني الزوجه الصالحه الطيبه الي تسر نظري وخاطري وقلبي ..وان شاء الله اسر ناظرها وقلبها باذن الله
لي ولجميع شباب المسلمين

[Abdelrahman]

Miss_Pharma
عرفت انك شهاده معادله من الكويت لانك كاتبه جنب النك نيم بتاعك (القاهره - الكويت)
يعني خمنت....جت برضه صح فيكي.....هههههههههههه

أنا كمان كنت شهاده معادله من قطر وكانت والدتي بتشتغل ...وكنا من أسعد الاسر ولله الحمد
بس الصراحه ظروف عمل المرأه هناك مختلفه خالص عن مصر
يعني شغل مريح ومرتب كويس ..واوقات عمل مريحه

فعلا ظروف الحياه الاسريه في الخليج مختلفه تماما عن الحياه الاسريه في مصر...طبعا الخليج أفضل
نظرا لكثرة انشغالات الاسره المصريه في مصر بظروف ومتغيرات الحياه

[meza]

فيه كتاب جديد نزله مركز الأهرام للترجمة و النشر إسمه "عدالة النوع الإجتماعى و المواطنة و التنمية" ..... الكتاب ده مش مصرى ... لكنه بيجمع خلاصة تجربة لعلماء و أخصائيين فى علم الإجتماع فى أمريكا اللاتينية و الشرق الأوسط و أفريقيا و آسيا.

أنصحكم بقرأة الكتاب ده ... و أنا هجيبه و أقرائه قريب إن شاء الله ..

مقدمة عن الكتاب
"لا تزال أشكال التمييز التى تمارس ضد المرأة تؤثر على قدرتها على التمتع بحقوقها و تحقيق إمكانياتها الكاملة كشريك مساو للرجل فى التمتع بالإستحقاقات المقترنة بالمواطنة و فى صنع التنمية."

يحتوى الكتاب على دراسات من أمريكا اللاتينية و الكاريبى و الشرق الأوسط و أفريقيا و آسيا حول عدالة النوع الإجتماعى التى ترمى إلى النهوض بمصالح النساء و تعزيز إستقلالهن الذاتى, و قد صدر بالإشتراك مع مركز البحوث للتنمية الدولية - كندا.

لو حد هيجيبه أو مهتم بيه يقولى عشان أشوف إهتمام الإعضاء بالموضوع ..


و معلش يا أستاذ عبد الرحمن إنى حطيت رد ملهوش علاقة قوى بالموضوع الأساسى ... لكن متهيألى الأعضاء المتابعين للموضوع ده قد يكونوا مهتمين بموضوع الكتاب ....

[romeeoo]

الموضوع شكله حايجيب جوان وش سلندر من السخونيه
ماعلينا هيا كانت عربيتى
المهم
والله احنا كشباب بندخل فى تجارب ارتباط اليومين دول والله طلع عنينا ومش عارفين البنات عايزه ايه ولا اهلهم عايزين ايه اتفقعت مرارتنا

انا ليا رأى فيه موقع اسمه اسلام اون لاين وفيه باب لمشاكل الشباب نقتلكوا المشكلة دى بعنوان
"خطيبى ليس فتى احلامى" سيبكم من المشكلة وصاحبتها كل شباب مصر المحترم واجهها بس انا طالب ان البنات تشوف تعليقات البنات اللى زيها وللحديث بقية
عنوان المشكلة:

http://www.islamonline.net/servlet/Satellite?cid=1221074753331&pagename=IslamOnline-Arabic-Cyber_Counselor%2FCyberCounselingA%2FCyberCounselingA

وفيه تعليق عجبنى قوى بيقول
إن نصيب البنات كمثل كروت ورقية , على كل كارت اسم فتاة , يأتيهن النصيب في الزواج تباعا , فمن أتاها نصيبها خرج كارتها , فإن كان فاسدا ورفضته, لم يغير دلك في نصيبها شيئا , وإن كان صالحا ورفضته , تأخر دورها إلى آخر الصف , وانضمت لطابور العوانس برعونتها

[Abdelrahman]

يا meza
ما تاخد فيا ثواب وتعلمني شويه......انت استاذ ورئيس قسم في التعامل مع الجنس الآخر...

زكمان كتب في معرض الكتاب...الشرق الوسط وأمريكا كمان


ياخرابي على الي هايجرالي يا خرابي

[Abdelrahman]

بجد يا روميو

لينك في الجول........ههههههههههههههههههههههههههههههههههههه ههههه

[meza]

يا meza
ما تاخد فيا ثواب وتعلمني شويه......انت استاذ ورئيس قسم في التعامل مع الجنس الآخر...

زكمان كتب في معرض الكتاب...الشرق الوسط وأمريكا كمان


ياخرابي على الي هايجرالي يا خرابي

هههههههههههه :D
يا راجل حرام عليك ...... ده أنا غلبان جداً.

و كمان مبحبش القراية قوى ... بس الإعلان بتاع الكتاب ده لفت إنتاهى و أنا بحب نوعية المواضيع دى فقولت أقولكم عليه.

[romeeoo]

يا meza
ما تاخد فيا ثواب وتعلمني شويه......انت استاذ ورئيس قسم في التعامل مع الجنس الآخر...

زكمان كتب في معرض الكتاب...الشرق الوسط وأمريكا كمان


ياخرابي على الي هايجرالي يا خرابي

بجد يا روميو

لينك في الجول........ههههههههههههههههههههههههههههههههههههه ههههه

ياخربى ايه يا عبدوووووووو اثبت يا مان يا جبل مايهزك ريح الموضوع بسيط انت حاتروح امريكا الاتينيه وتيجى مشايف يعنى ان فيه مشكلة

[mat7oon]

سؤال بقى كده على الماشى.. ليه حضرتك مختار إسم مطحون؟

لا ده بس كده من زمان عشان شبه ال e-mail و معلش اتاخرت اصل كنت بشترى كمبيوتر جديد.